ᓴᒧᐃᓕ ᓯᕗᓪᓖᑦ 11:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑕᕝᕙ ᐃᒻᒧᒃᓯᐅᒑᒃ ᒪᕐᕉᒃ ᑎᒍᓪᓗᒋᒃ, ᐊᒡᒍᕐᐹᒃ ᒥᑭᓈᕐᑎᕐᓗᒋᑦ ᐊᐅᓪᓚᕐᑎᓪᓗᒋᓪᓗ ᐃᓴᕆᐊᓕᒥᐅᓕᒫᓄᑦ ᐅᖃᕆᐊᕐᑐᕐᑐᓂᒃ ᒪᓕᒃᑕᐅᑎᓪᓗᒋᑦ, ᐃᒫᒃ ᐅᖃᖁᓪᓗᒋᑦ: “ᓇᓪᓕᐊᑦ ᒪᓕᖏᑦᑐᖅ ᓴᐅᓕᒥᒃ ᓴᒧᐃᓕᒥᒡᓗ ᐅᓇᑕᕆᐊᕐᑐᕐᑎᓪᓗᒋᑦ ᐃᒻᒧᒃᓯᐅᒐᑎᑐᑦ ᑍᒫᒃ ᐊᕕᒃᑐᕐᑕᐅᔪᒫᕐᐳᑦ!” ᑕᕝᕙ ᐃᓴᕆᐊᓕᒥᐅᑦ ᐃᓄᖏᑦ ᐊᖏᔪᒥᒃ ᓯᕘᕋᓕᕐᐳᑦ ᐊᑕᓂᕐᒥᒃ, ᕾᓚᐅᕐᐳᓪᓗ ᐊᑕᐅᑦᓯᐅᓕᖓᑦᓯᐊᕐᓗᑎᒃ ᐃᓄᒃᑐᑦ ᐊᑕᐅᓯᕐᑐᑦ.

ᓴᒧᐃᓕ ᓯᕗᓪᓖᑦ 11:7 Iomraidhean Croise

ᒨᓯᓯ ᓯᕗᓪᓖᑦ 35:5

ᑕᕝᕙᓐᖓᑦ ᐊᐅᓪᓚᓕᕐᓗᑎᒃ, ᓄᓇᓖᑦ ᖃᓂᒋᔮᓃᑦᑐᑦ ᑲᑉᐱᐊᓱᖕᓂᕐᔪᐊᕐᒧᑦ ᒎᑎᒥᑦ ᐱᔪᒧᑦ ᑎᑭᑕᐅᕗᑦ, ᒪᓕᒃᓴᖁᓇᒋᑦ ᔧᑰᑉ ᐃᕐᓂᖏᓐᓂᒃ.

ᑯᕉᓂᑲ ᐂᑉᐸᖏᑦ 14:14

ᐃᒡᓗᒐᓮᑦ ᒋᕌᕆᐅᑉ ᖃᓂᒋᔭᖓᓃᑦᑐᓕᒫᑦ ᓵᓚᒋᕔᑦ, ᐊᑕᓂᐅᑉ ᓯᕘᕋᓂᕐᒥᒃ ᑐᓂᓚᐅᕐᒪᒋᑦ. ᐃᒡᓗᒐᓴᓕᒫᓪᓗ ᓇᒡᕚᕐᑕᕐᕕᒋᕔᑦ, ᐱᖁᑎᕐᔪᐊᖃᓚᐅᕐᒪᑕ.

ᑯᕉᓂᑲ ᐂᑉᐸᖏᑦ 17:10

ᐊᑕᓂᐅᓪᓗ ᓯᕘᕋᓇᕐᓂᖓᑕ ᐊᖓᔪᖅᑲᐅᕕᓕᒫᑦ ᓄᓇᓕᖏᓪᓗ ᔫᑕᐅᑉ ᐊᕙᑖᓃᑦᑐᑦ ᑐᕝᕕᒋᓚᐅᕐᐰᑦ, ᐅᓇᑕᕆᐊᒃᓴᕐᓗ ᓯᕘᕋᓕᓚᐅᕐᐳᑦ ᔨᕼᐆᓴᐸᑦᒥᒃ.

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᐂᓮᐊᓯᐅᑉ ᐊᒡᓚᖏᑦ 8:13

ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ, ᑖᑦᓱᒪ ᐃᑦᔪᕐᓁᑦᑑᓂᖓ ᐃᒃᐱᒋᑦᓯᐊᕋᒃᓴᕆᕙᑦ; ᑖᓐᓇ ᓯᕘᕋᒋᔭᒃᓴᕆᕙᑦ, ᑖᓐᓇᓗ ᑭᓯᒥ ᐃᓕᕋᒋᔭᒃᓴᕆᕙᑦ.

ᐃᓗᐊᕐᓮᔩᑦ ᐊᒡᓚᖏᑦ 19:29

ᐊᖏᕐᕋᕋᒥᓗ ᐃᒡᓗᒥᓄᑦ ᐃᑎᕐᐳᖅ ᓴᕕᖕᒥᒡᓗ ᑎᒍᓯᓪᓗᓂ. ᓄᓕᐊᒃᑲᓐᓂᖓᑕᓗ ᑎᒥᖓ ᐊᒡᒍᕐᐹ 12ᓕᓪᓗᒍ, ᐊᐅᓪᓚᕐᑎᑉᐰᓪᓗ ᐃᓴᕆᐊᓕᐅᑉ ᑭᖑᕚᓕᒫᖏᓐᓄᑦ 12ᓄᑦ ᐊᑐᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 20:1

ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.