ᐲᑦᑐᕉᓯ ᓯᕗᓪᓖᑦ 4:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.

ᐲᑦᑐᕉᓯ ᓯᕗᓪᓖᑦ 4:14 Iomraidhean Croise

ᐊᑕᓃᑦ ᓯᕗᓪᓖᑦ 10:8

ᑐᓱᓐᓇᕐᑐᐊᓘᕗᑦ ᓄᓕᐊᑎᑦ! ᐱᔨᑎᓪᓗ ᑐᓱᓐᓇᕐᑑᓪᓗᑎᒃ, ᐃᓕᖕᓄᑦ ᓇᔫᑏᓐᓇᕐᓗᑎᒃ ᑐᓴᖃᑦᑕᕐᓗᑎᒡᓗ ᐅᖃᐅᓯᕐᓂᒃ ᓯᓚᑐᔪᓂᒃ!

ᐊᑕᓃᑦ ᐂᑉᐸᖏᑦ 2:15

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕆᑯᒥᑦ ᐱᓯᒪᔪᑦ ᑕᐅᑐᒃᑲᒥᒃ ᐅᖃᓕᕐᐳᑦ, “ᐊᓂᕐᓂᖅ ᐃᓔᑦᔭᒦᓚᐅᕐᑐᖅ ᐃᓔᓴᒦᓕᕐᐳᖅ.” ᐹᕆᐊᕐᑐᕐᓗᓂᑦᔪᒃ ᓵᖓᓄᐊᕐᓗᑎᒃ ᒪᓂᖅᑲᒧᑦ ᐹᒻᒪᒡᕕᒋᕚᑦ.

ᐃᓐᖏᕈᑎᑦ 146:5

ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ, ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ.

ᐃᓐᖏᕈᑎᑦ 49:9

ᑍᒫᒃ ᑕᕝᕙ ᐃᓅᔭᕆᐊᖃᕐᐳᖅ ᐃᓱᖃᖏᑦᑐᒧᑦ, ᐃᑎᕐᓵᓗᖕᒥᒡᓗ ᖃᐅᔨᓐᖏᓮᓐᓇᕐᓗᓂ.

ᐃᓐᖏᕈᑎᑦ 89:51

ᑍᑦᓱᒪᓂ ᐊᑕᓃᖅ, ᐆᒥᒋᔨᑎᑦ ᓂᓐᖓᒃᓮᓚᐅᕐᒪᑕ, ᒥᑕᐅᑎᖃᕐᑎᓪᓗᒋᑦ ᐅᕐᓱᕐᑎᕐᓯᒪᔭᕐᐱᑦ ᑐᒥᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 11:2

ᐊᑕᓂᐅᑉ ᐊᓂᕐᓂᖓᑕ ᐃᓂᒋᔪᒫᕐᐹ ᐊᓂᕐᓂᐅᑉ ᓯᓚᑐᓂᖃᕐᑎᑦᓯᔫᑉ ᑐᑭᓯᓂᖃᕐᑎᑦᓯᔫᓪᓗ, ᐊᓂᕐᓂᐅᑉ ᑕᓯᐅᕐᓯᓂᖃᕐᑎᑦᓯᔫᑉ ᐱᔪᓐᓇᕐᓂᕐᔪᐊᖃᕐᑎᑦᓯᔫᓪᓗ ᐊᓂᕐᓂᐅᑉ ᖃᐅᔨᒪᓂᖃᕐᑎᑦᓯᔫᑉ ᐊᑕᓂᕐᒥᒡᓗ ᓯᕘᕋᓂᖃᕐᑎᑦᓯᔫᑉ.

ᐂᓮᐊᓯᐅᑉ ᐊᒡᓚᖏᑦ 25:8

ᑐᖁ ᐊᑐᕈᓐᓃᕐᑎᑦᓱᒫᕐᐹ ᐃᓱᖃᖏᑦᑐᒧᑦ! ᐊᑕᓂᐅᓪᓗ ᒎᑎᐅᑉ ᖁᕝᕕᐅᕐᑐᓕᒫᑦ ᐃᔨᖏᑦ ᐊᓪᓚᕐᑎᕈᒫᕐᐰᑦ, ᐃᓄᖁᑎᖏᑕ ᓇᓂᓕᒫᕐᑐᑦ ᑲᓐᖑᓲᑎᒋᓪᓗᒋᑦ ᐊᒃᓱᕈᕈᑎᒋᓚᐅᕐᑕᖏᑦ ᐲᔭᕈᒫᕐᐰᑦ ᓄᓇᒥᑦ; ᐊᑕᓂᖅ ᑍᒫᒃ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 51:7

ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 5:11

“ᓮᒪᓇᕐᑐᒦᑉᐳᓯ ᐃᓄᐃᑦ ᖃᓄᑐᐃᓐᓇᖅ ᐅᖃᕐᓂᕐᓗᒡᕕᒋᒃᐸᓯ, ᐊᑭᕋᕐᑐᕐᑕᐅᒍᑦᓯᓗ, ᓱᓕᖏᑦᑐᒥᒡᓗ ᖃᓄᑐᐃᓐᓇᖅ ᐅᖃᕐᓂᕐᓘᑎᒋᔭᐅᒍᑦᓯ ᐅᕙᓐᓄᑦ ᒪᓕᒡᑎᐅᓂᓯ ᐱᑦᔪᑎᒋᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᓘᑲᓯᐅᑉ ᐊᒡᓚᖏᑦ 6:22

“ᓮᒪᕐᑎᑕᐅᓇᕐᑐᒦᑉᐳᓯ ᐃᓄᐃᑦ ᐆᒥᒋᒃᐸᓯ, ᓇᕐᕈᒋᒃᐸᓯᓗ ᐅᖃᕐᓂᕐᓘᑎᒋᒃᐸᓯᓗ, ᐱᐅᖏᑦᑐᐊᓘᓂᕋᕐᐸᓯᓗ, ᐃᓅᑉ ᐃᕐᓂᖓ ᐱᑦᔪᑎᒋᓪᓗᒍ!

ᔪᐊᓇᓯᐅᑉ ᐊᒡᓚᖏᑦ 15:21

ᑕᒪᒃᑯᓂᖓᓕᒫᖅ ᐱᓂᐊᕐᕕᒋᔪᒫᕐᐹᓯ ᐅᕙᓐᓂᒃ ᐱᑦᔪᑎᖃᕐᓗᑎᒃ, ᐅᕙᓐᓂᒃ ᑎᓕᓯᔪᖅ ᖃᐅᔨᒪᖏᓐᓇᒥᑦᔪᒃ.

ᔪᐊᓇᓯᐅᑉ ᐊᒡᓚᖏᑦ 8:48

ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”

ᔪᐊᓇᓯᐅᑉ ᐊᒡᓚᖏᑦ 9:28

ᑕᕝᕙ ᐅᖃᕐᓂᕐᓗᒡᕕᒋᓪᓗᒍ ᐅᖃᐅᑎᕚᑦ, “ᐃᕝᕕᑦ ᑖᑦᓱᒪ ᐃᓕᓐᓂᐊᕐᑎᒋᕚᑎᑦ, ᐅᕙᒍᓪᓕ ᒨᓯᓯᐅᑉ ᐃᓕᓐᓂᐊᕐᑎᒋᕚᑎᒍᑦ.

ᔪᐊᓇᓯᐅᑉ ᐊᒡᓚᖏᑦ 9:34

ᑖᒃᑯᐊ ᑭᐅᕚᑦ, “ᐊᔪᕐᓂᕐᒥ ᐃᕐᓂᐊᖑᓯᒪᓪᓗᑎᑦ ᐱᕈᕐᓴᔭᐅᕕᒋᓪᓗᒍᓗ, ᐅᕙᑦᑎᓐᓂᒃ ᐊᔪᕆᕐᑐᐃᓇᓱᐊᕐᐲ?” ᔫᑎᓪᓗ ᐅᒃᐱᕐᓂᕐᒧᑦ ᑲᑎᒪᕕᖓᓐᓂᑦ ᐊᓂᑎᑉᐹᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:45

ᔫᑎᓪᓕ ᐃᓄᒋᐊᒃᑐᐊᓗᖕᓂᒃ ᑕᑯᒐᒥᒃ ᐊᑲᐅᒃᓴᕈᓐᓃᕐᐳᑦ ᓵᓐᖓᔭᐅᓂᕐᓴᐅᔪᒪᓪᓗᑎᒃ; ᐅᖃᐅᓯᕐᒥᖕᓄᑦ ᓵᓚᖃᕋᓱᐊᕐᐳᑦ ᐸᐅᓗᓯᒥᒃ ᐱᐅᒋᔭᐅᔪᓐᓃᑎᓇᓱᐊᕐᖢᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 18:6

ᑖᒃᑯᐊ ᐊᑭᕋᕐᑐᕐᒪᑕ ᐅᖃᕐᓂᕐᓘᑎᖃᕐᒪᑕᓗ ᐸᐅᓗᓯᒥᒃ; ᐊᓐᓄᕌᓂ ᐳᔪᕐᓗᖏᑦ ᐃᑦᓱᒃᐰᑦ ᐊᖏᖃᑎᒋᖏᒻᒪᕆᒃᓗᒋᓪᓗ ᐅᖃᐅᑎᕔᑦ, “ᑕᕐᓂᓯ ᐊᓯᐅᒃᐸᑕ ᐃᓕᑦᓯᓐᓂᒃ ᓇᖕᒥᓂᖅ ᐱᔭᕆᓂᐊᕐᐳᓯ! ᐅᕙᖓ ᐸᓯᔭᒃᓴᐅᓂᐊᓐᖏᓚᖓ. ᒫᓐᓇᒥᑦ ᔫᑎᐅᖏᑦᑐᑦ ᐊᔪᕆᕐᑐᖔᕐᓂᐊᓕᕐᐸᒃᑲ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:22

ᑐᓴᕈᒪᔪᐊᓘᕗᒍᓪᓕ ᐃᓱᒪᒋᔭᕐᓂᒃ; ᖃᐅᔨᒪᒐᑦᑕ ᓇᓂᑐᐃᓐᓇᖅ ᐃᓄᐃᑦ ᐊᑭᕋᕐᑐᖃᑦᑕᕐᒪᑕ ᑕᒪᑐᒧᖓ ᐃᓚᐅᕕᒋᔭᕐᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:10

ᑎᒥᒥᐅᑕᕾᓐᓇᕐᐳᒍᑦ ᔩᓱᓯᐅᑉ ᑐᖁᖓᓂᒃ, ᑖᑦᓱᒪ ᐃᓅᓯᖓ ᓴᖅᑭᔮᖁᓪᓗᒍ ᑎᒥᑦᑎᓐᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:16

ᑍᒤᒻᒪᑦ ᓴᐱᓕᓐᖏᓚᒍᑦ. ᑕᑯᒃᓴᐅᔪᒃᑯᑦ ᐃᓅᓯᑦᑎᒍᑦ ᐊᔪᓕᕐᐸᓪᓕᐊᒐᓗᐊᕐᓗᑕ, ᐃᓗᑦᑎᒍᓪᓕ ᖃᐅᑕᒫᑦ ᓄᑖᓐᖑᕐᑎᑕᐅᖏᓐᓇᕐᐳᒍᑦ.

ᒐᓔᑎᐊᒥᐅᓄᑦ 1:24

ᑍᒤᒻᒪᑦ ᐅᕙᓐᓂᒃ ᐱᑦᔪᑎᖃᕐᓗᑎᒃ ᒎᑎᒥᒃ ᓂᕐᑐᐃᖃᑦᑕᕐᐳᑦ.

ᐄᑉᕈᐃᓄᑦ 11:26

ᐃᓱᒪᖃᓚᐅᕋᒥ ᐱᑦᓯᐊᕐᑕᐅᖏᓐᓂᖅ ᒥᑕᐅᑕᐅᓂᕐᓗ ᙭ᔅᑑᓯ ᐱᑦᔪᑎᒋᓪᓗᒍ ᐊᖏᓂᕐᓴᒥᒃ ᐊᔪᕐᓴᖏᑦᔪᑎᒃᓴᐅᓇᓱᒋᓪᓗᒍ ᐄᑦᔨᑉᑎᒥᐅᑦ ᐱᖁᑎᕐᔪᐊᖏᓐᓂᑦ, ᓯᕗᓂᒃᓴᒥ ᐊᑭᓕᐅᑕᐅᔪᒫᕐᓂᖅ ᐃᓱᒪᒋᓪᓗᓂᐅᒃ.

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔧᒥᓯᐅᑉ ᐊᒡᓚᖏᑦ 5:11

ᑕᑯᒋᑦ, ᓮᒪᓇᕐᑐᒥᒃ ᐃᓅᓯᖃᓚᐅᕐᓂᕋᕐᐸᕗᑦ ᕿᓄᐃᓵᓚᐅᕐᓂᖏᓐᓄᑦ. ᑐᓴᐅᒪᕙᓯ ᔫᐱᐅᑉ ᕿᓄᐃᓵᕐᓂᕆᓚᐅᕐᑕᖓ, ᑭᖑᓂᖓᒍᓪᓗ ᐊᑕᓂᕐᒧᑦ ᑐᓂᓯᕕᐅᓚᐅᕐᓂᖓ, ᐊᑕᓂᖅ ᓇᓪᓕᒍᓱᒃᔪᐊᕐᒪᑦ ᓂᑲᒍᓱᖕᓂᕐᔪᐊᖃᕐᓗᓂᓗ.

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 3:14

ᐊᒃᓱᕈᕐᑎᑕᐅᒐᓗᐊᕈᑦᓯ ᐃᓗᐊᕐᑐᓕᓂᖅ ᐱᑦᔪᑎᒋᓗᒍ, ᓮᒻᒪᕐᑎᑕᐅᓂᐊᕐᐳᓯ. ᓇᓪᓕᐊᓐᓂᒡᓘᓐᓃᑦ ᓯᕘᕋᓂᐊᕋᓯ, ᐃᓱᒪᔮᕐᓂᐊᕋᓯᓗ.

ᐲᑦᑐᕉᓯ ᓯᕗᓪᓖᑦ 3:16

ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 4:16

ᐅᖁᒤᑐᕐᔪᐊᕐᒥᑎᑕᐅᓕᕈᑦᓯᓕ ᙭ᔅᑑᓯᒥᐅᑕᐅᓂᓯ ᐱᑦᔪᑎᒋᓗᒍ, ᑕᒪᓐᓇ ᑲᓐᖑᓲᑎᒋᑦᑍᓕᓯᐅᒃ, ᒎᑎᓕ ᓂᕐᑐᕐᓯᐅᒃ ᑖᑦᓱᑐᓇᖅ ᐱᔭᐅᓂᓯ ᐱᑦᔪᑎᒋᓗᒍ.

ᐲᑦᑐᕉᓯ ᐂᑉᐸᖏᑦ 2:2

ᐅᓄᕐᑐᓄᑦ ᒪᓕᒃᑕᐅᓕᕈᒫᕐᐳᑦ ᐱᔪᒥᓇᖏᑦᑐᓂᒃ ᐱᓂᐊᕐᓂᕆᔭᖏᑦ ᑕᒪᓐᓇ ᒥᒃᓯᖃᕐᓂᑰᕐᓂᖅ ᐃᓄᖕᓄᑦ ᐱᐅᖏᓐᓂᕋᕐᑕᐅᓗᓂ ᐅᖃᐅᓯᐅᖃᑦᑕᓕᕈᒫᕐᐳᖅ.