ᓴᒧᐃᓕ ᓯᕗᓪᓖᑦ 12:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑕᓂᐅᓪᓗ ᑎᓕᓯᕕᒋᓚᐅᕐᐰᑦ ᔨᕈᐸᐅᓕᒥᒃ, ᐹᕋᒃᒥᒡᓗ, ᔨᑉᑕᒥᒡᓗ, ᓴᒧᐃᓕᒥᒡᓗ, ᑖᒃᑯᑎᒎᓇᖅ ᓴᐳᑎᓚᐅᕐᐹᓯ ᐊᑭᕋᓕᒫᑦᓯᓐᓂᑦ; ᐃᓅᓕᕐᓗᓯᓗ ᑲᑉᐱᐊᓇᖏᑦᑐᒥ.

ᓴᒧᐃᓕ ᓯᕗᓪᓖᑦ 12:11 Iomraidhean Croise

ᐊᑕᓃᑦ ᐂᑉᐸᖏᑦ 13:5

ᑍᒤᒻᒪᑦ ᐊᑕᓂᐅᑉ ᐃᓴᕆᐊᓕᒥᐅᑦ ᓴᐳᑦᔨᔨᒃᓴᖓᓂᒃ ᑎᓕᓯᕕᒋᓚᐅᕐᐰᑦ, ᓯᕆᐊᒥᐅᓄᑦ ᑎᒍᒥᐊᕐᑕᐅᔪᓐᓃᖁᓪᓗᒋᑦ; ᑕᕝᕙ ᐃᓴᕆᐊᓕᒥᐅᑦ ᐅᑎᕈᓐᓇᕐᓯᓚᐅᕐᐳᑦ ᓄᓇᒋᕙᓚᐅᕐᑕᒥᖕᓄᑦ ᐊᖏᕐᕋᕐᓯᒪᔪᓐᓇᓕᕆᓪᓗᑎᒃ.

ᑯᕉᓂᑲ ᓯᕗᓪᓖᑦ 7:17

ᐆᓛᒻ ᐃᕐᓂᖓ ᐱᑕᓐᒥᒃ ᐊᑎᖃᕐᐳᖅ. ᑖᒃᑯᐊ ᑕᕝᕙ ᒋᓕᐊᑎᐅᑉ ᒪᑬᕆᐅᑉ ᐃᕐᓂᖓᑕ ᑭᖑᕚᖏᑦ, ᒫᓇᓯᐅᑉ ᐃᕐᓂᖓᑕ.

ᐃᓗᐊᕐᓮᔩᑦ ᐊᒡᓚᖏᑦ 4:6

ᑖᓐᓇ ᑎᓕᓯᕗᖅ ᕾᖁᔭᐅᖁᓪᓗᒍ ᐸᕌᒃ ᐊᐱᓄᐊᒥᐅᑉ ᐃᕐᓂᖓ ᑭᑎᓯᒥᐅᑕᖅ ᓈᑉᑕᓕᒥᑦ, ᐅᖃᐅᑎᔭᐅᖁᓪᓗᒍ, “ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᐱᖁᖕᒪᑎᑦ, ‘ᐅᓇᑕᕐᑐᒃᓴᖁᑎᖕᓂᒃ ᖃᖅᑲᒥ ᑍᐸᕆᒥ ᑲᑎᑎᑦᓯᖁᓪᓗᑎᑦ, ᐅᓇᑕᕐᑐᒃᓴᓂᒃ 10,000ᓂᒃ ᓇᒃᓴᕐᓗᑎᑦ ᓇᑉᑖᓕᐅᑉ ᑭᖑᕚᖏᓐᓂᑦ ᓯᐳᓗᓂᐅᓪᓗ ᑭᖑᕚᖏᓐᓂᑦ;

ᐃᓗᐊᕐᓮᔩᑦ ᐊᒡᓚᖏᑦ 6:14

ᐊᑕᓂᐅᓪᓕ ᓵᕝᕕᒋᓪᓗᒍ ᐅᖃᐅᑎᕚ, “ᐂᓕᕆᑦ ᐊᔪᖏᓐᓂᖅ ᒫᓐᓇ ᐱᔧᑦ ᐊᑐᕐᓗᒍ ᐃᓴᕆᐊᓕᒥᐅᑦ ᓴᐳᑎᔭᕐᑐᓕᒃᑭᑦ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓂᑦ; ᐅᕙᖓ ᒫᓐᓇ ᑎᓕᕙᒋᑦ.”

ᐃᓗᐊᕐᓮᔩᑦ ᐊᒡᓚᖏᑦ 6:31

ᔪᐊᓯᐅᓪᓕ ᐅᐸᒃᑎᓂ ᐅᖃᐅᑎᕔᑦ, “ᐱᑦᔪᑦᔨᒐᓱᐊᕐᐱᓰ ᐰᓕᒥᒃ? ᓴᐳᑦᔨᓇᓱᐊᕐᐱᓯᓗ ᑖᑦᓱᒥᖓ? ᐱᑦᔪᑦᔨᒐᓱᐊᕐᑐᖅ ᑖᑦᓱᒥᖓ ᑐᖁᑕᐅᓂᐊᕐᐳᖅ ᐅᓪᓛᓐᖑᓚᐅᕐᑎᓐᓇᒍ. ᐰᓕ ᒎᑎᐅᒍᓂ, ᐃᒻᒥᓂᒃ ᓴᐳᑎᓕᕐᓕ, ᑖᑦᓱᒪ ᑐᓂᕐᕈᓯᕐᕕᖓ ᐅᕐᕈᑎᑕᐅᓯᒪᖕᒪᑦ.”

ᐃᓗᐊᕐᓮᔩᑦ ᐊᒡᓚᖏᑦ 6:32

ᑕᕝᕙᓐᖓᑦ ᐱᒋᐊᕐᓗᒍ ᒋᑎᐅᓂ ᑍᔭᐅᓕᕐᐳᖅ ᔨᕈᐸᐅᓪᒥᒃ, ᐃᒫᒃ ᑐᑭᓕᒃ, “ᐰᓕ ᐅᓇᑕᖃᑎᒋᓕᕐᓕᐅᒃ, ᑐᓂᕐᕈᓯᕐᕕᖓᓂᒃ ᐅᕐᕉᕋᕐᑎᑦᓯᓚᐅᕐᒪᑦ.”

ᐃᓗᐊᕐᓮᔩᑦ ᐊᒡᓚᖏᑦ 7:1

ᐅᓪᓗᐃᑦ ᐃᓚᖓᓐᓂ ᔨᕈᐸᐅᓪ (ᑖᓐᓇ ᒋᑎᐅᓂ) ᐃᓄᐃᓪᓗ ᓇᔪᕐᑎᓕᒫᖏᑦ ᒪᑭᑉᐳᑦ ᐅᓪᓛᒻᒪᕆᒃᑯᑦ ᑕᖕᒫᕐᓗᑎᒡᓗ ᕼᐊᕉᑎᐅᑉ ᑰᖓᓂ; ᒥᑎᐊᓂᒥᐅᓪᓕ ᑕᖕᒫᕐᓯᒪᓚᐅᕐᐳᑦ ᓇᕐᓴᒥ ᒨᕆᐅᑉ ᐅᖓᑖᓂ.

ᐃᓗᐊᕐᓮᔩᑦ ᐊᒡᓚᖏᑦ 8:29

ᔨᕈᐸᐅᓪ ᔪᐊᓯᐅᑉ ᐃᕐᓂᖓ ᐅᑎᓚᐅᕐᐳᖅ ᓇᖕᒥᓂᖅ ᐊᖏᕐᕋᒥᓄᑦ ᑍᑲᓃᓕᕐᓗᓂᓗ.

ᐃᓗᐊᕐᓮᔩᑦ ᐊᒡᓚᖏᑦ 8:35

ᔨᕈᐸᐅᓕᐅᓪᓗ ᐱᑦᓯᐊᕐᕕᒋᓚᐅᓐᖏᓔᑦ ᒋᑎᐅᓂᐅᑉ ᐃᓚᖏᑦ, ᐱᐅᔪᑦ ᐱᓂᐊᕐᓂᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᐱᓪᓗᒋᑦ.

ᓴᒧᐃᓕ ᓯᕗᓪᓖᑦ 3:20

ᐃᓴᕆᐊᓕᒥᐅᑦ ᐃᓄᓕᒫᖏᑦ ᑖᓐᒥᑦ ᐱᐊᕐᓯᐸᒧᑦ ᖃᐅᔨᒪᓕᓚᐅᕐᐳᑦ ᓴᒧᐃᓕ ᐊᑕᓂᐅᑉ ᐅᖃᕐᑎᒋᓕᕐᒪᒍ.

ᓴᒧᐃᓕ ᓯᕗᓪᓖᑦ 7:13

ᐱᓕᔅᑍᓂᒥᐅᑦ ᓵᓚᐅᓚᐅᕐᐳᑦ ᐃᓴᕆᐊᓕᒥᐅᓪᓗ ᓄᓇᖓᓄᑦ ᐃᑎᒃᑲᓐᓂᓚᐅᕈᓐᓃᕐᓗᑎᒃ. ᐊᑕᓂᐅᓪᓗ ᐱᔪᓐᓇᕐᓂᖓᑕ ᐱᓕᔅᑏᓂᒥᐅᑦ ᓵᓐᖎᓐᓇᓚᐅᕐᐰᖅ ᓴᒧᐃᓕᐅᑉ ᐃᓅᓂᓕᒫᖓᓂ.