ᐲᑦᑐᕉᓯ ᓯᕗᓪᓖᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐱᐅᓕᔭᐅᓂᖅ ᑕᒪᓐᓇ ᐱᑦᔪᑎᒋᓪᓗᒍ, ᓇᓚᐅᑦᑍᔪᑦ ᕿᓂᓚᐅᕐᐹᑦ ᐊᒃᓱᕈᕐᓗᑎᒃ ᖃᐅᔨᓇᓱᐊᑦᓯᐊᕐᓗᒍᓗ; ᑕᕝᕙ ᐅᖃᐅᓯᕆᓕᓚᐅᕐᐹᑦ ᒎᑎᐅᑉ ᑐᓂᓯᔪᒫᕐᓂᖓ ᑕᒪᑐᒥᖓ ᐃᓕᑦᓯᓐᓄᑦ,

ᐲᑦᑐᕉᓯ ᓯᕗᓪᓖᑦ 1:10 Iomraidhean Croise

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:4

ᓯᐅᓪᕕᕆᐅᑉ ᐱᔪᒥᓇᕐᓂᖓᑐᑦ ᕿᓂᓪᓚᕆᒃᑯᕕᐅᒃ, ᐱᓪᓚᕆᐊᓘᑉ ᕿᓂᕐᑕᐅᔭᕆᐊᖃᕐᓂᖓᑐᑦ ᓇᓂᓇᓱᐊᕐᓂᐊᕈᕕᐅᒃ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᕼᐊᒊᑉ ᐊᒡᓚᖏᑦ 2:7

ᐃᓅᖃᑎᒌᒡᔪᐊᓕᒫᓪᓗ ᓴᔪᒃᑎᑦᓱᒫᕐᐸᒃᑲ, ᐊᑭᑐᔪᖁᑎᓕᒫᒥᖕᓂᒃ ᑕᕝᕗᓐᖓᐅᔨᖁᓪᓗᒋᑦ, ᑖᓐᓇᓗ ᐃᒡᓗ ᐱᓐᓇᕐᓇᕐᓂᕐᒥᒃ ᑕᑕᑎᑦᓱᒫᕐᐸᕋ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 6:12

ᐅᖃᐅᑎᒍᒃ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᒪᑦ, “ᐅᓇ ᐊᖑᑦ ᓇᐹᕐᑑᑉ ᐊᕙᓚᖓᔪᐊᓂᒃ ᐊᑎᖃᕐᐳᖅ, ᐃᓂᒋᔭᒥᓂᑦ ᐱᕈᕐᐸᓪᓕᐊᔪᒫᕐᒪᑦ ᑐᒃᓯᐊᕐᕕᒡᔪᐊᓕᐅᕐᓗᓂᓗ ᐊᑕᓂᕐᒧᑦ.

ᒫᑎᐅᓯᐅᑉ ᐊᒡᓚᖏᑦ 13:17

ᓱᓕᔪᒥᒃ ᐅᖃᐅᑎᕙᑦᓯ, ᓇᓚᐅᑦᑍᔪᑦ ᐊᒥᓱᑦ, ᒎᑎᐅᓪᓗ ᐃᓄᖁᑎᖏᑦ ᐊᒥᓱᑦ, ᑕᑯᔪᒪᓚᐅᕐᐳᑦ ᑕᑯᔭᑦᓯᓐᓂᒃ, ᑕᑯᓚᐅᓐᖏᓚᓪᓗ, ᑐᓴᕈᒪᒻᒪᕆᓚᐅᕐᐳᑦ ᑐᓵᔭᑦᓯᓐᓂᒃ, ᑐᓴᓚᐅᕋᑎᒡᓗ.”

ᒫᑎᐅᓯᐅᑉ ᐊᒡᓚᖏᑦ 26:24

ᐃᓅᑉ ᐃᕐᓂᖓ ᐱᓇᓱᐊᕐᕕᐅᓂᐊᕐᐳᖅ ᒎᑎᐅᑉ ᐅᖃᐅᓯᖏᓐᓂ ᐅᖃᐅᓯᐅᓯᒪᓂᖓ ᒪᓕᒡᓗᒍ, ᑲᑉᐱᐊᓐᓇᒦᒡᓕ ᐃᓅᑉ ᐃᕐᓂᖓᓂᒃ ᐱᔭᐅᑎᑦᓯᓂᐊᕐᑐᖅ! ᐊᑲᐅᓂᕐᓴᐅᒐᔭᓚᐅᕐᐳᖅ ᑖᓐᓇ ᐃᕐᓂᐊᖑᓚᐅᖏᒃᑯᓂ!”

ᓘᑲᓯᐅᑉ ᐊᒡᓚᖏᑦ 10:24

ᐅᖃᐅᑎᕙᑦᓯ ᓇᓚᐅᑦᑍᔪᑦ ᐊᒥᓱᑦ, ᐊᖓᔪᖅᑳᕐᔪᐊᓪᓗ ᑕᑯᔪᒪᓚᐅᕋᓗᐊᕐᐳᑦ ᒫᓐᓇ ᑕᑯᖃᑦᑕᕐᑕᑦᓯᓐᓂᒃ, ᑕᑯᓚᐅᓐᖏᓚᓪᓗ, ᑐᓴᕐᑕᑦᓯᓐᓂᒡᓗ ᑐᓴᕈᒪᓚᐅᕋᓗᐊᕐᐳᑦ, ᑐᓴᓚᐅᓐᖏᓚᓪᓗ.”

ᓘᑲᓯᐅᑉ ᐊᒡᓚᖏᑦ 24:44

ᑕᕝᕙ ᐅᖃᐅᑎᕔᑦ, “ᑕᒪᒃᑯᓂᖓ ᑕᕝᕙ ᐅᖃᐅᑎᖃᑦᑕᓚᐅᕐᐸᑦᓯ ᓇᔪᕐᓗᓯ ᓱᓕ, ᑎᑎᕋᐅᓯᖃᕐᓯᒪᔪᓕᒫᑦ ᐅᕙᓐᓂᒃ ᒨᓯᓯᐅᑉ ᐱᖁᔭᖏᓐᓂ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᐃᓐᖏᕈᑎᓂᓗ ᓇᓚᐅᑦᓯᔭᕆᐊᖃᓚᐅᕐᒪᑕ.”

ᔪᐊᓇᓯᐅᑉ ᐊᒡᓚᖏᑦ 5:39

ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

ᔪᐊᓇᓯᐅᑉ ᐊᒡᓚᖏᑦ 7:52

ᑖᒃᑯᐊ ᑭᐅᕗᑦ, “ᒐᓕᓕᐊᒥᐅᖑᖃᑕᐅᒋᕖᑦ? ᑐᑭᓯᓇᓱᓚᐅᕆᑦ, ᑕᕝᕙ ᖃᐅᔨᓂᐊᕐᐳᑎᑦ ᓇᓚᐅᑦᑍᔪᒥᒃ ᒐᓕᓕᐊᒥᑦ ᐱᔪᖃᓚᐅᕐᓯᒪᖏᒻᒪᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:43

ᓇᓚᐅᑦᑍᔪᑦ ᑕᒪᕐᒥᒃ ᑖᑦᓱᒥᖓ ᓇᓗᓁᕐᓯᕗᑦ, ᐅᖃᕐᓗᑎᒃ ᑖᑦᓱᒧᖓ ᐅᒃᐱᕐᑐᑦ ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᐅᓂᕐᒥᒃ ᐱᑎᑕᐅᕗᑦ, ᑖᑦᓱᒪ ᐊᑎᖓᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:11

ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 28:23

ᐸᐅᓗᓯᒥᒡᓗ ᑲᑎᒪᖃᑎᖃᕐᕕᒃᓴᒥᖕᓂᒃ ᐅᓪᓗᒥᒃ ᓇᓗᓁᕐᓯᕗᑦ, ᓇᓪᓕᐅᑎᖕᒪᓪᓗ ᐅᓄᕐᓂᕐᓴᒻᒪᕆᐊᓗᐃᑦ ᕾᕗᑦ ᓇᔪᕐᑕᖓᓄᑦ. ᐅᓪᓛᒥᑦ ᐱᒋᐊᕐᓗᒍ ᐅᓐᓄᒧᑦ ᑎᑭᓪᓗᒍ, ᓇᓗᓇᕈᓐᓃᕐᑎᑦᓯᕗᕐᓗ ᐅᖃᐅᓯᖃᕐᓗᓂ ᒎᑎᐅᑉ ᐊᑕᓂᐅᕕᖓᓂᒃ ᔩᓱᓯᒥᒡᓗ ᑐᑭᓯᔭᐅᑎᑦᓯᓇᓱᐊᕐᐳᖅ ᒨᓯᓯᐅᑉ ᐱᖁᔭᖏᑦ, ᓇᓚᐅᑦᑍᔪᓪᓗ ᐊᒡᓚᖏᑦ ᐊᑐᕐᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:52

ᓇᓚᐅᑦᑍᔪᑦ ᓇᓪᓕᐊᑦ ᓯᕗᓕᕕᓂᑦᓯᓐᓂᑦ ᐊᑭᕋᕐᑐᕐᑕᐅᓚᐅᓐᖏᓛᖅ? ᑐᖁᑕᐅᓚᐅᕐᐳᑦ ᑍᒃᑯᐊ ᓯᕗᓂᖓᓂ ᐅᖃᐅᓯᒃᓴᖅᑲᕐᑎᑕᐅᓚᐅᕐᑐᑦ ᑎᑭᑦᓱᒫᕐᑐᒥᒃ ᓇᓛᒎᕐᑐᒥᒃ ᒎᑎᐅᑉ ᐱᔨᖓᓂᒃ, ᑖᓐᓇ ᐱᔭᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ.

ᐄᑉᕈᐃᓄᑦ 11:13

ᑍᒃᑯᐊᓕᒫᑦ ᐅᒃᐱᕐᓂᒃᑰᕐᓗᑎᒃ ᑐᖁᓚᐅᕐᐳᑦ, ᐊᖏᕈᑕᐅᓯᒪᔪᒥᒃ ᐱᓚᐅᕋᑎᒃ, ᐅᖓᓯᒋᔮᓂᓪᓕ ᑭᓯᐊᓂ ᑕᑯᓐᓇᓚᐅᕐᐹᑦ ᖁᕕᐊᓲᑎᒋᓪᓗᒍᓗ, ᓇᓗᓁᕐᓯᓚᐅᕐᐳᓪᓗ ᑕᒫᓂᒥᐅᑕᐅᖏᓐᓂᕐᒥᖕᓂᒃ ᓄᓇᒋᓐᖏᑕᒥᓃᓐᓂᕐᒥᓂᒡᓗ ᑕᕝᕙᓂ ᓄᓇᕐᔪᐊᕐᒥ.

ᐄᑉᕈᐃᓄᑦ 11:40

ᒎᑎᐅᑉ ᐱᐅᓂᕐᓴᒥᒃ ᓯᕗᓂᖓᒍᑦ ᐋᖅᑭᒃᓱᐃᑦᔪᑎᓚᐅᕐᒪᑎᒍᑦ, ᐱᑦᔪᑎᒃᓴᖃᓚᐅᕐᒪᑦ ᐅᕙᒍᑦ ᐃᓚᒋᔭᐅᑎᓪᓗᑕ ᑭᓯᐊᓂ ᑖᒃᑯᐊ ᓈᒻᒪᒃᓯᑎᑕᐅᖁᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 1:11

ᖃᐅᔨᓇᓱᐊᓚᐅᕐᐳᑦ ᖃᖓᐅᓂᐊᕐᒪᖔᑦ ᖃᓄᕐᓗ ᓴᖅᑭᓐᓂᐊᕐᒪᖔᑦ ᙭ᔅᑑᓯᐅᑉ ᐊᓂᕐᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᕐᓯᓚᐅᕐᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᒥᒃ ᐊᑐᕈᒫᕐᓂᖓᓂᒃ ᖁᕕᐊᓇᕐᑐᕐᔪᐊᒥᒡᓗ ᑭᖑᓂᖃᕈᒫᕐᓂᖓᓂᒃ.

ᐲᑦᑐᕉᓯ ᓯᕗᓪᓖᑦ 1:13

ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᕐᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᕐᑍᓕᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.