ᐲᑦᑐᕉᓯ ᓯᕗᓪᓖᑦ 5:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ, ᐃᓕᑦᓯᓐᓂᒃ ᒥᑭᒡᓕᑎᕆᑦᓯ ᒎᑎᐅᑉ ᐱᔪᓐᓇᕐᑐᕐᔪᐊᑉ ᐊᒡᒐᖏᓐᓄᑦ, ᑖᑦᓱᒪ ᑕᕝᕙ ᐊᖏᔪᕈᕐᑎᑦᓱᒫᕐᐹᓯ ᐱᕕᒃᓴᕆᔪᒪᔭᒥᒍᑦ.

ᐲᑦᑐᕉᓯ ᓯᕗᓪᓖᑦ 5:6 Iomraidhean Croise

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐊᑕᓃᑦ ᐂᑉᐸᖏᑦ 22:19

ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᑯᕉᓂᑲ ᐂᑉᐸᖏᑦ 12:12

ᐃᒻᒥᓂᒃ ᒥᑭᒡᓕᑎᕐᒪᑦ ᐊᑕᓂᐅᑉ ᓂᓐᖓᐅᓯᖓᑕ ᕿᒪᒃᐹ, ᐊᓯᕈᕐᑕᐅᓪᓚᕆᒍᓐᓁᕐᓗᓂᓗ; ᔫᑕᓗ ᖃᓄᐃᓐᓇᖏᑦᓯᐊᕐᑐᒦᓕᕐᓗᓂ.

ᑯᕉᓂᑲ ᐂᑉᐸᖏᑦ 30:11

ᐅᓄᖏᑦᑐᓪᓕ ᐃᓚᖏᑦ ᐋᓱᕆᒥᐅᑦ, ᒫᓇᓯᒥᐅᓪᓗ, ᓯᐳᓗᓂᒥᐅᓪᓗ ᐃᒻᒥᖕᓂᒃ ᒥᑭᒡᓕᑎᕐᓗᑎᒃ ᔨᕉᓴᓕᒧᐊᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 32:26

ᕼᐃᓯᑬᐊᓕ ᐃᒻᒥᓂᒃ ᒥᑭᒡᓕᑎᓕᓚᐅᕐᐳᖅ ᐆᒻᒪᑎᒥᒍᑦ ᐱᐅᔪᕆᓂᕐᒥᓂᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑖᒃᑯᓄᖓ ᑎᑭᓚᐅᓐᖏᓚᖅ ᕼᐃᓯᑬᐊ ᐃᓅᑎᓪᓗᒍ.

ᑯᕉᓂᑲ ᐂᑉᐸᖏᑦ 33:12

ᐅᖁᒤᑦᑐᒦᓕᕋᒥᓗ ᐊᑕᓂᖅ ᒎᑎᓂ ᓵᕝᕕᒋᕚ ᐃᒻᒥᓂᒡᓗ ᒥᑭᒡᓕᑎᕕᒡᔪᐊᕐᓗᓂ ᓯᕗᓕᖏᑕ ᒎᑎᖓᑕ ᓵᖓᓂ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᑯᕉᓂᑲ ᐂᑉᐸᖏᑦ 33:23

ᐃᒻᒥᓂᒃ ᒥᑭᒡᓕᑎᓚᐅᓐᖏᓚᖅ ᐊᑕᓂᐅᑉ ᓵᖓᓂ, ᐊᑖᑕᖓᑕ ᒫᓇᓯᐅᑉ ᒥᑭᒡᓕᑎᕐᓂᕆᓚᐅᕐᑕᖓᑐᑦ; ᐋᒪᓐᓕ ᕿᒤᕙᓪᓕᐊᑐᐃᓐᓇᓚᐅᕐᐳᖅ ᐸᓯᔭᒃᓴᕈᕐᐸᓪᓕᐊᑐᐃᓐᓇᕐᓗᓂᓗ.

ᑯᕉᓂᑲ ᐂᑉᐸᖏᑦ 36:12

ᑖᓐᓇᑦᑕᐅᖅ ᐱᐅᖏᑦᑐᓕᓚᐅᕐᐳᖅ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᒍᑦ. ᐃᒻᒥᓂᒃ ᒥᑭᒡᓕᑎᓚᐅᓐᖏᓚᖅ ᔨᕆᒤᐊᒧᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ, ᑖᑦᓱᒧᖓ ᐅᖃᓪᓚᖃᑦᑕᓚᐅᕐᑐᒧᑦ ᐊᑕᓂᐅᑉ ᐅᖃᕐᑕᐅᖁᔭᖓᓂᒃ.

ᔫᐱᐅᑉ ᐊᒡᓚᖏᑦ 36:22

ᑕᑯᒋᑦ, ᒎᑎᐅᑉ ᐱᔪᓐᓇᕐᓂᖓ ᐊᖏᔪᕐᔪᐊᖑᕗᖅ; ᑭᓈ ᑖᑦᓱᑐᓇᖅ ᐃᓕᓮᑦᓯᐊᕈᓐᓇᕐᑎᒋᕚ?

ᐃᓐᖏᕈᑎᑦ 75:10

ᐱᐅᖏᑦᑐᓕᔪᑦ ᓇᒡᔪᓕᒫᖏᑦ ᓇᑲᑎᕈᒫᕐᐰᑦ, ᐃᓱᐊᕐᑐᓕᔪᓪᓕ ᓇᒡᔪᖏᑦ ᐊᖏᔪᕈᕐᑎᑕᐅᔪᒫᕐᐳᑦ.

ᐃᓐᖏᕈᑎᑦ 89:13

ᐱᔪᓐᓇᕐᓂᕐᔪᐊᖃᕐᐳᑎᑦ, ᓲᖑᔪᕐᔪᐊᖑᓪᓗᑎᑦ, ᓴᓐᖏᔪᕐᔪᐊᖑᓪᓗᑎᓪᓗ.

ᒨᓯᓯ ᐂᑉᐸᖏᑦ 10:3

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ᐄᑉᕈᐃᑦ ᒎᑎᖓᑦ, ᖃᓄᖅ ᐊᑯᓂᐅᑎᒋᔪᖅ ᐅᕙᓐᓄᑦ ᓂᑲᓇᕐᓴᕐᑍᓕᓂᐊᕐᐲᑦ? ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 3:19

ᖃᐅᔨᒪᔪᖓ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕐᑎᑦᔮᓐᖏᑖᓯ ᐱᕕᒃᓮᕈᑎᓚᐅᖅᑳᖏᓐᓂᕐᒥᓂ.

ᒨᓯᓯ ᐂᑉᐸᖏᑦ 32:11

ᒨᓯᓯᓕ ᐃᓗᖏᕐᓱᕐᓗᓂ ᑐᒃᓯᐊᓕᕐᐳᖅ ᐊᑕᓂᕐᒧᑦ ᒎᑎᒥᓄᑦ ᐅᖃᕐᓗᓂᓗ, “ᐊᑕᓃᖅ, ᓱᖕᒪᑦ ᐃᓄᖁᑎᖕᓄᑦ ᑍᒫᕌᓗᒃ ᓂᓐᖓᐅᒪᔪᒃᓴᐅᕖᑦ? ᑖᒃᑯᐊ ᓴᐳᑎᓚᐅᕋᕕᒋᑦ ᐄᑦᔨᑉᑎᒥᑦ ᐊᔪᒐᖃᖏᓐᓂᕐᓄᑦ ᐱᔪᓐᓇᕐᓂᕐᔪᐊᕐᓄᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:23

ᐊᖑᑦ ᐱᐅᔪᕆᓂᕐᒥᖕᓄᑦ ᑲᓐᖑᓱᒃᑎᑕᐅᔪᒫᕐᐳᖅ, ᐱᐅᔪᕆᖏᑦᑐᕐᓕ ᐊᓂᕐᓂᕐᒥᒍᑦ ᐅᐱᒋᔭᐅᓕᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 40:4

ᓇᕐᓴᓕᒫᑦ ᓇᖓᕐᑎᕐᓗᒋᑦ, ᖃᖅᑬᓪᓗ ᐱᖑᐃᓪᓗ ᓇᓕᕆᒃᓯᓗᒋᑦ; ᓴᖑᐃᕐᓂᖏᑦ ᑐᑭᓕᐊᕐᓯᑎᓪᓗᒋᑦ ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 13:18

ᐊᖓᔪᖅᑳᕐᔪᐊᖅ ᐊᓈᓇᖓᓗ ᐅᖃᐅᑎᒃᑭᒃ, ᐊᖓᔪᖅᑲᐅᕕᑦᓯᓐᓂᒃ ᐲᓕᕆᑦᓯᒃ, ᐊᖓᔪᖅᑳᕐᔪᐊᕐᓯᐅᑎᓯᒃ ᓂᐊᖂᑏᒃ ᑕᑯᒥᓇᕐᑐᑦ ᓂᐊᖁᑦᓯᖕᓂᑦ ᐲᕐᑕᐅᓯᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 44:10

ᐅᓪᓗᒥᒧᑦ ᑎᑭᓪᓗᒍ ᓱᓕ ᒥᑭᒡᓕᑎᓚᐅᕐᓯᒪᓐᖏᓚᓯ ᐃᓕᑦᓯᓗ ᓯᕗᓕᕕᓂᓯᓗ, ᐅᕙᓐᓂᒃ ᐅᐱᒋᔭᖃᓚᐅᕐᓯᒪᓐᖏᓚᓯ ᐃᓅᓇᓱᐊᓚᐅᕐᓯᒪᓇᓯᓗ ᐱᖁᔭᒃᑲ ᒪᓕᒡᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 17:21

ᐅᓇᑕᕐᑎᖁᑎᖏᑕ ᐊᔪᖏᓐᓂᕐᐹᖏᑦ ᑐᖁᕋᕐᑕᐅᔪᒫᕐᐳᑦ, ᐊᒥᐊᒃᑯᖏᓪᓗ ᓇᒧᑐᐃᓐᓈᕈᒫᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 21:6

ᑍᒤᒻᒪᑦ ᐊᓂᕐᓴᐅᒥᓗᑎᑦ ᐃᓅᑉ ᐃᕐᓂᖓ; ᐊᓂᕐᓴᐅᒥᒋᑦ ᐆᒻᒪᑎᒃᑯᑦ ᓯᖁᒥᓯᒪᓗᑎᑦ ᕿᒃᓵᒡᕕᒡᔪᐊᕐᓗᑎᓪᓗ ᐃᓄᖕᓄᑦ ᑕᑯᓐᓇᕐᑕᐅᓗᑎᑦ.

ᑖᓂᐊᓕᐅᑉ ᐊᒡᓚᖏᑦ 5:22

“ᐃᕝᕕᓪᓕ ᐱᐅᓪᓴᔮ, ᒥᑭᒡᓕᑎᓚᐅᖏᓐᓇᕕᑦ, ᑕᒪᒃᑯᓂᖓᓕᒫᖅ ᖃᐅᔨᒪᒐᓗᐊᕐᓗᑎᑦ.

ᒨᓯᓯ ᐱᖓᔪᖏᑦ 26:41

ᑖᒃᑯᓂᖓ ᐊᑭᕋᕐᑐᓕᕈᑎᒋᓚᐅᕐᑕᓐᓂᒃ, ᐊᐅᓪᓚᕐᑎᑦᓯᑦᔪᑎᒋᓚᐅᕐᑕᓐᓂᒡᓗ ᐊᑭᕋᖏᑕ ᓄᓇᖏᓐᓄᑦ, ᑍᒫᒃ ᑭᖑᕚᓯ ᐃᒻᒥᖕᓂᒃ ᒥᑭᒡᓕᑎᕐᐸᑕ ᑕᕝᕙ ᐊᑭᓖᒐᔭᕐᐳᑦ ᐊᔪᕐᓂᕐᒥᖕᓄᑦ ᓱᒋᐊᕐᑕᐅᑦᔪᑎᒥᖕᓂᒃ ᐊᑭᕋᕐᑐᕐᓂᕐᒥᖕᓂᒡᓗ.

ᒤᑲᐅᑉ ᐊᒡᓚᖏᑦ 6:8

ᑕᑯᑎᓯᒪᕚᑎᑦ, ᐃᓅᔪᑎᑦ, ᓱᓇ ᐱᐅᖕᒪᖔᑦ; ᓱᓇᒥᒡᓗ ᐊᑕᓂᖅ ᐃᓕᖕᓂᒃ ᐱᖁᔨᖕᒪᖔᑦ ᓇᓛᒍᑦ ᐱᓇᓱᐊᖁᓪᓗᑎᑦ, ᓇᒡᓕᒍᓱᖁᓪᓗᑎᑦ ᐱᑦᓯᐊᕐᓗᑎᓪᓗ, ᐃᓅᖁᓪᓗᑎᓪᓗ ᒥᑭᒡᓕᑎᕐᓯᒪᓗᑎᑦ ᒎᑎᐅᑉ ᓵᖓᓂ.

ᒫᑎᐅᓯᐅᑉ ᐊᒡᓚᖏᑦ 23:12

ᐃᒻᒥᓂᒃ ᐊᖏᔪᕈᕐᑎᑦᑐᖅ ᑖᓐᓇ ᒥᑭᒡᓕᑎᑕᐅᓂᐊᕐᐳᖅ, ᐃᒻᒥᓂᒡᓗ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᓘᑲᓯᐅᑉ ᐊᒡᓚᖏᑦ 1:52

ᐊᖓᔪᖅᑳᕐᔪᐊᑦ ᐱᔪᓐᓇᕐᓂᖏᓐᓂᑦ ᐅᕐᕈᑎᑉᐰᑦ, ᐱᔪᓐᓇᕐᓂᖃᖏᑦᑐᓪᓗ ᓂᑯᕕᑎᑉᐰᑦ.

ᓘᑲᓯᐅᑉ ᐊᒡᓚᖏᑦ 14:11

ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᒥᑭᒡᓕᑎᑕᐅᓂᐊᕐᐳᑦ, ᐃᒻᒥᖕᓂᒡᓗ ᒥᑭᒡᓕᑎᕐᑐᑦ ᐊᖏᔪᕈᕐᑎᑕᐅᓂᐊᕐᐳᑦ.”

ᓘᑲᓯᐅᑉ ᐊᒡᓚᖏᑦ 18:14

ᐅᖃᐅᑎᕙᑦᓯ, ᑖᓐᓇ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ ᒎᑎᒧᑦ ᓈᒻᒪᒋᔭᐅᓂᕐᓴᐅᓕᕐᓗᓂ ᐂᑉᐸᕆᔭᒥᓂᑦ ᐃᒡᓗᒥᓄᑦ ᐊᖏᕐᕋᓚᐅᕐᐳᖅ; ᓇᓪᓕᐊᑦ ᐃᒻᒥᓂᒃ ᐊᖏᔪᕈᕐᑎᑦᑐᖅ ᒎᑎᐅᑉ ᒥᑭᒡᓕᑎᕐᓂᐊᕐᐹ, ᐃᒻᒥᖕᓂᒡᓕ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᕉᒪᒥᐅᓄᑦ 5:6

ᓴᓐᖐᑦᑑᑎᓪᓗᑕ ᓱᓕ, ᐊᑲᐅᓈᑦᓯᐊᕐᑐᒥᒃ ᙭ᔅᑑᓯ ᑐᖁᑕᐅᑦᔪᑎᖃᓚᐅᕐᐳᖅ ᐊᔪᕐᑐᓕᔪᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:22

ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᑎᒧᑎᒧᑦ ᓯᕗᓪᓖᑦ 2:6

ᐃᒻᒥᓂᒃ ᑐᓂᓚᐅᕐᐳᖅ ᐊᑭᓖᑦᔪᔨᔪᒪᓪᓗᓂ ᐃᓄᓕᒫᓂᒃ; ᑕᒪᓐᓇ ᓈᒻᒪᑦᓯᐊᕐᑐᒥᒃ ᒎᑎᐅᑉ ᐱᓇᓱᐊᕈᑎᒋᓚᐅᕐᐹ ᐱᐅᓕᕐᓯᓂᓂ ᖃᐅᔨᔭᐅᖁᓪᓗᒍ.

ᑍᑑᓯᒧᑦ 1:3

ᓇᓪᓕᐅᓐᓂᕐᒥᓗ ᓈᒻᒪᓈᑦᓯᐊᓕᕐᑎᓪᓗᒍ ᓇᓗᓁᓚᐅᕐᐹ ᐅᖃᐅᓯᕐᒥᒍᑦ ᑕᒪᑐᒥᖓᓗ ᐱᖁᔭᐅᕗᖓ ᐊᔪᕆᕐᑐᐃᖁᓪᓗᖓ ᒎᑎᐅᑉ ᐱᐅᓕᔨᑦᑕ ᐱᖁᔨᓂᖓᒍᑦ.

ᔧᒥᓯᐅᑉ ᐊᒡᓚᖏᑦ 4:10

ᐊᑕᓂᕐᒧᑦ ᒥᑭᒡᓕᑎᕆᑦᓯ ᑖᑦᓱᒪ ᑕᕝᕙ ᒪᑭᑎᓐᓂᐊᕐᐹᓯ.

ᔧᒥᓯᐅᑉ ᐊᒡᓚᖏᑦ 4:7

ᑍᒤᒻᒪᑦ, ᒎᑎᒧᑦ ᑐᓂᒻᒪᕆᓕᕆᑦᓯ. ᓵᑖᓇᓯ ᐊᑭᕋᕐᑐᕐᓯᐅᒃ ᑖᑦᓱᒪ ᑕᕝᕙ ᕿᒫᓂᐊᕐᐹᓯ.

ᔧᒥᓯᐅᑉ ᐊᒡᓚᖏᑦ 5:10

ᐅᒃᐱᕐᑑᖃᑎᒃᑲ, ᓇᓚᐅᑦᑍᔫᓚᐅᕐᑐᑦ ᐃᖅᑲᐅᒪᓚᐅᕐᓯᐅᒃ ᐊᑕᓂᐅᑉ ᐊᑎᖓᓂ ᐅᖃᕐᐸᓚᐅᕐᑐᑦ, ᐊᒃᓱᕈᕐᓇᕐᑐᒦᑎᑕᐅᓂᕐᒥᖕᓂ ᕿᓄᐃᓵᕈᑎᖃᕐᓗᑎᒃ ᐊᓂᒍᐃᕙᓚᐅᕐᑐᑦ.