ᓴᒧᐃᓕ ᓯᕗᓪᓖᑦ 10:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᕝᕙ ᓴᒧᐃᓕᐅᑉ ᐃᓄᐃᑦ ᓇᓗᓁᕐᓯᕕᒋᕔᑦ ᖃᓄᖅ ᐊᖓᔪᖅᑳᕐᔪᐊᑦ ᐱᔪᓐᓇᕐᓂᖃᕐᑐᒃᓴᐅᖕᒪᖔᑕ ᐱᐅᓯᖃᕐᑐᒃᓴᐅᖕᒪᖔᑕᓗ; ᑎᑎᕋᕐᓗᒋᓪᓗ ᐊᒡᓚᖕᓄᑦ ᐊᑕᓂᕐᒧᓪᓗ ᑐᓂᕔᑦ. ᑕᕝᕙ ᓴᒧᐃᓕᐅᑉ ᐃᓄᓕᒫᑦ ᐊᖏᕐᕋᖁᓕᕐᐰᑦ, ᐊᑐᓂᑦ ᐊᖏᕐᕋᒥᖕᓄᑦ.

ᓴᒧᐃᓕ ᓯᕗᓪᓖᑦ 10:25 Iomraidhean Croise

ᐊᑕᓃᑦ ᐂᑉᐸᖏᑦ 11:17

ᔨᕼᐅᐃᐊᑕ ᐊᖏᖃᑎᓕᐅᕈᑎᒥᒃ ᐋᖅᑮᕗᖅ ᐊᑕᓂᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐃᓄᖕᓄᓪᓗ ᐊᑕᓂᖕᒧᑦ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᕐᒧᑦ ᐊᑕᓂᕐᒧᓪᓗ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᑉ ᐃᓄᖁᑎᖏᑕᓗ ᐊᖏᓯᒪᖃᑎᒌᒍᑎᒋᓂᐊᕐᑕᖓᓐᓂᒃ.

ᒨᓯᓯ ᑕᓪᓕᒪᖏᑦ 31:26

“ᐅᑯᐊ ᐱᖁᔧᑦ ᐊᒡᓚᒃᓯᒪᔪᑦ, ᑎᒍᓗᒋᑦ ᐃᓕᔭᒃᓴᕆᕙᓯ ᐊᑕᓂᐅᑉ ᒎᑎᑦᓯ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᑕ ᓴᓂᐊᓄᑦ, ᓇᓗᓁᒃᑯᑕᐅᖁᓪᓗᒋᑦ ᐃᓕᑦᓯᓐᓄᑦ.

ᑎᒧᑎᒧᑦ ᓯᕗᓪᓖᑦ 2:2

ᐊᖓᔪᖅᑳᕐᔪᐊᑦ ᐊᐅᓚᑦᓯᔨᐅᑎᑕᐅᔪᓪᓗ ᐱᑦᔪᑎᒋᖕᒥᓗᒋᑦ, ᐃᓅᑦᓯᐊᕐᓇᕐᑐᒥᒃ ᐃᓅᓯᖃᖁᓪᓗᑕ ᖃᓄᐃᓐᓇᖏᑦᓯᐊᕐᑐᒥᒡᓗ ᒎᑎ ᐅᐱᒋᑦᓯᐊᕐᓗᒍ ᓈᒻᒪᑦᓯᐊᕐᑐᒥᒡᓗ ᐃᓅᓯᖃᑦᓯᐊᕐᓗᑕ.

ᑍᑑᓯᒧᑦ 3:1

ᐃᖅᑬᑎᒃᑭᑦ ᐊᐅᓚᑦᓯᔨᓂᒃ ᐊᖓᔪᖅᑳᓂᒡᓗ ᓈᓚᑦᓯᐊᖁᓗᒋᑦ, ᐃᒻᒥᖕᓂᒃ ᑐᓂᓯᒪᑦᓯᐊᕐᓗᑎᒃ ᑖᒃᑯᓄᖓ, ᐱᓇᓱᐊᑦᓯᐊᕈᒪᓂᕐᒥᒡᓗ ᖃᖓᓕᒫᒃᑯᑦ ᐊᑐᐃᓐᓇᐅᑦᓯᐊᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 22:6

ᑕᕝᕙ ᔮᓱᐊᑉ ᓮᒻᒪᕐᑎᑉᐰᑦ, ᐊᐅᓪᓚᕐᑎᓪᓗᒋᓪᓗ; ᑖᒃᑯᐊᓗ ᐊᖏᕐᕋᒥᖕᓄᐊᕐᐳᑦ.

ᓴᒧᐃᓕ ᓯᕗᓪᓖᑦ 11:14

ᑕᕝᕙ ᓴᒧᐃᓕᐅᑉ ᐃᓄᐃᑦ ᐅᖃᐅᑎᕔᑦ, “ᒋᐅᓪᒐᐅᓪᒧᐊᓚᐅᕐᑕ ᐊᖓᔪᖅᑲᐅᕕᖓ ᓄᑕᐅᓯᓕᕐᓂᐊᕋᑦᑎᒍ.”

ᓴᒧᐃᓕ ᓯᕗᓪᓖᑦ 8:9

ᒫᓐᓇᓕ, ᑍᒤᒻᒪᑦ ᐅᖃᐅᓯᕆᔭᖏᑦ ᒪᓕᓕᒃᑭᑦ; ᑭᓯᐊᓂ ᓯᕘᕋᒋᔭᒃᓴᖏᓐᓂᒃ ᐃᓂᕐᑎᒻᒪᕆᖕᓂᐊᕐᐸᑎᑦ, ᐅᖃᐅᑎᑦᓯᐊᕐᓗᒋᓪᓗ ᐊᖓᔪᖅᑳᕐᔪᐊᑉ ᐱᐅᓯᕆᔭᕆᐊᖃᓛᕐᑕᖓᓂᒃ ᐊᐅᓚᑦᓯᓕᕈᓂ ᑖᒃᑯᓂᖓ.”