ᓴᒧᐃᓕ ᓯᕗᓪᓖᑦ 12:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑭᓯᐊᓂᓕ ᐃᓄᐃᑦ ᐳᐃᒍᓚᐅᕐᐳᑦ ᐊᑕᓂᕐᒥᖕᓂᒃ ᒎᑎᒥᒃ; ᑍᒤᒻᒪᑦ ᐱᓕᔅᑍᓂᒥᐅᑦ ᐱᔪᓐᓇᕐᑎᓚᐅᕐᐰᑦ ᐊᖓᔪᖅᑳᕐᔪᐊᕐᓗ ᒧᐊᐱᒥᐅᑕᖅ ᓯᓰᕋᒥᐅᑕᒧᓪᓗ, ᕼᐂᔭᒧᓪᓗ ᐅᓇᑕᕐᑏᑦ ᐊᖓᔪᖅᑳᖓᓐᓄᑦ ᐅᓇᑕᕆᐊᕐᑕᐅᑎᓚᐅᕐᐰᑦ; ᓯᕗᓕᓯᓗ ᓵᓚᐅᓚᐅᕐᐳᑦ ᑖᒃᑯᓄᖓ.

ᓴᒧᐃᓕ ᓯᕗᓪᓖᑦ 12:9 Iomraidhean Croise

ᓴᒧᐃᓕ ᐂᑉᐸᖏᑦ 7:11

ᑍᒪᓐᖓᑦ ᐃᓱᐊᕐᓮᔨᓂᒃ ᑎᓕᓯᖃᑦᑕᓕᓚᐅᕐᓂᓐᓂᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᐸᒡᕕᓴᒃᑕᐅᑎᓐᓂᐊᕈᓐᓁᕐᐸᑦᓯ ᐊᑭᕋᕐᑐᕐᑎᓕᒫᑦᓯᓐᓂᑦ. ᓱᓕᓗ ᐊᑕᓂᐅᑉ ᓇᓗᓁᕐᓯᕕᒋᓪᓗᓯ ᐅᖃᐅᑎᕚᓯ ᐊᑕᓂᐅᑉ ᑭᖑᕚᒃᓴᓕᐅᕐᑎᓐᓂᐊᓕᕐᐹᓯ.

ᐃᓐᖏᕈᑎᑦ 106:21

ᒎᑎ ᐱᐅᓕᔨᒋᓚᐅᕐᑕᑎᒃ ᐳᐃᒍᓚᐅᕐᐹᑦ, ᐊᖏᔪᕐᔪᐊᕌᓗᖕᒥᒃ ᐄᑦᔨᑉᑎᒥ ᐱᓇᓱᐊᓚᐅᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 2:32

ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.

ᒨᓯᓯ ᑕᓪᓕᒪᖏᑦ 32:18

ᐃᓱᒪᒋᔭᖃᓚᐅᓐᖏᓚᑎᑦ ᕾᕐᑐᒥᒃ ᐃᓕᖕᓂᒃ ᕿᑐᕐᖓᕐᑖᓚᐅᕐᑐᒥᒃ, ᐳᐃᒍᓚᐅᕐᐳᑎᑦ ᒎᑎᒥᒃ ᐃᓕᖕᓂᒃ ᐃᕐᓂᐊᖑᑎᑦᓯᓯᒪᔪᒥᒃ.

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.

ᐃᓗᐊᕐᓮᔩᑦ ᐊᒡᓚᖏᑦ 10:7

ᐊᑕᓂᐅᓪᓕ ᓂᓐᖓᑎᐅᓚᐅᕐᐰᑦ ᐃᓴᕆᐊᓕᒥᐅᑦ, ᐱᓕᔅᑍᓂᒥᐅᓄᓪᓗ ᐊᒧᓁᑎᓄᓪᓗ ᓵᓚᐅᑎᓚᐅᕐᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 13:1

ᓱᓕ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᑕᒃᑯᐊᓂ, ᐊᑕᓂᐅᓪᓗ ᑐᓂᓚᐅᕐᐰᑦ ᐱᓕᔅᑍᓂᒥᐅᓄᑦ ᐊᕐᕌᒍᓄᑦ 40ᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 2:14

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 3:12

ᐃᓴᕆᐊᓕᒥᐅᑦ ᐃᓄᖏᑦ ᓱᓕ ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ; ᐊᑕᓂᐅᓪᓗ ᐃᒡᓚᓐ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑦ ᓴᓐᖏᓂᕐᓴᐅᓕᕐᑎᓚᐅᕐᐹ ᐃᓴᕆᐊᓕᒥᐅᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 3:31

ᑭᖑᓂᐊᒍᓪᓗ ᐃᓱᐊᕐᓮᔨᐅᓚᐅᕐᑐᖅ ᓴᒻᒐᕆ ᐊᓇᑎᐅᑉ ᐃᕐᓂᖓ. ᐃᓴᕆᐊᓕᒥᐅᓂᒃ ᓴᐳᑦᔨᓚᐅᕐᐳᖅ ᑐᖁᑦᓯᓪᓗᓂ 600ᓂᒃ ᐱᓕᔅᑍᓂᒥᐅᓂᒃ ᐃᒻᒧᒃᓯᐅᒐᕐᒥᒃ ᑐᒡᒐᐅᑎᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 4:2

ᐊᑕᓂᐅᑉ ᓵᓚᐅᑎᓚᐅᕐᐰᑦ ᔮᐱᓂᒧᑦ, ᑬᓇᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᐅᓚᑦᓯᕕᖃᕐᑐᒧᑦ ᐃᒡᓗᒐᓴᒡᓂ ᕼᐂᔭᒥ. ᐅᓇᑕᕐᑐᒃᓴᖁᑎᖓᑕ ᐊᖓᔪᖅᑳᕆᓚᐅᕐᑕᖓ ᓯᓰᕋ, ᐊᖏᕐᕋᖃᓚᐅᕐᑐᖅ ᕼᐊᕈᓯᑎ-ᕼᐊᒍᔨᒻᒥ.

ᓴᒧᐃᓕ ᓯᕗᓪᓖᑦ 12:15

ᑭᓯᐊᓂᓕ ᐊᑕᓂᐅᑉ ᓂᐱᖓᓂᒃ ᓈᓚᖕᓂᐊᖏᒃᑯᑦᓯ, ᐊᑕᓂᐅᓪᓗ ᐱᖁᔭᖏᓐᓂᒃ ᐊᑭᕋᕐᑐᓕᕈᑦᓯ, ᑕᕝᕙ ᐊᑕᓂᐅᑉ ᐊᒡᒐᖏᑦ ᐃᓕᑦᓯᓐᓂᒃ ᐊᖓᔪᖅᑳᕐᔪᐊᑦᓯᓐᓂᒡᓗ ᐊᑭᕋᕐᑐᓕᕈᒫᕐᐳᖅ.