ᓴᒧᐃᓕ ᓯᕗᓪᓖᑦ 13:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓴᕆᐊᓕᒥᐅᓕᒫᓪᓗ ᑐᓴᕐᐳᑦ ᓴᐅᓕᐅᑉ ᑐᖁᑦᓯᓂᖓᓂᒃ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖃᕐᕕᖓᓂ, ᐃᓴᕆᐊᓕᒥᐅᓪᓗ ᐱᓕᔅᑍᓂᒥᐅᓂᒃ ᓱᒃᑯᐃᓂᖏᓐᓂᒃ. ᐃᓄᐃᓪᓗ ᕾᖁᔭᐅᕗᑦ ᑲᑎᖁᓪᓗᒋᑦ ᓴᐅᓕᒧᑦ ᒋᐅᓪᒐᐅᓪᒥ.

ᓴᒧᐃᓕ ᓯᕗᓪᓖᑦ 13:4 Iomraidhean Croise

ᒨᓯᓯ ᓯᕗᓪᓖᑦ 34:30

ᔧᑯᓗ ᐅᖃᕐᐳᖅ ᓯᒥᐅᓂᒧᑦ ᓕᕔᒧᓪᓗ, “ᐊᑲᐅᖏᑦᔪᑎᒃᓴᕐᑖᕐᑎᑉᐸᑦᓯᓐᖓ; ᐆᒥᓇᕐᓯᑎᑦᓱᖓᓗ ᑕᒫᓂ ᓄᓇᖃᕐᑐᓄᑦ ᑬᓇᓂᒥᐅᓄᑦ, ᐱᕆᔧᑎᓄᓪᓗ; ᐅᓄᕐᑐᓂᒃ ᐃᓄᖁᑎᖃᖏᓐᓇᒪ; ᑕᒪᒃᑯᐊᓕ ᑲᑎᓪᓗᑎᒃ ᐅᕙᓐᓄᑦ ᐅᓇᑕᕆᐊᓕᕐᐸᑕ, ᐃᓚᓕᒫᑦᓯᐊᒃᑲ ᑕᒪᕐᒥᒃ ᓄᖑᑕᐅᒐᔭᕐᐳᑦ ᐃᒡᓗᒥᐅᖃᑎᒃᑲᓗ.”

ᒨᓯᓯ ᓯᕗᓪᓖᑦ 46:34

ᑭᐅᔪᒃᓴᐅᕗᓯ, ‘ᐱᔨᐅᕗᒍᑦ ᐃᓕᖕᓄᑦ ᐊᑯᓂᓂᑦ ᑍᒪᓐᖓᑦ ᐃᓅᓱᒃᑑᓂᑦᑎᓐᓂᑦ ᒫᓐᓇᒧᑦ ᑎᑭᓪᓗᒍ ᐃᒻᒧᒃᓯᐅᒐᓕᕆᔨᐅᕗᒍᑦ, ᑕᒪᑦᑕ ᓯᕗᓕᕆᓚᐅᕐᑕᕗᓪᓗ,’ ᑍᒫᒃ ᑕᕝᕙᓂ ᓄᓇᒥ ᒎᓯᓂᒥ ᓄᓇᖃᕐᑎᑕᐅᔪᓐᓇᖁᓪᓗᓯ; ᑕᒪᕐᒥᒃ ᓰᐱᓕᕆᔨᓕᒫᑦ ᓇᕐᕈᓇᕐᑑᖕᒪᑕ ᐄᑦᔨᑉᑎᒥᐅᓄᑦ.”

ᓴᒧᐃᓕ ᐂᑉᐸᖏᑦ 10:6

ᐊᒧᓁᑎᒥᐅᑦ ᖃᐅᔨᓕᕋᒥᒃ ᑍᕕᑎᒧᑦ ᖁᕕᐊᒋᔭᐅᔪᓐᓃᕐᓂᕐᒥᖕᓂᒃ, ᑍᒤᒻᒪᑦ ᐊᑭᓖᓪᓗᑎᒃ ᑎᑭᖁᔨᓚᐅᕐᐳᑦ ᓯᕆᐊᒥᐅᑦ ᐅᓇᑕᕐᑐᒃᓴᖏᓐᓂᒃ ᐱᑦ-ᕆᕼᐊᐱᒥᑦ, ᔫᐸᒥᓪᓗ, 20,000ᓂᒃ ᐅᓇᑕᕐᑎᓂᒃ, ᒫᑲᐅᓪᓗ ᐊᖓᔪᖅᑳᕐᔪᐊᖓᓂᑦ 1,000ᓂᒃ, ᑑᑉᒥᓪᓗ 12,000ᓂᒃ ᐅᓇᑕᕐᑎᓂᒃ.

ᒨᓯᓯ ᐂᑉᐸᖏᑦ 5:21

ᐅᖃᕐᐳᓪᓗ, “ᐊᑕᓂᐅᑉ ᑕᑯᓐᓇᕐᐹᓯᒃ ᐊᑭᓂᐊᕐᓕᓯᒡᓗ ᖃᓄᐃᓕᐅᕐᑕᐅᑎᑦᓯᓂᑦᓯᖕᓂᒃ, ᐰᕉᒧᑦ ᐱᔨᒋᔭᖏᓐᓄᓪᓗ ᐊᑭᕋᕐᑐᕐᑕᐅᓕᕐᑎᑦᓯᒐᑦᓯᒃ ᐅᕙᑦᑎᓐᓂᒃ, ᑖᒃᑯᓄᖓᓗ ᑐᖁᑕᐅᑦᔪᑎᒃᓴᑦᑎᓐᓂᒃ ᐋᖅᑭᒃᓯᓯᒪᕗᓯ.”

ᓴᑲᕅᐊᐅᑉ ᐊᒡᓚᖏᑦ 11:8

ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ.

ᔮᓱᐊᑉ ᐊᒡᓚᖏᑦ 5:9

ᑕᕝᕙ ᐊᑕᓂᖅ ᐅᖃᕐᐳᖅ ᔮᓱᐊᒧᑦ, “ᐅᓪᓗᒥ ᐄᑦᔨᑉᑎᒥ ᓇᕐᕈᓇᕐᓯᑎᑕᐅᓂᕆᓚᐅᕐᑕᓯ ᓱᓇᐅᒋᔭᐅᖏᓐᓂᒃᑯᑦ ᐲᕐᐸᕋ.” ᑍᒤᒻᒪᑦ ᓄᓇ ᓇᔪᕐᑕᖓ ᐊᑎᕐᑖᕐᑕᐅᕗᖅ ᒋᐅᓪᒐᐅᓪᒥᒃ ᐅᓪᓗᒥᒧᓪᓗ ᑎᑭᓪᓗᒍ ᐊᑎᕇᓐᓇᓕᕐᐹ.

ᓴᒧᐃᓕ ᓯᕗᓪᓖᑦ 10:8

ᐅᕙᓐᓂᑦ ᓯᕗᓪᓕᐅᓗᑎᑦ ᒋᐅᓪᒐᐅᓪᒧᐊᕐᑐᒃᓴᐅᕗᑎᑦ; ᑕᑯᒋᓪᓗ ᐃᓕᖕᓄᑦ ᕾᔪᒫᕐᐳᖓ ᑐᓂᕐᕈᓯᕆᐊᕐᓗᖓ ᐃᑯᐊᓪᓚᒐᒃᓴᓂᒃ ᓮᒪᓂᕐᒧᓪᓗ ᑐᓂᕐᕈᑎᒃᓴᓂᒃ. ᐅᓪᓗᓂᒃ 7ᓂᒃ ᐅᑕᖅᑭᔪᒃᓴᐅᕗᑎᑦ ᑕᕝᕙᓂ, ᕾᓚᐅᖏᓐᓂᓐᓂ ᖃᐅᔨᑎᑦᓯᔭᕐᑐᕐᓗᖓ ᖃᓄᐃᓕᐅᕐᑐᒃᓴᐅᖕᒪᖔᕐᐱᑦ.”

ᓴᒧᐃᓕ ᓯᕗᓪᓖᑦ 27:12

ᐊᑭᔅᓯᒥᐅᑦ ᑍᕕᑎ ᐅᒃᐱᕆᑦᓯᐊᓚᐅᕐᐹᑦ, ᐃᓱᒪᖃᕐᓗᑎᒃ, “ᐆᒥᒋᔭᐅᓗᐊᕐᒪᑦ ᐃᓄᖁᑎᒥᓄᑦ ᐃᓴᕆᐊᓕᒥᐅᓄᑦ; ᑍᒤᒻᒪᑦ ᐃᓅᓯᓕᒫᒥᓂᒃ ᐅᕙᓐᓂᒃ ᐱᔨᑦᓯᕆᐊᖃᕐᓂᐊᕐᓕᕐᐳᖅ.”