ᓴᒧᐃᓕ ᓯᕗᓪᓖᑦ 13:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓯᓔᑦᑐᐊᓗᖕᒥᒃ ᐱᓇᓱᐊᓚᐅᕐᐳᑎᑦ; ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᓈᓚᓚᐅᖏᓐᓇᕕᑦ, ᐃᓕᖕᓄᑦ ᐱᖁᔨᑦᔪᑎᒋᓚᐅᕐᑕᖏᓐᓂᒃ; ᐊᑕᓂᐅᑉ ᐋᖅᑭᒃᓱᕋᔭᓚᐅᕐᐹ ᐊᖓᔪᖅᑲᐅᕖᑦ ᐃᓴᕆᐊᓕᒥᐅᓂᒃ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 13:13 Iomraidhean Croise

ᒨᓯᓯ ᓯᕗᓪᓖᑦ 31:28

ᐱᕕᖃᕐᑎᓚᐅᖏᓐᓇᕕᖓᓗ ᐃᕐᖑᑕᒃᑲᓘᓐᓃᑦ ᐸᓂᒃᑲᓗ ᑯᓂᓚᐅᓐᖏᓚᒃᑲ ᑕᕝᕙᐅᕗᑏᕐᓗᒋᑦ, ᑍᒤᓕᐅᕐᓗᑎᑦ ᓯᓔᑦᑐᐊᓗᖕᒥᒃ ᐱᓂᐊᓚᐅᕐᐳᑎᑦ.

ᓴᒧᐃᓕ ᐂᑉᐸᖏᑦ 24:10

ᑍᕕᑎᓕ ᓈᓮᑎᑦᓯᔭᕇᕋᒥ ᐃᓗᒥᒍᑦ ᐋᓐᓂᐊᓂᕐᒥᒃ ᐃᒃᐱᖕᓂᐊᓕᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᐱᐅᖏᑦᑐᐊᓗᖕᒥᒃ ᐊᔪᕐᑐᓕᓯᒪᕗᖓ ᑍᒤᓕᐅᕐᑎᑦᓯᓂᓐᓄᑦ. ᒫᓐᓇᓕ ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᓐᖓ ᐱᐅᖏᑦᑐᓕᓯᒪᓂᓐᓂᑦ; ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᒐᒪ.”

ᐊᑕᓃᑦ ᓯᕗᓪᓖᑦ 18:18

ᐃᓔᑦᔭ ᑭᐅᕗᖅ, “ᐃᓴᕆᐊᓕᒥᐅᑦ ᓈᒻᒪᖏᓕᐅᕐᑎᓐᖏᓚᒃᑲ; ᐃᕝᕕᖔᖅ, ᐊᑖᑍᓪᓗ ᓈᒻᒪᖏᓕᐅᕐᑎᑦᓯᕗᓯᒃ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᓚᐅᕋᑦᓯᒃ ᒪᓕᓕᕐᓗᓯᒡᓗ ᐰᓕᓂᒃ.

ᐊᑕᓃᑦ ᓯᕗᓪᓖᑦ 21:20

ᑕᕝᕙ ᐂᕼᐊᑉ ᐃᓔᑦᔭᒧᑦ ᐅᖃᕐᐳᖅ, “ᓇᓂᕕᖔ, ᐊᑭᕋᕐᑐᕐᑎᒐ?” ᑖᑦᓱᒪ ᑭᐅᕚ, “ᓇᓂᕙᒋᑦ, ᐃᓕᖕᓂᒃ ᑐᓂᕐᕈᑎᒋᓚᐅᕋᕕᑦ ᐱᐅᖏᑦᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᑯᕉᓂᑲ ᓯᕗᓪᓖᑦ 10:13

ᑕᕝᕙ ᓴᐅᓕ ᑍᒫᑦ ᑐᖁᓚᐅᕐᐳᖅ ᒪᓕᒍᓐᓃᓚᐅᕐᓂᕐᒥᓄᑦ ᐊᑕᓂᕐᒥᒃ; ᐊᑕᓂᐅᑉ ᐱᖁᔭᖏᓐᓂᒃ ᓈᓚᓚᐅᖏᓐᓇᒥ, ᑐᖁᖓᔪᓄᓪᓗ ᖃᐅᔨᓇᓱᐊᕐᑎᒧᑦ ᖃᐅᔨᓇᓱᐊᓚᐅᕐᒪᑦ ᖃᓄᐃᓕᐅᕆᐊᖃᕐᒪᖔᕐᒥ,

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᑯᕉᓂᑲ ᐂᑉᐸᖏᑦ 19:2

ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᔫᐱᐅᑉ ᐊᒡᓚᖏᑦ 34:18

ᐃᓄᒃ ᓈᒻᒪᓈᕋᔭᕐᐹ ᐊᖓᔪᖅᑳᕐᔪᐊᕐᒧᑦ ᐅᖃᕐᐸᑦ, ‘ᐊᑑᑎᖃᓐᖏᓚᑎᑦ,’ ᐊᐅᓚᑦᓯᔨᐅᔪᓄᓪᓗ, ‘ᐱᐅᖏᑦᑐᓕᔨᐅᕗᓯ’;

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:8

ᐊᖑᑦ ᐅᖃᐅᓯᐅᑦᓯᐊᕐᐸᒃᐳᖅ ᐱᐅᔪᓂᒃ ᐃᓱᒪᖃᕐᓂᖓ ᐱᓪᓗᒍ, ᐱᐅᖏᑦᑐᓂᒡᓕ ᐃᓱᒪᖃᕐᑐᖅ ᓇᕐᕈᒋᔭᐅᒐᔪᒃᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:3

ᓯᓔᑦᑑᓂᕐᒧᑦ ᐃᓄᒃ ᐃᓅᓯᕐᒥᓂᒃ ᓱᒃᑯᐃᔪᓐᓇᕐᐳᖅ, ᐸᓯᒃᓯᕈᑎᒋᓕᕐᓗᓂᐅᒡᓗ ᐊᑕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 39:5

ᐂᓮᐊᓯᐅᑉ ᕼᐃᓯᑬᐊ ᐅᖃᐅᑎᓕᕆᕚ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐅᖃᐅᓯᖏᑦ ᑐᓴᓕᒃᑭᑦ;

ᔨᕆᒤᐊᐅᑉ ᐊᒡᓚᖏᑦ 18:10

ᐱᐅᖏᑦᑐᓂᒡᓕ ᐱᓇᓱᐊᓕᕐᐸᑕ ᓵᓐᓂ ᓈᓚᒍᓐᓃᕐᓗᑎᒡᓗ ᐅᕙᓐᓂᒃ, ᐊᒻᒪ ᐱᐅᔪᒥᒃ ᐱᓇᓱᐊᕐᓂᐊᕐᓂᕋᓚᐅᕐᑕᕋᓗᐊᕋ ᑖᒃᑯᓄᖓ ᓴᖑᑎᑦᓱᒫᕆᕙᕋ.

ᓴᒧᐃᓕ ᓯᕗᓪᓖᑦ 1:22

ᕼᐋᓇᓕ ᑍᑦᓱᒪᓂ ᐱᖃᑕᐅᓚᐅᓐᖏᓚᖅ, ᐅᐃᓂᓗ ᐅᖃᐅᑎᓚᐅᕐᐹ, “ᓱᕈᓯᖅ ᐃᒻᒥᓂᒃ ᐱᔪᓐᓇᕐᓯᑐᐊᕐᐸᑦ, ᐊᑕᓂᐅᑉ ᐃᒡᓗᖓᓄᐊᕈᑎᔪᒫᕐᐸᕋ, ᐊᑕᓂᐅᑉ ᓵᖓᓄᑦ ᓴᖅᑭᑎᑦᓱᒫᕋᒃᑯ, ᑍᑲᓂᓗ ᐃᓂᖃᓕᕈᒫᕐᒪᑦ ᐃᓅᓯᓕᒫᒥᓂ.”

ᓴᒧᐃᓕ ᓯᕗᓪᓖᑦ 13:12

ᐃᓱᒪᓕᓚᐅᕐᐳᖓ, ‘ᐱᓕᔅᑍᓂᒥᐅᑦ ᐅᓇᑕᕆᐊᕐᓂᐊᓕᕐᐹᖓ ᒋᐅᓪᒐᐅᓪᒧᑦ, ᐊᑕᓂᕐᒧᓪᓗ ᑐᒃᓯᐊᕐᓂᒃᑯᑦ ᖃᐅᔨᒋᐊᓚᐅᕐᓇᖓ’; ᑍᒤᒻᒪᑦ ᑐᓂᕐᕈᓯᕆᐊᖃᕋᓱᒋᓕᓚᐅᕐᐳᖓ ᐃᑯᐊᓪᓚᒋᐊᓕᖕᓂᒃ ᑐᓂᕐᕈᑎᓂᒃ.”

ᓴᒧᐃᓕ ᓯᕗᓪᓖᑦ 15:11

“ᐅᒡᒍᐊᕐᐳᖓ ᓴᐅᓕ ᐊᖓᔪᖅᑳᕐᔪᐊᕈᕐᑎᓚᐅᕋᒃᑯ; ᐅᕙᓐᓂᒃ ᕿᒤᖕᒪᑦ ᒪᓕᒍᓐᓃᕐᓗᓂ, ᐱᖁᔨᑦᔪᑎᒋᔭᒃᑲᓗ ᑲᔪᓯᑎᓚᐅᖏᒻᒪᒋᑦ.” ᑕᒪᓐᓇ ᓴᒧᐃᓕᐅᑉ ᓂᓐᖓᒍᑎᒋᕚ; ᐊᑕᓂᕐᒧᓪᓗ ᕿᓄᓪᓗᓂ ᕿᐊᕗᖅ ᐅᓐᓄᐊᓕᒫᖅ.

ᓴᒧᐃᓕ ᓯᕗᓪᓖᑦ 15:22

ᓴᒧᐃᓕᓗ ᐅᖃᕐᐳᖅ, “ᐊᑕᓂᖅ ᖁᕕᐊᒋᔭᖃᕐᓂᕐᓴᐅᕚ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ, ᓈᓚᖕᓂᕐᒥᒃ ᐊᑕᓂᐅᑉ ᓂᐱᖓᓂᑦ? ᑕᑯᒋᑦ, ᓈᓚᖕᓂᖅ ᐱᓪᓚᕆᐅᓂᕐᓴᐅᕗᖅ ᑐᓂᕐᕈᑎᓂᑦ, ᓰᐲᑦ ᐊᖑᓴᓪᓗᖏᑕ ᖁᐃᓂᔪᑦ ᑐᓂᕐᕈᑕᐅᓂᖏᓐᓂᑦ.

ᓴᒧᐃᓕ ᓯᕗᓪᓖᑦ 15:28

ᓴᒧᐃᓕᐅᓪᓗ ᐅᖃᐅᑎᕚ, “ᐊᑕᓂᐅᑉ ᐃᓴᕆᐊᓕᒥᐅᓄᑦ ᐊᖓᔪᖅᑲᐅᕖᑦ ᐊᓕᒃᐹ ᐅᓪᓗᒥ, ᑐᓂᓪᓗᒍᓗ ᓯᓚᖅᑲᑎᖕᓄᑦ, ᐃᓕᖕᓂᑦ ᐱᐅᓂᕐᓴᐅᔪᒧᑦ.

ᓴᒧᐃᓕ ᓯᕗᓪᓖᑦ 16:1

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᖃᓄᖅ ᐊᑯᓂᐅᑎᒋᔪᖅ ᕿᒃᓵᖕᓂᐊᕐᐲᑦ ᓴᐅᓕ ᐱᑦᔪᑎᒋᓗᒍ? ᓇᕐᕈᒋᓕᕐᐸᕋ ᐊᖓᔪᖅᑳᕐᔪᐊᖑᓂᖓᓂᒃ ᐃᓴᕆᐊᓕᒥᐅᓄᑦ, ᓇᒡᔪᖁᑏᑦ ᐃᒻᒥᓕᕈᒃ ᐅᕐᓱᒥᒃ, ᐊᐅᓪᓚᕐᓗᑎᓪᓗ; ᑎᓕᕙᒋᑦ ᔨᓯᒧᑦ ᐱᑦᓕᐊᒥᐅᑕᕐᒧᑦ, ᐃᕐᓂᖓᑦᑕ ᐃᓚᖓᑦ ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ.”

ᓴᒧᐃᓕ ᓯᕗᓪᓖᑦ 26:21

ᑕᕝᕙ ᓴᐅᓕ ᐅᖃᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᑎᓕᕆᑦ, ᐃᕐᓃᒃ ᑍᕕᑏ, ᐋᓐᓂᕋᓱᐊᕐᓂᐊᕈᓐᓃᕐᐸᒋᑦ, ᐃᓅᓯᕋ ᐱᐅᓕᓚᐅᕋᕕᐅᒃ ᐅᓪᓗᒥ; ᑕᑯᒋᑦ, ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᕗᖓ, ᐱᐅᖏᑦᑐᐊᓗᖕᒥᒡᓗ ᐱᓇᓱᐊᕐᓯᒪᓪᓗᖓ.”