ᓴᒧᐃᓕ ᓯᕗᓪᓖᑦ 12:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓄᓕᒫᓪᓗ ᓴᒧᐃᓕᒧᑦ ᐅᖃᕐᐳᑦ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐱᑦᔪᑎᒋᓗᑕ ᑐᖁᖁᓇᑕ; ᒫᓐᓇ ᖃᐅᔨᕗᒍᑦ ᐊᔪᕐᑐᓕᓂᑦᑕ ᐊᓯᐊᒍᑦ ᐊᔪᕐᑐᓕᒃᑲᓐᓂᓚᐅᕋᑦᑕ, ᐊᖓᔪᖅᑳᕐᔪᐊᕐᑖᕈᒪᓪᓗᑕ ᑐᒃᓯᐊᓚᐅᕐᓂᑦᑎᓐᓄᑦ.”

ᓴᒧᐃᓕ ᓯᕗᓪᓖᑦ 12:19 Iomraidhean Croise

ᒨᓯᓯ ᓯᕗᓪᓖᑦ 20:7

ᒫᓐᓇᓕ, ᐊᕐᓇᖅ ᐅᐃᖓᓄᑦ ᐅᑎᕐᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᕐᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᕐᐹᑎᑦ ᐃᓅᓂᐊᕐᐳᑎᓪᓗ. ᐅᑎᕐᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᒥᒃ.”

ᔫᐱᐅᑉ ᐊᒡᓚᖏᑦ 37:13

ᓯᓚᓗᖕᒥᒃ ᑎᑭᑎᑦᓯᖃᑦᑕᕐᐳᖅ ᓱᒋᐊᕐᓯᑦᔪᑎᒋᓪᓗᒋᑦ, ᐅᕝᕙᓗ ᓄᓇᒥᒃ ᖃᐅᓯᕐᑎᑦᓯᔪᒪᓪᓗᓂ, ᐅᕝᕙᓗ ᓇᒡᓕᖕᓂᕐᒥᓂᒃ ᓴᖅᑭᑎᑦᓯᔪᒪᓪᓗᓂ.

ᔫᐱᐅᑉ ᐊᒡᓚᖏᑦ 42:8

ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”

ᒨᓯᓯ ᐂᑉᐸᖏᑦ 10:17

ᑍᒤᒻᒪᑦ ᒫᓐᓇ, ᐊᔪᕐᑐᓕᓂᒃᑲ ᐃᓱᒪᒋᔪᓐᓁᕐᓯᐅᒃ, ᐊᒃᓱᕈᕐᓗᖓ ᕿᓄᕕᒋᕙᑦᓯᒃ ᐊᑕᐅᓯᐊᓪᓚᕆᒡᓗᖓ, ᐊᑕᓂᖅ ᒎᑎᓯ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᑐᒥᖓᑦ ᑐᖁᓐᓇᕐᑐᒥᒃ ᐲᕐᓯᖁᓗᒍ ᐅᕙᓐᓂᑦ.”

ᒨᓯᓯ ᐂᑉᐸᖏᑦ 32:30

ᖃᐅᑎᓪᓗᒍ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐊᔪᕐᑐᓕᓚᐅᕐᐳᓯ ᐊᖏᔪᕐᔪᐊᒥᒃ ᐊᔪᕐᑐᓕᓂᕐᒥᒃ. ᒫᓐᓇᓕ ᖃᖅᑲᒧᑦ ᒪᔪᕋᕐᓂᐊᕐᐳᖓ ᐊᑕᓂᕐᒧᑦ; ᖃᐅᔨᔭᕐᑐᕋᓱᐊᕐᓗᖓ ᐃᓱᒪᒋᔪᓐᓁᕐᑕᐅᔪᓐᓇᕐᒪᖔᑦᓯ ᐊᔪᕐᑐᓕᓂᑦᓯᓐᓂᑦ.”

ᒨᓯᓯ ᐂᑉᐸᖏᑦ 9:28

ᐊᑕᓂᕐᒧᑦ ᑐᒃᓯᐊᓚᐅᕆᑦᓯᒃ; ᑕᒪᓐᓇ ᓇᑕᖅᑯᕐᓇᕐᑐᖅ ᖃᐅᒻᒪᓪᓚᒡᓗ ᓄᖅᑲᖁᓕᕐᓗᒍ; ᑕᕝᕙ ᐊᐅᓪᓚᖁᓂᐊᓕᕐᐸᑦᓯ, ᑕᒫᓂ ᓄᓇᖃᑦᔮᔪᓐᓃᕐᐳᓯ.”

ᐂᓮᐊᓯᐅᑉ ᐊᒡᓚᖏᑦ 26:16

ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 27:18

ᓇᓚᐅᑦᑍᔫᒍᑎᒃ ᐊᑕᓂᕐᒥᓪᓗ ᐅᖃᐅᓯᒃᓴᖃᕐᑎᑕᐅᒍᑎᒃ, ᐊᑏ ᐊᑕᓂᕐᒧᑦ ᐊᔪᒐᖃᖏᑦᑐᒧᑦ ᕿᓄᑦᔪᑎᖃᓚᐅᕐᓕᑦ ᐊᑕᓂᐅᑉ ᐃᒡᓗᖓᑕ ᐱᖁᑎᖏᓐᓂᒃ ᐊᐅᓪᓚᕈᑦᔭᐅᖁᔨᖏᓪᓗᑎᒃ ᔫᑕᐅᑉ ᐊᖓᔪᖅᑳᕐᔪᐊᖃᕐᕕᖓᓂᑦ ᔨᕉᓴᓕᒥᓪᓗ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 37:3

ᐊᖓᔪᖅᑳᕐᔪᐊᕐᓗ ᔨᑎᑬᐊ ᑎᓕᓯᓚᐅᕐᐳᖅ ᔨᕼᐅᑲᐅᓕᒥᒃ ᓯᓕᒤᐊᐅᑉ ᐃᕐᓂᖓᓂᒃ, ᑐᓂᕐᕈᓯᕐᑎᑦᓯᔨᒥᒡᓗ ᔨᐸᓁᐊᒥᒃ ᒫᓯᐊᐅᑉ ᐃᕐᓂᖓᓂᒃ ᔨᕆᒤᐊᒧᑦ ᒎᑎᐅᑉ ᐅᖃᕐᑎᖓᓄᑦ ᐃᒫᒃ ᐅᖃᐅᑎᔭᐅᖁᓪᓗᒍ, “ᐊᑕᓂᕐᒧᑦ ᒎᑎᑦᑎᓐᓄᑦ ᑐᒃᓯᐅᑎᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᒪᓚᑬᑉ ᐊᒡᓚᖏᑦ 1:9

“ᒫᓐᓇᓕ ᒎᑎᐅᑉ ᖁᕕᐊᒋᔭᖓᓂᒃ ᕿᓂᓕᕆᑦᓯ, ᐅᕙᑦᑎᓐᓄᑦ ᓈᒃᑭᒍᓱᓕᖁᓪᓗᒍ. ᑍᒤᓕᐅᓕᕈᑦᓯ, ᓈᒻᒪᒋᒐᔭᕐᐹᓰ? ᖁᕕᐊᒋᓗᓯᓗ? ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᓯᑕᒪᖏᑦ 21:7

ᑍᒤᒻᒪᑦ ᐃᓄᐃᑦ ᕾᕗᑦ ᒨᓯᓯᒧᑦ ᐅᖃᕐᓗᑎᒃ, “ᐊᔪᕐᑐᓕᓚᐅᕐᐳᒍᑦ, ᓈᒻᒪᒃᓴᖏᓐᓂᕐᒥᒃ ᓂᓪᓕᐊᓚᐅᕋᑦᑕ ᐊᑭᕋᕐᑐᕐᓗᑕ ᐊᑕᓂᕐᒥᒃ ᐃᓕᖕᓂᒡᓗ; ᑐᒃᓯᐊᓚᐅᕆᑦ ᐊᑕᓂᕐᒧᑦ ᖁᒡᓗᒋᐊᑦ ᐊᐅᓪᓚᖁᓪᓗᒋᑦ ᐅᕙᑦᑎᓐᓂᑦ.” ᑍᒫᒃ ᒨᓯᓯ ᑐᒃᓯᐊᓚᐅᕐᐳᖅ ᐃᓄᐃᑦ ᐱᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:24

ᓮᒨᓂ ᑭᐅᕗᖅ, “ᐊᑕᓂᕐᒧᑦ ᑐᒃᓯᐅᑎᓯᓐᖓ ᑕᒪᒃᑯᐊ ᐅᖃᐅᓯᕆᔭᓯᒃ ᓇᓪᓕᐊᓪᓘᓐᓃᑦ ᐅᕙᓐᓄᐊᖁᓇᒋᑦ.”

ᔧᒥᓯᐅᑉ ᐊᒡᓚᖏᑦ 5:15

ᑐᒃᓯᐊᕐᓂᐅᓪᓗ ᐅᒃᐱᕐᓂᒃᑰᕐᑐᑉ ᖃᓂᒪᔪᖅ ᐋᖅᑭᖕᓂᐊᕐᐹ, ᐊᑕᓂᐅᓪᓗ ᒪᑭᑎᓗᒍ; ᐊᔪᕐᑐᓕᓯᒪᒃᐸᓪᓗ, ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᔪᐊᓇᓯ ᓯᕗᓪᓖᑦ 5:16

ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐊᔪᕐᑐᓕᑎᓪᓗᒍ ᑕᑯᔪᖅ ᐊᔪᕐᑐᓕᖏᑉᐸᑦ ᑐᖁᓐᓇᕐᑐᒥᒃ, ᑍᒤᑐᖅ ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᒎᑎᐅᓪᓗ ᐃᓅᓯᕐᒥᒃ ᑐᓂᓯᕕᒋᓂᐊᕐᐹ ᑐᖁᓐᓇᕐᑐᒥᒃ ᐊᔪᕐᑐᓕᖏᑉᐸᑦ. ᐊᔪᕐᑐᓕᓂᕐᑕᖃᕐᐳᖅ ᑐᕌᕐᑐᒥ ᑐᖁᒧᑦ; ᑍᒤᑦᑐᒥᒡᓕ ᑐᒃᓯᐅᑦᔭᐅᖁᔨᓗᖓ ᐅᖃᓐᖏᓚᖓ.

ᓴᒧᐃᓕ ᓯᕗᓪᓖᑦ 12:13

“ᒫᓐᓇᓕ ᑕᑯᒋᑦ ᑕᕝᕙ ᐊᖓᔪᖅᑳᕐᔪᐊᖅ ᓂᕈᐊᓚᐅᕐᑕᓯ, ᑖᓐᓇ ᐱᔪᒪᓚᐅᕐᑕᓯ; ᑕᑯᒋᑦ ᐊᑕᓂᐅᑉ ᑐᓂᓚᐅᕐᐹ ᐃᓕᑦᓯᓐᓄᑦ ᐊᖓᔪᖅᑳᕐᔪᐊᖑᖁᓪᓗᒍ.

ᓴᒧᐃᓕ ᓯᕗᓪᓖᑦ 12:17

ᐅᓪᓗᒥ ᓂᐊᖂᔭᒃᓴᓂᒃ ᑲᑎᕐᓱᐃᕕᐅᓐᖏᓛᖅ? ᐊᑕᓂᖅ ᑐᒃᓯᐊᕐᕕᒋᓂᐊᕐᐸᕋ, ᑲᓪᓕᕐᑎᑦᓯᖁᓪᓗᒍ ᓯᓚᓗᒃᑎᑦᓯᖁᓪᓗᒍᓗ; ᑕᒪᓐᓇ ᑲᔪᓯᒃᐸᑦ, ᑕᑯᓗᓯᓗ ᖃᐅᔨᔪᒫᕐᐳᓯ ᐊᖏᔪᒥᒃ ᐊᔪᕐᑐᓕᓯᒪᓂᑦᓯᓐᓂᒃ, ᐱᓇᓱᐊᕐᓯᒪᔭᑦᓯᓐᓂᒃ ᐊᑕᓂᐅᑉ ᓵᖓᓂ, ᐊᖓᔪᖅᑳᕐᔪᐊᕐᑖᕈᒪᓪᓗᓯ ᑐᒃᓯᐊᓚᐅᕋᑦᓯ.”

ᓴᒧᐃᓕ ᓯᕗᓪᓖᑦ 12:20

ᓴᒧᐃᓕᐅᓪᓗ ᐅᖃᐅᑎᕔᑦ, “ᑲᑉᐱᐊᓱᖏᓪᓗᓯ; ᐱᐅᖏᑦᑐᐊᓗᖕᒥᒃ ᑕᒪᑐᒥᖓ ᐱᓯᒪᒐᓗᐊᕐᑐᓯ, ᐊᑕᓂᕐᒥᓪᓕ ᓴᖑᓗᓯ ᒪᓕᒍᓐᓃᕐᑍᓕᓯᐅᒃ, ᐊᑕᓂᕐᓕ ᐱᔨᑦᓯᕐᓯᐅᒃ ᐆᒻᒪᑎᓕᒫᑦᓯᓐᓄᑦ.

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.

ᓴᒧᐃᓕ ᓯᕗᓪᓖᑦ 7:5

ᑭᖑᓂᐊᒍᑦ ᓴᒧᐃᓕ ᐅᖃᕐᐳᖅ, “ᐃᓴᕆᐊᓕᒥᐅᓕᒫᑦ ᑲᑎᓚᐅᕆᑦᓯ ᒥᔅᐸᒥ, ᑐᒃᓯᐅᑎᓂᕐᐸᑦᓯᓗ ᐊᑕᓂᕐᒧᑦ ᑍᑲᓂ.”

ᓴᒧᐃᓕ ᓯᕗᓪᓖᑦ 7:8

ᐅᖃᕐᓗᑎᒡᓗ ᓴᒧᐃᓕᒧᑦ, “ᑐᒃᓯᐊᖏᓐᓇᕆᑦ ᐊᑕᓂᕐᒧᑦ ᒎᑎᑦᑎᓐᓄᑦ, ᐱᐅᓕᔭᐅᖁᓪᓗᑕ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”

ᓴᒧᐃᓕ ᓯᕗᓪᓖᑦ 8:6

ᓴᒧᐃᓕᓕ ᑕᒪᑐᒥᖓ ᖁᕕᐊᓲᑎᖃᓚᐅᓐᖏᓚᖅ ᐊᖓᔪᖅᑳᕐᔪᐊᕐᑖᕈᒪᑎᓪᓗᒋᑦ; ᑍᒤᒻᒪ ᓴᒧᐃᓕ ᐊᑕᓂᕐᒧᑦ ᑐᒃᓯᐊᓚᐅᕐᐳᖅ.