ᐲᑦᑐᕉᓯ ᓯᕗᓪᓖᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᐅᑦᑐᓯᒍᑦ ᐱᐅᓴᕐᓯᒪᓗᓯ ᐱᐅᒋᔭᐅᑎᓐᓇᓱᐊᕐᑐᒃᓴᐅᓐᖏᓚᓯ ᓄᔭᓯ ᐱᐅᓴᕐᓗᒋᑦ, ᑕᑯᒥᓇᕐᓴᐅᑎᓂᒡᓗ ᒎᓗᓂᒃ ᐊᑐᕐᓗᓯ, ᐊᓐᓄᕌᑦᓯᐊᓂᒡᓗ ᐱᐅᓴᐅᑎᖃᕐᓗᓯ,

ᐲᑦᑐᕉᓯ ᓯᕗᓪᓖᑦ 3:3 Iomraidhean Croise

ᒨᓯᓯ ᓯᕗᓪᓖᑦ 24:22

ᑳᒥᓖᓪᓕ ᐃᒥᕇᕐᒪᑕ, ᐊᖑᑦ ᑎᒍᓯᕗᖅ ᒎᓗᒥᒃ ᓴᓪᑰᑉ ᐊᕝᕙᖓᓂᒃ ᐅᖁᒤᓐᓂᖃᕐᑐᒥᒃ ᕿᖓᕐᒥᐅᑕᕐᒥᒃ, ᒪᕐᕉᖕᓂᒡᓗ ᐊᒡᒐᐅᒻᒥᐅᑕᒃᓴᖏᖕᓂᒃ ᒎᓗᓂᒃ ᐅᖁᒤᓐᓂᖃᕐᑐᓂᒃ ᖁᓕᓂᒃ ᓴᓪᑯᓂᒃ.

ᒨᓯᓯ ᓯᕗᓪᓖᑦ 24:47

ᐊᐱᕆᒐᒃᑯᓗ, ‘ᑭᐊ ᐸᓂᒋᕚᑎᑦ?’ ᑖᑦᓱᒪ ᑭᐅᕚᖓ, ‘ᐱᑐᐃᓕᐅᑉ ᐸᓂᒋᕚᖓ, ᓇᕼᐅᕆᐅᑉ ᒥᐅᓪᑲᐅᓪᓗ ᐃᕐᓂᖓᑕ,’ ᑕᕝᕙ ᕿᖓᕐᒥᐅᑕᕐᒥᒃ ᑐᓂᓯᕕᒋᓕᖅᑲᐅᕙᕋ ᐊᒡᒐᐅᒻᒥᐅᑕᓂᒡᓗ ᐃᒡᓗᒃᑐᑦ ᐊᑎᑎᓪᓗᒍ.

ᒨᓯᓯ ᓯᕗᓪᓖᑦ 24:53

ᓇᒃᓴᕐᓯᒪᔭᒥᓂᒃ ᐲᔧᓕᕐᐳᖅ ᓯᐅᓪᕕᕆᓂᒃ ᒎᓗᓂᒡᓗ ᓴᓇᓯᒪᔪᓂᒃ, ᐊᓐᓄᕌᓂᒡᓗ, ᕇᐱᑲᒧᓪᓗ ᑐᓂᓪᓗᒋᑦ; ᐊᓂᖓᓄᑦᑕᐅᖅ ᐊᓈᓇᖓᓄᓪᓗ ᑐᓂᓯᕗᖅ ᐊᑭᑐᔪᒃᓴᔭᓂᒃ.

ᐊᑕᓃᑦ ᐂᑉᐸᖏᑦ 9:30

ᔨᕼᐆᓕ ᔨᔭᕆᐅᓪᒧᐊᕋᒥ ᔨᔨᐱᐊᓕᒧᐊᕐᐳᖅ, ᔨᔨᐱᐊᓕ ᑐᓴᕐᑎᑕᐅᒐᒥ ᑎᑭᑦᑐᒥᒃ, ᐃᔩᖕᓂ ᐱᐅᓴᓚᐅᕐᐹᒃ ᓄᔭᓂᓗ ᐋᖅᑭᒃᓱᕆᐊᕇᕋᒥᒋᑦ ᐃᒐᓛᒃᑯᑦ ᐃᑦᓱᐊᕐᐳᖅ.

ᐃᔅᑕᐅᑉ ᐊᒡᓚᖏᑦ 5:1

ᑕᕝᕙ ᐅᓪᓗᐃᑦ ᓂᕆᑦᑍᓕᓂᖏᑕ ᐱᖓᔪᒋᓕᕐᑕᖓᓂ ᐃᔅᑕᕐ ᐊᖓᔪᖅᑳᕐᓯᐅᑎᓂᒃ ᐊᓐᓄᕌᓂᒃ ᐊᑎᕗᖅ ᐊᖓᔪᖅᑳᕐᔪᐊᓪᓗ ᐃᒡᓗᖓᑕ ᐊᕙᓗᐊᑕ ᐃᓗᐊᓄᑦ ᐃᑎᕐᓗᓂ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᑭᓪᓗᐊᖓᓃᑦᑐᒧᑦ, ᐊᖓᔪᖅᑳᕐᔪᐊᕐᓕ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᓚᐅᕐᐳᖅ ᐊᖓᔪᖅᑳᐅᕕᖕᒥᓂ, ᐃᑎᕐᑕᕐᕕᖓᓄᑦ ᓵᓐᖓᓪᓗᓂ.

ᐃᓐᖏᕈᑎᑦ 45:9

ᐊᖓᔪᖅᑳᕐᔪᐊᑉ ᐸᓂᖏᑦ ᐃᓚᒋᔭᐅᕗᑦ ᐊᕐᓇᓄᑦ ᐅᐱᒋᔭᐅᔪᓄᑦ; ᑕᓕᕐᐱᖕᓃᑉᐳᕐᓗ ᑯᐃᓐ, ᐊᑐᕐᑐᖅ ᒎᓗᓂᒃ ᐅᐱᕼᐃᒥᐅᑕᓂᒃ.

ᒨᓯᓯ ᐂᑉᐸᖏᑦ 3:22

ᐃᓴᕆᐊᓕᒥᐅᑦ ᐊᕐᓇᖁᑎᓕᒫᖏᑦ ᓯᓚᖅᑲᑎᒥᖕᓄᑦ ᐄᑦᔨᑉᑎᒥᐅᓄᑦ ᐅᕝᕙᓘᓐᓃᑦ ᐄᑦᔨᑉᑎᒥᐅᑕᕐᒥᒃ ᐊᕐᓇᐅᖃᑎᖃᕈᓂ ᐃᒡᓗᒥᓂ ᑐᒃᓯᕋᕐᕕᒋᔭᒃᓴᕆᕚ ᐊᓐᓄᕌᓂᒃ, ᒎᓗᒥᒃ, ᓯᐅᓪᕕᕆᒥᒡᓘᓐᓃᑦ. ᐃᓴᕆᐊᓕᒥᐅᓪᓗ ᐃᕐᓂᕐᒥᖕᓄᑦ ᐸᓂᖕᒥᖕᓄᓪᓗ ᑕᒪᒃᑯᐊ ᐊᒡᔭᕐᑕᐅᑎᑕᒃᓴᕆᕔᑦ ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᓐᓂᒃ ᐊᐅᓪᓚᕈᑦᔨᖁᓪᓗᒋᑦ.”

ᒨᓯᓯ ᐂᑉᐸᖏᑦ 32:2

ᐂᕉᓂᐅᑉ ᐅᖃᐅᑎᕔᑦ, “ᓄᐊᑦᓯᓕᕆᑦᓯ ᓄᓕᐊᑦᓯ, ᐃᕐᓂᑦᓯ, ᐸᓂᑦᓯᓗ ᓯᐅᑎᒥᐅᑕᖏᓐᓂᒃ ᒎᓗᓂᒃ, ᑕᒪᒃᑯᐊᓗ ᐲᔭᕐᓗᒋᑦ ᐅᕙᓐᓄᐊᕈᑎᓯᒋᒃ.”

ᒨᓯᓯ ᐂᑉᐸᖏᑦ 33:4

ᐃᓄᐃᓪᓕ ᑕᒪᑐᒥᖓ ᑐᓴᕋᒥᒃ, ᐊᖏᔪᕐᔪᐊᒥᒃ ᕿᒃᓵᓕᕐᐳᑦ; ᐱᐅᓴᐅᑎᒐᓚᖕᓂᒡᓗ ᐊᑐᕐᑐᖃᕈᓐᓃᕐᓗᑎᒃ.

ᒨᓯᓯ ᐂᑉᐸᖏᑦ 35:22

ᑍᒤᒻᒪᑦ ᐊᖑᑎᑦ ᐊᕐᓁᓪᓗ ᕾᓚᐅᕐᐳᑦ; ᐆᒻᒪᑎᒥᒍᑦ ᑲᑦᓱᖎᓕᔪᓕᒫᑦ ᑐᓂᕐᕈᓯᓚᐅᕐᐳᑦ ᐱᐅᓴᕐᓯᒪᔪᓂᒃ ᑲᒃᑯᑎᓂᒃ, ᓯᐅᑎᒥᐅᑕᕐᓂᒃ, ᓇᒡᒍᐊᕐᒥᖕᓂᒃ, ᐅᔭᒥᖕᓂᒃ ᖃᓄᐃᑦᑐᑐᐃᓐᓇᓂᒡᓗ ᐱᐅᓴᐅᑎᓂᒃ ᒎᓗᓂᒃ; ᑕᒪᒃᑯᐊᓗ ᒎᓗᐃᑦ ᑐᓂᕐᕈᑕᐅᓚᐅᕐᐳᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 38:8

ᐴᒍᑕᕐᒥᒃ ᑲᓐᓄᔭᒥᒃ ᓴᓇᒋᕗᖅ ᑲᓐᓄᔭᒥᒡᓗ ᐊᓪᓕᕋᖃᕐᓗᒍ ᐊᕐᓁᑦ ᑕᕐᕋᕐᑑᑎᖏᓐᓂᑦ ᓴᓇᓚᐅᕐᐳᖅ ᐊᑕᓂᐅᑉ ᓇᔪᒐᖓᑕ ᑐᐱᐅᑉ ᐃᑎᕐᑕᕐᕕᖓᓂ ᐱᓇᓱᐊᕐᑎᐅᔫᑉ ᐱᖁᑎᕕᓂᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 52:1

ᑐᐸᓕᕆᑦ, ᑐᐸᓕᕆᑦ! ᐱᔪᓐᓇᕐᓃᑦ ᐊᑎᓗᒍ ᓮᐅᓃ; ᐊᓐᓄᕌᑎᑦ ᐱᐅᔪᐊᓗᐃᑦ ᐊᑎᒃᑭᑦ, ᔨᕉᓴᓕᒻ, ᐃᒡᓗᒐᓴᒡᔪᐊᖑᔪᑎᑦ ᐃᑦᔪᕐᓁᑦᑐᑦ; ᑎᑭᕝᕕᐅᖃᑦᑕᕐᓂᐊᕈᓐᓃᕋᕕᑦ ᑭᐱᔭᐅᓯᒪᖏᑦᑐᓄᑦ ᓴᓗᒪᖏᑦᑐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᔨᕆᒤᐊᐅᑉ ᐊᒡᓚᖏᑦ 2:32

ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 4:30

ᓱᓇᒥᒃ ᐱᓇᓱᐊᓕᕐᐲᑦ? ᐃᓕᑦᓯ ᐃᓅᕕᒃᓴᖃᕈᓐᓃᕐᑐᓯ! ᓱᖕᒪᑦ ᐊᐅᐸᕐᑐᓂᒃ ᐱᐅᔪᓂᒃ ᐊᓐᓄᕌᕐᑐᕐᐱᓰ? ᐱᐅᓴᐅᑎᓂᒡᓗ ᐊᑎᓯᓪᓗᓰ? ᐃᔨᓯᓗ ᕿᕐᓂᕐᓯᓕᕐᓗᓯᐅᒃ? ᐱᐅᔫᔪᒪᒐᓗᐊᕐᐳᓯ, ᐅᖓᒋᓚᐅᕐᑕᑦᓯᓕ ᐱᐅᒋᔪᓐᓃᕐᐹᓯ ᑐᖁᑦᓱᒪᓕᕐᐹᓯᓕ ᐊᒡᓛᑦ.

ᐃᓯᑭᐊᓕᐅᑉ ᐊᒡᓚᖏᑦ 23:40

ᐊᒡᓛᑦ ᑎᑭᖁᔨᕙᓚᐅᕐᐴᒃ ᐊᖑᑎᓂᒃ ᐅᖓᓯᒃᑐᒥᐅᓂᒃ, ᐅᖃᕆᐊᕐᑐᕐᑎᑦᓯᓪᓗᑎᒃ, ᑕᑯᒋᓪᓗ ᑎᑭᑕᐅᕙᓚᐅᕐᐴᒃ. ᑎᑭᑦᑕᕌᖓᑕ ᐅᕕᓂᖕᓂᐊᕐᐸᓚᐅᕐᐳᓯᒃ, ᐃᔨᓯᒡᓗ ᒥᖑᐊᕐᓗᒋᒃ, ᐱᐅᓴᐅᑎᓂᒡᓗ ᐊᑎᓪᓗᓯᒃ;

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᐲᑦᑐᕉᓯ ᓯᕗᓪᓖᑦ 3:2

ᑕᑯᓕᕈᑎᒃ ᑲᒪᑦᓯᐊᕐᓂᑦᓯᓐᓂᒃ ᐃᒃᓯᒎᕐᓂᕐᒥᒡᓗ ᐊᑐᖏᓐᓂᑦᓯᓐᓂᒃ.