ᐲᑦᑐᕉᓯ ᓯᕗᓪᓖᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑭᖑᕐᖑᑦᔨᖁᓪᓗᑕ ᐊᓯᕈᔪᐃᑦᑐᒥᒃ, ᐃᑦᔪᕐᓁᑦᑐᒥᒃ, ᑐᖁᓕᔪᐃᑦᑐᒥᒡᓗ, ᕿᓚᖕᒥ ᐅᑕᖅᑭᑎᑕᐅᔪᓂᒃ ᐃᓕᑦᓯᓐᓄᑦ,

ᐲᑦᑐᕉᓯ ᓯᕗᓪᓖᑦ 1:4 Iomraidhean Croise

ᐃᓐᖏᕈᑎᑦ 31:19

ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᐃᓐᖏᕈᑎᑦ 47:4

ᐱᒋᔭᒃᓴᑦᑎᓐᓂᒡᓗ ᓂᕈᐊᕈᑎᓂᐊᕐᐹᑎᒍᑦ, ᓇᒡᓕᒋᔭᒥ, ᔧᑰᑉ ᖁᕕᐊᒋᓪᓚᕆᒃᑕᖓᓂᒃ. ᓰᓚ

ᐂᓮᐊᓯᐅᑉ ᐊᒡᓚᖏᑦ 66:22

“ᓲᕐᓗ ᕿᓚᒃ ᓄᑖᖅ ᓄᓇᕐᔪᐊᕐᓗ ᓄᑖᖅ ᓴᓇᔪᒫᕐᑕᒃᑲ ᑍᒤᓕᖎᓐᓇᕈᒫᕐᒪᑕ ᓵᓐᓂ, ᐊᑕᓂᖅ ᐅᖃᕐᐳᖅ; ᑍᒫᒃᑕᐅᖅ ᐊᑎᕐᓯ ᑭᖑᕚᓯᓗ ᑍᒤᓕᖎᓐᓇᕈᒫᕆᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 47:12

ᑰᓪᓗ ᓰᓇ, ᐊᑦᔨᒌᖏᑦᑐᓂᒃ ᓇᐹᕐᑐᖃᕈᒫᕐᐳᖅ ᐊᑭᓕᕇᓂᒃ, ᓂᕿᒃᓴᖃᕐᕕᐅᔪᒫᕐᑐᓂᒃ. ᐅᖃᐅᔭᖏᑦ ᑐᖁᓕᔪᐃᑦᑑᔪᒫᕐᐳᑦ ᐱᕈᕐᑐᐃᕈᑎᔪᓐᓇᖏᓪᓗᑎᒡᓗ, ᑕᖅᑭᑕᒫᓪᓕ ᓄᑖᓂᒃ ᐸᐅᕐᖓᕐᑖᖃᑦᑕᕈᒫᕐᐳᑦ, ᐃᒪᖃᕐᑎᑕᐅᒐᒥᒃ ᑐᒃᓯᐊᕐᕕᒡᔪᐊᕐᒥᑦ ᑰᒃᑐᒧᑦ. ᐱᕈᕐᑐᖏᑦ ᓂᕿᒃᓴᐅᔪᒫᕐᐳᑦ, ᐅᖃᐅᔭᖏᓪᓗ ᐃᓅᓕᓴᐅᑎᐅᔪᒫᕐᐳᑦ ᐋᖅᑭᒃᑕᐅᓇᕐᑑᓗᑎᒃ.”

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᒫᑯᓯᐅᑉ ᐊᒡᓚᖏᑦ 10:17

ᐊᐅᓪᓚᓕᕐᑎᓪᓗᒍ, ᐊᖑᒻᒥᑦ ᐅᓪᓚᒃᑐᒥᑦ ᐅᐸᒃᑕᐅᕗᖅ ᓵᖓᓄᑦ ᐹᒻᒪᒃᑎᕐᓗᓂ, ᔩᓱᓯ ᐊᐱᕆᕚ, “ᐊᔪᕆᕐᑐᐃᔩ ᐱᐅᔪᑎᑦ, ᖃᓄᖅ ᐱᓇᓱᐊᕐᑐᒃᓴᐅᕗᖔ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᑭᖑᕐᖑᑦᔨᖁᓪᓗᖓ?”

ᐋᐴᓯᑕᓖᑦ ᐱᓂᐊᕐᓂᖏᑦ 20:32

“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:25

ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᕙᒃᑐᑦ ᐃᒻᒥᖕᓂᒃ ᐊᒃᓱᕈᕐᑎᓪᓗᑎᒃ ᐃᕾᓕᓴᕋᓱᐊᕐᐸᖕᒪᑕ; ᓂᐊᖂᓯᕐᑕᐅᓂᕐᒥᒃ ᓄᖑᓐᓂᐊᕐᑐᒥᒃ ᐱᔪᒪᓪᓗᑎᒃ, ᐅᕙᒍᓪᓕ ᓂᐊᖂᓯᕐᑕᐅᓂᖅ ᓄᖑᓐᓂᐊᖏᑦᑐᖅ ᐱᓇᓱᐊᕐᐸᕗᑦ.

ᒐᓔᑎᐊᒥᐅᓄᑦ 3:18

ᒎᑎᐅᓪᓕ ᑭᖑᕐᖑᑎᔭᒃᓴᐅᖁᔭᖓ ᐱᖁᔭᑎᒍᑦ ᑭᓯᐊᓂ ᐱᔭᐅᔪᓐᓇᕐᐸᑦ, ᐊᖏᖃᑎᒌᒍᑎᒃᑯᑦ ᐱᔭᒃᓴᐅᒐᔭᓐᖏᓚᖅ; ᒎᑎᐅᓪᓕ ᑐᓂᓚᐅᕐᐹ ᐂᑉᕋᕼᐋᒻᒧᑦ ᐊᖏᖃᑎᒌᒍᑎᒃᑯᑦ.

ᐃᐱᓯᒥᐅᓄᑦ 1:11

ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

ᐃᐱᓯᒥᐅᓄᑦ 1:14

ᑖᓐᓇ ᖁᓚᕐᓇᖏᑦᑐᒥᒃ ᓇᓗᓁᒃᑯᑕᐅᕗᖅ ᑭᖑᕐᖑᑎᔭᒃᓴᑦᑎᓐᓂᒃ ᐱᑎᑕᐅᓂᐊᕐᓂᑦᑎᓐᓂᒃ ᐃᓄᖁᑎᑖᕆᔭᐅᓂᕐᒥᒃ, ᑖᑦᓱᒪ ᐱᓐᓇᕐᓇᕐᓂᕐᔪᐊᖓ ᓂᕐᑐᕐᑕᐅᖁᓪᓗᒍ.

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᑯᓘᓯᐊᒥᐅᓄᑦ 1:12

ᖁᔭᓕᖁᓪᓗᓯ ᐊᑖᑕᒧᑦ, ᑖᑦᓱᒪ ᐊᔪᕈᓐᓃᕐᑎᒻᒪᑎᒍᑦ ᑭᖑᕐᖑᑦᔨᖃᑕᐅᖁᓪᓗᑕ ᐃᑦᔪᕐᓁᑦᑐᖁᑎᖏᑕ ᐱᒃᓴᖏᓐᓂᒃ ᖃᐅᒪᔪᒥ.

ᑯᓘᓯᐊᒥᐅᓄᑦ 1:5

ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᑯᓘᓯᐊᒥᐅᓄᑦ 3:24

ᖃᐅᔨᒪᒐᑦᓯ ᐊᑕᓂᕐᒥᑦ ᐊᑭᓕᕐᑕᐅᔪᒫᕋᑦᓯ ᑭᖑᕐᖑᑎᔭᒃᓴᐅᑎᑕᖓᓂᒃ ᐊᑭᓕᕐᑕᐅᓗᓯ; ᐊᑕᓂᖅ ᙭ᔅᑑᓯ ᐱᔨᑦᓯᕋᑦᓯᐅᒃ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᐄᑉᕈᐃᓄᑦ 9:15

ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᐱᑦᔪᑦᔨᔨᐅᕗᖅ ᐊᖏᖃᑎᒌᒍᑎᒧᑦ ᓄᑖᒧᑦ, ᑖᒃᑯᐊ ᕾᖁᔭᐅᔪᑦ ᐊᖏᕈᑕᐅᒪᔪᒥᒃ ᐃᓱᖃᖏᑦᑐᒧᑦ ᑭᖑᕐᖑᑦᔨᖁᓪᓗᒋᑦ; ᒫᓐᓇᓕ ᑐᖁᒥᒍᑦ ᐱᐅᓕᔭᐅᑦᔪᑎᒃᓴᐅᓕᕐᐳᖅ ᐊᔪᕐᓂᕐᒥᑦ ᕿᓚᕈᑦᔮᕐᓯᖅᑯᓪᓗᒍ ᐊᑐᓚᐅᕐᑕᖏᓐᓂᑦ ᐊᖏᖃᑎᒌᖕᓂᕐᒥ ᓯᕗᓪᓕᕐᒥ.

ᔧᒥᓯᐅᑉ ᐊᒡᓚᖏᑦ 1:11

ᓯᕿᓂᖅ ᓴᖅᑭᒻᒪᑦ ᑭᐊᒃᐸᓗᒻᒪᕆᒡᓗᓂ ᐱᕈᕐᑐᑦ ᐆᑕᐅᕗᑦ; ᓄᓇᕋᖏᓪᓗ ᓄᕗᖏᓐᓃᑦᑐᑦ ᑲᑕᒐᕐᐳᑦ, ᑕᑯᒥᓇᕐᓂᖏᓪᓗ ᓄᖑᑕᐅᕗᑦ. ᑍᒫᒃᑕᐅᖅ ᐃᓄᒃ ᐊᔪᕐᓴᓐᖏᑦᑐᖅ ᐱᓇᓱᐊᒐᕐᒥᓂᒃ ᐱᓇᓱᐊᕐᑎᓪᓗᒍ ᑐᖁᓕᔪᒫᕆᕗᖅ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᐲᑦᑐᕉᓯ ᓯᕗᓪᓖᑦ 5:4

ᐰᕐᓯᔩᑦ ᐊᖓᔪᖅᑳᖓᑦ ᓴᖅᑭᑉᐸᑦ ᑕᕝᕙ ᓂᕐᑐᕐᓇᕐᑐᒥᒃ ᓂᐊᖂᓯᕐᑕᐅᔪᒫᕐᐳᓯ ᐱᓐᓇᕐᓇᕐᑐᒥᒃ ᐊᓯᐅᓂᐊᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:27

ᓴᓗᒪᖏᑦᑐᒥᒡᓕ ᑕᕝᕗᖓ ᐃᑎᕐᑐᖃᕈᒫᓐᖏᓚᖅ, ᓇᕐᕈᓇᕐᑐᓂᒡᓘᓐᓃᑦ ᐱᓇᓱᐊᕐᑐᓂᒃ ᐅᕝᕙᓗ ᓴᒡᓗᓯᒪᔪᓂᒃ, ᓄᕐᕋᐅᔭᐅᓪᓕ ᑎᑎᕋᕐᕕᒃᓴᖁᑎᖏᓐᓂ ᐃᓅᓯᕾᓐᓇᕐᓇᕐᑐᓂ ᐊᑎᖏᑦ ᑎᑎᕋᕐᑕᐅᓯᒪᔪᑦ ᑭᓯᒥ ᐃᑎᕈᒫᕐᐳᑦ.