ᐲᑦᑐᕉᓯ ᓯᕗᓪᓖᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᕐᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᕐᑍᓕᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᓯᕗᓪᓖᑦ 1:13 Iomraidhean Croise

ᐊᑕᓃᑦ ᓯᕗᓪᓖᑦ 18:46

ᑕᕝᕙ ᐊᑕᓂᐅᑉ ᐊᔪᒐᖃᖏᓐᓂᖓ ᐃᓔᑦᔭᒧᐊᕐᐳᖅ; ᐊᓐᓄᕌᓂᓗ ᕿᑎᕉᑎᒥᓄᑦ ᕿᓚᒃᓗᒋᑦ ᐅᓪᓚᒃᓯᕗᖅ ᐂᕼᐊᑉ ᓯᕗᓂᖓᓂ ᔨᔭᕆᐅᓪᒧᓪᓗ ᑎᑭᖅᑳᕐᐳᖅ.

ᐊᑕᓃᑦ ᐂᑉᐸᖏᑦ 4:29

ᐃᓔᓴᐅᑉ ᒋᕼᐋᓯ ᐅᖃᐅᑎᕚ, “ᐅᓖᑦ ᕿᑎᕈᑎᖕᓄᑦ ᕿᕐᓗᑦᔪᑦᓯᐊᕐᓗᒍ ᐊᔭᐅᑉᐱᐊᕋ ᑎᒍᓗᒍ ᐅᓪᓚᒃᓯᓕᕆᑦ. ᑲᑎᓯᒐᓗᐊᕈᕕᑦ ᓂᓪᓕᐅᑦᔨᑦᑍᓕᒋᑦ, ᓂᓪᓕᐅᑎᔭᐅᒐᓗᐊᕈᕕᓪᓗ ᑭᐅᓂᐊᓐᖏᓚᑎᑦ ᐊᔭᐅᑉᐱᐊᕋ ᓄᑲᑉᐱᐊᑉ ᑮᓇᖓᓄᑦ ᐃᓕᓂᐊᕐᐸᑦ.”

ᔫᐱᐅᑉ ᐊᒡᓚᖏᑦ 38:3

ᐊᖑᑎᓪᓚᕆᒃᑎᑐᑦ ᑕᑦᓯᕈᓯᓕᕆᑦ, ᐊᐱᕐᓱᕐᓂᐊᕋᒃᑭᑦ, ᐅᕙᓐᓄᑦ ᑭᐅᖃᑦᑕᕐᑎᓪᓗᑎᑦ.

ᔫᐱᐅᑉ ᐊᒡᓚᖏᑦ 40:7

“ᒫᓐᓇ ᐅᐸᓗᖎᔭᓕᕆᑦ ᐊᖑᑎᓪᓚᕆᒃᑎᑐᑦ; ᐊᐱᕐᓱᕈᒪᒐᒃᑭᑦ, ᑭᐅᖃᑦᑕᕐᑎᓪᓗᑎᑦ.

ᒨᓯᓯ ᐂᑉᐸᖏᑦ 12:11

ᐃᒫᒃ ᑕᕝᕙ ᓂᕆᔭᒃᓴᕆᕙᓯ, ᕿᑎᑦᓯᒍᑦ ᑕᑦᓯᕈᓯᕐᓯᒪᔪᒃᓴᐅᕗᓯ ᐃᑎᒐᒍᓯᕐᓯᒪᓗᓯᓗ, ᐊᔭᐅᑉᐱᐊᓯᓗ ᑎᒍᒥᐊᕐᓗᒋᑦ; ᑐᐊᕕᕐᓗᓯ ᓂᕆᔪᒃᓴᐅᕗᓯ. ᑕᒪᓐᓇ ᐊᑕᓂᐅᑉ ᖄᖏᕐᑕᐅᕕᒃᓯᐅᑎᒋᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 11:5

ᐃᓱᐊᕐᑐᓕᓂᖅ ᕿᑎᕐᒥᓂ ᑕᑦᓯᕈᑎᒋᔪᒫᕐᐹ ᓱᖁᓯᔪᐃᑦᑑᓂᕐᓗ ᕿᑎᕐᒥᒍᑦ ᑕᑦᓯᒋᓗᒍ.

ᔨᕆᒤᐊᐅᑉ ᐊᒡᓚᖏᑦ 1:17

ᔨᕆᒤᐋ ᐅᐸᓗᖕᒊᔭᓕᕆᑦ, ᐂᓗᑎᓪᓗ ᐅᖃᐅᑎᔭᕐᑐᓕᒃᑭᑦ ᑕᒤᓐᓂᒃ ᐅᖃᐅᓯᕆᔭᐅᖁᔭᓐᓂᒃ. ᓯᕘᕋᒋᑦᑍᓕᒃᑭᑦ, ᓯᕘᕋᒍᕕᓪᓕ ᓯᕘᕋᑎᓐᓂᕐᓴᐅᔪᓐᓇᕐᐸᒋᑦ ᐱᖃᑎᒋᓕᕈᕕᒋᑦ.

ᒫᑎᐅᓯᐅᑉ ᐊᒡᓚᖏᑦ 20:4

ᑕᕝᕙ ᐅᖃᐅᑎᕔᑦ, ‘ᐃᓕᑦᓯᑦᑕᐅᖅ ᐱᓇᓱᐊᕆᐊᕐᑐᓕᕆᑦᓯ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᓐᓂᑦ, ᐊᑭᓕᕐᓂᐊᕐᐸᑦᓯ ᐊᑭᓕᐅᑕᐅᕙᒃᑐᑎᑐᑦ.’

ᓘᑲᓯᐅᑉ ᐊᒡᓚᖏᑦ 12:35

“ᐅᐸᓗᖕᒊᕐᓯᒪᒋᑦᓯ ᓱᓇᓕᒫᒧᑦ ᐊᓐᓄᕌᕐᓯᒪᓗᓯ ᓇᓂᕈᐊᓯᓗ ᐃᑯᒪᓗᑎᒃ.

ᓘᑲᓯᐅᑉ ᐊᒡᓚᖏᑦ 17:30

ᑍᒤᑦᓱᒫᕆᕗᕐᑕᐅᖅ ᐅᓪᓗᒥ ᐃᓅᑉ ᐃᕐᓂᖓᑕ ᓴᖅᑭᕝᕕᐊᓂ.

ᓘᑲᓯᐅᑉ ᐊᒡᓚᖏᑦ 17:8

ᑍᒤᓕᕙᓐᖏᓚᓯ, ᐃᒤᓕᕙᒃᐳᓯᓕ ᐱᔨᑦᓯᓐᓄᑦ, ‘ᓂᕆᓂᐊᕐᑕᓐᓂᒃ ᓂᕿᓕᐅᓕᕆᑦ, ᓮᓕᓴᕐᓗᑎᓪᓗ ᐅᕙᓐᓂᒃ ᐱᔨᑦᓯᓕᕆᑦ ᓂᕆᑎᓪᓗᖓ ᐃᒥᕐᑎᓪᓗᖓᓗ, ᑭᖑᓂᖓᒍᓪᓗ ᓂᕆᓗᑎᑦ ᐃᒥᕐᓂᐊᕆᕗᑎᑦ.’

ᕉᒪᒥᐅᓄᑦ 13:13

ᐃᓕᖅᑯᓯᑦᓯᐊᕆᒡᓗᑕ ᐃᓅᓕᕐᑕ ᐅᓪᓗᕐᓯᐅᕐᑐᑎᑐᑦ, ᓄᓕᐊᕐᓂᕐᒥᒃ ᐊᑐᕐᓂᕐᓗᒍᓐᓃᕐᑕ ᐋᖓᔮᕈᓐᓃᕐᓗᑕᓗ, ᑲᓐᖑᓲᑎᒃᓴᓂᒃ ᐱᓇᓱᐊᕈᓐᓃᕐᑕ ᐃᒃᓯᒎᕐᓂᕐᒥᒡᓗ, ᐂᕙᓇᑕ ᐊᓐᓂᕈᑦᔨᓇᑕᓗ.

ᕉᒪᒥᐅᓄᑦ 8:19

ᐱᓐᖑᕐᑎᑕᐅᓯᒪᔪᓪᓕ ᐅᑕᖅᑭᕗᑦ ᕿᓚᓈᕐᓗᑎᒃ ᒎᑎᐅᑉ ᕿᑐᕐᖓᖏᑕ ᓇᓗᓁᕐᑕᐅᓂᒃᓴᖏᓐᓂᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:7

ᑍᒤᒻᒪᑦ ᐅᒃᐱᕐᓂᒃᑯᑦ ᑐᓂᕐᕈᓯᐊᖃᕐᓂᕐᒥᒃ ᖃᓄᓕᒫᖅ ᐊᔪᕐᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:13

ᒫᓐᓇᓕ ᐅᑯᐊ ᐱᖓᓱᑦ ᑲᔪᓰᓐᓇᕐᓂᐊᕐᐳᑦ: ᐅᒃᐱᕐᓂᖅ, ᓂᕆᐅᖕᓂᖅ, ᓇᒡᓕᖕᓂᖅ; ᓇᒡᓕᖕᓂᕐᓕ ᑖᒃᑯᓇᖓ ᐊᖏᓂᕐᐸᐅᕗᖅ.

ᐃᐱᓯᒥᐅᓄᑦ 6:14

ᑍᒤᒻᒪᑦ ᓇᖏᕐᓗᓯ ᐸᕐᓇᒃᓯᒪᓕᕆᑦᓯ, ᕿᑎᑦᓯᒍᑦ ᑕᑦᓯᕈᓯᔭᕐᓗᓯ ᓱᓕᓂᕐᒥᒃ, ᓴᒡᕕᖕᒥᐅᑕᖅ ᐊᑎᓗᒍ ᓇᓛᒎᕐᓂᖅ,

ᑯᓘᓯᐊᒥᐅᓄᑦ 3:4

᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:7

ᐃᓕᑦᓯᓕ ᐊᒃᓱᕈᕐᓇᕐᑐᑰᕐᑎᑕᐅᓂᓯᓂᒃ ᐊᓂᒍᐃᑎᑕᐅᓂᐊᕐᐳᓯ ᐅᕙᒍᓪᓗᑕᐅᖅ, ᑕᒪᑐᒥᖓ ᐱᓇᓱᐊᕈᒫᕐᐳᖅ ᐊᑕᓂᖅ ᔩᓱᓯᐅᑉ ᓴᖅᑭᑉᕕᖓᓂ ᕿᓚᖕᒥᑦ ᐂᖏᓕᖁᑎᓂ ᐱᔪᓐᓇᕐᑐᕐᔪᐊᑦ ᐃᓚᒋᓗᒋᑦ.

ᑎᒧᑎᒧᑦ ᐂᑉᐸᖏᑦ 4:5

ᐃᕝᕕᓪᓕ ᐃᓕᖕᓂᒃ ᐱᓯᒪᑦᓯᐊᕆᐊᖃᕐᐳᑎᑦ, ᐅᖁᒤᑦᑐᓂᒃ ᕿᓄᐃᓵᕈᑎᖃᕐᓗᑎᑦ, ᓵᒋᐊᕐᑎᑦᓯᓂᕐᒥᒃ ᐱᓇᓱᐊᕆᑦ, ᐱᔭᒃᓴᕆᔭᑎᑦ ᐱᓇᓱᐊᑦᓯᐊᕐᓗᒋᑦ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᐄᑉᕈᐃᓄᑦ 10:35

ᑍᒤᒻᒪᑦ ᓴᐱᓕᕐᑍᓕᒋᑦᓯ ᑕᑎᖃᕐᓂᑦᓯᓐᓂᒃ, ᑕᒪᓐᓇ ᐊᖏᔪᒥᒃ ᐊᑭᓕᕐᑕᐅᓂᒃᓴᖃᕐᒪᑦ.

ᐄᑉᕈᐃᓄᑦ 3:6

᙭ᔅᑑᓯᓕ ᓱᖁᓯᔪᐃᑦᑑᕗᖅ ᐃᕐᓂᐅᓪᓗᓂ ᐊᖓᔪᖅᑲᐅᔪᖅ ᒎᑎᐅᑉ ᐃᒡᓗᖓᓄᑦ. ᐅᕙᒍᑦ ᑖᑦᓱᒪ ᐃᒡᓗᒋᕚᑎᒍᑦ ᓴᐱᖏᑦᔪᑎᒃᓴᖅ ᓂᕆᐅᖕᓂᕐᓗ ᓂᕐᑐᕐᓇᐅᑎᒋᔭᕗᑦ ᐱᓯᒤᓐᓇᕐᓂᐊᕈᑦᑎᒍᑦ ᐃᓱᐊᓄᑦ.

ᐄᑉᕈᐃᓄᑦ 6:19

ᑕᒪᑐᒥᖓ ᓂᕆᐅᒋᔭᒃᓴᖃᕐᑐᒍᑦ ᑕᕐᓂᑦᑎᓐᓄᑦ ᑭᓴᕐᕕᓕᐅᕐᓯᒪᕗᒍᑦ, ᖁᓚᕐᓇᖏᑦᑐᒥᒃ ᐊᑦᑕᕐᓇᖏᑦᑐᒥᒡᓗ. ᑐᒃᓯᐊᕐᕕᒡᔪᐊᑉ ᑖᓗᑕᕐᔪᐊᖓᑕ ᐅᖓᑖᓄᑦ ᐃᑎᕐᓯᒪᔪᒥᒃ ᐃᑦᔪᕐᓁᓐᓂᕐᐹᖁᑎᖓᓄᑦ,

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 1:10

ᐱᐅᓕᔭᐅᓂᖅ ᑕᒪᓐᓇ ᐱᑦᔪᑎᒋᓪᓗᒍ, ᓇᓚᐅᑦᑍᔪᑦ ᕿᓂᓚᐅᕐᐹᑦ ᐊᒃᓱᕈᕐᓗᑎᒃ ᖃᐅᔨᓇᓱᐊᑦᓯᐊᕐᓗᒍᓗ; ᑕᕝᕙ ᐅᖃᐅᓯᕆᓕᓚᐅᕐᐹᑦ ᒎᑎᐅᑉ ᑐᓂᓯᔪᒫᕐᓂᖓ ᑕᒪᑐᒥᖓ ᐃᓕᑦᓯᓐᓄᑦ,

ᐲᑦᑐᕉᓯ ᓯᕗᓪᓖᑦ 3:15

ᐆᒻᒪᑎᑦᓯᒍᑦ ᙭ᔅᑑᓯ ᐅᐱᒋᑦᓯᐊᕐᓯᐅᒃ ᐊᑕᓂᕆᓗᒍᓗ. ᑍᒪᓐᖓᓕᒫᖅ ᐅᐸᓗᖕᒊᕐᓯᒪᓗᓯ ᓇᓗᓁᕐᓯᖁᔭᐅᒍᑦᓯ ᓂᕆᐅᖕᓂᕆᔭᑦᓯᓐᓂᒃ, ᑭᐅᑦᔪᑎᒋᔭᓯ ᓂᑲᒍᓱᖕᓂᖃᕐᓗᑎᒃ ᐅᐱᒍᓱᖕᓂᖃᑦᓯᐊᖁᓪᓗᒋᑦ;

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᐲᑦᑐᕉᓯ ᓯᕗᓪᓖᑦ 5:12

ᓮᓚᓯᒥᒃ ᐃᑲᔪᕐᑎᖃᕐᓗᖓ, ᐅᑯᓂᖓ ᓁᑦᑐᓂᒃ ᑎᑎᕋᕐᕕᒋᕙᑦᓯ, ᑖᓐᓇ ᑍᔪᓐᓇᕐᐸᕋ ᓱᖁᓯᔪᐃᑦᑐᒥᒃ ᖃᑕᓐᖑᑎᒋᒐᒃᑯ, ᑲᔪᖏᕐᓴᕐᐸᑦᓯ ᓇᓗᓁᕐᓯᕕᒋᓪᓗᓯᓗ ᑕᒪᓐᓇ ᓱᓕᔪᒥᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ; ᑐᓐᖓᕕᒋᓯᐅᒃ ᐊᐅᓚᖏᓪᓗᓯ.

ᐲᑦᑐᕉᓯ ᓯᕗᓪᓖᑦ 5:8

ᐅᑦᔨᕐᑐᑦᓯᐊᕆᑦᓯ, ᑲᐅᔨᓴᕐᓗᓯᓗ. ᐊᑭᕋᕐᑐᕐᑎᓯ ᓵᑖᓇᓯ ᓇᒧᑐᐃᓐᓇᖅ ᐃᖏᕐᕋᖕᒪᑦ ᓔᔭᓐᑎᑐᑦ ᓂᓪᓕᐊᔪᕐᔪᐊᑎᑐᑦ, ᑭᓇᑐᐃᓐᓇᕐᒥᒃ ᓂᕆᔭᒃᓴᕐᓯᐅᕐᓗᓂ.

ᔪᐊᓇᓯ ᓯᕗᓪᓖᑦ 3:3

ᑭᓇᒃᑯᓕᒫᑦ ᑍᒤᑦᑐᒥᒃ ᓂᕆᐅᒋᔭᖃᕐᑐᑦ ᑖᑦᓱᒥᖓ ᐃᒻᒥᖕᓂᒃ ᐃᑦᔪᕐᓁᑎᓐᓂᐊᕐᐳᑦ, ᓲᕐᓗ ᑖᓐᓇ ᐃᑦᔪᕐᓁᒻᒪᑦ.