10 ᕼᐋᓇ ᐅᖁᒤᒃᓴᒻᒪᕆᒃᓗᓂ ᑐᒃᓯᐊᕐᐳᖅ ᐊᑕᓂᕐᒧᑦ, ᕿᐊᓪᓗᓂᓗ.
ᕅᒋᓕᓕ ᕿᑐᕐᖓᕐᑖᕐᓚᐅᓐᒋᓚᖅ ᔧᑯᒥᑦ, ᑭᖑᓂᖓᒍᓪᓗ ᐊᖓᔪᓂ ᓯᒡᒐᑎᓕᕐᐹ ᔧᑯᒧᓪᓗ ᐅᖃᕐᓗᓂ, “ᕿᑐᕐᖓᕐᑖᕐᑎᓚᐅᓐᖓ, ᕿᑐᕐᖓᕐᑖᖏᒃᑯᒪ ᑐᖁᑐᐃᓐᓇᖔᕈᒪᓕᕐᐳᖓ.”
ᓇᑎᕐᓇᒧᓪᓕ ᑎᑭᓐᓇᒥᒃ ᑍᔭᐅᔪᒧᑦ ᐊᑖᑎᐅᑉ ᓂᐊᖂᔭᒃᓴᓕᐅᕐᕕᖓᓂᒃ, ᔪᐊᕐᑕᓂᐅᑉ ᐅᖓᑖᓃᑦᑐᒧᑦ, ᑕᕝᕙᓂ ᕿᐊᔪᐊᓘᕗᑦ ᕿᒃᓵᖕᓂᕐᒧᓪᓗ ᐅᒡᒍᐊᕐᑐᐊᓘᓪᓗᑎᒃ; ᑕᕝᕙᓂᓗ ᔫᓯᐱ ᐅᓪᓗᓂᒃ 7ᓂᒃ ᓄᖅᑲᖓᑎᑦᓯᓚᐅᕐᐳᖅ ᕿᒃᓵᒍᑎᖃᕐᓗᑎᒃ ᐊᑖᑕᒥᖕᓂᒃ.
ᐅᖃᕇᕋᑖᑦᓯᐊᕐᑎᓪᓗᒍᓕ, ᑕᑯᒋᑦ, ᑍᕕᑎᐅᑉ ᐃᕐᓂᖏᑦ ᐃᑎᕐᐳᑦ; ᓂᓪᓕᐊᓪᓗᑎᒃ ᕿᐊᓯᕗᑦ; ᑍᕕᑎᓗ ᐱᔨᓕᒫᖏᓪᓗ ᕿᐊᖃᑕᐅᓕᕐᐳᑦ ᓂᐱᖅᑯᕐᑐᓪᓗᑎᒃ.
ᕼᐅᓮᓗ ᐅᖃᒃᑲᓐᓂᕐᐳᖅ, “ᖃᐅᔨᒪᕗᑎᑦ ᐊᑖᑍᑦ ᑍᕕᑎ ᐃᓚᒋᔭᖏᓪᓗ ᐅᓇᑕᒃᑲᒻᒪᕆᐊᓘᖕᒪᑕ, ᐃᕐᓯᓇᕐᑑᕗᓪᓗ ᓇᓄᕐᑐᑦ ᐊᕐᓵᕐᑕᐅᕋᑖᕐᑐᑐᑦ ᐱᐊᕋᕐᒥᓂᒃ, ᐊᑖᑍᓪᓗ ᖃᐅᔨᒪᔪᒻᒪᕆᐅᓪᓗᓂ ᐅᓇᑕᕐᓂᕐᒥᒃ; ᐅᓐᓄᒃᑯᓪᓗ ᐃᓅᖃᑎᒥᓃᖃᑦᑕᕋᓂ.
“ᐊᑕᓃᖅ ᐃᖅᑲᐅᒪᒋᑦ, ᓱᕐᕋᔪᐃᑦᑑᓪᓗᖓ ᐱᔨᑦᓯᓚᐅᕋᒃᑭᑦ ᐅᐱᒋᑦᓯᐊᕐᓗᑎᑦ, ᑍᒪᓐᖓᓕᒫᕐᓗ ᐱᔪᒪᔧᑦ ᒪᓕᑦᓯᐊᕋᓱᖏᓐᓇᓚᐅᕋᑯ.” ᑕᕝᕙ ᕼᐃᓯᑬᐊ ᐊᖏᔪᒥᒃ ᕿᐊᓕᕐᐳᖅ.
“ᐃᓅᓯᕋ ᐃᕿᐊᓐᖑᕋᒃᑯ; ᓈᓚᓚᐅᓐᖓ ᓈᒻᒪᒃᓴᖏᓐᓂᕆᔭᓐᓂᒃ;
ᑍᒤᒻᒪᑦ, ᓂᐰᑦᑑᓂᐊᓐᖏᓚᖓ; ᐅᖃᓪᓚᖕᓂᐊᕐᐳᖓ ᓂᓐᖓᐅᒪᓪᓚᕆᒃᑲᒪ ᐊᓂᕐᓂᒃᑯᑦ; ᐊᑲᐅᒃᓴᓐᖏᓚᖓ ᐋᓐᓂᕐᓯᒪᓪᓚᕆᒃᑲᒪ ᑕᕐᓂᒃᑯᑦ.
ᑕᕾᕐᓯᕈᓐᓁᓪᓕᑎᑉᐹᖓ ᐊᒡᓛᑦ; ᐆᒥᓱᖕᓂᐊᓗᖕᒥᒡᓗ ᐃᓗᒻᒥᕐᑎᓯᒪᕚᖓ.
ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”
ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.
ᐆᒻᒪᑎᐅᑉ ᖃᐅᔨᒪᕚ ᓇᖕᒥᓂᖅ ᐅᖁᒤᒃᓴᕐᓂᓂ, ᐃᓅᖃᑎᒋᓐᖏᑕᖓᓗ ᖁᕕᐊᓱᖕᓂᖓᓂᒃ ᐃᓚᐅᓐᖏᓚᖅ.
ᖃᓄᖅ ᐅᖃᕈᓐᓇᕐᐳᖔ? ᐊᑕᓂᐅᑉ ᐅᖃᕐᕕᒋᖕᒪᖓ, ᑖᑦᓱᒪᓗ ᑕᒪᓐᓇ ᐱᓇᓱᐊᕐᓯᒪᖕᒪᒍ. ᓯᓂᒐ ᐅᕙᓐᓂᑦ ᕿᒫᓯᒪᖕᒪᑦ ᐆᒻᒪᑎᒃᑯᑦ ᐅᖁᒤᒃᓴᕐᓂᕋ ᐱᓪᓗᒍ.
ᐊᑕᓂᐅᑉ ᐅᑎᖁᓪᓗᓯ ᐃᒻᒥᓄᑦ ᕾᖁᓚᐅᕐᐹᓯ ᐊᕐᓇᑐᑦ ᐊᕕᑕᐅᓯᒪᓪᓗᓂ ᐊᓂᕐᓂᕐᒥᒍᑦ ᐅᖁᒤᒃᓴᕐᑐᑎᑐᑦ, ᐅᕕᒐᕐᑑᓪᓗᓂ ᓄᓕᐊᕐᑖᕆᔭᐅᓚᐅᕐᑐᑎᑐᑦ ᐊᕕᑕᐅᑐᐃᓐᓇᕐᓯᒪᔪᑐᑦ, ᑍᒫᒃ ᒎᑎᓯ ᐅᖃᕐᐳᖅ.
ᓈᓚᖕᓂᐊᖏᒃᑯᑦᓯ, ᑕᕐᓂᒃᑯᑦ ᐃᔨᕋᕐᑐᕐᓗᖓ ᕿᐊᑦᔪᑎᒋᔪᒫᕐᐸᑦᓯ ᐱᐅᔪᕆᓂᓯ ᐱᑦᔪᑎᒋᓗᒍ; ᖁᕝᕕᐅᕈᑎᒋᕐᔪᐊᕈᒫᕐᐸᑦᓯ, ᐊᑕᓂᐅᑉ ᐃᓅᖁᑎᖏᑦ ᑎᒍᔭᐅᔪᒫᕐᒪᑕ ᐊᐅᓪᓚᕈᑦᔭᐅᓗᑎᒃ.
ᕿᐊᑦᔪᑎᒋᑦᑍᓕᓯᐅᒃ ᑐᖁᖓᔪᖅ, ᕿᒃᓴᐅᑎᒋᓇᒍᓗ, ᕿᐊᑦᔪᑎᖃᖔᕐᑐᒃᓴᐅᕗᓯᓕ ᐊᐅᓪᓚᕈᑦᔭᐅᓯᒪᔪᓂᒃ, ᐅᑎᕐᓂᐊᕈᓐᓁᕐᒪᑕ ᓄᓇᑐᖃᕐᒥᖕᓂᒃ ᑕᑯᓂᐊᕈᓐᓁᕐᒪᑕ.
ᐋᓐᓂᐊᕈᑎᒃᓮᓐᓇᕐᓂᒃ ᒪᒪᖏᑦᑐᓂᒃ ᐃᒥᒐᒃᓴᖃᕐᑎᑉᐹᖓ.
ᐅᖁᒤᒃᓴᓗᐊᓕᕋᒥ ᐊᒃᓱᕈᕐᓂᕐᓴᐅᓪᓗᓂ ᑐᒃᓯᐊᓕᕐᐳᖅ, ᐊᐅᒃᑲᕐᓂᖓᓕᕐᓗᓂ ᐊᐅᒃᑎᑐᑦ ᑯᑐᒃᑐᓂᒃ ᓄᓇᒧᑦ.
ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.
ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᒋᐊᒃᑐᕐᔪᐊᑦ ᐱᑎᓕᒧᐊᓚᐅᕐᐳᑦ ᑍᑲᓂᓗ ᐃᒃᓯᕙᓪᓗᑎᒃ ᒎᑎᐅᑉ ᓵᖓᓂ ᐅᓐᓄᒧᑦ ᑎᑭᓪᓗᒍ. ᓂᐱᖅᑯᕐᑐᒻᒪᕆᒃᓗᑎᒃ ᕿᐊᓚᐅᕐᐳᑦ:
ᓁᐅᒥᐅᓪᓕ ᐅᖃᐅᑎᕔᑦ, “ᓁᐅᒥᒥᒃ ᑍᔭᐅᔪᒪᔪᓐᓃᕐᑐᖓ; ᐃᒫᖔᕐᓕ ᒫᕋᒥᒃ, ᒎᑎᐅᑉ ᐊᔪᒐᖃᖏᑦᑑᑉ ᕿᒃᓵᖕᓇᕐᑐᐊᓗᖕᒥᒃ ᐱᑎᓚᐅᕐᒪᖓ.
ᐊᖏᒻᒪᕆᒡᓗᓂᓗ ᐅᖃᕐᐳᖅ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᑕᑯᔪᓐᓇᕈᕕᐅᒃ ᐊᑲᐅᓐᖏᓕᐅᕈᑎᒋᔭᕋ, ᐃᖅᑲᐅᒪᓚᐅᓐᖓ, ᐳᐃᒍᕐᑍᓕᓗᓐᖓ, ᐃᕐᓂᕐᑖᕐᑎᓚᐅᓐᖓ, ᐊᖏᒻᒪᕆᒃᐳᖓ ᐃᓕᖕᓄᑦ ᐊᑕᓃᖅ ᐃᓅᓯᓕᒪᖓ ᑐᓂᔪᒫᕐᐸᕋ, ᓄᔭᖏᓪᓗ ᑭᑦᔭᕐᑕᐅᓚᐅᕐᓯᒪᒐᔭᓐᖏᓚᑦ.”
ᓂᕆᔭᕇᕋᒥᒃ ᐃᒥᕇᕋᒥᒡᓗ ᐊᑕᓂᐅᑉ ᐃᒡᓗᖓᓂ ᓮᓗᐊᒥ, ᕼᐋᓇ ᒪᑭᑉᐳᖅ. ᐃᓔᓕ ᑐᓂᕐᕈᓯᕐᑎᑦᓯᔨ ᐃᒃᓯᕙᓚᐅᕐᐳᖅ ᐃᒃᓯᕙᐅᑕᕐᒥ ᐊᑕᓂᐅᑉ ᑐᐱᖓᑕ ᐃᑎᕐᑕᕐᕕᖓᑕ ᓴᓂᐊᓂ.
