ᐊᑕᓃᑦ ᓯᕗᓪᓖᑦ 8:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑖᓐᓇ ᐊᑕᓂᐅᑉ ᐃᒃᓯᕐᕕᖓ ᐃᓗᓕᖃᓚᐅᓐᖏᓚᖅ ᐅᔭᕌᒃ ᒪᕐᕉᒃ ᓵᑦᑐᔮᒃ ᐊᓯᖏᖕᓂᒃ, ᒨᓯᓯᐅᑉ ᐃᓕᓚᐅᕐᑕᖏᖕᓂᒃ ᖃᖅᑲᒥ ᕼᐆᕆᑉᒥ, ᐊᑕᓂᐅᑉ ᐊᖅᑲᕐᕕᒋᓚᐅᕐᑕᖓᓂ ᐃᓴᕆᐊᓕᑎᑦ ᐃᓄᖏᓐᓄᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ.

ᐊᑕᓃᑦ ᓯᕗᓪᓖᑦ 8:9 Iomraidhean Croise

ᐊᑕᓃᑦ ᓯᕗᓪᓖᑦ 8:21

ᓴᓇᔭᐅᑎᑦᓯᓯᒪᓪᓗᖓᓗ ᐃᓂᒃᓴᒥᒃ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓄᑦ, ᐃᓗᓕᖃᕐᓗᓂ ᐊᑕᓂᐅᑉ ᓯᕗᓕᑦᑎᓐᓄᑦ ᐊᖏᖃᑎᒌᒍᑎᓕᐊᕆᓚᐅᕐᑕᖏᓐᓂᒃ, ᑍᑦᓱᒪᓂ ᐄᑦᔨᑉᑎᒥᑦ ᐊᐅᓪᓚᕐᑎᓐᓇᒥᒋᑦ.”

ᑯᕉᓂᑲ ᐂᑉᐸᖏᑦ 5:10

ᐃᒃᓯᕐᕕᒃ ᐃᓗᓕᖃᓚᐅᓐᖏᓚᖅ ᐱᖁᔧᑦ ᐅᔭᕌᒃ ᒪᕐᕉᒃ ᒨᓯᓯᐅᑉ ᕼᐆᕆᑉᒥ ᐃᓕᓚᐅᕐᑕᖏᒃᑕ ᐊᓯᖏᓐᓂᒃ, ᑖᒃᑯᑎᒎᓇᖅ ᐊᑕᓂᖅ ᐊᖏᖃᑎᖃᓚᐅᕐᒪᑦ ᐃᓴᕆᐊᓕᒥᐅᓂᒃ, ᐄᑦᔨᑉᑎᒥᑦ ᐊᐅᓚᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 5:9

ᐊᖏᖃᑎᒌᖕᓂᐅᑉ ᐊᑭᕋᐅᑎᖏᒃ ᑕᑭᔫᓂᖏᓐᓄᑦ ᐃᑦᔪᕐᓁᓐᓂᕐᐹᒥᑦ ᓄᐃᓵᖓᕘᒃ, ᑭᓯᐊᓂᓕ ᓯᓚᑖᓂᑦ ᑕᑯᒃᓴᐅᓐᖏᓛᒃ; ᑖᒃᑯᐊᓗ ᐊᑭᕋᐅᑏᒃ ᑍᑲᓃᑉᐳᑦ ᓱᓕ ᐅᓪᓗᒥᒧᑦ.

ᒨᓯᓯ ᐂᑉᐸᖏᑦ 13:21

ᐅᓪᓘᓕᕌᖓᑦ ᐊᑕᓂᖅ ᓯᕗᓂᖓᓐᓃᑉᐸᓚᐅᕐᐳᖅ ᓄᕗᔭᒥ ᓇᐸᔪᒥ ᐊᑐᕐᓂᐊᕐᑕᖓᓃᑉᐸᓚᐅᕐᐳᖅ ᓇᓗᓁᕐᓯᓯᒪᓇᓱᐊᕐᓗᓂ. ᐅᓐᓄᐊᖑᓕᕌᖓᓪᓕ ᐊᑕᓂᐅᑉ ᓯᕗᓕᓕᖃᑦᑕᓚᐅᕐᐰᑦ ᐃᑯᐊᓚᔪᒥ ᓇᐸᔪᒥ ᓯᕗᓂᕆᔭᖓᑦ ᖃᐅᒪᑎᑉᐸᒃᓗᓂᐅᒃ ᐃᖏᕐᕅᓐᓇᖁᓪᓗᒋᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ.

ᒨᓯᓯ ᐂᑉᐸᖏᑦ 14:24

ᐅᓪᓗᕐᑖᕐᐸᓪᓕᐊᓕᕐᑎᓪᓗᒍᓗ ᐊᑕᓂᐅᑉ ᐄᑦᔨᑉᑎᒥᐅᑦ ᐅᓇᑕᕐᑐᒃᓴᖁᑎᖏᑦ ᑕᐅᑐᒃᐰᑦ ᓄᕗᔮᓗᖕᒥᑦ ᐃᑯᐊᓚᔪᒥᑦ ᐅᐃᒻᒪᒃᑎᑉᐰᓪᓗ.

ᒨᓯᓯ ᐂᑉᐸᖏᑦ 16:10

ᐂᕉᓂᓗ ᐅᖃᓪᓚᓕᕐᑎᓪᓗᒍ ᑖᒃᑯᓄᖓ ᓄᓇᖅᑲᑎᒌᓕᒫᓄᑦ ᐃᓴᕆᐊᓕᒥᐅᓄᑦ, ᓄᓇᒧᓪᓗ ᐃᓄᖃᖏᑦᑐᒧᑦ ᑕᑯᓴᕋᒥᒃ ᐊᑕᓂᐅᑉ ᖃᐅᒪᓂᖓ ᓴᖅᑭᑉᐳᖅ ᓄᕗᔭᒥᑦ.

ᒨᓯᓯ ᐂᑉᐸᖏᑦ 16:33

ᒨᓯᓯᓗ ᐅᖃᕐᐳᖅ ᐂᕉᓂᒧᑦ, “ᐃᒥᖃᐅᑎᒥᒃ ᑎᒍᓯᓕᕆᑦ, ᖃᓪᓗᑎᐅᓪᓗ ᓇᑉᐸᖓᑐᑦ ᐊᖏᑎᒋᔪᒥᒃ ᒫᓇᒥᒃ ᐃᓗᓪᓕᕐᓗᒍ, ᐊᑕᓂᕐᒧᑦ ᑐᓂᕐᕈᑎᒋᓕᕈᒃ, ᐱᓯᒪᔭᐅᖁᓪᓗᒍ ᑭᖑᕚᑦᑎᓐᓄᑦ.”

ᒨᓯᓯ ᐂᑉᐸᖏᑦ 25:16

ᑕᕝᕗᖓᓗ ᐃᒃᓯᕐᕕᖕᒧᑦ ᐃᓕᔪᒫᕐᐹᒃᑭᒃ ᐅᔭᕌᒃ ᒪᕐᕉᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᒃ ᐃᓕᖕᓄᑦ ᑐᓂᔪᒫᕐᑖᒃᑲᒃ.

ᒨᓯᓯ ᐂᑉᐸᖏᑦ 25:21

ᐃᒃᓯᕐᕕᒡᓗ ᑕᑦᓱᒧᖓ ᒪᑐᒧᑦ ᒪᑐᔭᒃᓴᕆᕙᑦ; ᐅᔭᕌᒡᓗ ᒪᕐᕉᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᒃ ᐃᒃᓯᕐᕕᐅᑉ ᐃᓗᐊᓄᐊᕐᓗᒋᒃ ᐃᓕᖕᓄᑦ ᑐᓂᔪᒫᕐᑖᒃᑲᒃ.

ᒨᓯᓯ ᐂᑉᐸᖏᑦ 40:20

ᑕᕝᕙ ᐅᔭᕌᒃ ᒪᕐᕉᒃ ᑎᑎᕋᕐᕕᒋᓯᒪᔫᒃ ᐊᖏᕈᑕᐅᓯᒪᔫᑉ ᐃᒃᓯᕐᕕᖁᑎᖓᓄᑦ ᐴᕐᐰᑦ. ᐃᒃᓯᕐᕕᐅᓪᓗ ᐊᑭᕋᐅᑎᒃᓴᖏᒃ ᑕᑭᔪᑯᑖᒃ ᐃᒃᓯᕐᕕᐅᑉ ᐊᑭᕋᐅᓯᕐᕕᖏᓐᓄᑦ ᓱᓪᓗᓕᖕᓄᑦ ᑲᐅᑎᑎᑉᐰᑦ ᐃᒃᓯᕐᕕᒡᓗ ᒪᑐᖓᓄᑦ ᒪᑐᕚ.

ᐃᓯᑭᐊᓕᐅᑉ ᐊᒡᓚᖏᑦ 10:4

ᐊᑕᓂᐅᓪᓗ ᐱᓐᓇᕐᓇᕐᓂᖓ ᓯᕈᐱᒻᓂᑦ ᖁᒻᒧᐊᒃᐳᖅ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓄᐊᕐᓗᓂ; ᓄᕗᔭᐅᓪᓗ ᑐᒃᓯᐊᕐᕕᒡᔪᐊᖅ ᑕᑕᑉᐹ, ᐊᓃᕐᕕᖓᓗ ᖃᐅᒪᓂᕐᔪᐊᒧᑦ ᑕᑕᐅᕗᖅ ᐊᑕᓂᐅᑉ ᐱᓐᓇᕐᓇᕐᓂᖓᓄᑦ.

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.

ᒨᓯᓯ ᓯᑕᒪᖏᑦ 17:10

ᐊᑕᓂᐅᓪᓗ ᒨᓯᓯ ᐅᖃᐅᑎᕚ, “ᐂᕉᓂᐅᑉ ᐊᔭᐅᑉᐱᐊᖓ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓄᑦ ᐅᑎᕐᑎᒍᒃ, ᑕᕝᕙᓂ ᐃᓂᖃᓕᖁᓪᓗᒍ ᐊᑭᕋᕐᑐᓚᐅᕐᑐᓄᑦ ᓇᓗᓁᒃᑯᑕᐅᖁᓪᓗᒍ, ᐅᕙᓐᓂᒃ ᐊᑭᕋᕐᑐᕐᓂᖏᑦ ᐃᓱᓕᑎᑕᐅᖁᓪᓗᒋᑦ, ᑐᖁᖁᓇᒋᑦ.”

ᒨᓯᓯ ᓯᑕᒪᖏᑦ 9:15

ᐅᓪᓗᒥ ᑐᐱᕐᔪᐊᑉ ᓇᑉᐸᕐᑕᐅᕕᖓᓂ, ᓄᕗᔭᐅᑉ ᑐᐱᕐᔪᐊᖅ ᐅᓕᓚᐅᕐᐹ, ᑐᐱᖅ ᐊᖏᕈᑎᑕᓕᒃ; ᐅᓐᓄᖕᒥᑦ ᐅᓪᓛᒧᑦ ᑎᑭᓪᓗᒍ ᑐᐱᕐᔪᐊᑉ ᖁᓛᓃᓚᐅᕐᐳᖅ ᑕᐅᑦᑐᖃᕐᓗᓂ ᐃᑯᒪᑎᑐᑦ.

ᒨᓯᓯ ᑕᓪᓕᒪᖏᑦ 31:26

“ᐅᑯᐊ ᐱᖁᔧᑦ ᐊᒡᓚᒃᓯᒪᔪᑦ, ᑎᒍᓗᒋᑦ ᐃᓕᔭᒃᓴᕆᕙᓯ ᐊᑕᓂᐅᑉ ᒎᑎᑦᓯ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᑕ ᓴᓂᐊᓄᑦ, ᓇᓗᓁᒃᑯᑕᐅᖁᓪᓗᒋᑦ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:13

ᐅᖃᐅᑎᓯᒪᕚᓯ ᖃᓄᐃᓕᐅᕐᑐᒃᓴᐅᖕᒪᖔᑦᓯ ᐊᖏᖃᑎᒌᒍᑎᒋᓯᒪᔭᖓᓂᒃ ᑲᔪᓯᑎᑦᓯᔪᓐᓇᖁᓪᓗᓯ, ᐱᖁᔭᑦ ᖁᓕᑦ ᓈᓚᒐᒃᓴᕆᕙᓯ, ᑖᑦᓱᒪ ᑎᑎᕋᓚᐅᕐᑕᖏᑦ ᐅᔭᕋᒃᑎᒍᑦ ᒪᕐᕉᒃᑎᒍᑦ.

ᐄᑉᕈᐃᓄᑦ 9:4

ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:8

ᑐᒃᓯᐊᕐᕕᒡᔪᐊᕐᓗ ᐳᔪᕐᒥᒃ ᑕᑕᑉᐳᖅ ᒎᑎᐅᑉ ᐱᓐᓇᕐᓇᕐᓂᖓᓂᒃ ᐱᔪᓐᓇᕐᓂᖓᓂᒡᓗ, ᓇᓪᓕᐊᓐᓄᓪᓘᓐᓃᑦ ᑐᒃᓯᐊᕐᕕᒡᔪᐊᖅ ᐃᑎᕐᑕᐅᔪᓐᓇᓐᖏᓚᖅ ᑲᑉᐱᐊᓇᕐᑐᑦ 7 ᐂᖏᓖᑦ 7 ᐱᓯᒪᔭᖏᑦ ᐃᓱᓕᓚᐅᖏᓐᓂᖏᓐᓂ.