ᓴᒧᐃᓕ ᓯᕗᓪᓖᑦ 13:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐃᓴᕆᐊᓕᒥᐅᑦ ᐃᓄᖏᑦ ᑕᑯᒐᒥᒃ ᑲᑉᐱᐊᓇᕐᑐᒦᓕᕐᓂᕐᒥᖕᓂᒃ, (ᐃᓗᖏᕐᓱᕐᓗᑎᒃ ᐃᓱᒪᔮᓕᕐᐳᑦ,) ᐃᓴᕆᐊᓕᒥᐅᑦ ᐃᓚᖏᑦ ᐃᔨᕐᐳᑦ ᕾᕈᓱᖕᓄᑦ ᐃᑎᕐᓴᓄᓪᓗ ᐅᔭᕅᓪᓗ ᐊᑯᓐᓂᖓᓐᓄᑦ, ᐃᑎᕐᓴᐅᓂᕐᓄᓪᓗ;

ᓴᒧᐃᓕ ᓯᕗᓪᓖᑦ 13:6 Iomraidhean Croise

ᓴᒧᐃᓕ ᐂᑉᐸᖏᑦ 24:14

ᑕᕝᕙ ᑍᕕᑎ ᑭᐅᕗᖅ ᒑᑦᒧᑦ, “ᐊᖏᔪᒥᒃ ᐊᒃᓱᕈᕐᓇᕐᑐᒦᓕᕐᐳᖓ; ᐊᑕᓂᐅᑉ ᓇᖕᒥᓂᖅ ᓱᒋᐊᓕᕐᓕᑎᒍᑦ, ᑖᓐᓇ ᓈᒃᑭᒍᓱᖕᓂᕐᔪᐊᖃᕐᒪᑦ; ᑭᓯᐊᓂᓕ ᐃᓄᖕᓄᑦ ᓱᒋᐊᕐᑕᐅᔪᒪᓐᖏᓚᖓ.”

ᐂᓮᐊᓯᐅᑉ ᐊᒡᓚᖏᑦ 42:22

ᑖᒃᑯᐊᓕ ᑎᒡᓕᒊᔭᐅᓂᑰᕗᑦ ᑎᒎᖅᑬᕕᐅᓂᑰᓪᓗᑎᒡᓗ; ᑕᒪᕐᒥᒡᓗ ᐃᑎᕐᓴᓄᑦ ᓂᒐᕐᑎᑕᐅᓯᒪᕗᑦ, ᑎᒍᔭᐅᓯᒪᕝᕕᖕᓂᓗ ᐃᔨᕐᓯᒪᓪᓗᑎᒃ; ᑎᒍᔭᐅᓯᒪᓕᕐᐳᑦ ᓂᕆᔭᒃᓴᐅᓪᓗᑎᒃ ᓴᐳᑦᔨᔨᒃᓴᖃᕋᑎᒡᓗ; ᑎᒡᓕᒊᔭᐅᕗᑦ ᐅᖃᐅᑦᔭᐅᓇᑎᒡᓗ, ‘ᐅᑎᕐᑎᑦᓯᕕᐅᓕᑦ!’

ᔨᕆᒤᐊᐅᑉ ᐊᒡᓚᖏᑦ 41:9

ᐃᒥᕐᑕᕐᕕᒃ ᐃᓯᒥᐅᓕᐅᑉ ᑎᒥᕕᓂᕐᓂᒃ ᐴᖅᑬᕕᒋᔭᖓ ᐊᖏᓂᕐᐹᖑᓚᐅᕐᐳᖅ ᐃᒥᕐᑕᕐᕕᓕᐊᕆᔭᐅᓯᒪᔪᓂᑦ ᐊᖓᔪᖅᑳᕐᔪᐊᑉ ᐂᓴᐅᑉ ᐃᒥᕐᑕᕐᕕᓕᐊᕆᔭᕕᓂᖓ ᐅᓇᑕᕆᐊᕐᑕᐅᓯᒪᓪᓗᓂ ᐊᖓᔪᖅᑳᕐᔪᐊᕐᒧᑦ ᐹᓴᒧᑦ ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓᑕ ᐃᒥᕐᑕᕐᕕᒃ ᑕᑕᑎᑉᐹ ᑎᒥᕕᓂᕐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 33:27

ᒪᑯᓂᖓ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓅᒐᒪ, ᖁᓚᕐᓇᓐᖏᓚᖅ ᐅᑯᐊ ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ; ᓄᓇᑐᐃᓐᓇᒥᓗ ᓄᓇᖃᕐᑐᑦ ᐆᒪᔪᓄᑦ ᐃᕐᓯᓇᕐᑐᓄᑦ ᓂᕆᔭᐅᑎᑦᓱᒫᕐᐸᒃᑲ; ᓴᐴᓗᑕᓕᖕᓃᑦᑐᓪᓗ ᕾᕈᓱᖕᓂᓗ ᖃᓂᒪᓇᕐᑐᓄᑦ ᑐᖁᕋᕈᒫᕐᐳᑦ.

ᐱᓕᐱᒥᐅᓄᑦ 1:23

ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;

ᐄᑉᕈᐃᓄᑦ 11:38

ᓄᓇ ᓇᔪᕆᐊᖓ ᐱᐅᒋᔭᐅᖏᓐᓂᕐᓴᐅᓚᐅᕐᐳᖅ; ᑍᒤᒻᒪᑦ ᓄᓇᖃᖏᑦᑐᑎᑐᑦ ᓇᓂᑐᐃᓐᓈᖃᑦᑕᓚᐅᕐᐳᑦ ᓱᓇᖃᔪᐃᑦᑐᒥ ᖃᖅᑲᓂᓗ, ᕾᕈᓱᖕᓂᓗ ᓄᓇᐅᓪᓗ ᖁᖕᓈᖏᓐᓂ ᐃᓂᖃᖃᑦᑕᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 8:20

ᐊᖑᑏᓪᓕ ᐂᒥᐅᑦ ᐅᑎᒧᑦ ᑕᑯᓴᕋᒥᒃ, ᑕᑯᕗᑦ ᐃᓯᕐᓗᖕᒥᒃ ᓯᓚᒥ ᐃᒡᓗᒐᓴᖕᓂᑦ ᐱᔪᒥᒃ; ᕿᒫᕖᒍᑎᓪᓗᑎᒡᓗ ᓇᒧᑐᐃᓐᓇᖅ, ᐃᓴᕆᐊᓕᒥᐅᓪᓗ ᕿᒫᓚᐅᕐᑐᑦ ᐃᓄᖃᔪᐃᑦᑐᒧᑦ ᐅᑎᒧᑦ ᓵᓪᓗᑎᒃ ᒪᓕᒃᑐᓂᒃ ᐅᓇᑕᕆᐊᓕᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 10:9

ᐊᒧᓁᑎᑦ ᐊᒡᓛᑦ ᐃᑳᓚᐅᕐᐳᑦ ᔪᐊᕐᑕᓂᐅᑉ ᑰᖓᓂᒃ ᐅᓇᑕᕆᐊᕐᓗᑎᒃ ᔫᑕᐅᑉ ᑭᖑᕚᖏᓐᓂᒃ, ᐱᓐᔭᒥᓂᐅᓪᓗ ᑭᖑᕚᖏᓐᓂᒃ, ᐃᕗᕅᑎᒥᐅᓪᓗ ᑭᖑᕚᖏᓐᓂᒃ. ᐃᓴᕆᐊᓕᒥᐅᑦ ᖁᕕᐊᓇᖏᑦᑐᒃᑰᕐᑎᑕᐅᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 20:41

ᐃᓴᕆᐊᓕᓪᓗ ᐅᑎᒧ ᓵᓚᐅᕐᐳᑦ, ᐱᓐᔭᒥᓂᐅᑉ ᑭᖑᕚᖏᑦ ᐅᐃᒻᒪᒃᑎᑕᐅᓪᓗᑎᒃ, ᖃᐅᔨᒐᒥᒃ ᓵᓚᐅᓂᐊᕐᓂᕐᒥᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 6:2

ᒥᑎᐊᓂᒥᐅᑦ ᓵᓚᖃᓚᐅᕐᒪᑕ ᐃᓴᕆᐊᓕᒥᐅᓂᒃ; ᒥᑎᐊᓂᒥᐅᑦ ᐱᑦᔪᑎᒋᓪᓗᒋᑦ ᐃᓴᕆᐊᓕᒥᐅᑦ ᐃᔨᕐᕕᖃᓕᓚᐅᕐᐳᑦ ᖃᖅᑲᓂ ᐃᓗᓕᐅᕆᓪᓗᑎᒃ, ᕾᕈᓱᖕᓂᓗ, ᕿᒫᕕᓕᐊᕆᓯᒪᔭᒥᖕᓂᓗ.

ᓴᒧᐃᓕ ᓯᕗᓪᓖᑦ 13:15

ᓴᒧᐃᓕᓗ ᒪᑭᓪᓗᓂ, ᑲᔪᓯᓪᓗᓂ ᒪᔪᐊᕐᐳᖅ ᒋᐅᓪᒐᐅᓪᒥᑦ ᒋᐱᐊᒧᑦ ᐱᓐᔭᒥᓂᐅᑉ ᓄᓇᖓᓄᑦ. ᓴᐅᓕᐅᓪᓗ ᐃᓄᐃᑦ ᓇᔪᕐᑎᓂ ᖃᐅᔨᓴᕋᒥᒋᑦ, ᐊᖑᑏᑦ 600ᐅᕗᑦ.

ᓴᒧᐃᓕ ᓯᕗᓪᓖᑦ 14:11

ᑕᕝᕙ ᑕᒪᖏᒃ ᑕᑯᔭᐅᑎᓚᐅᕐᐴᒃ ᐱᓕᔅᑍᓂᒥᐅᓄᑦ; ᐱᓕᔅᑏᓂᒥᐅᓪᓗ ᐅᖃᕐᐳᑦ, “ᑕᑯᒋᑦ! ᐄᑉᕈᐃᑦ ᕾᓕᕐᐳᑦ ᐃᑎᕐᓴᓂᑦ ᐃᔨᕐᓯᒪᕕᖕᒥᖕᓂᑦ!”

ᓴᒧᐃᓕ ᓯᕗᓪᓖᑦ 14:22

ᐊᒻᒪᑦᑕᐅᖅ, ᐃᔨᕐᓯᒪᓚᐅᕐᑐᓕᒫᑦ ᖃᖅᑲᓂ ᐃᕗᕅᒥᐅᑉ ᓄᓇᖓᓂ, ᑐᓴᕋᒥᒃ ᐱᓕᔅᑍᓂᒥᐅᑦ ᕿᒫᓂᖏᓐᓂᒃ, ᐃᓚᓕᐅᑎᕗᑦ ᐅᓇᑕᕆᐊᕐᓗᑎᒃ ᐱᓕᔅᑏᓂᒥᐅᓂᒃ.

ᓴᒧᐃᓕ ᓯᕗᓪᓖᑦ 23:19

ᑕᕝᕙ ᔨᑉᕼᐂᑎᒥᐅᑦ ᐃᓄᖏᑕ ᐃᓚᖏᑦ ᓴᐅᓕᒧᑦ ᐂᕗᑦ ᒋᐱᐊᒧᑦ ᐅᖃᕐᓗᑎᒃ, “ᑍᕕᑎ ᐃᔨᕐᓯᒪᓐᖏᓛᖅ ᐊᑯᓐᓇᑦᑎᓐᓂ ᕾᕈᓱᖕᒥ ᕼᐅᕆᔅᒥ, ᕼᐊᑭᓚᐅᑉ ᖃᖅᑲᖓᓂ, ᔨᓯᒪᐅᑉ ᓯᕿᓂᖓᓂ?

ᓴᒧᐃᓕ ᓯᕗᓪᓖᑦ 24:3

ᕾᕈᓱᖕᒧᐊᓚᐅᕐᐳᕐᓗ ᓰᐱᖃᐅᑎᒥᒃ ᐊᑎᓕᐅᑉ ᐊᖅᑯᑖᑕ ᓴᓂᐊᓃᑦᑐᒧᑦ, ᑕᕝᕙᓂ ᕾᕈᓱᒃᑕᖃᕐᒪᑦ; ᑕᕝᕗᖓᓗ ᓴᐅᓕ ᐃᑎᕐᐳᖅ ᐊᓇᕆᐊᕐᑐᕐᓗᓂ. ᑍᕕᑎᓕ ᐃᓚᖏᓪᓗ ᐃᔨᕐᓯᒪᓚᐅᕐᐳᑦ ᐃᓗᐊᓂ, ᕾᕈᓲᑉ ᕿᓐᖑᐊᓃᑦᓱᑎᒃ.

ᓴᒧᐃᓕ ᓯᕗᓪᓖᑦ 31:7

ᐃᓴᕆᐊᓕᒥᐅᓪᓕ ᔨᓴᕆᐊᑉ ᓇᕐᓴᖓᑕ ᐊᑭᐊᓃᑦᑐᑦ ᔪᐊᕐᑕᓂᐅᑉ ᑰᖓᑕ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᑐᓴᕋᒥᒃ ᐃᓴᕆᐊᓕᒥᐅᑦ ᕿᒫᓂᖏᓐᓂᒃ ᓴᐅᓕᒃᑯᓪᓗ ᐃᕐᓂᕇᑦ ᑐᖁᑕᐅᓂᖏᓐᓂᒃ, ᓄᓇᓕᖕᒥᖕᓂᒃ ᕿᒤᓐᓁᓚᐅᕐᐳᑦ ᕿᒪᒃᓯᓪᓗᑎᒃ; ᐱᓕᔅᑍᓂᒥᐅᓪᓕ ᑕᕝᕗᓐᖓᕋᒥᒃ ᑕᕝᕙᓂ ᓄᓇᑖᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 7:7

ᐱᓕᔅᑍᓂᒥᐅᓪᓕ ᑐᓴᕋᒥᒃ ᐃᓴᕆᐊᓕᒥᐅᑦ ᑲᑎᓐᓂᖏᓐᓂᒃ ᒥᔅᐸᒥ, ᐱᓕᔅᑍᓂᒥᐅᑦ ᐊᖓᔪᖅᑳᖏᑦ ᑕᓪᓕᒪᑦ ᐅᓇᑕᕆᐊᕐᓕᕐᐳᑦ ᐃᓴᕆᐊᓕᒥᓂᒃ. ᐃᓴᕆᐊᓕᒥᐅᓪᓕ ᑕᒪᑐᒥᖓ ᑐᓴᕋᒥᒃ ᑲᑉᐱᐊᓱᓕᕐᐳᑦ ᐱᓕᔅᑍᓂᒥᐅᓂᒃ.