ᓴᒧᐃᓕ ᓯᕗᓪᓖᑦ 12:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑭᓯᐊᓂᓕ ᐊᖓᔪᖅᑳᕐᔪᐊᖅ ᓇᕼᐊᔅ ᐊᒧᓁᑎᒥᐅᑕᖅ ᑕᑯᒐᑦᓯᐅᒃ ᐅᓇᑕᕆᐊᕐᑐᖅ ᐃᓕᑦᓯᓐᓂᒃ, ᐅᕙᓐᓄᑦ ᐅᖃᓚᐅᕐᐳᓯ, ‘ᐋᒃᑲ ᐊᖓᔪᖅᑳᕐᔪᐊᕐᑖᕈᒪᕗᒍᑦ ᐊᐅᓚᑦᓯᔨᒃᓴᑦᑎᓐᓂᒃ,’ ᐊᑕᓂᕐᒥᒃ ᒎᑎᑦᓯᓐᓂᒃ ᐊᖓᔪᖅᑳᕐᔪᐊᖃᕋᓗᐊᕐᑎᓪᓗᓯ.

ᓴᒧᐃᓕ ᓯᕗᓪᓖᑦ 12:12 Iomraidhean Croise

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᐃᓐᖏᕈᑎᑦ 74:12

ᒎᑎ, ᐊᖓᔪᖅᑳᕐᔪᐊᕆᕙᕋ ᑍᑦᓱᒪᓂᑐᖄᓗᖕᓂᑦ, ᐱᓇᓱᐊᕐᑐᖅ ᐱᐅᓕᔭᐅᓂᕐᒥᒃ ᓄᓇᕐᔪᐊᑉ ᐊᑯᕐᖓᓂ.

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 40:11

ᔫᑎᓪᓗ ᒧᐊᐱᒥ, ᐋᒪᓐᒥᓗ, ᐄᑐᒥᓗ ᓄᓇᓕᖕᓂᓗ ᑖᒃᑯᐊ ᐊᓯᖏᓐᓃᑦᑐᓂ ᑐᓴᐅᒪᓕᕋᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᔫᑕᒥ ᐊᒥᐊᒃᑯᖃᕐᑎᑦᓯᓂᖓᓂᒃ, ᑖᒃᑯᐊᓗ ᑲᒪᔨᖃᓕᕐᓂᖏᓐᓂᒃ ᒋᑕᓔᐊᒥᒃ ᐊᕼᐂᑲᒻ ᐃᕐᓂᖓᓂᒃ ᓴᕙᓂᐅᑉ ᐃᕐᖑᑕᖓᓂᒃ.

ᕼᐆᓯᐊᑉ ᐊᒡᓚᖏᑦ 13:10

ᐊᓯᓐᓂᒃ ᐊᖓᔪᖅᑳᕐᔪᐊᕐᑕᖃᕐᐸᑦ, ᐃᓕᑦᓯᓐᓂᒃ ᐱᐅᓕᒃᓯᔪᓐᓇᕐᐹ? ᐊᖓᔪᖅᑳᖁᑎᓯᓕ ᓇᐅᒃ, ᐃᓕᑦᓯᓐᓂᒃ ᓴᐳᓐᓂᐊᕐᓂᐊᕐᑐᑦ? ᑖᒃᑯᓄᖓ ᐅᖃᓚᐅᕋᑦᓯ ‘ᐊᖓᔪᖅᑳᕐᔪᐊᒥᒃ ᐊᖓᔪᖅᑳᖁᑎᖏᓐᓂᒡᓗ ᑐᓂᓯᕕᒋᓚᐅᕐᑎᒍᑦ’?

ᒨᓯᓯ ᓯᑕᒪᖏᑦ 23:21

ᔧᑰᑉ ᐱᐅᖏᑦᑐᓕᓂᖏᑦ ᑲᒪᒋᓐᖏᓔᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓂᒃ ᑕᑯᓚᐅᓐᖏᓚᖅ. ᐊᑕᓂᐅᑉ ᒎᑎᖓᑕ ᐃᓚᒋᖕᒪᒋᑦ, ᐊᖓᔪᖅᑳᕐᔪᐊᑉ ᓂᐱᕐᔪᐊᒧᑦ ᓂᓪᓕᐊᓂᖓᑕ ᐃᓚᒋᕔᑦ.

ᐃᓗᐊᕐᓮᔩᑦ ᐊᒡᓚᖏᑦ 8:23

ᒋᑎᐅᓂᐅᑉ ᑭᐅᕔᑦ, “ᐊᖓᔪᖅᑳᖑᔪᒪᓐᖏᓚᖓ ᐃᓕᑦᓯᓐᓄᑦ, ᐃᕐᓂᒃᑲᓘᓐᓃᑦ ᐊᖓᔪᖅᑳᓐᖑᕐᓂᐊᓐᖏᓚᑦ, ᐊᑕᓂᕐᓕ ᐊᖓᔪᖅᑳᖑᓂᐊᕐᐳᖅ ᐃᓕᑦᓯᓐᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 9:18

ᐅᓪᓗᒥᓕ ᐊᑖᑕᒪ ᐃᓚᖏᓐᓂᒃ ᐊᑭᕋᕐᑐᓕᕐᐳᓯ ᐃᕐᓂᖏᑦ ᑐᖁᓚᐅᕋᑦᓯᐅᒃ 70 ᐊᖑᑏᑦ ᐅᔭᕋᐅᑉ ᐊᑕᐅᓯᐅᑉ ᖄᖓᓂ, ᐊᐱᒥᓕᒃ, ᐃᕐᓂᕆᖕᒪᒍ ᐊᕐᓇᒃᑯᑦ ᐱᔨᒃᑯᑦ, ᐊᖓᔪᖅᑳᕐᔪᐊᓐᖑᕐᑎᓐᓇᑦᓯᐅᒃ ᓯᑭᒻᒥ ᓄᓇᖃᕐᑐᓄᑦ, ᐅᐱᓐᓇᕋᓂ ᐃᓚᒋᒐᑦᓯᐅᒃ.

ᓴᒧᐃᓕ ᓯᕗᓪᓖᑦ 10:19

ᑭᓯᐊᓂᓕ ᐅᓪᓗᒥ ᒎᑎᑦᓯᓐᓂᒃ ᓇᕐᕈᓕᕐᐳᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑐᒥᒃ ᐅᖁᒤᑦᑐᓂᑦ ᐊᒃᓱᕈᕐᓇᕐᑐᓂᒡᓗ; ᑖᑦᓱᒧᖓᓗ ᐅᖃᓚᐅᕐᐳᓯ, ‘ᐋᒃᑲ, ᐊᖓᔪᖅᑳᕐᔪᐊᕐᑖᕐᑎᓚᐅᕐᑎᒍᑦ.’ ᒫᓐᓇᓕ ᑍᒤᒻᒪᑦ, ᐊᑕᓂᐅᑉ ᓵᖓᓄᑦ ᑐᓂᓕᕆᑦᓯ ᑭᖑᕚᕇᑦ ᐃᓚᒌᓪᓗ ᑲᑎᓐᖓᓗᑎᒃ.”

ᓴᒧᐃᓕ ᓯᕗᓪᓖᑦ 8:3

ᐃᕐᓂᖏᒡᓕ ᐃᓅᓚᐅᓐᖏᓛᒃ ᑖᑦᓱᑐᓇᖅ; ᓴᖑᓚᐅᕐᐴᒡᓕ ᑮᓇᐅᔭᓕᐅᕈᒪᓂᕐᒧᑦ ᐱᓕᕆᓕᕐᓗᑎᒃ; ᓯᓔᕐᕆᒃᓯᓪᓗᑎᒃ ᐱᓇᓱᐊᖃᑦᑕᓚᐅᕐᒪᑎᒃ ᓱᓕᖏᑦᑐᒥᒃ ᐱᓂᐊᕐᓂᖃᓕᕐᓗᑎᒃ.