ᓴᒧᐃᓕ ᓯᕗᓪᓖᑦ 1:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᖏᒻᒪᕆᒡᓗᓂᓗ ᐅᖃᕐᐳᖅ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᑕᑯᔪᓐᓇᕈᕕᐅᒃ ᐊᑲᐅᓐᖏᓕᐅᕈᑎᒋᔭᕋ, ᐃᖅᑲᐅᒪᓚᐅᓐᖓ, ᐳᐃᒍᕐᑍᓕᓗᓐᖓ, ᐃᕐᓂᕐᑖᕐᑎᓚᐅᓐᖓ, ᐊᖏᒻᒪᕆᒃᐳᖓ ᐃᓕᖕᓄᑦ ᐊᑕᓃᖅ ᐃᓅᓯᓕᒪᖓ ᑐᓂᔪᒫᕐᐸᕋ, ᓄᔭᖏᓪᓗ ᑭᑦᔭᕐᑕᐅᓚᐅᕐᓯᒪᒐᔭᓐᖏᓚᑦ.”

ᓴᒧᐃᓕ ᓯᕗᓪᓖᑦ 1:11 Iomraidhean Croise

ᒨᓯᓯ ᓯᕗᓪᓖᑦ 28:20

ᑕᕝᕙ ᔧᑯ ᐅᖃᕕᒃᐳᖅ, ᐅᖃᕐᓗᓂ, “ᒎᑎᐅᑉ ᓇᔪᕐᓂᐊᕐᐹᖓ ᓴᐳᑎᓯᒪᓗᖓᓗ ᐊᖅᑯᑎᒋᓂᐊᕐᑕᓐᓂ, ᓂᕿᒃᓴᖃᕐᑎᓪᓗᖓᓗ, ᐊᓐᓅᕋᒃᓴᖃᕐᑎᓪᓗᖓᓗ,

ᒨᓯᓯ ᓯᕗᓪᓖᑦ 29:32

ᓕᐊᓗ ᓯᖎᓕᕐᐳᖅ ᐃᕐᓂᕐᑖᕐᓗᓂᓗ, ᐊᑦᓯᕐᐹᓗ ᕉᐱᓂᒥᒃ; ᐅᖃᕋᒥ, “ᐊᑕᓂᐅᑉ ᐃᓱᒫᓗᖕᓂᓐᓂᒃ ᑕᑯᓐᓇᕐᐹᖓ, ᑕᕝᕙ ᐅᐃᒪ ᓇᒡᓕᒋᓂᐊᓕᕐᐹᖓ.”

ᒨᓯᓯ ᓯᕗᓪᓖᑦ 30:22

ᒎᑎᐅᓪᓗ ᕅᒋᓕ ᐃᖅᑲᐅᒪᒐᒥᐅᒃ; ᑐᒃᓯᐊᕐᓂᖓ ᑭᐅᓪᓗᒍ ᕿᑐᕐᖓᕐᑖᕈᓐᓇᕐᓯᑎᑉᐹ.

ᒨᓯᓯ ᓯᕗᓪᓖᑦ 8:1

ᒎᑎᐅᓪᓕ ᐃᖅᑲᐅᒪᓚᐅᕐᐰᑦ ᓄᐊᒃᑯᑦ ᐆᒪᔪᓪᓗ ᐆᒪᔪᖁᑏᓪᓗ ᐅᒥᐊᕐᔪᐊᕐᒦᖃᑎᖏᑦ. ᒎᑎᓗ ᐊᓄᕌᓕᕐᑎᑦᓯᕗᖅ ᓄᓇᕐᔪᐊᕐᒥ, ᐃᒪᕐᓗ ᑎᓂᑉᐸᓪᓕᐊᓯᓪᓗᓂ.

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᐃᓐᖏᕈᑎᑦ 25:18

ᐋᓐᓂᐊᕐᓂᒃᑲ ᑕᑯᓐᓈᑭᑦ ᐅᖁᒤᓪᓕᐅᕐᓂᒃᑲᓗ; ᐊᔪᕐᓂᒃᑲᓗ ᑕᒪᕐᒥᒃ ᐃᓱᒪᒋᔪᓐᓁᓚᐅᒃᑭᑦ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:2

ᓇᒡᓕᒋᒻᒪᕆᒃᑖᒃ ᐃᕐᓃᒃ ᖃᓄᐃᓕᕐᐲᑦ? ᐃᒡᓕᐊᓐᓄᑦ ᓇᖕᒥᓂᖅ ᐃᕐᓂᕐᑖᕆᓚᐅᕐᐸᒋᑦ? ᐊᖏᒻᒪᕆᒍᑎᓕᐅᕐᓗᖓ ᐃᕐᓂᕐᑖᕆᓚᐅᕐᐸᒋᑦ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:4

ᒎᑎᒧᑦ ᓱᓇᑐᐃᓐᓇᕐᒥᒃ ᐊᑐᕐᓂᐊᕐᓂᕋᕐᓗᒍ ᐊᖏᕈᑎᖃᕈᕕᑦ, ᐊᑏ ᑲᔪᓯᑎᓴᕅᒍᒃ; ᓯᓔᑦᑐᓂᒃ ᖁᕕᐊᒋᔭᖃᖏᒻᒪᑦ. ᐊᖏᕈᑎᒋᔭᑎᑦ ᑲᔪᓯᑎᖃᑦᑕᒃᑭᑦ.

ᒨᓯᓯ ᐱᖓᔪᖏᑦ 27:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓄᒃ ᐊᖏᕈᑎᒋᔭᒥᓂᒃ ᑐᓂᕐᕈᓯᕐᐸᑦ ᐊᑕᓂᕐᒧᑦ ᐃᓄᒃ ᑐᓂᔭᐅᓯᒪᑎᓪᓗᒍ, ᐃᓄᒃ ᐊᑭᓕᕐᑕᐅᔪᖅ ᕿᓚᕈᑦᔮᕐᑕᐅᔭᕆᐊᖃᕐᐳᖅ ᐊᑭᓪᓗᐊᖓᓂᒃ ᑮᓇᐅᔭᓂᒃ ᐊᑭᓕᕐᓗᒍ.

ᒨᓯᓯ ᓯᑕᒪᖏᑦ 21:2

ᐃᓴᕆᐊᓕᒥᐅᓪᓕ ᐊᖏᕐᐳᑦ ᐊᑕᓂᕐᒧᑦ, ᐅᖃᕐᓗᑎᒃ, “ᐅᑯᐊ ᐃᓅᖃᑎᒌᒡᔪᐊᑦ ᐅᕙᑦᑎᓐᓄᑦ ᓵᓚᐅᑎᓐᓂᐊᕈᕕᒋᑦ, ᑕᕝᕙ ᓄᓇᓕᒡᔪᐊᖏᑦ ᓱᓇᐅᔪᓐᓃᕐᑎᓪᓗᒋᑦ ᓯᖁᑦᑎᕈᒪᕙᕗᑦ.”

ᒨᓯᓯ ᓯᑕᒪᖏᑦ 6:11

ᑕᕝᕙ ᑐᓂᕐᕈᓯᕐᑎᑦᓯᔨ ᐊᑕᐅᓯᕐᒥᒃ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᑦᔪᑎᒋᓪᓗᒍ, ᐂᑉᐸᖓᓗ ᐆᑕᒃᓴᒧᑦ ᑐᓂᕐᕈᑎᒋᓗᒍ, ᑖᑦᓱᒪ ᐃᓱᒪᒋᔪᓐᓁᕐᕕᐅᓂᖓᓄᑦ ᑐᓂᕐᕈᑎᒋᓗᒋᑦ, ᑎᒥ ᑐᖁᖓᔪᖅ ᐱᓪᓗᒍ ᐊᔪᕐᑐᓕᓚᐅᕐᒪᑦ; ᐅᓪᓗᒥᓗ ᑍᑦᓱᒪᓂ ᓂᐊᖁᓂ ᐃᑦᔪᕐᓁᓕᑎᑦᓴᕆᐊᖃᕐᐹ.

ᒨᓯᓯ ᓯᑕᒪᖏᑦ 6:5

“ᑍᒪᓐᖓᑦ ᐊᖏᕈᑎᒥᒍᑦ ᐅᓪᓗᓂ ᑍᒃᑯᓇᓂ ᐃᒻᒥᓂᒃ ᓴᓂᕐᕙᒃᑎᓯᒪᓂᕐᒥᓂ ᓄᔭᖏᑦ ᑭᐱᔭᐅᔭᕆᐊᖃᓐᖏᓚᑦ, ᑭᓯᐊᓂ ᑍᒃᑯᐊ ᐅᓪᓗᐃᑦ ᐃᓱᓕᑉᐸᑕ ᐃᒻᒥᓂᒃ ᓴᓂᕐᕙᒍᑎᒋᓯᒪᔭᖏᑦ ᐊᑕᓂᕐᒧᑦ, ᑖᒃᑯᓇᓂ ᐃᑦᔪᕐᓁᑦᑑᓂᐊᕐᐳᖅ. ᑖᑦᓱᒪ ᑕᕝᕙ ᓄᔭᓂ ᐱᕈᑎᑦᓴᕆᐊᖃᕐᐰᑦ.

ᒨᓯᓯ ᓯᑕᒪᖏᑦ 6:8

ᐅᓪᓗᓂ ᑍᒃᑯᓇᓂ ᐃᒻᒥᓂᒃ ᓴᓂᕐᕙᒃᑎᓯᒪᓂᕐᒥᓂ ᑖᓐᓇ ᐃᑦᔪᕐᓁᑦᑑᖕᒪᑦ ᐊᑕᓂᕐᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 11:30

ᔨᑉᑕᓗ ᐊᖏᒻᒪᕆᒃᐳᖅ ᐊᑕᓂᕐᒧᑦ: “ᓵᓚᖃᕐᑎᓐᓂᐊᕈᕕᖓ ᐊᒧᓁᑎᒥᐅᓂᒃ,

ᐃᓗᐊᕐᓮᔩᑦ ᐊᒡᓚᖏᑦ 13:5

ᑕᑯᒋᑦ ᐃᕐᓂᕐᒥᒃ ᐃᕐᓂᔪᒫᕐᐳᑎᑦ, ᑭᑦᔭᐅᑎᒧᓪᓘᓐᓃᑦ ᓂᐊᖁᐊ ᐊᒃᑐᕐᑕᐅᔪᒫᓐᖏᓚᖅ, ᓱᕈᓯᐅᓂᕐᒥᓂᑦ ᓈᓴᕅᑎᐅᓛᕐᒪᑦ ᒎᑎᒧᑦ ᐃᕐᓂᐊᖑᓂᕐᒥᓂᑦ ᐱᓗᓂ; ᑖᑦᓱᒪᓗ ᐃᓴᕆᐊᓕᒥᐅᑦ ᓴᐳᑎᔪᒫᕐᐰᑦ ᐱᓕᔅᑍᓂᒥᐅᓂᑦ.”

ᓴᒧᐃᓕ ᓯᕗᓪᓖᑦ 1:10

ᕼᐋᓇ ᐅᖁᒤᒃᓴᒻᒪᕆᒃᓗᓂ ᑐᒃᓯᐊᕐᐳᖅ ᐊᑕᓂᕐᒧᑦ, ᕿᐊᓪᓗᓂᓗ.

ᓴᒧᐃᓕ ᓯᕗᓪᓖᑦ 1:12

ᕼᐋᓇ ᑲᔪᓯᓪᓗᓂ ᑐᒃᓯᐊᕐᑎᓪᓗᒍ ᐊᑕᓂᕐᒧᑦ, ᐃᓔ ᑕᑯᓐᓇᕐᐳᖅ ᖃᓂᖓᓂᒃ.

ᓴᒧᐃᓕ ᓯᕗᓪᓖᑦ 1:19

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐊᑕᓂᕐᒧᓪᓗ ᑐᒃᓯᐊᕐᐳᑦ; ᑭᖑᓂᖓᒍᑦ ᐅᑎᕐᐳᑦ ᐊᖏᕐᕋᒧᑦ ᕌᒪᒧᑦ. ᐃᐅᓪᑳᓇᐅᓪᓗ ᕼᐋᓇ ᓄᓕᐊᓂ ᐱᖃᑎᒋᖕᒪᒍ, ᑐᒃᓯᐊᕐᓂᖓ ᐊᑕᓂᐅᑉ ᐃᖅᑲᐅᒪᓚᐅᕐᐹ.

ᓴᒧᐃᓕ ᓯᕗᓪᓖᑦ 1:22

ᕼᐋᓇᓕ ᑍᑦᓱᒪᓂ ᐱᖃᑕᐅᓚᐅᓐᖏᓚᖅ, ᐅᐃᓂᓗ ᐅᖃᐅᑎᓚᐅᕐᐹ, “ᓱᕈᓯᖅ ᐃᒻᒥᓂᒃ ᐱᔪᓐᓇᕐᓯᑐᐊᕐᐸᑦ, ᐊᑕᓂᐅᑉ ᐃᒡᓗᖓᓄᐊᕈᑎᔪᒫᕐᐸᕋ, ᐊᑕᓂᐅᑉ ᓵᖓᓄᑦ ᓴᖅᑭᑎᑦᓱᒫᕋᒃᑯ, ᑍᑲᓂᓗ ᐃᓂᖃᓕᕈᒫᕐᒪᑦ ᐃᓅᓯᓕᒫᒥᓂ.”

ᓴᒧᐃᓕ ᓯᕗᓪᓖᑦ 1:27

ᑐᒃᓯᐊᕐᕕᒋᓚᐅᕐᐸᕋ ᑖᑦᓱᒥᖓ ᓱᕈᓯᕐᒥᒃ; ᐊᑕᓂᐅᓪᓗ ᑐᓂᓚᐅᕐᐹᖓ ᕿᓄᑦᔪᑎᒋᓚᐅᕐᑕᓐᓂᒃ ᑖᑦᓱᒧᖓ.

ᓴᒧᐃᓕ ᓯᕗᓪᓖᑦ 1:28

ᑍᒤᒻᒪᑦ ᑐᓂᓕᕐᐸᕋ ᐊᑕᓂᕐᒧᑦ; ᐃᓅᓯᖓ ᓈᓗᒍ ᐊᑕᓂᐅᑉ ᐱᒋᓂᐊᕐᐹ.” ᑕᕝᕙᓂᓗ ᐊᑕᓂᕐᒥᒃ ᓂᕐᑐᐃᓪᓗᑎᒃ ᑐᒃᓯᐊᕐᐳᑦ.

ᓴᒧᐃᓕ ᓯᕗᓪᓖᑦ 2:20

ᐃᓔᓪᓗ ᓮᒻᒪᕐᑎᑉᐸᓚᐅᕐᐹ ᐃᐅᓪᑳᓇ ᓄᓕᐊᖓᓗ, ᐅᖃᕐᐸᒡᓗᓂᓗ ᐃᐅᓪᑳᓇᒧᑦ, “ᐊᑕᓂᐅᑉ ᕿᑐᕐᖓᕐᑖᕐᑎᒃᑲᓐᓂᕐᓕᓯᒃ ᐊᕐᓇᒃᑯᑦ ᑖᑦᓱᒨᓇ ᑭᖑᕝᕕᕐᑕᐅᖁᓪᓗᒍ ᑐᓂᓚᐅᕐᑕᖓᓂᒃ ᐊᑕᓂᕐᒧᑦ.” ᐱᔭᕇᕋᖓᒥ ᐊᖏᕐᕋᕐᐸᓚᐅᕐᐴᒃ.