4 ᐊᑭᓐᓇᖏᑦ ᐱᖓᓱᑦ ᐱᖓᓱᓂᒃ ᐃᒐᓛᖃᕐᐳᑦ ᐊᑦᔨᒌᑦᓯᐊᓂᒃ.
ᐊᕙᓗᕐᔪᐊᖓᓗ ᑭᓪᓚᖃᐅᕐᐳᖅ ᓯᓚᑖ ᓂᕈᑭᓐᓂᕐᓴᐅᔪᓂᒃ ᐃᓗᐊ ᓂᕈᑐᓂᕐᓴᐅᔪᓂᒃ.
ᐃᓗᐊᒍᑦ ᕿᔪᖕᓂᒃ ᓰᑕᕆᓂᒃ ᕿᕋᑦᑕᖁᑎᖃᕐᓗᑎᒃ ᐊᑐᓂᑦ, ᖁᓛᓕᕐᓯᒪᓪᓗᓂ ᐃᓗᐊᒍᑦ ᕿᔪᖕᓂᒃ ᓰᑕᕆᓂᒃ ᓱᑲᖃᕐᓗᓂ 45ᓂᒃ ᐃᑎᒐᖕᓂᒃ ᑕᑭᓂᓕᖕᓂᒃ, ᑐᑭᓕᕇᑦ 15ᖑᓪᓗᑎᒃ,
ᐅᒃᑯᐊᖏᑦ ᐃᒐᓛᖏᓪᓗ ᐊᕙᓗᖃᕐᐳᑦ ᓯᒃᑭᑕᓂᒃ ᓯᓚᒻᒧᑦ ᖁᖁᖓᔪᓂᒃ, ᑖᒃᑯᐊᑕᐅᖅ ᐃᒐᓛᖃᕐᓗᑎᒃ ᐱᖓᓱᓂᒃ ᐊᑭᓕᕇᒃᑐᓂᒃ.
ᐊᕙᓗᕐᔪᐊᑦᓯᓗ ᓄᕗᕈᓯᖏᑦ ᐅᔭᖅᑭᕐᑐᕐᓗᒋᑦ ᑕᕐᓴᖃᐅᕐᑐᓂᒃ, ᐃᑎᕐᑕᕐᕕᓯᓗ ᐅᔭᕋᒃᑕᖃᐅᕐᓗᑎᒃ ᕿᓪᓕᕐᑐᓂᒃ ᐊᑦᔨᒌᖏᑦᑐᓂᒃ, ᐊᕙᓗᕐᔪᐊᑦᓯᓗ ᐊᑭᓐᓇᖏᑦ ᐃᓕᐅᕅᕕᒋᓗᒋᑦ ᐅᔭᕋᖕᓂᒃ ᐊᑭᑐᔪᕐᔪᐊᓂᒃ.
ᐃᒡᓗᕈᓰᓪᓗ ᐃᒐᓛᖃᐅᕐᐳᑦ ᑕᑭᔪᑯᑖᓂᒃ, ᒪᑐᑦᑕᐅᑎᓕᖕᓂᒃ ᓯᓚᒧᐊᖓᔪᓂᒃ, ᐃᒡᓗᕈᓰᓪᓗ ᐊᑯᓐᓂᖏᑎᒍᑦ ᐊᑭᓐᓇᖏᑦ ᐃᑎᕐᓴᓕᐅᕈᑎᓯᒪᔪᓂᒃ ᓇᐹᕐᑐᓐᖑᐊᓂᒃ ᐹᒥᓂᒃ ᑕᕐᓯᕐᓱᕐᓯᒪᓪᓗᑎᒃ.
ᐃᒡᓗᕈᓰᓪᓗ ᐃᒐᓛᖏᑦ ᐊᑭᓐᓇᖏᓪᓗ ᑕᕐᓯᕐᓱᕐᓯᒪᕗᑦ ᓇᐹᕐᑐᓐᖑᐊᓂᒃ ᐹᒥᓂᒃ ᐃᑎᕐᓴᓕᐅᕈᑎᓯᒪᔪᓂᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑎᑐᑦ; ᑐᖕᒥᕌᖃᕐᓗᑎᒡᓗ ᒪᔪᕋᐅᑎᓂᒃ 7ᓂᒃ; ᐃᑎᕐᑕᕐᕕᖓᓗ ᓵᓐᖓᕗᖅ ᑐᕐᓲᖑᔭᕐᒧᑦ.
ᐃᒡᓗᕈᓯᖏᓪᓗ ᐊᑐᓂᑦ ᐃᒐᓛᖃᐅᕆᓪᓗᑎᒃ ᑍᒫᑦᓮᓐᓇᖅ ᐊᓯᖏᑎᑐᑦ; ᐃᑎᕐᑕᕐᕕᓕᒫᑦ ᐊᑐᓂᑦ ᑐᑭᒧᖃᕐᐳᑦ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ.
ᖃᐅᔨᓴᕐᑏᑦ ᐃᒡᓗᕈᓯᖏᑦ, ᐃᑎᕐᑕᕐᕕᐅᓪᓗ ᓱᓪᓗᐊᓃᑦᑐᑦ ᐃᒡᓗᕈᓰᑦ ᐊᖏᓂᖏᑦ ᐃᑎᕐᑕᕐᕕᖕᓂ ᐊᓯᖏᓐᓃᑦᑐᑎᑐᑦ ᑍᒤᓪᓗᐊᕐᐳᑦ; ᑍᒫᑦᓮᓐᓇᕐᓗ ᐃᒐᓛᖃᐅᕆᓪᓗᑎᒃ ᐃᒡᓗᕈᓯᖏᑦ; ᑐᑭᒧᖃᕆᕗᑦ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ.
ᐃᒡᓗᕈᓰᑦ, ᐃᑎᕐᑕᕐᕕᖓᑕᓗ ᓴᓂᕌᓃᑦᑐᑦ ᐃᒡᓗᕈᓰᑦ, ᐊᑭᓐᓇᖏᓪᓗ ᐊᑐᓂᑦ ᐆᒃᑐᕋᕐᑕᐅᓂᖏᑦ ᐊᑦᔨᒋᔭᐅᒋᕗᑦ ᐊᓯᖏᓐᓄᑦ; ᐃᒡᓗᕈᓯᓕᒫᖏᓪᓗ ᐃᒐᓛᖃᐅᕆᓪᓗᑎᒃ; ᑐᑭᒧᖃᕐᐳᓪᓗ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ.
ᑍᒫᑦᓮᓐᓇᖅ ᐃᓗᖔᖓᒍᑦ ᐃᒡᓗᕈᓯᖃᕆᕗᖅ, ᐊᖏᓂᖏᓪᓗ ᐊᓯᖏᓐᓄᑦ ᐊᑦᔨᒋᔭᐅᒋᓪᓗᑎᒃ; ᐃᒡᓗᕈᓯᓕᒫᖏᓪᓗ ᐃᒐᓛᖃᕆᓪᓗᑎᒃ; ᑐᑭᒧᖃᕐᐳᕐᓗ 84ᓂᒃ ᐃᑎᒐᖕᓂᒃ, ᓴᓂᒧᑐᓂᖃᕐᓗᑎᒡᓗ 42ᓂᒃ.
ᐃᑦᔪᕐᓁᑦᑐᒃᑯᕕᒡᓗ ᐃᒐᓛᖃᐅᕐᐳᖅ ᐃᒡᓗᒌᓂᒃ ᒪᑐᑦᑕᐅᑎᓕᖕᓂᒃ, ᐊᑭᓇᖏᒡᓗ ᐃᒡᓗᒌᒃ ᑕᕐᓯᕐᑐᕐᓯᒪᓪᓗᑎᒃ ᐹᒥᓐᖑᐊᓂᒃ.
