ᐲᑦᑐᕉᓯ ᓯᕗᓪᓖᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓐᓁᑦ ᐊᐅᓚᑦᓯᔩᑦ ᐃᓇᑉᐸᒃᑲ, ᐅᕙᖓᑦᑕᐅᖅ ᐊᐅᓚᑦᓯᔨᐅᖃᑕᐅᒐᒪ ᙭ᔅᑑᓯᐅᑉ ᐊᒃᓱᕈᓇᕐᑐᒦᑎᑕᐅᓚᐅᕐᓂᖓᓂᒃ ᑕᑯᖃᑕᐅᓯᒪᒐᒪ ᐱᖃᑕᐅᔪᒫᕆᕗᖓ ᓂᕐᑐᕐᓇᕐᑐᔪᐊᕐᒥ ᓴᖅᑭᕈᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 5:1 Iomraidhean Croise

ᓘᑲᓯᐅᑉ ᐊᒡᓚᖏᑦ 24:48

ᐃᓕᑦᓯ ᑕᕝᕙ ᑕᒪᒃᑯᓂᖓ ᖃᐅᔨᓯᒪᔪᖁᑎᒋᕙᑦᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 1:22

ᐱᒋᐊᖃᑕᐅᓯᒪᔪᒥᒃ ᔪᐊᓇᓯᐅᑉ ᐹᑦᑎᑦᓯᖃᑦᑕᓕᕐᓂᖓᓂᑦ ᔩᓱᓯᐅᑉ ᕿᓚᓕᐊᕐᑎᑕᐅᓂᖓ ᑎᑭᓪᓗᒍ, ᑍᒤᑦᑐᒥᒃ ᐃᓚᑖᕆᐊᖃᕐᐳᒍᑦ ᖃᐅᔨᓯᒪᔭᑦᑎᓐᓂᒃ ᓇᓗᓁᕐᓯᔨᐅᖃᑕᐅᖁᓪᓗᒍ ᔩᓱᓯᐅᑉ ᒪᑭᓯᒪᓂᖓᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 1:8

ᐱᔪᓐᓇᕐᓂᕐᒥᒡᓕ ᐱᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑎᑭᑕᐅᒍᑦᓯ; ᐅᕙᓐᓂᒃ ᓇᓗᓁᕐᓯᔨᒋᓛᕐᐸᑦᓯ ᔨᕉᓴᓕᒻᒥ ᔫᑎᐊᓕᒫᒥᓗ ᓴᒥᐊᕆᐊᒥᓗ ᓄᓇᕐᔪᐊᓪᓗ ᐃᓱᐊ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:30

ᑍᒤᓕᐅᕐᓗᑎᒡ, ᑐᔪᐃᓚᐅᕐᐳᑦ ᓯᕗᓕᕐᑎᐅᔪᓄᑦ ᔨᕉᓴᓕᒻᒥ ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᐊᖅᑯᑎᒋᓪᓗᒋᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:23

ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:4

ᔨᕉᓴᓕᒻᒧᑦ ᑎᑭᒻᒪᑎᒃ, ᐅᒃᐱᕐᑑᖃᑎᒌᓂᑦ ᑐᓐᖓᓱᒃᑎᑕᐅᕘᒃ ᐋᐴᓯᑕᓕᖕᓂᑦ ᐅᒃᐱᕐᑑᖃᑎᒌᓪᓗ ᓯᕗᓕᕐᑎᖏᓐᓂᑦ, ᑖᒃᑯᐊᒃ ᐅᓂᒃᑳᕐᐴᒃ ᒎᑎᐅᑉ ᐱᓇᓱᐊᕐᓂᖏᓐᓂᒃ ᑖᒃᑯᓄᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 15:6

ᐋᐴᓯᑕᓖᓪᓕ ᐅᒃᐱᕐᑑᖃᑎᒌᓪᓗ ᓯᕗᓕᕐᑎᖏᑦ ᑕᒪᑐᒥᖓ ᐃᓱᒪᒃᓴᕐᓯᐅᕈᑎᖃᓕᕐᐳᑦ ᐃᒻᒥᒍᐃᓐᓇᖅ ᑲᑎᒪᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:32

“ᑖᓐᓇ ᔩᓱᓯ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ, ᐅᕙᒍᓪᓗ ᑕᒪᑦᑕ ᑕᒪᑐᒥᖓ ᖃᐅᔨᓯᒪᕗᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:17

ᒥᓕᑑᓯᒥᑦ ᐸᐅᓗᓯ ᐅᖃᕆᐊᕐᑐᕐᑎᑦᓯᕗᖅ ᐅᒃᐱᕐᑑᖃᑎᒌᑦ ᓯᕗᓕᕐᑎᖏᓐᓄᑦ ᐃᐱᓲᓯᒧᑦ ᑲᑎᖃᑎᒋᔪᒪᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:18

ᖃᐅᑎᓪᓗᒍ ᐸᐅᓗᓯ ᐃᓚᒋᓪᓗᑎᒍ ᔧᒥᓯᒥᒃ ᑕᑯᔭᕐᑐᕐᐳᒍᑦ; ᐅᒃᐱᕐᑑᖃᑎᒌᑦ ᓯᕗᓕᕐᑎᖏᑦ ᑕᒪᕐᒥᒃ ᑕᕝᕙᓃᑉᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:15

ᑐᖁᑕᐅᑎᑦᓯᓚᐅᕐᐳᓯ ᐃᓅᓯᕐᑖᕐᑎᑦᓯᔨᒥᒃ, ᑖᓐᓇ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ. ᑕᒪᑐᒥᖓ ᖃᐅᔨᓯᒪᓪᓗᑕ ᓇᓗᓁᕐᓯᔨᐅᕗᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:1

ᖃᐅᔨᒪᒐᑦᑕ ᓄᓇᒥ ᑐᐱᕗᑦ ᓇᔪᕐᑕᕗᑦ ᐊᓯᕈᕐᐸᑦ, ᐃᒡᓗᒃᓴᖃᕋᑦᑕ ᒎᑎᒥᑦ ᐱᔪᒥᒃ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ, ᕿᓚᖕᒥ ᐃᒡᓗᒋᔪᒫᕐᑕᑦᑎᓐᓂᒃ ᐃᓱᖃᖏᑦᑐᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:8

ᓴᐱᓐᖏᓚᒍᑦ, ᑎᒥᕗᑦ ᕿᒪᖔᕐᓗᒍ ᐊᖏᕐᕋᕈᒪᓪᓗᑕ ᐊᑕᓂᕐᒧᑦ.

ᐱᓕᐱᒥᐅᓄᑦ 1:19

ᖃᐅᔨᒪᒐᒪ, ᑐᒃᓯᐅᑦᔨᓂᑦᓯᓐᓄᑦ ᐃᑲᔪᕐᓂᑦᓯᓐᓄᓪᓗ ᔩᓱᓯ ᙭ᔅᑑᓯᐅᑉ ᐊᓂᕐᓂᖓᓂᑦ ᐱᔪᒧᑦ ᐊᓂᑎᑕᐅᓂᐊᕋᒪ.

ᑎᒧᑎᒧᑦ ᓯᕗᓪᓖᑦ 5:1

ᐃᓄᑐᖃᕐᒧᑦ ᐃᓕᕋᓇᕋᓱᐊᕐᓂᐊᕐᓇᒃ, ᐊᑖᑕᒃᑐᓪᓕ ᑲᔪᖏᕐᓴᕈᒃ; ᐃᓅᓱᒃᑐᓪᓗ ᐊᖑᑎᑦ ᐅᒃᐱᕐᑑᖃᑎᒃᑐᑦ ᐱᓇᓱᐊᕐᕕᒋᓗᒋᑦ,

ᑎᒧᑎᒧᑦ ᓯᕗᓪᓖᑦ 5:19

ᐅᒃᐱᕐᑑᖃᑎᒌᑦ ᓯᕗᓕᕐᑎᖓᓂᒃ ᐸᓯᔭᒃᓴᓐᖑᕐᑎᑦᓯᔪᒃᓴᐅᓐᖏᓚᑎᑦ ᑭᓯᐊᓂ ᒪᕐᕉᖕᓂᑦ ᐱᖓᓱᓂᓪᓘᓐᓃᑦ ᖃᐅᔨᓯᒪᔪᓂᑦ ᐅᖃᐅᓯᐅᓯᒪᒃᐸᑦ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᑍᑑᓯᒧᑦ 1:5

ᑍᒤᒻᒪᑦ ᕿᑭᕐᑕᒥᐅᓄᑦ ᑯᕇᑎᒧᑦ ᕿᒪᓚᐅᕐᐸᒋᑦ, ᐱᓇᓱᐊᒃᑲᓐᓂᕆᐊᓕᖕᓂᒃ ᐋᖅᑭᒃᓱᐃᖁᓪᓗᑎᑦ, ᐅᒃᐱᕐᑑᖃᑎᒌᒃᑐᓂᓗ ᓯᕗᓕᕐᑎᐅᓂᐊᕐᑐᓂᒃ ᑎᓕᓯᖁᓪᓗᑎᑦ ᓄᓇᓕᓕᒫᓂ ᑍᒫᒃ ᐱᖁᓚᐅᕋᒃᑭᑦ,

ᐰᓕᒨᓂᒧᑦ 1:9

ᓇᒡᓕᒋᒐᒃᑭᓪᓕ ᕿᓄᕕᒋᑐᐃᓐᓇᓕᕐᐸᒋᑦ, ᐅᕙᖓ ᐸᐅᓗᓯ, ᒫᓐᓇ ᑎᒍᔭᐅᓯᒪᕕᖕᒦᑦᑐᖓ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ.

ᐄᑉᕈᐃᓄᑦ 12:1

ᑍᒤᒻᒪᑦ, ᐅᓄᕐᑐᕐᔪᐊᓂᒃ ᐅᒃᐱᕐᓂᑯᑦ ᐃᓅᓯᒪᔪᓂᒃ ᐊᕙᑕᖏᕐᑕᐅᓯᒪᒐᑦᑕ, ᐅᕙᑦᑎᓐᓄᑦ ᐊᒡᕕᐊᕐᑐᑦ ᐲᔭᓚᐅᕐᓚᕗᑦ, ᐊᔪᕐᓃᑦ ᐅᕙᑦᑎᓐᓄᑦ ᓂᐱᓐᖓᔪᑦ, ᐅᖁᒤᒃᓴᐅᑎᒋᔭᕗᓪᓗ; ᕿᓄᐃᓵᕐᓗᑕ ᐅᓪᓚᖃᑕᐅᓚᐅᕐᑕ ᑲᔪᓯᓗᑕ ᐅᐸᒐᓱᐊᕐᑕᕗᑦ ᓯᕗᓂᑦᑎᓐᓃᒻᒪᑦ,

ᐲᑦᑐᕉᓯ ᓯᕗᓪᓖᑦ 1:12

ᓴᖅᑭᑎᑦᓯᕕᐅᓚᐅᕐᐳᑦ ᓇᖕᒥᓂᖅ ᐱᕙᓪᓕᕈᑎᒃᓴᒥᖕᓄᑦ ᑍᒤᓕᐅᖏᓐᓂᖏᓐᓂᒃ ᐃᓕᑦᓯᓕ ᐱᕙᓪᓕᕈᑎᒃᓴᑦᓯᓐᓄᑦ, ᒫᓐᓇ ᐃᓕᑦᓯᓐᓄᑦ ᐅᖃᐅᓯᐅᓯᒪᓕᕐᐳᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᒃᑎᓄᑦ, ᐊᓂᕐᓂᖅ ᐃᑦᔪᕐᓁᑦᑐᒃᑯᑦ ᕿᓚᖕᒥᑦ ᐱᓯᒪᔪᒃᑯᑦ. ᑕᒪᓐᓇᑦᑕᐅᖅ ᐊᒡᓛᑦ ᐂᖏᓖᓄᑦ ᑐᑭᓯᔭᐅᔪᒪᕗᖅ.

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᓯᕗᓪᓖᑦ 4:13

ᖁᕕᐊᓲᑎᒋᓯᐅᒡᓕ ᙭ᔅᑑᓯᐅᑉ ᓯᕐᓕᕿᑎᑕᐅᓂᕆᓚᐅᕐᑕᖓᓂᒃ ᐃᓚᖏᐅᑎᑎᑕᐅᒐᑦᓯ ᑕᒪᑐᒧᖓ, ᖁᕕᐊᓲᑎᖃᒻᒪᕆᒍᓐᓇᖁᓪᓗᓯ ᓯᕆᓗᓯᓗ ᑖᑦᓱᒪ ᓂᕐᑐᕐᓇᕐᓂᕐᔪᐊᖓ ᓴᖅᑭᑎᑕᐅᒃᐸᑦ.

ᐲᑦᑐᕉᓯ ᓯᕗᓪᓖᑦ 5:4

ᐰᕐᓯᔩᑦ ᐊᖓᔪᖅᑳᖓᑦ ᓴᖅᑭᑉᐸᑦ ᑕᕝᕙ ᓂᕐᑐᕐᓇᕐᑐᒥᒃ ᓂᐊᖂᓯᕐᑕᐅᔪᒫᕐᐳᓯ ᐱᓐᓇᕐᓇᕐᑐᒥᒃ ᐊᓯᐅᓂᐊᖏᑦᑐᒥᒃ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᔪᐊᓇᓯᐅᑉ ᐂᑉᐸᖏᑦ 1:1

ᐃᓐᓇᕐᑕᕆᔭᐅᔪᒥᑦ ᐊᕐᓇᒧᑦ ᓂᕈᐊᕐᑕᐅᓯᒪᔪᒧᑦ ᕿᑐᕐᖓᖏᓐᓄᓪᓗ, ᓱᓕᓂᕐᒥ ᓇᒡᓕᒋᔭᓐᓄᑦ, ᐅᕙᖓᑐᐊᖑᖏᑦᑐᕐᓗ ᑕᒤᓐᓂᓪᓕ ᓱᓕᔪᒥᒃ ᖃᐅᔨᓯᒪᔪᓂᑦ ᓇᒡᓕᒋᔭᐅᕗᑎᑦ,

ᔪᐊᓇᓯᐅᑉ ᐱᖓᔪᖏᑦ 1:1

ᐃᓐᓇᕐᑕᕆᔭᐅᔪᒥᑦ; ᓇᒡᓕᒋᔭᓐᓄᑦ ᒊᐊᓯᒧᑦ, ᓱᓕᓂᕐᒥ ᓇᒡᓕᒋᔭᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9

ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.