ᓴᒧᐃᓕ ᓯᕗᓪᓖᑦ 10:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 10:1 Iomraidhean Croise

ᓴᒧᐃᓕ ᐂᑉᐸᖏᑦ 1:14

ᑍᕕᑎᐅᑉ ᐅᖃᐅᑎᕚ, “ᖃᓄᐊᓗᒃ ᑲᑉᐱᐊᓱᖏᑦᓱᑎᑦ ᑐᖁᑦᓯᔪᓐᓇᕐᐲᑦ ᐊᖓᔪᖅᑳᕐᔪᐊᒥᒃ ᐊᑕᓂᐅᑉ ᓂᕈᐊᕐᓯᒪᔭᖓᓂᒃ?”

ᓴᒧᐃᓕ ᐂᑉᐸᖏᑦ 19:39

ᑍᕕᑎᒃᑯᑦ ᐃᓄᖁᑎᖏᓪᓗ ᐃᑳᓚᐅᕐᐳᑦ ᔪᐊᕐᑕᓂᐅᑉ ᑰᖓᓂᒃ; ᐊᖓᔪᖅᑳᕐᔪᐊᓪᓗ ᑯᓂᒃᐹ ᐸᕐᔨᓔ ᓮᒻᒪᕐᑎᓪᓗᒍᓗ, ᐸᕐᔨᓔᓗ ᐅᑎᓚᐅᕐᐳᖅ ᐊᖏᕐᕋᒥᓄᑦ.

ᓴᒧᐃᓕ ᐂᑉᐸᖏᑦ 20:19

ᐃᒡᓗᒐᓴᕗᑦ ᐱᐅᔪᐊᓘᕗᖅ, ᓮᓕᑦᓯᐊᕐᓇᕐᓂᕐᐹᖑᕗᖅ ᐱᑦᓯᐊᕐᓂᕐᐹᖑᓪᓗᓂᓗ ᐃᓴᕆᐊᓕᒥᐅᓂ; ᓱᖕᒪᓪᓕ ᐊᓯᕈᕋᓱᐊᕐᐱᐅᒃ? ᓱᒃᑯᐃᔪᒪᕖᑦ ᐊᑕᓂᐅᑉ ᐱᖓᓂᒃ?”

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᐊᑕᓃᑦ ᓯᕗᓪᓖᑦ 1:34

ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᓗᒍ, ᐊᖓᔪᖅᑳᕐᔪᐊᓐᖑᕐᑎᑕᒃᓴᕆᕚᒃ ᐃᓴᕆᐊᓕᒥᐅᓄᑦ; ᑎᑦᑐᓚᐅᑎᓗ ᓂᓪᓕᕐᑎᑕᐅᓗᓂ, ᐅᖃᕐᓗᓯ, ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!’

ᐊᑕᓃᑦ ᓯᕗᓪᓖᑦ 19:18

ᓱᓕ ᐃᓄᖁᑎᖃᕐᐳᖓ ᐃᓴᕆᐊᓕᒥᐅᓂ 7,000ᓂᒃ ᐊᒥᐊᒃᑰᔪᓂᒃ, ᓰᖅᑯᕐᑐᓚᐅᖏᑦᑐᓂᒃ ᐰᓕᒧᑦ, ᑕᖅᑭᑕᒫᕐᓯᐅᑎᒧᓪᓗ ᑯᓂᒃᓯᓚᐅᖏᑦᑐᓂᒃ ᒎᑎᓐᖑᐊᒥᒃ.”

ᐊᑕᓃᑦ ᐂᑉᐸᖏᑦ 20:5

“ᐅᑎᕆᑦ ᕼᐃᓯᑬᐊ ᐅᖃᐅᑎᓗᒍ ᐊᐅᓚᑦᓯᔨᐅᔪᖅ ᐃᓄᖁᑎᓐᓂᒃ ᐅᖃᐅᑎᓗᒍ ᐊᑕᓂᖅ ᓯᕗᓕᕕᓂᕐᐱᑦ ᑍᕕᑎᐅᑉ ᒎᑎᖓ, ᐅᖃᕐᐳᖅ: ᑐᒃᓯᐊᕐᓃᑦ ᑐᓴᕐᐸᕋ, ᖁᕕᐅᕐᓂᑎᓪᓗ ᑕᑯᕙᒃᑲ; ᑕᑯᒋᑦ, ᐋᖅᑭᖕᓂᐊᕐᐸᒋᑦ; ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐊᑕᓂᐅᑉ ᐃᒡᓗᖓᓄᐊᕐᓂᐊᕐᐳᑎᑦ.

ᐊᑕᓃᑦ ᐂᑉᐸᖏᑦ 9:1

ᐃᓔᓴ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᕾᖁᔨᕗᖅ ᐊᖑᒻᒥᒃ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᐃᓚᖓᓐᓂᒃ ᐅᖃᐅᑎᓪᓗᓂᐅᒡᓗ, “ᐸᕐᓁᓕᕆᑦ ᐂᓗᑎᓪᓗ ᕌᒪᑦ-ᒋᓖᑦᒧᑦ ᐅᓇ ᐅᕐᓱᖅ ᓇᒃᓴᕐᓗᒍ.

ᐊᑕᓃᑦ ᐂᑉᐸᖏᑦ 9:12

ᑖᒃᑯᐊ ᑭᐅᕗᑦ, “ᓱᓕᓐᖏᓚᑎᑦ, ᖃᐅᔨᒪᓐᖏᓚᒍᑦ ᐊᑏ ᐅᖃᐅᑎᑦᓯᐊᓚᐅᕐᑎᒍᑦ.” ᔨᕼᐆᑉ ᐅᖃᐅᑎᕔᑦ, “ᐃᒫᒃ ᑕᕝᕙ ᐅᖃᐅᑎᕙᖓ, ᐃᒫᒃ ᐊᑕᓂᖅ ᐅᖃᕐᐳᖅ, ᐅᕐᓱᒧᑦ ᒥᖑᐊᕐᐸᒋᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓴᕆᐊᓕᒥᐅᓄᑦ.”

ᐃᓐᖏᕈᑎᑦ 135:4

ᐊᑕᓂᐅᑉ ᔧᑯ ᓂᕈᐊᓚᐅᕐᒪᒍ ᓇᖕᒥᓂᕆᔪᒪᓪᓗᒍ, ᐃᓴᕆᐊᓕᓗ ᓇᖕᒥᓂᖅ ᐱᖁᑎᒋᔪᒪᓪᓗᓂᐅᒃ.

ᐃᓐᖏᕈᑎᑦ 2:12

ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 78:71

ᓰᐱᓂᑦ ᐊᕐᓇᓪᓗᖕᓂᒃ ᐃᕐᓂᐅᕐᑐᓂᒃ ᒪᓕᑲᑕᒃᕕᖓᓂᑦ, ᔧᑯᒧᑦ ᐃᓄᖁᑎᖏᓐᓄᓪᓗ ᓰᐱᓕᕆᔨᐅᖁᓪᓗᒍ, ᐃᓴᕆᐊᓕᒃᑯᓪᓗ ᑖᑦᓱᒧᖓ ᑭᖑᕐᖑᑎᔭᐅᖁᓪᓗᒋᑦ.

ᒨᓯᓯ ᐂᑉᐸᖏᑦ 30:23

“ᑎᐱᑦᓯᐊᕆᒃᓴᐅᑎᓂᒃ ᒪᒪᕐᓂᕐᐹᓂᒃ ᐱᔪᒃᓴᐅᕗᑎᑦ; ᐅᖁᒤᓐᓂᖃᕐᑐᓂᒃ 6ᑭᓗᒍᕌᒻᓂᒃ ᐃᒥᕐᒥᒃ ᒨᕐᒥᒃ, ᐱᖓᓱᓂᒃ ᑭᓗᒍᕌᒻᓂᒃ ᐅᖁᒤᓐᓂᖃᕐᑐᓂᒃ ᒪᒪᕐᑐᓂᒃ ᓯᓇᒪᓐᓂᒃ, ᐱᖓᓱᓂᒃ ᑭᓗᒍᕌᒻᓂᒃ ᐅᖁᒤᓐᓂᖃᕐᑐᓂᒃ ᒪᒪᕐᑐᓂᒃ ᑬᓂᓐᓂᒃ,

ᔨᕆᒤᐊᐅᑉ ᐊᒡᓚᖏᑦ 10:16

ᔧᑯᒃᑯᓐᓂᒡᓕ ᐱᒋᐊᕐᑎᑦᓯᓚᐅᕐᑐᖅ ᑍᒤᓐᖏᓚᖅ, ᓱᓇᓕᒫᓂᒃ ᐱᓐᖑᕐᑎᑦᓯᓯᒪᖕᒪᑦ, ᐃᓴᕆᐊᓕᒥᐅᑦ ᓴᖅᑭᑎᓯᒪᕔᑦ, ᑭᖑᕚᕇᓐᖑᕐᓗᑎᒃ ᑭᖑᕐᖑᔨᖃᑎᒌᒃᑐᒃᓴᐅᖁᓪᓗᒋᑦ; ᑕᒪᒃᑯᓂᖓ ᓴᖅᑭᑎᑦᓯᔪᖅ ᐊᑕᓂᐅᕗᖅ ᖁᑦᓯᖕᓂᕐᐹᒥᒃ ᐊᑎᓕᒃ.

ᐃᓯᑭᐊᓕᐅᑉ ᐊᒡᓚᖏᑦ 16:13

ᑍᒫᒃ ᐱᐅᓴᐅᓯᕐᓯᒪᓚᐅᕐᐳᑎᑦ ᒎᓗᓂᒃ ᓯᐅᓪᕕᕆᓂᒡᓗ; ᐊᓄᕌᖃᕐᓗᑎᓪᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐱᐊᒃᑐᒥᒡᓗ, ᑕᕐᓯᕐᑐᕐᓯᒪᔪᒥᒡᓗ; ᓂᐊᖂᔭᒃᓴᑦᓯᐊᕙᐅᓂᕐᐹᓂᒡᓗ ᓂᐊᖂᔭᕐᑐᕐᐸᒡᓗᑎᑦ ᕼᐊᓂᑐᕐᐸᒡᓱᑎᑦ ᐸᐅᕐᖎᓪᓗ ᐅᕐᓱᖓᓂᒃ ᓂᕆᕙᒃᓱᑎᑦ. ᑕᑯᒥᓇᕐᓯᑦᓯᐊᓚᐅᕐᐳᑎᑦ, ᐊᖓᔪᖅᑳᕐᔪᐊᑎᑐᑦ ᐊᒡᓛᑦ ᑍᒤᓕᕐᓱᑎᑦ.

ᕼᐆᓯᐊᑉ ᐊᒡᓚᖏᑦ 13:2

ᒫᓐᓇᓗ ᐊᔪᕐᑐᓕᕙᓪᓕᐊᑐᐃᓐᓇᕐᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᕐᐳᑦ ᑕᑯᒥᓇᕐᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᕐᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᕐᐳᑦ, “ᑐᓂᕐᕈᓯᕐᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!”

ᐋᐴᓯᑕᓖᑦ ᐱᓂᐊᕐᓂᖏᑦ 13:21

ᐊᖓᔪᖅᑳᕐᔪᐊᒃᓴᒥᒡᓗ ᑐᒃᓯᕋᕐᒪᑕ; ᒎᑎᐅᑉ ᑐᓂᓯᕕᒋᓚᐅᕐᐰᑦ ᓴᐅᓕᒥᒃ ᑭᓯᐅᑉ ᐃᕐᓂᖓᓂᒃ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ ᐊᖓᔪᖅᑳᕐᔪᐊᖑᖁᓪᓗᒍ ᐊᕐᕌᒍᓂᒃ 40ᓂᒃ.

ᒨᓯᓯ ᑕᓪᓕᒪᖏᑦ 32:9

ᔧᑰᓪᓕ ᑭᖑᕚᖏᑦ ᓇᖕᒥᓂᖅ ᓂᕈᐊᕆᓚᐅᕐᐰᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:26

ᐅᒃᐱᕐᑑᖃᑎᒌᓕᒫᑦ ᑕᕝᕙᐅᕗᑏᕐᐸᕗᑦ ᑯᓂᒡᓗᒋᓪᓗ ᐃᑦᔪᕐᓁᑦᑐᒧᑦ.

ᐄᑉᕈᐃᓄᑦ 2:10

ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:8

ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ;

ᓴᒧᐃᓕ ᓯᕗᓪᓖᑦ 12:3

ᒫᓐᓇ ᑕᒫᓃᑉᐳᖓ; ᑕᒻᒪᓚᐅᕈᒪ ᐸᓯᔭᐅᓕᕐᓚᖓ ᐊᑕᓂᐅᑉ ᓵᖓᓂ ᐅᕐᓱᕐᑎᓚᐅᕐᑕᖓᑕᓗ ᓵᖓᓂ. ᑎᒍᓯᓚᐅᐳᖔ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ? ᓯᐅᑎᖅᑯᕐᑐᔪᒥᒡᓘᓐᓃᑦ ᐱᒋᔭᐅᔪᒥᒃ? ᑭᓇᑐᐃᓐᓇᒥᑦ ᐊᑭᓕᕐᑕᐅᓗᖓ ᓴᒡᓗᓂᒃᑯᑦ ᐱᓇᓱᐊᓚᐅᕐᐳᖔ? ᓇᓪᓕᐊᓐᓂᒃ ᐅᑯᒤᒃᓴᕐᑎᑦᓯᓚᐅᕐᐳᖔ? ᑕᒪᒃᑯᓂᖓ ᐱᓇᓱᐊᓚᐅᕈᒪ ᑎᒍᓯᓚᐅᕈᒪᓘᓐᓃᑦ ᐃᓕᑦᓯᓐᓄᑦ ᐅᑎᕐᑎᑦᓱᒪᕙᒃᑲ.”

ᓴᒧᐃᓕ ᓯᕗᓪᓖᑦ 13:14

ᒫᓐᓇᓕ ᐊᖓᔪᖅᑲᐅᕖᑦ ᑲᔪᓯᓂᐊᕈᓐᓃᕐᐳᖅ; ᐊᑕᓂᖅ ᕿᓂᕈᒫᓕᕐᐳᖅ ᐃᓄᖕᒥᒃ ᐊᑕᓂᐅᑉ ᐆᒻᒪᑎᖓᓂᒃ ᕿᓂᕐᑐᒥᒃ; ᐊᑕᓂᐅᓪᓗ ᐊᖓᔪᖅᑳᓐᖑᕐᑎᑦᓱᒫᕐᐹ ᐃᓄᖁᑎᒥᓄᑦ, ᐊᑕᓂᐅᑉ ᐱᖁᔭᖓᓂᒃ ᓈᓚᓚᐅᖏᓐᓃᑦ ᐱᑦᔪᑎᒋᓗᒍ.”

ᓴᒧᐃᓕ ᓯᕗᓪᓖᑦ 15:1

ᓴᒧᐃᓕᓗ ᐅᖃᕐᐳᖅ ᓴᐅᓕᒧᑦ, “ᐊᑕᓂᐅᑉ ᑎᓕᕚᖓ ᐅᕐᓱᕐᑎᕐᑕᐅᖁᓪᓗᑎᑦ ᐊᖓᔪᖅᑳᕐᔪᐊᖑᓂᐊᕐᓗᑎᑦ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ; ᒫᓐᓇ ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᑦ ᓈᓚᓕᒃᑭᑦ.

ᓴᒧᐃᓕ ᓯᕗᓪᓖᑦ 15:17

ᓴᒧᐃᓕᓗ ᐅᖃᕐᐳᖅ, “ᒥᑭᔫᑎᓪᓗᑎᑦ ᐃᔨᕕᑦ ᓵᖓᓂ, ᐊᖓᔪᖅᑳᖑᓐᖏᓚᑏᑦ ᐃᓴᕆᐊᓕᒥᐅᑦ ᑭᖑᕚᖏᓐᓅᑦ? ᐊᑕᓂᐅᑉ ᐅᕐᓱᕐᑎᓚᐅᕐᐹᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 16:1

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᖃᓄᖅ ᐊᑯᓂᐅᑎᒋᔪᖅ ᕿᒃᓵᖕᓂᐊᕐᐲᑦ ᓴᐅᓕ ᐱᑦᔪᑎᒋᓗᒍ? ᓇᕐᕈᒋᓕᕐᐸᕋ ᐊᖓᔪᖅᑳᕐᔪᐊᖑᓂᖓᓂᒃ ᐃᓴᕆᐊᓕᒥᐅᓄᑦ, ᓇᒡᔪᖁᑏᑦ ᐃᒻᒥᓕᕈᒃ ᐅᕐᓱᒥᒃ, ᐊᐅᓪᓚᕐᓗᑎᓪᓗ; ᑎᓕᕙᒋᑦ ᔨᓯᒧᑦ ᐱᑦᓕᐊᒥᐅᑕᕐᒧᑦ, ᐃᕐᓂᖓᑦᑕ ᐃᓚᖓᑦ ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ.”

ᓴᒧᐃᓕ ᓯᕗᓪᓖᑦ 16:13

ᑕᕝᕙ ᓴᒧᐃᓕᐅᑉ ᓇᒡᔪᒃ ᐅᕐᓱᒥᒃ ᐃᒪᓕᒃ ᑎᒍᕚ, ᐅᕐᓱᕐᑎᕐᓗᒍᓗ ᖃᑕᓐᖑᑎᖏᑦ ᑕᑯᓐᓇᕐᑎᓪᓗᒋᑦ; ᐊᑕᓂᐅᓪᓗ ᐊᓂᕐᓂᖓᑕ ᐱᔪᓐᓇᕐᓂᖓ ᑍᕕᑎᒧᐊᕐᐳᖅ ᐅᓪᓗᒥ ᑕᕝᕙᓂ ᓇᔪᐃᓐᓇᓕᕐᓗᒍᓗ. ᓴᒧᐃᓕᓗ ᒪᑭᓐᓇᒥ, ᕌᒪᒧᐊᕐᐳᖅ.

ᓴᒧᐃᓕ ᓯᕗᓪᓖᑦ 2:10

ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ; ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ. ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ; ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ, ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”

ᓴᒧᐃᓕ ᓯᕗᓪᓖᑦ 24:6

ᐃᓄᖁᑎᒥᓄᓪᓗ ᐅᖃᕐᐳᖅ, “ᐊᑕᓂᐅᑉ ᐱᐅᖏᑦᑐᒥᒃ ᐱᓇᓱᐊᕐᑎᑦᑍᓕᓛᖓ ᐊᖓᔪᖅᑳᓐᓄᑦ, ᐊᑕᓂᐅᑉ ᐅᕐᓱᕐᑎᕐᓯᒪᔭᖓᓄᑦ, ᐊᒡᒐᒃᑲ ᑖᑦᓱᒥᖓ ᐊᒃᑐᐃᖁᓇᒋᑦ, ᐊᖓᔪᖅᑳᕐᔪᐊᖑᖕᒪᑦ ᐊᑕᓂᐅᑉ ᐅᕐᓱᕐᑎᕐᓯᒪᔭᖓ.”

ᓴᒧᐃᓕ ᓯᕗᓪᓖᑦ 26:11

ᐊᑕᓂᐅᑉ ᑍᒤᑎᑦᑍᓕᓛᖓ ᐊᓯᕈᐃᓂᕐᒥᒃ ᓂᕈᐊᕐᓯᒪᔭᖓᓂᒃ ᐊᖓᔪᖅᑳᕐᔪᐊᖑᖁᓪᓗᒍ; ᖃᓗᒋᐊᖓ ᐃᒥᐅᑎᖓᓗ ᑎᒍᓚᐅᕐᓚᕗᒃ ᓂᐊᖁᐊᑕ ᓴᓂᐊᓃᑦᑐᑦ, ᑕᒫᓃᑦᓱᓐᓃᕐᓗᒃ.”

ᓴᒧᐃᓕ ᓯᕗᓪᓖᑦ 26:9

ᑍᕕᑎᓕ ᐊᐱᓮᒧᑦ ᑭᐅᕗᖅ, “ᑐᖁᑦᑍᓕᒍᒃ; ᐊᑕᓂᐅᑉ ᓂᕈᐊᕐᓯᒪᔭᖓᓂᒃ ᑐᖁᑦᓯᔪᖃᕈᓐᓇᕐᐹ, ᐸᓯᔭᒃᓴᐅᓕᖏᓪᓗᓂ?”

ᓴᒧᐃᓕ ᓯᕗᓪᓖᑦ 8:19

ᐃᓄᐃᓪᓕ ᓈᓚᒍᒪᓚᐅᓐᖏᓚᑦ ᓴᒧᐃᓕᐅᑉ ᐅᖃᐅᓯᖏᓐᓂᒃ; ᐅᖃᕐᐳᓪᓕ, “ᐋᒃᑲ! ᐅᕙᒍᓪᓕ ᐊᖓᔪᖅᑳᕐᔪᐊᕐᑖᕈᒪᕗᒍᑦ,

ᓴᒧᐃᓕ ᓯᕗᓪᓖᑦ 8:9

ᒫᓐᓇᓕ, ᑍᒤᒻᒪᑦ ᐅᖃᐅᓯᕆᔭᖏᑦ ᒪᓕᓕᒃᑭᑦ; ᑭᓯᐊᓂ ᓯᕘᕋᒋᔭᒃᓴᖏᓐᓂᒃ ᐃᓂᕐᑎᒻᒪᕆᖕᓂᐊᕐᐸᑎᑦ, ᐅᖃᐅᑎᑦᓯᐊᕐᓗᒋᓪᓗ ᐊᖓᔪᖅᑳᕐᔪᐊᑉ ᐱᐅᓯᕆᔭᕆᐊᖃᓛᕐᑕᖓᓂᒃ ᐊᐅᓚᑦᓯᓕᕈᓂ ᑖᒃᑯᓂᖓ.”

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”

ᓴᒧᐃᓕ ᓯᕗᓪᓖᑦ 9:27

ᐃᒡᓗᒐᓮᓪᓗ ᑭᒡᓕᖓᓄᑦ ᑎᑭᓐᓇᒥᒃ, ᓴᒧᐃᓕᐅᑉ ᓴᐅᓕ ᐅᖃᐅᑎᕚ, “ᐱᔩᑦ ᐅᖃᐅᑎᓚᐅᕈᒃ ᑲᔪᓯᖁᓗᒍ ᐅᕙᑦᑎᓐᓂᒃ ᓯᕗᓪᓕᐅᓂᐊᕐᒪᑦ.” ᑕᕝᕙ ᐱᔨᖓ ᐊᓂᒎᑎᓕᕐᒪᑦ ᓴᐅᓕ ᐅᖃᐅᑎᕚ “ᑕᒫᓂ ᓄᖅᑲᖓᑬᓐᓇᕆᑦ, ᐅᖃᐅᑎᓂᐊᕋᒃᑭᑦ ᒎᑎᐅᑉ ᐅᖃᐅᓯᐅᖁᔭᖓᓂᒃ.”