ᐲᑦᑐᕉᓯ ᓯᕗᓪᓖᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓮᓚᓯᒥᒃ ᐃᑲᔪᕐᑎᖃᕐᓗᖓ, ᐅᑯᓂᖓ ᓁᑦᑐᓂᒃ ᑎᑎᕋᕐᕕᒋᕙᑦᓯ, ᑖᓐᓇ ᑍᔪᓐᓇᕐᐸᕋ ᓱᖁᓯᔪᐃᑦᑐᒥᒃ ᖃᑕᓐᖑᑎᒋᒐᒃᑯ, ᑲᔪᖏᕐᓴᕐᐸᑦᓯ ᓇᓗᓁᕐᓯᕕᒋᓪᓗᓯᓗ ᑕᒪᓐᓇ ᓱᓕᔪᒥᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ; ᑐᓐᖓᕕᒋᓯᐅᒃ ᐊᐅᓚᖏᓪᓗᓯ.

ᐲᑦᑐᕉᓯ ᓯᕗᓪᓖᑦ 5:12 Iomraidhean Croise

ᔪᐊᓇᓯᐅᑉ ᐊᒡᓚᖏᑦ 21:21

ᐲᑦᑐᕉᓯᐅᑉ ᑕᑯᒐᒥᐅᒃ, ᔩᓱᓯ ᐅᖃᐅᑎᕚ, “ᐊᑕᓃᖅ ᐅᓇᓕ ᐊᖑᑦ ᖃᓄᐃᓕᖓᓂᐊᕐᐹ?”

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:22

ᐋᐴᓯᑕᓖᓪᓗ ᐅᒃᐱᕐᑐᓪᓗ ᓯᕗᓕᕐᑎᖏᑦ, ᐅᒃᐱᕐᑑᖃᑎᒌᓪᓗ ᐃᓚᒋᓪᓗᒋᑦ ᐊᑲᐅᒃᓴᕋᒥᒃ ᓂᕈᐊᕈᒪᓪᓗᑎᒃ ᐊᖑᑎᓂᒃ ᐃᓚᒥᖕᓂᑦ ᐊᓐᑎᐅᑭᐊᒧᑦ ᑎᓕᓂᐊᕐᑕᒥᖕᓂᒃ, ᐸᐅᓗᓯᐅᑉ ᐸᕐᓇᐹᓯᐅᓪᓗ ᐃᓚᒋᓂᐊᕐᑕᖏᓐᓂᒃ. ᔫᑕᓯ ᓂᕈᐊᕐᐹᑦ ᐹᕐᓴᐸᓯᒥᒃ ᐊᑎᓕᒃ, ᓮᓚᓯᓗ, ᑖᒃᑯᐊᒃ ᐅᒃᐱᕐᑐᓄᑦ ᐅᐱᒋᔭᐅᑦᓯᐊᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᕉᒪᒥᐅᓄᑦ 5:2

ᑖᑦᓱᒨᓇ ᐱᕕᒃᓴᖃᓕᕋᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑕᕝᕙᓂ ᒫᓐᓇ ᓇᔪᕐᑕᑦᑎᓐᓂ, ᖁᕕᐊᓲᑎᖃᕐᐳᒍᓪᓗ ᓂᕆᐅᖕᓂᕐᒥᒃ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᔪᓐᓇᓕᕐᓂᑦᑎᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:1

ᒫᓐᓇᓕ ᐃᓚᒃᑳ, ᐃᖅᑬᑎᑦᓱᒪᕙᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᐃᓚᓕᐅᓚᐅᕐᑕᑦᓯᓐᓂᒃ, ᐅᒃᐱᕐᓂᑦᓯᓐᓄᓪᓗ ᑐᓐᖓᕕᒋᔭᑦᓯᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:19

ᒎᑎᐅᑉ ᐃᕐᓂᖓ, ᔩᓱᓯ ᙭ᔅᑑᓯ, ᓮᓚᓯᐅᓪᓗ ᑎᒧᑎᐅᓪᓗ ᐅᕙᖓᓗ ᐃᓕᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᕗᑦ, ᐊᑕᐅᑦᓯᒃᑯᑦ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐱᓐᖏᓚᖅ, ᑖᑦᓱᒪᓂᓕ ᑍᒪᓐᖓᑦ ᐊᖏᕐᓂᐅᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:24

ᐊᖓᔪᖅᑲᐅᓯᕐᕕᖃᕋᓱᐊᓐᖏᓚᒍᑦ ᐅᒃᐱᕐᓂᕆᔭᕆᐊᓕᑦᓯᓐᓄᑦ; ᐅᒃᐱᕐᓂᕐᒧᓪᓕ ᓇᖏᕋᑦᓯ ᐊᐅᓚᖏᑦᑐᒥᒃ. ᐱᓇᓱᐊᕐᕕᒋᕙᑦᓯ ᖁᕕᐊᓱᖕᓂᖃᑦᓯᐊᖁᓪᓗᓯ.

ᐃᐱᓯᒥᐅᓄᑦ 3:3

ᓇᓗᓇᓚᐅᕐᑐᒥᒃ ᖃᐅᔨᑎᑕᐅᓯᒪᒐᒪ ᓇᓗᓁᕐᓯᕕᐅᓂᒃᑯᑦ, ᑕᒪᓐᓇ ᓁᑦᑐᒥᒃ ᑎᑎᕋᐅᓯᕆᓚᐅᕐᐸᕋ ᐃᓕᑦᓯᓐᓄᑦ.

ᐃᐱᓯᒥᐅᓄᑦ 6:21

ᐊᒻᒪᑦᑕᐅᖅ ᓱᓕ ᖃᐅᔨᒪᖁᓪᓗᓯ ᖃᓄᐃᒻᒪᖔᕐᒪ ᓱᓕᕆᖕᒪᖔᕐᒪᓗ, ᑍᑭᑰᓯᐅᑉ ᑕᒤᓐᓂᒃ ᐅᖃᐅᑎᔪᒫᕐᐹᓯ. ᖃᑕᓐᖑᑎᒋᒐᑦᑎᒍ ᓇᓪᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂ ᐊᑕᓂᕐᒥᒃ ᐱᔨᑦᓯᕐᑐᖅ.

ᑯᓘᓯᐊᒥᐅᓄᑦ 1:7

ᒎᑎᐅᑉ ᐱᑦᓯᐊᕐᓂᖓᑕ ᐱᔪᒡᓇᕐᑎᑦᑎᓂᖓᓂᒃ ᐃᓕᑦᓯᑎᑕᐅᓚᐅᕋᑦᓯ ᐃᐸᐳᕌᓯᒧᑦ, ᑖᓐᓇ ᓇᒡᓕᖕᓇᕐᓗᓂ ᐱᔨᑦᓯᖃᑎᒋᔭᕗᑦ, ᐅᒃᐱᕐᓂᕆᔭᒥᓂᒃ ᓱᕐᕋᔪᐃᑦᑑᓪᓗᓂ ᙭ᔅᑑᓯᒧᑦ ᐱᓇᓱᐊᕐᑎᒋᔭᐅᒋᔪᖅ ᐱᑦᔪᔨᓪᓗᓂ ᐅᕙᑦᑎᓐᓂᒃ.

ᑯᓘᓯᐊᒥᐅᓄᑦ 4:7

ᑍᑭᑰᓯᐅᑉ ᐅᓂᒃᑲᐅᓯᕆᑦᓯᐊᕐᓂᐊᕐᐹᖓ ᐃᓕᑦᓯᓐᓄᑦ; ᑖᓐᓇ ᐅᒃᐱᕐᑑᖃᑎᒋᒐᑦᑎᒍ ᓇᒡᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂᓗ ᐱᔨᑦᓯᕐᑎᐅᔪᖅ ᐱᔨᐅᖃᑎᒋᓪᓗᒍᓗ ᐊᑕᓂᕐᒥ.

ᑯᓘᓯᐊᒥᐅᓄᑦ 4:9

ᑖᓐᓇᓗ ᐃᓚᖃᕐᓂᐊᕐᐳᖅ ᐅᓂᓯᒪᓯᒥᒃ, ᓱᖁᓯᔪᐃᑦᑑᓪᓗᓂ ᐅᒃᐱᕐᑑᖃᑎᑦᑎᓐᓂᒃ ᓇᒡᓕᖕᓇᕐᑐᒥᒃ, ᐃᓕᑦᓯᓗ ᐃᓚᒋᒐᑦᓯᐅᒃ. ᑖᒃᑯᖕᓇᓐᖓᑦ ᐅᖃᐅᑦᔭᐅᑦᓯᐊᕈᒫᕐᐳᓯ ᒫᓂ ᖃᓄᐃᒻᒪᖔᑦᑕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:1

ᐸᐅᓗᓯᒥᑦ, ᓯᓪᕙᓅᓯᒥᓪᓗ, ᑎᒧᑎᒥᓪᓗ, ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒥᐅᓄᑦ, ᒎᑎ ᐊᑖᑕᒥ ᐊᑕᓂᕐᒥᓗ ᔩᓱᓯ ᙭ᔅᑑᓯᒥ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᓕᓇᕐᑑᓪᓗ ᐃᓚᒋᓕᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:1

ᐸᐅᓗᓯᒥᑦ, ᓯᓪᕙᓅᓯᒥᑦ ᑎᒧᑎᒥᓪᓗ, ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒦᑦᑐᓄᑦ ᒎᑎᒧᑦ ᐊᑖᑕᑦᑎᓐᓄᑦ ᐊᑕᓂᑦᑎᓐᓄᓪᓗ ᔩᓱᓯ ᙭ᔅᑑᓯᒧᑦ ᐃᓄᖁᑎᒋᔭᐅᔪᓄᑦ:

ᐄᑉᕈᐃᓄᑦ 13:22

ᕿᓄᕕᒋᕙᑦᓯ ᐅᒃᐱᖃᑎᒃᑲ, ᕿᓄᐃᓵᕐᓗᓯ ᐅᖃᐅᓰᑦ ᐱᕙᓪᓕᕈᑎᒃᓮᑦ ᓈᓚᒃᓯᐅᒃ, ᐃᓕᑦᓯᓐᓄᑦ ᑎᑎᕋᕐᑕᒃᑲ ᓁᑦᑑᒐᓗᐊᑦ.

ᐲᑦᑐᕉᓯ ᓯᕗᓪᓖᑦ 1:13

ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᕐᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᕐᑍᓕᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᓯᕗᓪᓖᑦ 4:10

ᐊᑐᓂᑦ ᑐᓂᕐᕈᓯᐊᕐᓯᒪᒐᑦᓯ, ᑕᒪᒃᑯᐊ ᐃᓅᖃᑎᑦᓯᓐᓄᑦ ᐱᔨᑦᓯᕈᑎᒋᓯᐅᒃ, ᐊᑐᑦᓯᐊᖁᓪᓗᓯ ᒎᑎᒥᑦ ᑐᓂᕐᕈᓯᐊᑦᓯᓐᓂᒃ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓᒍᑦ:

ᐲᑦᑐᕉᓯ ᐂᑉᐸᖏᑦ 1:12

ᑍᒤᒻᒪᑦ ᐃᖅᑬᑏᓐᓇᕈᒪᕙᑦᓯ ᑕᒪᒃᑯᓂᖓ, ᐅᓃᑦ ᖃᐅᔨᒪᒐᓗᐊᕐᑎᓪᓗᓯ ᐊᑦᑕᕐᓇᖏᑦᑐᒦᓕᕋᑦᓯ ᓱᓕᓂᕐᒥᒃ ᑐᓐᖓᕕᖃᓕᕐᓂᑦᓯᓐᓄᑦ.

ᐲᑦᑐᕉᓯ ᐂᑉᐸᖏᑦ 2:15

ᐊᖅᑯᒻᒥᒃ ᓇᓛᒎᕐᑐᒥᒃ ᕿᒤᓪᓗᑎᒃ ᑕᒻᒪᕐᓇᕐᑐᒧᑦ ᑐᕌᓕᕐᐳᑦ; ᒪᓕᒃᐳᑦ ᐊᖅᑯᒻᒥᒃ ᐸᓛᒥᐅᑉ ᐱᐅᕆᐅᑉ ᐃᕐᓂᖓᑕ ᐊᑐᓚᐅᕐᑕᖓᓂᒃ, ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᓈᒻᒪᖏᑦᑐᒃᑯᑦ ᐱᑖᕆᓯᒪᕔᑦ,

ᔪᐊᓇᓯᐅᑉ ᐱᖓᔪᖏᑦ 1:12

ᑎᒥᑐᕆᐊᓯ ᑕᒤᓐᓄᑦ ᐱᑦᓯᐊᕐᓂᕋᕐᑕᐅᓪᓗᓂ ᐅᓐᓂᕐᓯᐅᑕᐅᕗᖅ, ᓱᓕᔫᓪᓗ ᓇᖕᒥᓂᖅ ᐅᓐᓂᕐᓯᐅᑎᒋᓯᒪᒋᕚ; ᐅᕙᖓᑦᑕᐅᖅ ᑖᑦᓱᒥᖓ ᐱᑦᓯᐊᕐᓂᕅᔪᓄᑦ ᐃᑲᔪᕐᑐᐃᖃᑕᐅᒋᕗᖓ, ᖃᐅᔨᒪᕗᓯᓗ ᓇᓗᓁᕐᓯᓂᕆᔭᕗᑦ ᑕᒪᓐᓇ ᓱᓕᖕᒪᑦ.

ᔫᑎᐅᑉ ᐊᒡᓚᖏᑦ 1:3

ᓇᒡᓕᖕᓇᕐᑐᓯ, ᑎᑎᕋᐅᓯᖃᕈᒪᓯᒪᒐᒪ ᐱᐅᓕᔭᐅᓯᒪᖃᑎᒌᖕᓂᑦᑎᓐᓂᒃ, ᐱᔭᕆᐊᖃᓪᓚᕆᒐᓱᒋᒐᒪ ᑎᑎᕋᕐᕕᒋᓗᓯ ᑕᒪᒃᑯᓂᖓ ᑲᔪᖏᕐᓴᕐᓗᓯ ᐅᒃᐱᕐᓂᒃᑯᑦ ᐃᑦᔪᕐᓁᑎᑕᐅᔪᓄᑦ ᑐᓂᔭᐅᓯᒪᔪᖅ ᑲᔪᓯᑦᔪᑎᒋᑦᓯᐊᕐᓗᒍ ᓯᕐᓂᒋᓗᒍᓗ ᐱᖁᓪᓗᓯ.