ᓴᒧᐃᓕ ᓯᕗᓪᓖᑦ 13:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᕝᕙ ᓴᐅᓕ ᐅᖃᕐᐳᖅ, “ᑐᓂᕐᕈᑎᒃᓮᑦ ᐃᑯᐊᓪᓚᑦᓯᓂᕐᒧᑦ ᐃᓚᒌᑦᓯᐊᕐᓂᕐᒧᓪᓗ ᕾᓚᐅᕐᓯᐅᒃ.” ᑕᕝᕙ ᑐᓂᕐᕈᓯᓚᐅᕐᐳᖅ ᐃᑯᐊᓚᒋᐊᓕᖕᒥᒃ ᑐᓂᕐᕈᑎᒥᒃ.

ᓴᒧᐃᓕ ᓯᕗᓪᓖᑦ 13:9 Iomraidhean Croise

ᓴᒧᐃᓕ ᐂᑉᐸᖏᑦ 24:25

ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᖕᒥᒃ ᐊᑕᓂᕐᒧᑦ ᓴᓇᕗᖅ, ᑐᓂᕐᕈᓯᕐᓗᓂᓗ ᐃᑯᐊᓪᓚᑎᑦᓯᓂᕐᒧᑦ ᑐᓂᕐᕈᑎᓂᒃ ᐃᓚᒌᑦᓯᐊᓕᕐᓂᕐᒧᓪᓗ ᑐᓂᕐᕈᑎᒥᒃ. ᐊᑕᓂᐅᓪᓗ ᑐᓂᕐᕈᓯᕈᑎᐅᔪᑦ ᓄᓇ ᐱᓪᓗᒍ ᐃᓚᓕᐅᓚᐅᕐᐰᑦ, ᖃᓂᒻᒪᓯᕐᓗ ᐃᓴᕆᐊᓕᒥᐅᓂ ᓄᖅᑲᕐᑎᓚᐅᕐᐹ.

ᐊᑕᓃᑦ ᓯᕗᓪᓖᑦ 3:4

ᑕᕝᕙ ᐊᖓᔪᖅᑳᕐᔪᐊᖅ ᒋᐱᐅᓂᒧᐊᕐᐳᖅ ᑐᓂᕐᕈᓯᕆᐊᕐᑐᕐᓱᓂ ᑖᓐᓇ ᑐᓂᕐᕈᓯᕐᕕᒃ ᐅᓄᕐᑐᓄᑦ ᖃᐅᔨᒪᔭᐅᖕᒪᑦ, ᓲᓗᒨᓂ ᐅᓄᕐᑐᕐᔪᐊᓂᒃ 1000 ᐅᖓᑖᓂᑦᑐᓂᒃ ᑕᕝᕙᓂ ᑐᓂᕐᕈᑎᓂᒃ ᑐᓂᕐᕈᓯᖃᑦᑕᕐᓯᒪᒐᒥ ᑕᒪᑐᒪ ᓯᕗᓂᖓᒍᑦ.

ᐃᓐᖏᕈᑎᑦ 37:7

ᐊᑕᓂᕐᒥ ᐃᓂᓪᓚᖓᓕᕆᑦ, ᕿᓄᐃᓵᕐᓗᑎᓪᓗ ᐅᑕᖅᑭᑦᓯᐊᕆᑦ ᑖᑦᓱᒥᖓ; ᐱᓂᐊᕐᓗᖕᓂᕐᒥᖕᓂᒃ ᑲᔪᓯᑎᑦᓯᔪᑦ ᐃᓱᒫᓗᓕᕈᑎᒋᑦᑍᓕᒃᑭᑦ ᐅᕝᕙᓗ ᐱᐅᖏᑦᑐᒥᒃ ᐱᓇᓱᐊᕐᑐᑦ ᑲᔪᓯᓂᕆᔭᖏᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:22

ᐅᖃᕐᓂᐊᕐᓇᒃ, “ᐱᐅᖏᑦᑐᖅ ᐊᑭᓂᐊᕐᐸᕋ”; ᐊᑕᓂᕐᒥᒡᓕ ᐅᑕᖅᑭᓕᕆᑦ, ᑕᕝᕙ ᐃᑲᔪᕐᓂᐊᕐᐹᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:3

ᐃᓱᐊᕐᑐᓂᒃ ᓈᒻᒪᑦᓯᐊᕐᑐᓂᒡᓗ ᐱᓇᓱᐊᕐᓂᖅ ᓈᒻᒪᒋᔭᐅᓂᕐᓴᐅᕗᖅ ᐊᑕᓂᕐᒧᑦ, ᑐᓂᕐᕈᑎᓂᑦ ᐆᑕᒃᓴᓂᑦ ᑐᓂᓯᓂᕐᒥᑦ.

ᐂᓮᐊᓯᐅᑉ ᐊᒡᓚᖏᑦ 66:3

“ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᖁᑦᓯᔪᖅ ᐊᑦᔨᖃᕐᐳᖅ ᐃᓄᖕᒥᒃ ᑐᖁᑦᓯᔪᒥᒃ; ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᕐᑐᖅ ᕿᒻᒥᐅᑉ ᖁᖓᓯᖓᓂᒃ ᓇᑲᑦᓯᔪᑎᑐᑦ ᑍᒤᑉᐳᖅ; ᓂᐊᖂᔭᒃᓮᑦ ᐱᕈᕐᑐᖏᓐᓂᒃ ᑐᓂᕐᕈᓯᕐᑐᖅ ᑰᒃᑰᓯᐅᑉ ᐊᐅᖓᓂᒃ ᑐᓂᕐᕈᓯᕐᑐᑎᑐᑦ ᑍᒤᑉᐳᖅ; ᐳᔫᕐᑎᑕᒐᕐᓂᒡᓗ ᑐᓂᕐᕈᓯᕐᑐᖅ ᒎᑎᓐᖑᐊᒥᒃ ᑐᒃᓯᐊᕐᕕᖃᕐᑐᑎᑐᑦ ᑍᒤᒃᑭᓪᓗᓂ, ᑖᒃᑯᐊ ᓇᖕᒥᓂᖅ ᐊᑐᕈᒪᔭᒥᖕᓂᒃ ᐊᑐᑐᐃᓐᓇᕐᒪᑕ, ᑕᕐᓂᖏᓪᓗ ᖁᕕᐊᒋᔭᖃᕐᓗᑎᒃ ᓇᕐᕈᓇᐅᑎᒃᓴᓂᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 12:6

ᑕᕝᕙᓂ ᑐᓂᕐᕈᓯᕈᓐᓇᖁᓪᓗᓯ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᓯ ᑐᓂᕐᕈᑎᓯᓗ ᑮᓇᐅᔧᑦ ᑕᕝᕗᖓ ᑐᓂᖃᑦᑕᖁᓪᓗᓯᐅᒃ, ᑐᓂᕐᕈᑎᒃᓮᑦ ᐊᑕᓂᕐᒧᑦ ᑐᓂᕐᕈᑎᒋᔪᒪᓪᓗᒋᑦ ᐊᖏᕈᑎᒋᓯᒪᔭᓯ, ᐃᓱᒪᕐᓱᕐᓗᓯᓗ ᑐᓂᔪᒪᔭᑦᓯᓐᓂᒃ ᑐᓂᕐᕈᑎᒋᔪᒪᔭᓯ, ᓯᕗᓪᓕᕐᐹᒥᒡᓗ ᐃᕐᓂᐊᕆᔭᐅᓯᒪᔪᑦ ᐃᒻᒧᒃᓯᐅᒐᖁᑎᑦᓯ ᓰᐱᖁᑎᑦᓯᓗᑦᑕᐅᖅ;

ᓴᒧᐃᓕ ᓯᕗᓪᓖᑦ 14:18

ᓴᐅᓕᓗ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᒧᑦ ᐊᕼᐂᔭᒧᑦ, “ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᕾᓚᐅᕐᓕ.” ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓇᔪᕐᑎᒋᔭᐅᓚᐅᕐᒪᑦ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ.