ᓴᒧᐃᓕ ᓯᕗᓪᓖᑦ 12:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒫᓐᓇ ᑕᒫᓃᑉᐳᖓ; ᑕᒻᒪᓚᐅᕈᒪ ᐸᓯᔭᐅᓕᕐᓚᖓ ᐊᑕᓂᐅᑉ ᓵᖓᓂ ᐅᕐᓱᕐᑎᓚᐅᕐᑕᖓᑕᓗ ᓵᖓᓂ. ᑎᒍᓯᓚᐅᐳᖔ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ? ᓯᐅᑎᖅᑯᕐᑐᔪᒥᒡᓘᓐᓃᑦ ᐱᒋᔭᐅᔪᒥᒃ? ᑭᓇᑐᐃᓐᓇᒥᑦ ᐊᑭᓕᕐᑕᐅᓗᖓ ᓴᒡᓗᓂᒃᑯᑦ ᐱᓇᓱᐊᓚᐅᕐᐳᖔ? ᓇᓪᓕᐊᓐᓂᒃ ᐅᑯᒤᒃᓴᕐᑎᑦᓯᓚᐅᕐᐳᖔ? ᑕᒪᒃᑯᓂᖓ ᐱᓇᓱᐊᓚᐅᕈᒪ ᑎᒍᓯᓚᐅᕈᒪᓘᓐᓃᑦ ᐃᓕᑦᓯᓐᓄᑦ ᐅᑎᕐᑎᑦᓱᒪᕙᒃᑲ.”

ᓴᒧᐃᓕ ᓯᕗᓪᓖᑦ 12:3 Iomraidhean Croise

ᓴᒧᐃᓕ ᐂᑉᐸᖏᑦ 22:22

ᐊᑕᓂᐅᑉ ᐱᖁᔭᖏᑦ ᓈᓚᓚᐅᕐᐸᒃᑲ; ᒎᑎᓐᓂᒃ ᕿᒤᓚᐅᖏᓐᓇᒪ ᐱᐅᖏᑦᑐᓕᓂᕐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 5:11

ᐅᓪᓗᒥ ᒫᓐᓇ ᐊᑭᓕᒃᓴᖏᑦ ᓄᖑᑎᓕᕐᓚᕗᑦ, ᑮᓇᐅᔭᐅᒃᐸᑕ, ᓂᐊᖂᔭᒃᓴᐅᒃᐸᑕ, ᕔᓂᐅᒃᐸᑕ, ᐸᐅᕐᖓᐅᓪᓘᓐᓃᑦ ᐅᕐᓱᖏᑦ, ᐱᕈᕐᓰᕕᖁᑎᖏᓪᓗ, ᕔᓂᓕᐅᕐᕕᖏᓪᓗ, ᐅᕐᓱᒃᓴᓕᖁᑎᖏᓪᓗ ᐃᒡᓗᖏᓪᓗ ᒫᓐᓇ ᐅᑎᕐᑎᑕᐅᓕᕐᓕᑦ!”

ᐃᓐᖏᕈᑎᑦ 15:5

ᑮᓇᐅᔭᒥᓂᒡᓗ ᐊᑐᕐᑎᑦᓯᒍᓂ ᐃᓚᕙᓪᓕᐊᑎᑦᓯᕙᖏᓪᓗᓂ, ᓯᓔᕐᕆᒃᓯᕙᖏᑦᑐᕐᓗ ᐸᓯᔭᒃᓴᐅᖏᑦᑐᓂᒃ. ᑕᒪᒃᑯᓂᖓ ᑍᒤᓕᐅᕐᑐᖅ ᐊᐅᓚᑕᐅᓂᐊᓐᖏᓚᖅ.

ᒨᓯᓯ ᐂᑉᐸᖏᑦ 20:17

“ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 22:4

ᑭᓯᐊᓂᓕ ᐅᓪᓗᒃᑯᑦ ᑎᒡᓕᒐᓱᐊᕐᑐᒥᒃ ᑍᒫᒃ ᑐᖁᑕᐅᔪᖃᕐᐸᑦ, ᑕᕝᕙ ᑐᖁᑦᓯᔪᖅ ᐸᓯᔭᒃᓴᐅᓕᕋᔭᕐᐳᖅ.

ᒨᓯᓯ ᐂᑉᐸᖏᑦ 23:8

ᓯᓔᕐᕆᒃᓯᓇᓱᐊᕐᑐᓂᒃ ᐃᓚᓕᐅᕐᓯᔪᒃᓴᐅᓐᖏᓚᓯ, ᓯᓔᕐᕆᒃᓯᓂᖅ ᓈᒻᒪᓈᕐᑐᒥᒃ ᑕᑯᓐᓇᕈᓐᓃᕐᑎᑦᓯᖕᒪᑦ ᐸᓯᔭᒃᓴᐅᖏᑦᑐᓪᓗ ᐃᓅᓯᖏᓐᓂᒃ ᓯᖁᒥᑦᓯᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:27

ᓂᐊᖂᔭᒃᓴᓂᒃ ᒥᖕᓂᑐᔫᑉ ᐱᕋᔭᖕᓂᒃᑯᑦ ᑮᓇᐅᔭᕐᑖᕈᒪᓂᕐᒧᑦ ᐃᒡᓗᒥᐅᖃᑎᓂ ᐃᓱᐊᖏᑦᑐᒦᑎᑉᐰᑦ, ᐅᐃᕕᕆᒃᓯᓂᕐᒥᒃᓕ ᐱᐅᒋᔭᖃᕐᖏᑦᑐᖅ ᐃᓅᓂᐊᕐᐳᖅ.

ᒨᓯᓯ ᐱᖓᔪᖏᑦ 6:4

ᓇᓪᓕᐊᓐᓂᒃ ᐊᔪᕐᑐᓕᒃᐸᑦ ᑕᕝᕙ ᐸᓯᔭᒃᓴᐅᓕᕐᐳᖅ, ᐅᑎᕐᑎᑦᓯᔭᕆᐊᖃᕐᐳᖅ ᑎᒡᓕᓚᐅᕐᑕᒥᓂᒃ, ᓵᓚᖃᕐᓂᕐᒥᓄᓪᓗ ᐊᕐᓵᕐᓯᑦᔪᑎᒋᓚᐅᕐᑕᒥᓂᒃ, ᑲᒪᒋᔭᕆᓚᐅᕐᑕᒥᓂᒡᓘᓐᓃᑦ, ᓇᓂᓚᐅᕐᑕᒥᓂᒡᓘᓐᓃᑦ ᐱᒋᔭᐅᔪᒥᒃ.

ᒨᓯᓯ ᐱᖓᔪᖏᑦ 6:5

ᑲᔪᓯᓂᐊᕐᓂᕋᕐᓗᓂᓗ ᓴᒡᓗᓂᕆᓚᐅᕐᑕᒥᓂᒃ. ᐅᑎᕐᑎᑦᓯᑦᓯᐊᕆᐊᖃᕐᐳᖅ 20ᐳᓴᒥᒡᓗ ᐃᓚᒃᑲᓐᓂᕐᓗᒋᑦ ᐅᑎᕐᑎᑕᓂ ᐃᓄᐊᓄᑦ ᑖᑦᓱᒧᖓ, ᐅᓪᓗᒥ ᑖᑦᓱᒪᓂᑦᓮᓐᓇᖅ ᐸᓯᔭᒃᓴᐅᓂᓂ ᐱᓪᓗᒍ ᑐᓂᕐᕈᓯᕐᕕᖕᒥᓂ.

ᒨᓯᓯ ᓯᑕᒪᖏᑦ 16:15

ᑕᕝᕙ ᒨᓯᓯ ᐊᒃᓱᐊᓗᒃ ᓂᓐᖓᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᑐᓂᕐᕈᑎᖏᑦ ᑲᒪᒋᑦᑍᓕᒃᑭᑦ. ᓯᐅᑎᖅᑯᕐᑐᔪᒥᒡᓘᓐᓃᑦ ᐊᑕᐅᓯᕐᒥᒃ ᑖᒃᑯᓇᓐᖓᑦ ᐱᑎᑕᐅᓚᐅᓐᖏᓚᖓ, ᐋᓐᓂᕐᓯᓚᐅᕐᓇᖓᓘᓐᓃᑦ ᓇᓪᓕᐊᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 22:21

ᑖᒃᑯᐊ ᑭᐅᕚᑦ, “ᓰᓴᕆᐅᑉ,” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ, ᓰᓴᕆᒧᑦ ᑐᓂᓯᐅᒃ ᐱᒋᖕᒪᒍ, ᒎᑎᓗ ᑐᓂᓗᒍ ᐱᖏᓐᓂᒃ.”

ᓘᑲᓯᐅᑉ ᐊᒡᓚᖏᑦ 19:8

ᓴᑭᐊᓯ ᓂᑯᕕᓪᓗᓂ ᐊᑕᓂᕐᒧᑦ ᐅᖃᕐᐳᖅ, “ᑕᑯᒋᑦ ᐊᑕᓃᖅ, ᐱᖁᑎᒪ ᐊᕝᕙᖏᑦ ᑐᓂᓂᐊᕐᐸᒃᑲ ᐊᒃᖢᔪᓄᑦ; ᓴᒡᓗᕿᑦᓯᓯᒪᓐᓂᕈᒪᓗ ᓇᓪᓕᐊᓐᓂᑐᐃᓐᓇᖅ ᐅᑎᕐᑎᑦᓯᕕᒋᓂᐊᕐᐸᕋ ᓯᑕᒤᕐᓱᓪᓗᐊᕐᑐᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:33

ᑮᓇᐅᔭᓂᒃ ᐊᓐᓄᕌᒃᓴᓂᒡᓘᓐᓃᑦ ᐃᓕᑦᓯᓐᓂᑦ ᕿᓄᓚᐅᓐᖏᓚᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:14

ᑕᕝᕙ ᐱᖓᔪᐊᓐᓂᒃ ᐃᓕᑦᓯᓐᓄᑦ ᑎᑭᑐᐃᓐᓇᕆᐊᖃᓕᕐᐳᖓ. ᐃᓕᑦᓯᓐᓂᓪᓗ ᓱᓇᒥᒃ ᐱᔪᒪᔭᖃᕐᓂᐊᓐᖏᓚᖓ, ᐃᓕᑦᓯᓐᓂᒃ ᑭᓯᐊᓂ ᐱᔪᒪᕗᖓ ᑮᓇᐅᔭᑦᓯᓐᓂᐅᖏᑦᑐᖅ; ᓱᕈᓰᑦ ᐊᖓᔪᖅᑳᒥᖕᓂᒃ ᐱᒃᓴᖃᕐᑎᑦᓯᔭᕆᐊᖃᖏᒻᒪᑕ, ᐊᖓᔪᖅᑳᖑᔪᓪᓕ ᐱᒃᓴᖃᕐᑎᑦᓯᔪᒃᓴᐅᕗᑦ ᕿᑐᕐᖓᒥᖕᓂᒃ.

ᒨᓯᓯ ᑕᓪᓕᒪᖏᑦ 16:19

ᐃᓄᖕᓂᒃ ᐋᖅᑭᒃᓱᐃᓂᖅ ᐱᑦᓯᐊᕆᐊᖃᕐᐳᖅ; ᐃᓔᓐᓇᕐᓯᐅᕐᓗᑎᒃ ᐋᖅᑭᒃᓱᐃᔪᒃᓴᐅᓐᖏᓚᑦ; ᓯᓔᕐᕆᒃᓯᓇᓱᐊᕐᑐᓂᒡᓗ ᒪᓕᒃᓴᕐᑐᒃᓴᐅᓐᖏᓚᑦ, ᑐᓂᕐᕈᑎᒋᔭᐅᔪᑦ ᓯᓔᕐᕆᒃᓯᕈᑕᐅᓇᓱᐊᕐᓗᑎᒃ ᑕᑯᓐᓇᕈᓐᓃᕐᑎᑦᓯᔪᓐᓇᕐᒪᑕ ᐊᒡᓛᑦ ᓯᓚᑐᔪᓂᒃ ᐱᑦᓯᐊᕋᓱᒃᑐᓂᒡᓗ ᐊᒡᓛᑦ, ᓈᒻᒪᓈᖏᑦᑐᓂᒡᓗ ᐃᓱᒪᑖᕐᑎᑦᓯᓕᕈᓐᓇᕐᓗᑎᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:10

ᐃᓕᑦᓯ ᑕᕝᕙ ᖃᐅᔨᓯᒪᔪᖁᑎᒋᕙᑦᓯ ᐅᕙᑦᑎᓐᓂᒃ, ᒎᑎᓗᑦᑕᐅᖅ, ᐱᓇᓱᐊᕐᓂᕆᓚᐅᕐᑕᕗᑦ ᐅᒃᐱᕐᑐᓄᑦ ᐃᑦᔪᕐᓁᑦᑑᓚᐅᕐᐳᖅ, ᓈᒻᒪᑦᑎᐊᕐᓗᓂ ᐸᓯᔭᒃᓴᐅᓂᖃᕋᓂᓗ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:5

ᐃᓕᑦᓯ ᖃᐅᔨᒪᑦᓯᐊᕐᐳᓯ ᓮᒻᒪᕐᓮᓐᖑᐊᑐᐃᓐᓇᕐᑐᓂᒃ ᐅᖃᐅᓯᖃᓚᐅᖏᓐᓇᑦᑕ, ᐱᖁᑎᓐᓂᐊᕈᒪᑐᐃᓐᓇᕐᓂᕐᒧᓪᓗ ᐅᖃᐅᓯᖃᓚᐅᖏᓐᓂᕗᒍᑦ, ᒎᑎᐅᑉ ᖃᐅᔨᒪᕚᑎᒍᑦ;

ᐲᑦᑐᕉᓯ ᓯᕗᓪᓖᑦ 5:2

ᒎᑎᐅᑉ ᓰᐱᖁᑎᖏᓐᓄᑦ ᐰᕐᓯᔨᐅᑦᓯᐊᕆᑦᓯ ᑖᒃᑯᐊ ᐃᓕᑦᓯᓐᓄᑦ ᑐᓂᔭᐅᓯᒪᖕᒪᑕ, ᐱᔪᒪᓂᖃᑦᓯᐊᕐᓗᓯ ᐃᕿᐊᓱᖏᓪᓗᓯᓗ, ᐊᑭᓕᕐᑕᐅᔪᒪᓂᑐᐃᓐᓇᕐᒧᑦ ᐱᓂᐊᕋᓯ ᐱᔨᑦᓯᕈᒪᑦᓯᐊᕐᓗᓯᓕ ᐱᒋᑦᓯ.

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 12:4

ᐃᓄᐃᑦ ᑭᐅᕗᑦ, “ᐱᓂᕐᓗᒃᕕᒋᓚᐅᓐᖏᓚᑦᑎᒍᑦ ᕿᒃᓵᒃᑎᓚᐅᓐᖏᓚᑦᑎᒍᓪᓗ; ᑎᒍᓯᓚᐅᓐᖏᓚᑎᓪᓗ ᑭᓇᑐᐃᓐᓇᕐᒥᑦ.”

ᓴᒧᐃᓕ ᓯᕗᓪᓖᑦ 12:5

ᓴᒧᐃᓕᐅᓪᓗ ᐅᖃᐅᑎᕔᑦ, “ᐊᑕᓂᕐᓗ ᐊᖓᔪᖅᑳᕐᔪᐊᕐᓗ ᐅᕐᓱᕐᑎᕐᓯᒪᔭᖓ ᖃᐅᔨᒪᓂᐊᕐᐴᒃ ᐅᓪᓗᒥ ᐸᑦᓯᑎᒃᓴᕐᓯᐊᖏᓐᓇᑦᓯ ᐅᕙᓐᓄᑦ.” ᑭᐅᕗᑦ, “ᐃᓛᒃ, ᐊᑕᓂᖅ ᖃᐅᔨᒪᔨᑕᕆᓂᐊᕐᐸᕗᑦ.”

ᓴᒧᐃᓕ ᓯᕗᓪᓖᑦ 2:35

ᒪᑭᑎᑦᓯᔪᒫᕐᐳᖓ ᑐᓂᕐᕈᓯᕐᑎᑦᓯᔨᒥᒃ ᐅᒃᐱᕐᓇᑦᓯᐊᕐᑐᒥᒃ ᐆᒻᒪᑎᒪ ᐊᑐᖁᔭᖏᓐᓂᒃ ᐃᓱᒪᒋᔭᓐᓂᒡᓗ ᐊᑐᕈᓐᓇᑦᓯᐊᕐᑐᒥᒃ; ᑖᓐᓇᓗ ᑭᖑᕚᖃᕐᑎᑦᓱᒫᕐᐸᕋ ᐱᐅᔪᓂᒃ, ᐃᓅᔪᒫᕐᐳᕐᓗ ᐃᑎᖃᑦᑕᕐᓗᓂ ᐊᓂᖃᑦᑕᕐᓗᓂᓗ ᓂᕈᐊᕐᓯᒪᔭᒪ ᓵᖓᓂ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 24:11

ᓱᓕᓗ ᐊᑕᑖᒃ, ᑕᑯᒋᑦ! ᐅᓕᒡᔪᐊᕕᑦ ᐃᓚᖓ ᑎᒍᒥᐊᕐᑕᕋ ᑕᑯᕕᐅᒃ; ᐅᓕᒡᔪᐊᕕᑦ ᓯᓇᕐᔪᐊ ᐅᑭᓚᐅᕐᐸᕋ, ᑐᖁᓐᓇᓱᓚᐅᓐᖏᓚᒋᓪᓗ, ᖃᐅᔨᒪᓕᕆᑦ ᑕᑯᓗᑎᓪᓗ ᐃᓕᖕᓂᒃ ᐊᑭᕋᕐᑐᖏᓐᓇᒪ, ᐊᔪᕐᑐᓕᓚᐅᕐᓇᖓᓗ ᐃᓕᖕᓄᑦ, ᐃᕝᕕᓪᓕ ᐅᕙᓐᓂᒃ ᐱᓇᓱᐊᕐᐳᑎᑦ ᑐᖁᓐᓇᓱᐊᕐᓗᖓ.

ᓴᒧᐃᓕ ᓯᕗᓪᓖᑦ 24:6

ᐃᓄᖁᑎᒥᓄᓪᓗ ᐅᖃᕐᐳᖅ, “ᐊᑕᓂᐅᑉ ᐱᐅᖏᑦᑐᒥᒃ ᐱᓇᓱᐊᕐᑎᑦᑍᓕᓛᖓ ᐊᖓᔪᖅᑳᓐᓄᑦ, ᐊᑕᓂᐅᑉ ᐅᕐᓱᕐᑎᕐᓯᒪᔭᖓᓄᑦ, ᐊᒡᒐᒃᑲ ᑖᑦᓱᒥᖓ ᐊᒃᑐᐃᖁᓇᒋᑦ, ᐊᖓᔪᖅᑳᕐᔪᐊᖑᖕᒪᑦ ᐊᑕᓂᐅᑉ ᐅᕐᓱᕐᑎᕐᓯᒪᔭᖓ.”

ᓴᒧᐃᓕ ᓯᕗᓪᓖᑦ 24:7

ᑕᕝᕙ ᑍᕕᑎᐅᑉ ᐃᓄᖁᑎᓂᒃ ᓴᖑᑎᑉᐰᑦ ᐅᖃᐅᓯᕐᓄᑦ ᑖᒃᑯᓄᖓ, ᑐᖁᑦᓯᖁᓇᒋᑦ ᓴᐅᓕᒥᒃ. ᓴᐅᓕᓗ ᒪᑭᓐᓇᒥ, ᕾᕈᓱᖕᒥᑦ ᐊᓂᕗᖅ ᐅᑎᕐᐸᓪᓕᐊᓕᕐᓗᓂ.

ᓴᒧᐃᓕ ᓯᕗᓪᓖᑦ 26:11

ᐊᑕᓂᐅᑉ ᑍᒤᑎᑦᑍᓕᓛᖓ ᐊᓯᕈᐃᓂᕐᒥᒃ ᓂᕈᐊᕐᓯᒪᔭᖓᓂᒃ ᐊᖓᔪᖅᑳᕐᔪᐊᖑᖁᓪᓗᒍ; ᖃᓗᒋᐊᖓ ᐃᒥᐅᑎᖓᓗ ᑎᒍᓚᐅᕐᓚᕗᒃ ᓂᐊᖁᐊᑕ ᓴᓂᐊᓃᑦᑐᑦ, ᑕᒫᓃᑦᓱᓐᓃᕐᓗᒃ.”

ᓴᒧᐃᓕ ᓯᕗᓪᓖᑦ 26:9

ᑍᕕᑎᓕ ᐊᐱᓮᒧᑦ ᑭᐅᕗᖅ, “ᑐᖁᑦᑍᓕᒍᒃ; ᐊᑕᓂᐅᑉ ᓂᕈᐊᕐᓯᒪᔭᖓᓂᒃ ᑐᖁᑦᓯᔪᖃᕈᓐᓇᕐᐹ, ᐸᓯᔭᒃᓴᐅᓕᖏᓪᓗᓂ?”