17 ᑕᕝᕙ ᓴᒧᐃᓕᐅᑉ ᐃᓄᒐᓮᑦ ᑲᑎᖁᕔᑦ ᐊᑕᓂᕐᒥᒃ ᑲᑎᓯᖁᓪᓗᒋᑦ ᒥᔅᐸᒥ;
ᐊᖓᔪᖅᑳᕐᔪᐊᓂᒃ ᓂᓐᖓᒃᓗᖓ ᑐᓂᓯᕕᒋᓚᐅᕐᐸᑦᓯ, ᐲᕐᑎᓕᕐᐸᒃᑲᓗ ᓂᓐᖓᐅᓯᒃᑯᑦ.
ᑕᕝᕙ ᔨᑉᑕᐅᑉ ᐃᓚᒋᓕᕐᐰᑦ ᒋᓕᐊᑎᒥᐅᑦ ᐊᖓᔪᖅᑳᖏᑦ, ᐃᓄᖏᑦᑕᓗ ᐊᐅᓚᑦᓯᔨᓐᖑᕐᑎᑉᐹᑦ ᓯᕗᓕᕐᑎᒋᓕᕐᓗᒍᓗ; ᔨᑉᑕᐅᓪᓗ ᐊᖏᕈᑎᒋᔭᓂ ᓇᓗᓁᕐᐰᑦ ᐊᑕᓂᐅᑉ ᓵᖓᓂ ᒥᔅᐸᒥ.
ᐃᓄᓕᒫᑦ ᐃᓴᕆᐊᓕᒥᐅᑦ ᐊᐅᓪᓚᕐᐳᑦ, ᓄᓇᒥᑦ ᑖᓐᒥᑦ ᐱᒋᐊᕐᓗᑎᒃ ᐱᐊᕐᓯᐸ ᑎᑭᓪᓗᒍ ᒋᓕᐊᑎᓪᓗ ᓄᓇᖓᓂᑦ, ᐃᓄᒋᐊᒃᑐᕐᔪᐊᓪᓗ ᑲᑎᓚᐅᕐᐳᑦ ᐊᑕᓂᐅᑉ ᓵᖓᓂ, ᒥᔅᐸᒥ.
ᑕᕝᕙ ᐃᓄᓕᒫᑦ ᒋᐅᓪᒐᐅᓪᒧᐊᐳᑦ, ᑕᕝᕙᓂᓗ ᒋᐅᓪᒐᐅᓪᒥ ᓴᐅᓕ ᐊᖓᔪᖅᑳᕐᔪᐊᖑᕐᑎᑉᐹ ᐊᑕᓂᐅᑉ ᓵᖓᓂ. ᑕᕝᕙᓂᓗ ᑐᓂᕐᕈᓯᕐᐳᑦ ᑐᓂᕐᕈᑎᒥ ᓮᒻᒪᕐᑎᑕᐅᓂᕐᒧᑦ ᐊᑕᓂᐅᑉ ᓵᖓᓂ, ᑕᕝᕙᓂᓗ ᓴᐅᓕ ᐃᓴᕆᐊᓕᒥᐅᓪᓗ ᐃᓄᖏᑦ ᐊᖏᔪᒥᒃ ᖁᕕᐊᓱᖃᑎᒌᓚᐅᕐᐳᑦ.
ᐊᕐᕌᒍᑕᒫᑦ ᐂᖃᑦᑕᓚᐅᕐᐳᖅ ᓄᓇᓕᖕᓄᑦ ᐱᑎᓕᒧᑦ, ᒋᐅᓪᒐᐅᓪᒧᑦ, ᒥᔅᐸᒧᓪᓗ; ᑖᒃᑯᓇᓂᓗ ᐊᑲᐅᖏᑦᔪᑕᐅᔪᑦ ᐋᖅᑭᒃᓱᖃᑦᑕᓚᐅᕐᐰᑦ.
