7 ᐃᓱᒫᓗᒍᑎᓕᒫᓯ ᑖᑦᓱᒧᖓ ᐱᑎᓯᒋᒃ, ᑖᑦᓱᒪ ᑲᒪᒋᑦᓯᐊᕈᒪᖕᒪᓯ.
ᐊᑕᓂᐅᑉ ᐃᔨᖏᒃᑕ ᐱᓇᓱᐊᑦᓯᐊᕐᑐᑦ ᑕᑯᓐᓇᕐᐰᑦ, ᓯᐅᑎᖏᒡᓗ ᑐᓵᕗᒃ ᓂᓪᓕᐊᓂᖏᓐᓂᒃ.
ᐱᓂᐊᕐᓂᑎᑦ ᐊᑕᓂᕐᒧᑦ ᑐᓂᒃᑭᑦ, ᑕᑎᒋᓗᒍᓗ, ᑕᕝᕙ ᑖᑦᓱᒪ ᑲᔪᓯᑎᓐᓂᐊᕐᐰᑦ.
ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.
ᐅᖁᒤᒃᓴᐅᑎᒋᔭᑎᑦ ᐊᑕᓂᕐᒧᑦ ᑐᓂᒃᑭᑦ, ᑖᑦᓱᒪ ᑕᕝᕙ ᓴᐳᑎᓂᐊᕐᐹᑎᑦ; ᐃᓄᐃᑦ ᓱᓕᑦᓯᐊᕋᓱᐊᕐᑐᑦ ᓵᓚᒋᔭᐅᑎᓚᐅᕐᓯᒪᓂᐊᓐᖏᓔᑦ.
ᐱᓂᐊᕐᓂᑎᑦ ᐊᑕᓂᕐᒧᑦ ᑐᓂᒃᑭᑦ, ᑕᕝᕙ ᐃᓱᒪᕕᑦ ᐱᓇᓱᐊᕈᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ.
ᓇᓪᓕᓯ ᐃᓅᓯᕐᒥᓂᒃ ᐅᐃᒍᓯᔪᓐᓇᕐᐹ ᐃᓱᒪᔮᕈᑎᒋᓗᓂᐅᒃ?
“ᓱᖕᒪᑦ ᐊᓐᓄᕌᑦ ᐃᓱᒪᔮᕈᑎᒋᔭᕆᐊᖃᕐᐱᓯᐅᒃ? ᑕᑯᓚᐅᕐᓯᒋᒃ ᒪᑯᐊ ᑕᑯᒥᓇᕐᑐᑦ ᓄᓇᕅᑦ, ᖃᓄᖅ ᐱᕈᕐᒪᖔᑕ; ᓴᓇᖏᒻᒪᑕ ᐃᒻᒥᖕᓂᒡᓗ ᐊᓐᓄᕌᓕᐅᕋᑎᒃ.
“ᑍᒤᒻᒪᑦ ᐃᓱᒪᔮᕈᑎᖃᕐᓂᐊᕋᓯ ᐃᓱᒪᓗᓯ ᐃᒫᒃ; ᓇᑭᓪᓕ ᓂᕆᔭᒃᓴᖃᕐᓂᐊᓕᕐᐱᑖ? ᐅᕝᕙᓘᓐᓃᑦ ᓇᑭᓪᓕ ᐃᒥᒃᓴᖃᕐᓂᐊᓕᕐᐱᑖ? ᓱᓇᒥᒡᓗ ᐊᓐᓄᕌᒃᓴᖃᕐᓂᐊᓕᕐᐱᑖ?
ᔩᓱᓯ ᐅᒥᐊᑉ ᐊᖁᐊᓂ ᓯᓂᒃᐳᖅ, ᐊᑭᓯᕐᓯᒪᓪᓗᓂ; ᐃᓕᓐᓂᐊᕐᑎᖏᑕ ᑐᐹᕐᓗᒍ ᐅᖃᐅᑎᕚᑦ, “ᐊᔪᕆᕐᑐᐃᔩ ᖃᓄᐃᒃᓴᓐᖏᓚᑏᑦ ᑐᖁᑐᐃᓐᓇᕋᓗᐊᕈᑦᑕ?”
ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᑍᒤᒻᒪᑦ ᐅᖃᐅᑎᕙᑦᓯ, ᐃᓱᒪᔮᕈᑎᑲᖁᓇᓯ ᐃᓅᑦᔪᑎᒋᓂᐊᕐᑕᑦᓯᓐᓂᒃ, ᓱᓇᒥᒃ ᓂᕆᓂᐊᕐᒪᖔᑦᓯ, ᑎᒥᑦᓯᓗ ᐊᑐᕐᓂᐊᕐᑕᖏᓐᓂᒃ ᓱᓇᒥᒃ ᐊᓐᓄᕌᖃᕐᓂᐊᕐᒪᖔᑦᓯ.
ᑍᒫᒃ ᒥᑭᑎᒋᔪᒥᒃ ᐊᔪᕈᑦᓯ, ᓱᖕᒪᑦ ᐊᓯᖏᑦ ᐃᓱᒪᔮᕈᑎᒋᕕᓯᐅᒃ?
ᑎᓕᔭᐅᓯᒪᑐᐃᓐᓇᕐᑐᖅ ᕿᒫᕗᖅ ᑎᓕᔭᐅᓯᒪᑐᐃᓐᓇᕋᒥ ᓰᐱᓂᒃ ᐊᓐᓂᕈᓱᖏᓐᓇᒥ.
ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.
ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.
