ᓴᒧᐃᓕ ᓯᕗᓪᓖᑦ 12:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓴᒧᐃᓕᐅᓪᓗ ᐃᓄᐃᑦ ᐅᖃᐅᑎᕔᑦ, “ᐊᑕᓂᖅ ᖃᐅᔨᒪᔨᑕᐅᓂᐊᕐᐳᖅ ᑖᓐᓇ ᒨᓯᓯᒥᒃ ᐂᕉᓂᒥᒡᓗ ᑎᓕᓯᓚᐅᕐᑐᖅ ᓯᕗᓕᑦᓯᓐᓂᒃ ᑕᓯᐅᕐᓯᓗᑎᒃ ᐊᐅᓪᓚᕈᑦᔨᖁᓪᓗᒋᒃ ᐄᑦᔨᑉᑎᒥᑦ.

ᓴᒧᐃᓕ ᓯᕗᓪᓖᑦ 12:6 Iomraidhean Croise

ᐃᓐᖏᕈᑎᑦ 105:26

ᑖᑦᓱᒪ ᐱᔨᓂ ᒨᓯᓯ ᑎᓕᓚᐅᕐᐹ, ᐂᕉᓂᓗ ᓂᕈᐊᕐᓯᒪᔭᓂ.

ᐃᓐᖏᕈᑎᑦ 105:41

ᕾᕐᑐᖅ ᐊᖕᒪᕐᒪᒍ, ᐃᒥᖅ ᑯᕕᓕᕐᐳᖅ ᑕᕝᕙᓐᖓᑦ; ᐃᓄᖃᖏᑦᑐᒥ ᑰᓕᓚᐅᕐᐳᖅ ᑰᓪᓚᕆᒃᑎᑐᑦ.

ᐃᓐᖏᕈᑎᑦ 99:6

ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ.

ᒨᓯᓯ ᐂᑉᐸᖏᑦ 6:26

ᑖᒃᑯᖕᓄᖓ ᑕᕝᕙ ᐂᕉᓂᒧᑦ ᒨᓯᓯᒧᓪᓗ ᐊᑕᓂᖅ ᐅᖃᓚᐅᕐᐳᖅ: “ᐃᓴᕆᐊᓕᒥᐅᑦ ᐃᓅᖃᑎᒌᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᓯᒋᒃ.”

ᒨᓯᓯ ᐂᑉᐸᖏᑦ 6:27

ᑖᒃᑯᐊᒡᓗ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐅᖃᕆᐊᕐᑐᓚᐅᕐᐴᒃ ᐃᓴᕆᐊᓕᒥᐅᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᖁᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 12:13

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᐊᑕᓂᐅᑉ ᐊᐅᓪᓚᐅᑎᓚᐅᕐᐹ ᐃᓴᕆᐊᓕ ᐄᑦᔨᑉᑎᒥᑦ, ᐅᖃᕐᑎᒥᒍᓪᓗ ᐰᕆᓚᐅᕐᐹ.

ᒤᑲᐅᑉ ᐊᒡᓚᖏᑦ 6:4

ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᓚᐅᕐᐸᑦᓯ, ᐅᑎᕐᑎᓪᓗᓯ ᓄᓇᒥᑦ ᑎᒍᔭᐅᓯᒪᕕᖕᒥᑦ. ᐃᓕᑦᓯᓐᓄᑦ ᑎᓕᓯᓚᐅᕐᐳᖓ ᒨᓯᓯᒥᒃ, ᐂᕉᓂᒥᒃ ᒥᕆᐊᒥᒥᒡᓗ.