ᐲᑦᑐᕉᓯ ᓯᕗᓪᓖᑦ 3:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ;

ᐲᑦᑐᕉᓯ ᓯᕗᓪᓖᑦ 3:15 Iomraidhean Croise

ᐃᓐᖏᕈᑎᑦ 119:46

ᐃᓕᓮᑦᔪᑎᒋᔭᑎᑦ ᐅᖃᐅᓯᕆᓂᐊᕐᐸᒃᑲ ᐊᖓᔪᖅᑳᕐᔪᐊᓄᑦ, ᑕᒪᑐᒧᖓᓗ ᑲᓐᖑᓱᒃᑎᑕᐅᓂᐊᕐᓇᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:28

ᐃᓱᐊᕐᑐᑦ ᐃᓱᒪᒃᓴᕐᓯᐅᖅᑳᕐᐳᖅ ᑭᐅᑦᔪᑎᒋᓂᐊᕐᑕᒥᓂᒃ, ᐱᐅᖏᑦᑐᓪᓕ ᖃᓂᖏᑦ ᐊᓂᑎᑦᓯᕗᑦ ᐱᐅᖏᑦᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:21

ᖃᐅᔨᓕᖁᓪᓗᑎᑦ ᓱᓕᔪᓂᒃ ᓈᒻᒪᒃᑐᓂᒃᓗ ᐅᖃᐅᓯᕐᓂᒃ, ᑭᐅᑦᔪᑎᒃᓴᖃᖁᓪᓗᑎᓪᓗ ᐅᖃᐅᓯᕐᓂᒃ ᓱᓕᔪᓂᒃ ᐃᓕᖕᓂᒃ ᑎᓕᓯᔪᓄᑦ.

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 29:23

ᑭᖑᕚᒥᖕᓂᒃ ᑕᑯᓕᕈᑎᒃ, ᐊᒡᒐᓐᓄᑦ ᓴᓇᓚᐅᕐᑕᓐᓂᒃ, ᐊᑯᓐᓂᕐᒥᖕᓂ ᐊᑎᕋ ᐃᑦᔪᕐᓁᑎᑦᓱᒫᕐᐹᑦ; ᔧᑰᑉ ᐃᑦᔪᕐᓁᑦᑐᖁᑎᖓ ᐃᑦᔪᕐᓁᑎᑦᓱᒫᕐᐹᑦ, ᑕᑕᒥᓐᓂᐊᕐᓗᑎᒡᓗ ᐃᓴᕆᐊᓕᒥᐅᑦ ᒎᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 41:21

ᐊᑕᓂᖅ ᐅᖃᕐᐳᖅ, “ᐊᑏ ᓵᓚᐅᑦᑍᓕᒪᔪᑎᑦᓯᓐᓂᒃ ᓴᖅᑭᑎᑦᓯᓚᐅᕆᑦᓯ, ᐂᕙᔭᐅᔪᓐᓇᖏᑦᑐᓂᒃ ᐅᖃᐅᓯᒃᓴᑦᓯᓐᓂᒃ ᓴᖅᑭᑎᑦᓯᓚᐅᕆᑦᓯ, ᔧᑰᑉ ᐊᖓᔪᖅᑳᕐᔪᐊᖓᑦ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 5:16

ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ ᐊᖏᒡᓕᑎᑕᐅᔪᒫᕐᐳᖅ ᐃᖅᑲᕐᑐᐃᑦᓯᐊᕐᓂᒃᑯᑦ, ᒎᑎᓗ ᐃᑦᔪᕐᓁᑦᑐᖅ ᐃᒻᒥᓂᒃ ᓴᖅᑭᑎᑦᓱᒫᕐᐳᖅ ᐃᑦᔪᕐᓁᓐᓂᕐᒥ ᓇᓛᒎᕐᓂᕐᒥᓗ.

ᐂᓮᐊᓯᐅᑉ ᐊᒡᓚᖏᑦ 8:12

“ᐃᓱᒪᓕᐅᖃᑎᒌᖕᓂᐅᓂᕋᕐᓂᐊᕐᓇᒍ ᐃᓄᐃᑦ ᑍᔭᖓᑦ ᐃᓱᒪᓕᐅᖃᑎᒌᖕᓂᕐᒥᒃ, ᓯᕘᕋᒋᔭᖏᓪᓗ ᓯᕘᕋᒋᓂᐊᕐᓇᒋᑦ, ᐃᓱᒫᓗᒍᑎᖃᕐᓂᐊᕐᓇᒡᓘᓐᓃᑦ.

ᒨᓯᓯ ᓯᑕᒪᖏᑦ 20:12

ᐊᑕᓂᐅᓪᓗ ᒨᓯᓯ ᐂᕉᓂᓗ ᐅᖃᐅᑎᕚᒃ, “ᐅᕙᓐᓂᒃ ᐅᒃᐱᕈᓱᖏᓐᓇᑦᓯᒃ, ᐅᕙᓐᓂᒡᓗ ᐃᑦᔪᕐᓁᑎᑦᓯᓚᐅᖏᓐᓇᑦᓯᒃ ᐃᓴᕆᐊᓕᒥᐅᑦ ᑕᒃᑯᐊᓂ, ᑍᒤᒻᒪᑦ ᐃᓄᒋᐊᒃᑐᕐᔪᐊ ᐅᑯᐊ ᓄᓇᒧᑦ ᐊᖏᕈᑎᒋᓯᒪᔭᓐᓄᑦ ᑎᑭᓕᕐᐸᑕ ᑕᓯᐅᕐᑎᐅᔪᒫᕈᓐᓁᕐᐳᓯᒃ.”

ᒨᓯᓯ ᓯᑕᒪᖏᑦ 27:14

ᐃᓄᖃᖏᑦᑐᒥ ᔨᓐᒥᒃ ᐊᑎᓕᖕᒥ, ᐃᓄᒋᐊᒃᑐᕐᔪᐊᑦ ᐊᑭᕋᕐᑐᕐᑎᓪᓗᒋᑦ, ᐱᖁᔭᓐᓂᒃ ᓈᓚᓚᐅᖏᓐᓇᕕᑦ ᐃᒪᓕᕆᓪᓗᓯ, ᐃᑦᔪᕐᓁᑎᑕᐅᔪᒪᑎᓪᓗᖓ ᐃᓄᐃᑦ ᑕᑯᓐᓇᕐᑎᓪᓗᒋᑦ.” (ᑖᒃᑯᐊ ᐃᒪᐅᕗᑦ ᒥᕆᐸᒥ, ᑲᑎᓯᒥ ᐃᓄᖃᖏᑦᑐᒥ ᐊᑎᖃᕐᑐᒥ ᔨᓐᒥᒃ.)

ᐋᐴᓯᑕᓖᑦ ᐱᓂᐊᕐᓂᖏᑦ 21:39

ᐸᐅᓗᓯ ᑭᐅᕗᖅ, “ᔫᑎᐅᕗᖓ, ᑖᕐᓱᓯᒥ ᓯᓕᓯᐊᒦᑦᑐᒥ ᐃᓅᓕᕐᓯᒪᔪᖓ, ᓄᓇᖃᖃᑕᐅᓪᓗᖓ ᐃᒡᓗᒐᓴᒡᔪᐊᕐᓂ ᐱᓪᓚᕆᐅᓂᕐᐹᓂ; ᕿᓄᕕᒋᕙᒋᑦ, ᐃᓄᖕᓄᑦ ᐅᖃᓚᐅᕐᓚᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:25

ᐸᐅᓗᓯ ᓇᓗᓇᕈᓐᓁᕐᑎᑦᓯᕗᖅ ᓇᓛᒎᑦᓯᐊᕐᓂᕐᒥᒃ ᓇᖕᒥᓂᕐᓗ ᐱᓯᒪᑦᓯᐊᕈᓐᓇᕐᓂᕐᒥᒃ, ᐃᖅᑲᕐᑐᕐᑕᐅᔪᒫᕐᓂᕐᒥᒃ, ᕖᓕᒃᓯ ᓯᕘᕋᓕᕐᓗᓂ ᐅᖃᕐᐳᖅ, “ᒫᓐᓇ ᐊᓂᑲᓚᐅᕆᑦ; ᐱᕕᒃᓴᑖᑲᓐᓂᕈᑦᑕ ᕾᖁᓛᕆᕙᒋᑦ.”

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᑯᓘᓯᐊᒥᐅᓄᑦ 1:5

ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᑯᓘᓯᐊᒥᐅᓄᑦ 4:6

ᐅᖃᐅᓯᕆᔭᓯ ᐱᔪᓐᓇᕐᑎᑦᓯᓂᕐᒥᒃ ᐃᓗᓕᖃᕐᑐᒃᓴᐅᕗᑦ ᑐᓴᕈᒥᓇᕐᓗᑎᒡᓗ ᑕᕆᐅᓕᕐᓯᒪᔪᑎᑐᑦ, ᑕᒤᓐᓄᑦ ᑭᐅᑦᔪᑎᒃᓴᖃᑦᓯᐊᖁᓪᓗᓯ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᐄᑉᕈᐃᓄᑦ 3:6

᙭ᔅᑑᓯᓕ ᓱᖁᓯᔪᐃᑦᑑᕗᖅ ᐃᕐᓂᐅᓪᓗᓂ ᐊᖓᔪᖅᑲᐅᔪᖅ ᒎᑎᐅᑉ ᐃᒡᓗᖓᓄᑦ. ᐅᕙᒍᑦ ᑖᑦᓱᒪ ᐃᒡᓗᒋᕚᑎᒍᑦ ᓴᐱᖏᑦᔪᑎᒃᓴᖅ ᓂᕆᐅᖕᓂᕐᓗ ᓂᕐᑐᕐᓇᐅᑎᒋᔭᕗᑦ ᐱᓯᒤᓐᓇᕐᓂᐊᕈᑦᑎᒍᑦ ᐃᓱᐊᓄᑦ.

ᐄᑉᕈᐃᓄᑦ 6:1

ᑍᒤᒻᒪᑦ ᓯᕗᒧᐊᓕᕐᑕ ᙭ᔅᑑᓯᒥ ᐱᒋᐊᓕᓵᕐᑐᕐᓯᐅᑎᑦ ᕿᒪᒡᓗᒋᑦ ᓵᒋᐊᕐᓂᐅᑉ ᑐᓐᖓᕕᒃᓴᖏᓐᓂᒃ ᐱᓇᓱᐊᒃᑲᓐᓂᕈᓐᓃᕐᑕ ᐱᓂᐊᕐᓂᕐᓂᒃ ᑐᖁᖓᔪᓂᒃ, ᐱᕈᕇᕐᓯᒪᔪᕐᓯᐅᑎᓂᒃ ᐱᓇᓱᐊᖔᓕᕐᑕ ᖃᓄᖅ ᐅᒃᐱᕐᑐᒃᓴᐅᖕᒪᖔᑦᑕ ᒎᑎᒧᑦ.

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᐲᑦᑐᕉᓯ ᓯᕗᓪᓖᑦ 3:2

ᑕᑯᓕᕈᑎᒃ ᑲᒪᑦᓯᐊᕐᓂᑦᓯᓐᓂᒃ ᐃᒃᓯᒎᕐᓂᕐᒥᒡᓗ ᐊᑐᖏᓐᓂᑦᓯᓐᓂᒃ.

ᐲᑦᑐᕉᓯ ᓯᕗᓪᓖᑦ 3:4

ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.

ᓴᒧᐃᓕ ᓯᕗᓪᓖᑦ 12:7

ᒫᓐᓇ ᑍᒤᒻᒪᑦ ᓂᑯᕕᒋᑦᓯ, ᐊᑕᓂᖅ ᑐᒃᓯᐊᕐᕕᒋᓂᐊᕋᒃᑯ ᐱᐅᓕᒃᓯᓂᕆᓚᐅᕐᑕᖏᑦ ᐃᓕᑦᓯᓐᓂᒃ ᓯᕗᓕᑦᓯᓐᓂᒡᓗ ᐱᑦᔪᑎᒋᓗᒋᑦ.