ᐊᑕᓃᑦ ᓯᕗᓪᓖᑦ 9:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᓇ ᑐᒃᓯᐊᕐᕕᒡᔪᐊᖅ ᓱᕋᒃᓯᒪᓕᕐᓗᓂ ᓯᖁᒥᓯᒪᓕᕈᒪᕐᐳᖅ, ᐃᓄᓕᒫᑦ ᑖᑦᓱᒥᖓ ᑕᑯᔪᕕᓃᑦ ᖁᐊᕐᓵᕐᓗᑎᒡᓗ ᑲᒪᓂᐊᕈᒫᕐᐳᑦ ᐅᖃᕐᓗᑎᒡᓗ, ‘ᖃᓄᐊᓗᒃ ᐊᑕᓂᖅ ᑍᒤᓕᐅᕐᐸ ᑕᕝᕗᖓ ᓄᓇᒧᑦ ᐅᕗᖓᓗ ᑐᒃᓯᐊᕐᕕᒡᔪᐊᒧᑦ?’

ᐊᑕᓃᑦ ᓯᕗᓪᓖᑦ 9:8 Iomraidhean Croise

ᐊᑕᓃᑦ ᐂᑉᐸᖏᑦ 22:17

ᐅᕙᓐᓂᒃ ᕿᒤᓯᒪᖕᒪᑕ ᐊᓯᓐᓄᑦ ᒎᑎᒥᖕᓄᑦ ᐃᓯᕐᓗᐊᕐᓂᑎᑦᓯᖃᑦᑕᕐᒪᑕ, ᓂᓐᖓᒍᑎᒋᔪᓐᓇᕐᑕᓐᓂᒃ ᐱᓇᓱᐊᖃᑦᑕᕐᓯᒪᖕᒪᑕ, ᔨᕉᓴᓕᒥᐅᓂᒃ ᓂᓐᖓᒃᓮᓯᒪᖕᒪᑕ ᐅᕙᓐᓂᒃ ᐊᒡᒐᖕᒥ ᓴᓇᔭᖏᓐᓄᑦ, ᑍᒤᒻᒪᑦ ᓂᓐᖓᐅᒪᔪᒫᓕᕐᐳᖓ ᑕᒫᓂ ᓄᓇᒥ, ᑭᓇᒧᓪᓘᓐᓃᑦ ᓄᖅᑲᕐᑎᑕᐅᓂᐊᖏᑦᑐᒥᒃ.

ᐊᑕᓃᑦ ᐂᑉᐸᖏᑦ 25:9

ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᑯᕉᓂᑲ ᐂᑉᐸᖏᑦ 29:8

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑎᑭᑉᐳᖅ ᔫᑕᒧᑦ ᔨᕉᓴᓕᒧᓪᓗ, ᐃᓱᐊᖏᑦᑐᑦ ᑲᑉᐱᐊᓇᕐᑐᓪᓗ ᑖᒃᑯᓄᖓ ᑎᑭᑎᓚᐅᕐᐰᑦ, ᑕᑕᒥᓐᓇᕐᑐᑦ, ᒥᑕᐅᑎᒋᔭᐅᓇᕐᑐᑦ ᑕᑯᓯᒪᔭᓯ ᓇᖕᒥᓂᖅ ᐃᔨᑦᓯᓐᓄᑦ.

ᑯᕉᓂᑲ ᐂᑉᐸᖏᑦ 36:19

ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.

ᑯᕉᓂᑲ ᐂᑉᐸᖏᑦ 7:21

“ᑖᓐᓇᓗ ᐃᒡᓗ, ᓂᕐᑐᕐᓇᕐᓯᑎᑕᐅᓯᒪᔪᖅ, ᓴᓂᖅᑯᑦᑐᓕᒫᓄᑦ ᑲᒪᓂᐊᕈᑕᐅᖃᑦᑕᕈᒫᕐᐳᖅ, ᐅᖃᕐᓗᑎᒡᓗ, ‘ᓱᖕᒪᑦ ᐊᑕᓂᐅᑉ ᑍᒫᒃ ᑕᒪᓐᓇ ᓄᓇ ᐱᓂᐊᕐᕕᐅᑎᓯᒪᕚ ᑖᓐᓇᓗ ᐃᒡᓗ?’

ᐂᓮᐊᓯᐅᑉ ᐊᒡᓚᖏᑦ 64:11

ᐃᑦᔪᕐᓁᑦᑐᖅ ᐃᒡᓗᖁᑎᕗᑦ ᑕᑯᒥᓇᕐᑐᕐᔪᐊᖅ, ᓯᕗᓕᑦᑕ ᓂᕐᑐᐃᕕᒋᕙᓚᐅᕐᑕᖓ ᐃᓕᖕᓂᒃ, ᐃᑯᐊᓪᓚᒃᑕᐅᓪᓗᓂ ᓄᖑᓯᒪᕗᖅ, ᐃᓂᑦᓯᐊᕆᓚᐅᕐᑕᓕᒫᕗᓪᓗ ᐃᒡᓗᕕᓂᑐᐃᓐᓇᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 16:10

“ᑕᒪᒃᑯᓂᖓᓕ ᐅᖃᐅᑎᒍᕕᒋᑦ, ᐊᐱᕆᔭᐅᒍᕕᑦ ᐃᒫᒃ, ‘ᓱᖕᒪᑦ ᐊᑕᓂᖅ ᑍᒫᓗᐊᕌᓗᒃ ᑲᑉᐱᐊᓇᕐᑐᓂᒃ ᑎᑭᑎᑦᓯᕚ ᐅᕙᑦᑎᓐᓄᑦ? ᓱᓇᒥᒃ ᐱᐅᖏᑦᑐᓕᑦᔪᑎᖃᕐᓂᕋᑦᑖ? ᓱᓇᒥᒡᓗ ᐊᔪᕐᑐᓕᓐᓂᕋᑦᑕ ᐊᑕᓂᕐᒧᑦ ᒎᑎᑦᑎᓐᓅᑦ?’

ᔨᕆᒤᐊᐅᑉ ᐊᒡᓚᖏᑦ 18:16

ᓄᓇᖓ ᐊᑐᕐᑐᒃᓴᐅᔪᓐᓃᕐᓂᐊᕐᐳᖅ, ᓄᓇᒋᔭᐅᔭᕆᐊᒃᓴᖅ ᓇᕐᕈᒋᔭᐅᓕᕐᓗᓂ. ᐊᖅᑯᓵᕐᑐᓕᒫᑦ ᑲᒪᓂᐊᖃᑦᑕᕈᒫᕐᐳᑦ ᐃᓕᕿᑕᒫᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 19:8

ᑖᒃᑯᐊ ᐃᒡᓗᒐᓴᒡᔪᐊᑦ ᓱᕋᒃᑕᐅᑎᓐᓂᐊᕐᐸᒃᑲ ᓇᕐᕈᒋᔭᒃᓴᓐᖑᕐᑎᓪᓗᒋᓪᓗ; ᐊᖅᑯᓵᕐᑐᓪᓗ ᑲᒪᓂᐊᕐᓗᑎᒃ ᓱᕋᒃᑎᕐᓯᒪᓂᖓᓂᒃ ᖁᐊᕐᓵᖓᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 22:28

“ᑯᓂᐊ ᑖᓐᓇᐅᕚ ᓇᕐᕈᒋᔭᐅᔪᖅ, ᒪᕐᕋᐅᔭᖅ ᓯᖁᒥᓯᒪᔪᖅ, ᐃᒃᐱᒋᔭᐅᖏᑦᑐᖅ? ᓱᖕᒪᑦ ᕿᑐᕐᖓᓂ ᐃᓚᒋᓪᓗᒋᑦ ᐃᒋᑕᐅᔪᒃᓴᐅᕚᑦ ᓄᓇᒧᑦ ᖃᐅᔨᒪᓐᖏᑕᖓᓐᓄᑦ?

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 44:8

ᓱᖕᒪᑦ ᓂᓐᖓᒃᑎᓐᓇᓱᐊᕐᐱᓯᓐᖔ ᑐᒃᓯᐊᕐᕕᖃᕐᓂᑦᓯᓐᓄᑦ ᒎᑎᓐᖑᐊᓄᑦ ᑐᓂᕐᕈᓯᕐᕕᒋᓪᓗᒋᓪᓗ ᐄᑦᔨᑉᑎᒥ ᒎᑎᒋᔭᐅᔪᑦ? ᑍᒤᓕᐅᕋᓱᐊᕐᐱᓰ? ᓄᖑᑦᓯᐊᒻᒪᕆᒍᒪᓪᓗᓯ, ᓄᓇᒥ ᐃᓅᖃᑎᒌᒡᔪᐊᖑᔪᓄᑦ ᒥᑕᐅᑎᒋᔭᒃᓴᓐᖑᕈᒪᓪᓗᓯ ᐅᖃᕐᓂᕐᓘᑎᒃᓴᐅᔪᒪᓪᓗᓯᓘ?

ᔨᕆᒤᐊᐅᑉ ᐊᒡᓚᖏᑦ 49:17

“ᐄᑐᒥᒥᐅᑦ ᑕᑯᒥᓁᑦᑐᕐᔪᐊᓐᖑᕈᒫᕐᐳᑦ, ᐊᖅᑯᓵᕐᑐᑦ ᒥᑕᐅᑎᒃᓴᕐᐸᒍᒫᕐᐳᑦ ᑕᑯᔭᒥᖕᓂᒃ, ᑖᑦᓱᒪ ᓯᖁᑦᑎᕐᓯᒪᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 5:19

ᐃᓄᐃᓪᓗ ᐊᐱᕆᒃᐸᑕ, “ᖃᓄᐃᒻᒪᑦ ᐊᑕᓂᐅᑉ ᒎᑎᑦᑕ ᑍᒤᓕᐅᕐᑕᐅᑎᑉᐹᑎᒎᑦ? ᐅᖃᐅᑎᔭᒃᓴᕆᕙᑎᑦ, ᓄᓇᒋᔭᑦᓯᓐᓃᒃᑲᓗᐊᕐᓗᓯ ᐅᕙᓐᓂᒃ ᕿᒤᓪᓗᓯ ᐊᓯᑦᓯ ᒎᑎᒋᔭᖏᓐᓂᒃ ᒪᓕᖔᓕᓚᐅᕋᑦᓯ, ᓄᓇᒋᓐᖏᑕᑦᓯᓐᓃᓪᓗᓯ ᔫᑎᐅᖏᑦᑐᓄᑦ ᐊᐅᓚᑕᐅᓕᕈᒫᕐᐳᓯ.”

ᔨᕆᒤᐊᐅᑉ ᐊᒡᓚᖏᑦ 50:13

ᐊᑕᓂᕐᒧᑦ ᓂᓐᖓᒡᕕᐅᓯᒪᓂᕐᒥᖕᓄᑦ ᐃᓄᖃᕈᓐᓃᕈᒫᕐᐳᑦ ᓱᓇᖃᕈᓐᓃᕐᓗᓂᓗ, ᐹᐱᓘᓂᒥᒃ ᐊᖅᑯᓵᕐᑐᑦ ᑕᒪᕐᒥᒃ ᑲᒪᓂᐊᕈᑎᒋᔪᒫᕐᐹᑦ ᑲᑉᐱᐊᓲᑎᒋᓗᒍᓗ ᓱᕋᒃᓯᒪᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:15

ᐃᒡᓗᒐᓴᒡᔪᐊᑎᒍᑦ ᐊᖅᑯᓵᕐᑐᑦ ᐅᖃᐅᓯᕐᓘᑎᖃᕐᐳᑦ ᐃᓕᑦᓯᓐᓂᒃ ᐱᔪᓇᕈᓱᓐᖏᒧᑦ ᐃᒡᓚᐅᑎᖃᕐᐳᑦ ᔨᕉᓴᓕᐅᑉ ᐊᓯᕈᕐᑕᐅᓯᒪᓂᖓᓂᒃ, ᐅᖃᕐᓗᑎᒃ, “ᐃᒡᓗᒐᓴᒡᔪᐊᑦ ᑕᕝᕙ ᐱᐅᓂᕐᐹᖑᓂᕋᕐᑕᐅᕙᓚᐅᕐᑐᑦ, ᓯᓚᕐᔪᐊᕐᒥᐅᓄᑦ ᐅᐱᒍᓲᑎᒃᓴᐅᓂᕋᕐᑕᐅᕙᓚᐅᕐᑐᑦ.”

ᑖᓂᐊᓕᐅᑉ ᐊᒡᓚᖏᑦ 9:12

ᐅᖃᐅᓯᕐᑎᑦ ᓈᒻᒪᒃᓴᖏᓐᓂᑎᓪᓗ ᐅᕙᑦᑎᓐᓂᒃ ᐊᐅᓚᑦᓯᔨᑦᑎᓐᓂᒡᓗ ᑲᔪᓯᓯᒪᖕᒪᑕ ᖁᕕᐊᓇᖏᑦᑐᓄᑦ ᐅᒡᒍᐊᕐᓇᕐᑐᓄᑦ ᑎᑭᓯᒪᕗᒍᑦ. ᕿᓚᐅᑉ ᐊᑖᓂ ᔨᕉᓴᓕᐅᑉ ᐱᓂᐊᕐᕕᐅᓯᒪᓂᖓᑐᑦ ᐱᔭᐅᔪᖃᓚᐅᕐᓯᒪᓐᖏᓚᖅ.

ᒨᓯᓯ ᑕᓪᓕᒪᖏᑦ 28:37

ᓄᓇᓄᑦ ᓇᒧᑐᐃᓐᓇᖅ ᐊᑕᓂᐅᑉ ᓯᐊᒻᒪᕐᑎᑦᓱᒫᕐᐹᓯ, ᐃᓄᖏᓐᓂᓪᓗ ᖁᐊᕐᓵᕈᑕᐅᔪᒫᕐᐳᓯ ᓱᔪᐊᓘᓐᓂᕐᒪᖔᑦᓯ ᐃᓱᒪᒋᔭᐅᓗᓯ; ᑍᒎᓴᒐᐅᓕᕐᓗᓯ ᐅᖃᐅᓯᐅᒐᔪᓕᕐᓗᓯᓗ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.