ᐊᑕᓃᑦ ᓯᕗᓪᓖᑦ 5:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓴᓇᔨᖁᑎᒪ ᓇᐹᕐᑐᐃᑦ ᓕᐸᓇᓂᐅᑉ ᑕᕆᐅᖓᓄᐊᕈᑎᓂᐊᕐᐰᑦ ᐃᒥᖕᓄᑦ ᕿᓚᓱᕐᓗᒋᑦ, ᐳᒃᑕᓛᕐᓗᑎᒃ ᑐᓚᕕᒋᔭᐅᖁᔭᕐᓄᑦ ᓄᓈᕐᑎᑕᐅᔪᒫᕐᒪᑕ, ᑕᕝᕙᓂ ᓴᓇᔨᖁᑎᒃᑲ ᕿᓚᕈᑦᔮᕐᑎᕆᔭᕇᑐᐊᕈᑎᒃ ᓴᓇᔨᖁᑎᖕᓅᑦ ᑐᓂᓯᒐᔭᕐᒪᑕ ᑖᒃᑯᐊ ᑲᒪᖔᕐᑎᓕᕐᓗᒋᑦ; ᐱᔪᒪᔭᖃᕐᐳᖓ ᐃᓕᖕᓂᑦ ᐊᖓᔪᖅᑳᕐᔪᐊᖃᕐᕕᖕᒥ ᐃᒡᓗᒥᐅᖃᑎᒃᑲ ᓂᕿᒃᓴᕐᑖᕐᑎᑕᐅᖁᓪᓗᒋᑦ.”

ᐊᑕᓃᑦ ᓯᕗᓪᓖᑦ 5:9 Iomraidhean Croise

ᐊᑕᓃᑦ ᓯᕗᓪᓖᑦ 3:12

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᐊᑕᓃᑦ ᓯᕗᓪᓖᑦ 4:20

ᐃᓄᐃᑦ ᔫᑎᐊᒥ ᓄᓇᓖᑦ ᐃᓴᕆᐊᓕᒥᓗ ᐅᓄᕐᑐᐊᓘᓕᓚᐅᕐᐳᑦ ᓯᐅᕋᕐᑎᑐᑦ ᓯᒡᔭᒦᑦᑐᑎᑐᑦ; ᓂᕆᓪᓗᑎᒡᓗ ᐃᒥᕐᓗᑎᒡᓗ ᖁᕕᐊᓱᖃᑎᒌᒃᐳᑦ.

ᐊᑕᓃᑦ ᓯᕗᓪᓖᑦ 5:10

ᑍᒤᒻᒪᑦ ᕼᐂᕋᒻ, ᓲᓗᒨᓂᒧᑦ ᐊᐅᓪᓚᕐᑎᑦᓯᕗᖅ ᓇᐹᕐᑐᓂᒃ ᓰᑕᕆᓂᒃ, ᐊᒻᒪᓗ ᓇᐹᕐᑐᓂᒃ ᐰᓐᓂᒃ ᐱᔪᒪᔭᓕᒫᖏᓐᓂᒃ,

ᐊᑕᓃᑦ ᓯᕗᓪᓖᑦ 5:8

ᕼᐂᕋᒻ ᓲᓗᒨᓂᒧᑦ ᑭᐅᑦᔪᑎᖓ ᐃᒪᓕᕗᖅ: “ᐱᕙᒃᑲ ᑎᑎᕋᕐᑕᑎᑦ, ᒫᓐᓇ ᐅᐸᓗᖎᕐᓯᒪᑦᓯᐊᕐᐳᖓ ᐱᒋᐊᕈᓐᓇᕐᓗᖓ ᐱᔪᒪᔭᕐᓂᒃ ᓇᐸᕐᑐᓂᒃ ᑐᓂᓂᐊᕐᐸᒋᑦ ᓰᑕᕆᓂᒃ ᓇᐹᕐᑐᓂᒡᓗ ᐰᓐᓂᒃ.

ᐊᑕᓃᑦ ᓯᕗᓪᓖᑦ 9:27

ᐊᖓᔪᖅᑳᕐᔪᐊᖅ ᕼᐅᕋᒻ ᑎᓕᓯᓚᐅᕐᐳᖅ ᐅᒥᐊᓕᒃᑕᓂᒃ ᐱᔪᓐᓇᑦᓯᐊᕐᑐᓂᒃ, ᐱᔨᑦᓯᕐᓂᐊᕐᑐᓂᒃ ᓲᓗᒨᓂᐅᑉ ᐅᒥᐊᕐᑐᑎᖁᑎᖏᓐᓂᒃ.

ᑯᕉᓂᑲ ᐂᑉᐸᖏᑦ 1:15

ᐊᖓᔪᖅᑳᕐᔪᐊᕐᓗ ᓴᓇᔭᐅᑎᑦᓯᕗᖅ ᓯᐅᓪᕕᕆᓂᒃ ᒎᓗᓂᒡᓗ ᑕᑯᒃᓴᐅᖏᓐᓇᓕᕐᓗᑎᒃ ᔨᕉᓴᓕᐅᑉ ᐅᔭᕋᖏᑎᑐᑦ, ᕿᔪᐃᓪᓗ ᓰᑕᕇᑦ ᐅᓄᕐᑐᕐᔪᐊᑦ ᐊᑐᐃᓐᓇᐅᑎᑉᐰᑦ ᓇᐹᕐᑐᑎᑐᑦ ᓯᑲᒧᐊᑎᑐᑦ ᓇᑎᕐᓇᒦᑦᑐᑎᑐᑦ.

ᑯᕉᓂᑲ ᐂᑉᐸᖏᑦ 2:16

ᕿᔪᖕᓂᒡᓗ ᓇᑲᑎᕆᔪᓐᓇᕐᐳᒍᑦ ᓕᐸᓇᓂᒥᑦ ᐱᔭᕆᐊᖃᕐᑕᓕᒫᕐᓂᒃ, ᓇᒃᓯᐅᑎᔪᓐᓇᕐᐸᕗᑦ ᐃᒪᒃᑯᑦ ᐅᓯᑲᕐᑕᐅᑎᒃᑰᕐᑎᓪᓗᒋᑦ ᔮᐸᒧᑦ, ᑍᑲᓐᖓᓪᓕ ᔨᕉᓴᓕᒧᐊᕈᑎᔪᒫᕋᕕᒋᑦ.”

ᑯᕉᓂᑲ ᐂᑉᐸᖏᑦ 9:22

ᐊᖓᔪᖅᑳᕐᔪᐊᖅ ᓲᓗᒨᓂ ᐊᒃᓗᐃᓐᓂᕐᓴᐅᓚᐅᕐᐳᖅ ᓯᓚᑐᓂᕐᓴᐅᓪᓗᓂᓗ ᐊᖓᔪᖅᑳᕐᔪᐊᓂᑦ ᓄᓇᒦᑦᑐᓕᒫᓂᑦ.

ᐄᓱᕋᐅᑉ ᐊᒡᓚᖏᑦ 3:7

ᐃᓄᐃᑦ ᑮᓇᐅᔭᓂᒃ ᑐᓂᓯᓚᐅᕐᐳᑦ ᐊᑭᓕᐅᑎᒃᓴᓂᒃ ᐅᔭᕋᓕᕆᔨᓄᑦ ᕿᔪᓕᕆᔨᓄᓪᓗ ᑐᓂᓯᓚᐅᕆᕗᑦ ᓂᕿᒃᓴᓂᒃ, ᐃᒥᒐᒃᓴᓂᒡᓗ, ᓇᐹᕐᑑᓪᓗ ᐅᕐᓱᖏᓐᓂᒃ ᑐᔫᑎᒃᓴᓂᒃ ᐃᒡᓗᒐᓴᖕᓄᑦ ᑍᕆᒧᑦ ᓮᑐᓂᒧᓪᓗ ᑕᐅᕐᓰᒍᑎᒃᓴᓂᒃ ᓰᑕᕆᓄᑦ ᓯᑎᔪᓄᑦ ᓕᐸᓇᓂᒥᑦ ᐱᓯᒪᔪᓄᑦ, ᑎᑭᐅᑦᔭᐅᒐᔭᕐᑐᓄᑦ ᑕᕆᐅᒃᑯᑦ ᔮᐸᒃᑯᑦ, ᑕᒪᓐᓇ ᐱᓇᓱᐊᕐᑕᐅᓚᐅᕐᐳᖅ ᐊᖏᕈᑎᒋᔭᐅᓯᒪᖕᒪᑦ ᐊᖓᔪᖅᑳᕐᔪᐊᕐᒧᑦ ᓮᕋᓯᒧᑦ ᐴᕐᓯᐊᒥᐅᒧᑦ.

ᔫᐱᐅᑉ ᐊᒡᓚᖏᑦ 32:8

ᒎᑎᐅᓪᓕ ᐊᔪᒐᖃᖏᑦᑑᑉ ᐊᓂᕐᓂᖓᑕ ᐃᓄᖕᒦᑦᑑᑉ, ᓇᔫᑎᓂᖓᓄᑦ ᐃᓄᒃ ᑐᑭᓯᔪᓐᓇᕐᑎᑕᐅᔪᓐᓇᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:16

ᐃᒫᒃ ᐃᓱᒪᓕᓚᐅᕐᐳᖓ, “ᑕᑯᒋᑦ, ᓯᓚᑐᓂᕐᔪᐊᓕᐊᓘᓕᕐᐳᖓ, ᓯᓚᑐᓂᕐᓴᐅᓕᕐᓗᖓᓗ ᑕᒤᓐᓂᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᓚᐅᕐᓯᒪᔪᓂᑦ ᓯᕗᓂᓐᓂᑦ; ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᐊᖏᔪᒥᒃ ᐊᑐᕐᓯᒪᓕᕐᐳᖓ.”

ᐃᓯᑭᐊᓕᐅᑉ ᐊᒡᓚᖏᑦ 27:17

ᔫᑕᒥᐅᑦ ᐃᓴᕆᐊᓕᒥᐅᓪᓗ ᑕᐅᕐᓰᖃᑎᒋᖃᑦᑕᕆᕙᓯ ᓂᐊᖂᔭᒃᓴᓂᒃ, ᐸᐅᕐᖓᓂᒃ ᐅᕐᓱᒃᓴᓂᒃ ᐸᐅᕐᖓᓂᒡᓗ ᐱᒋᓕᖕᓂᒃ, ᕼᐊᓂᒥᒃ, ᐅᕐᓱᒃᓴᓂᒃ, ᒥᖑᐊᕈᑎᒃᓴᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 12:20

ᐃᕉᑕᓯ ᓂᓐᖓᒃᓯᒪᓚᐅᕐᐳᖅ ᐃᓄᖕᓄᑦ ᑍᕆᒥᐅᓄᑦ ᓮᑐᓂᒥᐅᓄᓪᓗ; ᑖᒃᑯᐊ ᐃᕉᑕᓯᒥᒃ ᑲᑎᓯᔭᕐᑐᕐᐳᑦ, ᑖᑦᓱᒧᓐᖓᖏᓐᓂᕐᒥᖕᓂᓕ ᐸᓛᓯᑕᔅ ᐃᑲᔪᕐᑎᑖᕆᓇᓱᓚᐅᕐᐹᑦ; ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᑲᒪᔨᐅᔪᖅ, ᐃᕉᑕᓯᒧᐊᕋᒥᒡᓗ ᐃᓅᖃᑎᖃᑦᓯᐊᕈᒪᓪᓗᑎᒃ ᐅᖃᕐᐳᑦ, ᐊᖓᔪᖅᑳᕐᔪᐊᕐᒧᑦ ᑭᓯᐊᓂ ᓄᓇᖁᑎᖓᓂ ᓂᕿᒃᓴᖃᕐᑎᑕᐅᕙᒃᑲᒥᒃ.

ᒨᓯᓯ ᑕᓪᓕᒪᖏᑦ 3:25

ᐊᑕᓃᖅ, ᐃᑳᕈᓐᓇᕐᑎᓚᐅᓐᖓ ᑰᖕᒥᒃ ᔪᐊᕐᑕᓂᒥᒃ, ᓄᓇᓗ ᐱᕈᕐᑐᖃᑦᓯᐊᕐᑐᖅ ᑕᑯᓗᒍ ᑕᒪᑐᒪ ᑰᑉ ᐊᑭᐊᓃᑦᑐᖅ, ᖃᖅᑬᓪᓗ ᑕᑯᒥᓇᕐᓂᐊᓗᖏᓐᓂᒃ ᑕᑯᑎᓪᓗᖓ ᓕᐸᓇᓂᐅᓪᓗ ᖃᖅᑲᖏᓐᓂᒃ.’