9 ᐅᒃᐱᕐᓂᑦᓯ ᑐᕌᕐᑕᖓ ᑎᑭᓐᓇᑦᓯᐅᒃ, ᑕᕝᕙ ᑕᕐᓂᑦᓯ ᐱᐅᓕᔭᐅᓂᖓ.
ᒫᓐᓇᓕ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᓕᕋᑦᓯ ᒎᑎᒧᓪᓗ ᑭᒡᒐᐅᓕᕐᓗᓯ, ᐊᑭᓕᕐᑕᐅᕗᓯ ᑕᕝᕙ ᐃᑦᔪᕐᓁᑎᑕᐅᓂᕐᒥᒃ ᐃᓱᐊᓂᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.
ᑍᒃᑯᐊᓕᒫᑦ ᐅᒃᐱᕐᓂᒃᑰᕐᓗᑎᒃ ᑐᖁᓚᐅᕐᐳᑦ, ᐊᖏᕈᑕᐅᓯᒪᔪᒥᒃ ᐱᓚᐅᕋᑎᒃ, ᐅᖓᓯᒋᔮᓂᓪᓕ ᑭᓯᐊᓂ ᑕᑯᓐᓇᓚᐅᕐᐹᑦ ᖁᕕᐊᓲᑎᒋᓪᓗᒍᓗ, ᓇᓗᓁᕐᓯᓚᐅᕐᐳᓪᓗ ᑕᒫᓂᒥᐅᑕᐅᖏᓐᓂᕐᒥᖕᓂᒃ ᓄᓇᒋᓐᖏᑕᒥᓃᓐᓂᕐᒥᓂᒡᓗ ᑕᕝᕙᓂ ᓄᓇᕐᔪᐊᕐᒥ.
ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.
ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ,
