ᐲᑦᑐᕉᓯ ᓯᕗᓪᓖᑦ 3:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᐲᑦᑐᕉᓯ ᓯᕗᓪᓖᑦ 3:21 Iomraidhean Croise

ᓴᑲᕅᐊᐅᑉ ᐊᒡᓚᖏᑦ 13:1

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᒫᑯᓯᐅᑉ ᐊᒡᓚᖏᑦ 16:16

ᓇᓪᓕᐊᑦ ᐅᒃᐱᕐᑐᖅ ᐹᑉᑎᑕᐅᓗᓂ ᑖᓐᓇ ᐱᐅᓕᔭᐅᔪᒫᕐᐳᖅ; ᓇᓪᓕᐊᓪᓕ ᐅᒃᐱᖏᑉᐸᑦ ᑖᓐᓇ ᐃᖅᑲᕐᑐᕐᑕᐅᔪᒫᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 13:9

ᑕᕝᕙ ᓮᒨᓂ ᐲᑦᑐᕉᓯᐅᑉ ᐅᖃᐅᑎᕚ, “ᐊᑕᓃᖅ, ᐃᑎᒐᒃᑲᓕ ᑖᒃᑯᑑᖏᑦᑐᑦ ᐊᒡᒐᒃᑲᓕ ᓂᐊᖁᕋᓗ ᐅᐊᓴᖃᓯᐅᑎᓕᒃᑭᑦ!”

ᐋᐴᓯᑕᓖᑦ ᐱᓂᐊᕐᓂᖏᑦ 16:33

ᐃᑲᕐᕋᒥ ᑕᕝᕙᓂ ᑎᒍᔭᐅᓯᒪᕕᐅᑉ ᑲᒪᔨᖓᑕ ᐸᐅᓗᓯᒃᑯᒃ ᑭᓪᓕᖏᑦ ᓴᓗᒻᒪᕐᓴᕐᐰᑦ, ᐹᑉᑎᑕᐅᓪᓗᓂᓗ ᐃᒡᓗᒥᐅᖃᑎᓕᒫᓂ ᐃᓚᒋᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 22:16

ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”

ᐋᐴᓯᑕᓖᑦ ᐱᓂᐊᕐᓂᖏᑦ 8:36

ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [

ᐋᐴᓯᑕᓖᑦ ᐱᓂᐊᕐᓂᖏᑦ 8:37

ᐱᓕᑉᐴᓯᐅᑉ ᐅᖃᐅᑎᕙ, “ᐆᒻᒪᒻᒧᑦ ᐊᑕᖏᕐᑐᒧᑦ ᐅᒃᐱᕈᕕᑦ ᐹᑉᑎᑕᐅᔪᓐᓇᕐᐳᑎᑦ.” ᐃᑎᐅᐱᐊᒥᐅᖅ ᐅᖃᕐᐳᖅ, “ᐅᒃᐱᕆᕙᕋ, ᔩᓱᓯ ᙭ᔅᑑᓯ ᒎᑎᐅᑉ ᐃᕐᓂᕆᖕᒪᒍ.”]

ᕉᒪᒥᐅᓄᑦ 5:14

ᑐᖁ ᐊᐅᓚᑦᓯᓚᐅᕐᐳᖅ ᐋᑕᒥᒥᑦ ᒨᓯᓯ ᑎᑭᓪᓗᒍ, ᐊᒡᓛᑦ ᐋᑕᒥᐅᑉ ᓈᓚᖏᓐᓂᖓᑐᑦ ᐱᖏᑦᑑᒐᓗᐊᓄᑦ, ᐋᑕᒥᓕ ᑎᑭᑦᑐᒃᓴᒧᑦ ᐊᑦᔨᑐᐃᓐᓇᐅᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:13

ᐊᓂᕐᓂᕐᒧᑦ ᐊᑕᐅᓯᕐᒧᑦ ᐹᑉᑎᑕᐅᓯᒪᒐᑦᑕ ᑎᒥᒥ ᐊᑕᐅᓯᐅᖁᓪᓗᑕ; ᔫᑎᑦ ᒍᕇᑭᓪᓗ, ᐱᔨᐅᔪᑦ ᐱᔨᐅᖏᑦᑐᓪᓗ, ᑕᒪᑦᑕᓗ ᐃᒥᕐᑎᑕᐅᕗᒍᑦ ᐊᓂᕐᓂᕐᒥᑦ ᐊᑕᐅᓯᕐᒥᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:6

ᑕᒪᒃᑯᐊ ᐃᓚᒃᑳ ᐅᖃᐅᓯᕆᕙᒃᑲ ᐱᕙᓪᓕᕈᑎᒃᓴᑦᓯᓐᓄᑦ ᐅᕙᖓᓗ ᐊᐴᓗᓯᓗ ᐆᒃᑑᑎᒋᓗᓄᒃ, ᑐᑭᓯᒃᑲᓐᓂᖁᓪᓗᓯ ᐅᖃᐅᓯᕆᓯᒪᔭᑦᑎᓐᓂᑦ, ᐅᓇ ᐅᖃᐅᓯᐅᕙᒃᑐᖅ ᑐᑭᓯᓂᐊᕋᑦᓯᐅᒃ, “ᐱᖁᔧᑦ ᒪᓕᑦᓯᐊᕐᓗᒋᑦ ᐃᓅᔪᒃᓴᐅᕗᓯ.” ᓇᓕᕐᓯ ᐱᐅᔪᕆᓗᓂ ᐃᓄᐃᑦ ᓇᓪᓕᐊᓐᓂᒃ ᐱᐅᓂᕐᓴᐅᓂᕅᖁᓇᒍ ᐊᓯᐊ ᓇᕐᕈᒋᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᒐᓔᑎᐊᒥᐅᓄᑦ 3:27

ᐅᓄᕐᑑᓪᓗᓯ ᙭ᔅᑑᓯᒃᑯᑦ ᐹᑉᑎᑕᐅᓯᒪᔪᓯ ᐊᑎᑎᑕᐅᓯᒪᕗᓯ ᙭ᔅᑑᓯᒥᒃ.

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᑯᓘᓯᐊᒥᐅᓄᑦ 2:12

ᐹᑉᑎᑕᐅᑎᓪᓗᓯ ᙭ᔅᑑᓯ ᐃᓗᕕᕐᑕᐅᖃᑎᒋᒐᑦᓯᐅᒃ, ᒪᑭᖃᑎᒋᓚᐅᕐᐸᓯᓗ ᐅᒃᐱᕐᓂᑯᑦ ᒎᑎᐅᑉ ᐱᔪᓐᓇᕐᓂᖓᒍᑦ, ᑖᑦᓱᒥᖓ ᒪᑭᑎᑦᓯᓚᐅᕐᑐᒃᑯᑦ ᑐᖁᖓᔪᓂᑦ.

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᑎᒧᑎᒧᑦ ᓯᕗᓪᓖᑦ 6:12

ᐅᒃᐱᕐᓂᒃᑯᑦ ᐅᓇᑕᕐᑎᐅᑦᓯᐊᕆᑦ; ᐃᓅᓯᖅ ᓄᖑᓱᐃᑦᑐᖅ ᐱᓯᒪᓗᒍ ᑕᒪᑐᒧᖓ ᕾᖁᔭᐅᓯᒪᓃᑦ ᓇᓗᓁᓚᐅᕋᕕᐅᒃ ᐃᓄᐃᑦ ᐊᒥᓱᑦ ᓵᖏᓐᓂ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 11:19

ᐃᓱᒪᖃᓚᐅᕋᒥ ᒎᑎ ᑐᖁᖓᔪᓂᑦ ᐊᒡᓛᑦ ᒪᑭᑎᑦᓯᔪᓐᓇᕆᕗᖅ; ᑍᒤᒻᒪᑦ ᐅᖃᐅᓯᕆᔪᓐᓇᕐᐸᕗᑦ, ᑐᖁᒥᑦ ᐃᓛᒃ ᐅᑎᕐᑎᓚᐅᕐᐹ.

ᐄᑉᕈᐃᓄᑦ 13:18

ᑐᒃᓯᐅᑎᑎᒍᑦ, ᖁᓚᖏᓐᓇᑦᑕ ᐸᓯᔭᒃᓴᐅᖏᑦᑐᒥᒃ ᐃᓱᒪᖃᕐᓂᑦᑎᓐᓂᒃ, ᑕᒤᑎᒍᓪᓗ ᐅᐱᓐᓇᕐᑐᒥᒃ ᐱᓇᓱᐊᕈᒪᓪᓗᑕ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᐄᑉᕈᐃᓄᑦ 9:24

᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.

ᐲᑦᑐᕉᓯ ᓯᕗᓪᓖᑦ 1:3

ᒎᑎ ᓂᕐᑐᕐᓚᕗᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᓂᑲᒍᓱᖕᓂᖓᑕ ᐊᖏᔪᐊᓘᓂᖓᓄᑦ ᐃᓅᓯᕐᑖᕐᑎᒻᒪᑎᒍᑦ ᓄᑖᒥᒃ ᑕᒪᑐᒨᓇ ᓂᕆᐅᒋᔭᒃᓴᖃᑦᓯᐊᓕᕐᑎᑉᐹᑎᒍᑦ ᑐᖁᖓᔪᓂᑦ ᒪᑭᑎᑦᓯᓂᕐᒥᒍᑦ ᔩᓱᓯ ᙭ᔅᑑᓯᒥᒃ,

ᐲᑦᑐᕉᓯ ᓯᕗᓪᓖᑦ 3:16

ᐃᓱᒪᑦᓯᒍᑦ ᐸᓯᔭᐅᑦᔪᑎᖃᕐᑍᓕᓗᓯ, ᐅᖃᕐᓂᕐᓘᑎᒋᔭᐅᓕᕈᑦᓯ, ᐊᑭᕋᕐᑐᕋᓱᒃᑐᑦ ᙭ᔅᑑᓯᒥ ᐱᑦᓯᐊᕐᓂᑦᓯᓐᓂᒃ ᑕᑯᓕᕈᑎᒃ ᑲᓐᖑᓱᖁᓪᓗᒋᑦ.