ᓴᒧᐃᓕ ᓯᕗᓪᓖᑦ 12:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑕᕝᕙ ᓴᒧᐃᓕ ᑐᒃᓯᐊᓕᕐᐳᖅ ᐊᑕᓂᕐᒧᑦ, ᐊᑕᓂᕐᓗ ᑲᓪᓕᓕᕐᑎᑦᓯᕗᖅ ᓯᓚᓗᓕᕐᑎᓪᓗᒍᓗ ᐅᓪᓗᒥ ᑕᕝᕙᓂ; ᐃᓄᓕᒫᓪᓗ ᑲᑉᐱᐊᓱᓕᕐᐳᑦ ᐊᑕᓂᕐᒥᒃ ᓴᒧᐃᓕᒥᒡᓗ.

ᓴᒧᐃᓕ ᓯᕗᓪᓖᑦ 12:18 Iomraidhean Croise

ᐊᑕᓃᑦ ᓯᕗᓪᓖᑦ 18:42

ᑕᕝᕙ ᐂᕼᐊᑉ ᑕᑉᐸᐅᖓ ᐂᕗᖅ ᓂᕆᓪᓗᓂᓗ ᐃᒥᕐᐳᖅ. ᐃᓔᑦᔭᓗ ᑳᕐᒥᐅᑉ ᖄᖓᓄᐊᕐᐳᖅ; ᐸᒻᒪᒃᑎᕐᓗᓂᓗ ᒪᓂᖅᑲᒧᑦ, ᓂᐊᖁᓂ ᓰᖅᑯᒥᑕ ᐊᑯᓐᓂᖓᓄᐊᕐᓗᒍ.

ᐄᓱᕋᐅᑉ ᐊᒡᓚᖏᑦ 10:9

ᑕᕝᕙ ᐅᓪᓗᐃᑦ ᐱᖓᔪᒋᓕᕐᑕᖓᓂ, ᑕᖅᑭᐅᑉ 9ᖓᓂ ᐅᓪᓗᖓᑕ 20ᖓᓂ, ᐊᖑᑏᑦ ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᓕᒫᖏᑦ ᑲᑎᓚᐅᕐᐳᑦ ᔨᕉᓴᓕᒧᑦ ᑐᒃᓯᐊᕐᕕᒃᔪᐊᑉ ᐱᕕᑐᓂᖓᓂ ᐃᒃᓯᕙᓕᕐᓗᑎᒃ. ᑕᕝᕙ ᓯᓚᓗᒻᒪᕆᓕᕐᐳᖅ, ᓯᓚᖓ ᐱᓪᓗᒍ ᑲᑎᒪᓂᐅᓪᓗ ᐱᒻᒪᕆᐅᓂᖓᓄᑦ ᑕᒪᕐᒥᒃ ᓴᔪᓕᕐᐳᑦ.

ᔫᐱᐅᑉ ᐊᒡᓚᖏᑦ 37:13

ᓯᓚᓗᖕᒥᒃ ᑎᑭᑎᑦᓯᖃᑦᑕᕐᐳᖅ ᓱᒋᐊᕐᓯᑦᔪᑎᒋᓪᓗᒋᑦ, ᐅᕝᕙᓗ ᓄᓇᒥᒃ ᖃᐅᓯᕐᑎᑦᓯᔪᒪᓪᓗᓂ, ᐅᕝᕙᓗ ᓇᒡᓕᖕᓂᕐᒥᓂᒃ ᓴᖅᑭᑎᑦᓯᔪᒪᓪᓗᓂ.

ᐃᓐᖏᕈᑎᑦ 99:6

ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ.

ᒨᓯᓯ ᐂᑉᐸᖏᑦ 14:31

ᐃᓴᕆᐊᓕᒥᐅᓪᓗ ᑕᑯᒐᒥᒃ ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᓵᓚᖃᕐᓂᖓ ᐄᑦᔨᑉᑎᒥᐅᓂᒃ, ᐊᑕᓂᖅ ᓯᕘᕋᒋᓕᕐᐹᑦ, ᐊᑕᓂᕐᓗ ᐅᒃᐱᕆᓪᓗᒍ ᐃᓅᓕᕐᐳᑦ, ᒨᓯᓯᓗᑦᑕᐅᖅ ᐊᑕᓂᐅᑉ ᐱᔨᒋᔭᖓ.

ᔮᓱᐊᑉ ᐊᒡᓚᖏᑦ 10:12

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᓵᓚᖃᕐᑎᒻᒪᒋᑦ ᐊᒧᕅᑎᒥᐅᓂᒃ, ᔮᓱᐊ ᐃᓴᕆᐊᓕᒥᐅᓕᒫᑦ ᖃᐅᔨᑎᓪᓗᒋᑦ ᐊᑕᓂᕐᒧᑦ ᐅᖃᕐᐳᖅ, “ᓯᕿᓃᖅ ᓄᖅᑲᕆᑦ ᒋᐱᐅᓂᐅᑉ ᖁᓛᓄᑦ; ᑕᖅᑮᕐᓗ ᓄᖅᑲᖓᓗᑎᑦ ᐂᔭᓚᓐ ᓇᕐᓴᖓᑕ ᓇᓛᓂ.”

ᔮᓱᐊᑉ ᐊᒡᓚᖏᑦ 4:14

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐅᐱᓐᓇᕐᓯᑎᓚᐅᕐᐹ ᔮᓱᐊ ᐃᓴᕆᐊᓕᒥᐅᑦ ᑕᑯᓐᓇᕐᑎᓪᓗᒋᑦ; ᐃᒃᐱᒋᔭᐅᑦᓯᐊᓚᐅᕐᐳᕐᓗ ᐃᓅᓯᖓᑕ ᐃᓱᐊ ᑎᑭᓪᓗᒍ, ᑍᒫᑦᓮᓐᓇᖅ ᒨᓯᓯᒥᒃ ᐃᒃᐱᒍᓱᑦᓯᐊᓚᐅᕐᓂᕐᒥᑐᑦ.