ᐊᑕᓃᑦ ᓯᕗᓪᓖᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᕼᐂᕋᒻ ᑍᕆᐅᑉ ᐊᖓᔪᖅᑳᕐᔪᐊᖓ ᐱᔨᒥᓂᒃ ᑎᓕᓯᓚᐅᕐᐳᖅ ᓲᓗᒨᓂᒧᑦ, ᑐᓴᕋᒥ ᓲᓗᒨᓂ ᐊᖓᔪᖅᑳᕐᔪᐊᓐᖑᕐᑎᑕᐅᖕᒪᑦ ᐊᑖᑕᒥᓂᒃ ᐃᓇᖐᓪᓗᓂ, ᕼᐂᕋᒥᐅᑉ ᑍᕕᑎ ᐃᓚᓐᓈᕆᓚᐅᕋᒥᐅᒃ.

ᐊᑕᓃᑦ ᓯᕗᓪᓖᑦ 5:1 Iomraidhean Croise

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᓴᒧᐃᓕ ᐂᑉᐸᖏᑦ 5:11

ᐊᖓᔪᖅᑳᕐᔪᐊᕐᓗ ᕼᐂᕋᒻ ᑍᕆᒥᐅᑕᖅ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᑍᕕᑎᒧᑦ; ᑐᓂᓪᓗᒍᓗ ᕿᔪᖕᓂᒃ ᓰᑕᕆᓂᒃ ᓯᑎᔪᓂᒃ, ᕿᔪᓕᕆᔨᓂᒃ ᐅᔭᕋᓕᕆᔨᓂᒡᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᓴᓇᔭᕐᑐᕐᑐᓂᒃ.

ᓴᒧᐃᓕ ᐂᑉᐸᖏᑦ 8:10

ᐃᕐᓂᓂ ᔪᕌᒥ ᑎᓕᕚ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᐅᐱᒍᓱᒋᐊᕐᑐᖁᓪᓗᒍ ᕼᐊᑕᑎᔨᕆᒥᒃ ᐅᓇᑕᓚᐅᕐᒪᑦ ᓵᓚᒋᓪᓗᒍᓗ; ᑐᐃᒥᒃ ᐅᓇᑕᖃᑎᖃᕐᐸᓚᐅᕐᒪᑦ ᐅᓄᕐᑐᐃᕐᓱᕐᓗᓂ. ᔪᕌᒥ ᓇᒃᓴᓚᐅᕐᐳᖅ ᑍᕕᑎᒧᑦ ᒎᓗᒥᒃ, ᓯᐅᓪᕕᕆᒥᒃ, ᑲᓐᓄᔭᓂᒡᓗ;

ᐊᑕᓃᑦ ᓯᕗᓪᓖᑦ 10:25

ᑎᑭᑎᒋᔭᓕᒫᖏᑦ ᓇᒃᓴᕐᐸᓚᐅᕐᐳᑦ ᑐᓂᕐᕈᑎᒥᖕᓂᒃ ᑖᑦᓱᒧᖓ ᓯᐅᓪᕕᕆᓂᒃ ᒎᓗᓂᒃ ᐊᓐᓄᕌᓂᒃ, ᐅᓇᑕᐅᑎᓂᒃ, ᑎᐱᑎᕈᑎᓂᒡᓗ ᕿᒻᒥᕐᔪᐊᓂᒃ ᓯᐅᑎᖅᑯᕐᑐᔪᓂᒡᓗ, ᑕᒪᓐᓇᓗ ᑍᒤᖏᓐᓇᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᐊᑕᓃᑦ ᓯᕗᓪᓖᑦ 5:10

ᑍᒤᒻᒪᑦ ᕼᐂᕋᒻ, ᓲᓗᒨᓂᒧᑦ ᐊᐅᓪᓚᕐᑎᑦᓯᕗᖅ ᓇᐹᕐᑐᓂᒃ ᓰᑕᕆᓂᒃ, ᐊᒻᒪᓗ ᓇᐹᕐᑐᓂᒃ ᐰᓐᓂᒃ ᐱᔪᒪᔭᓕᒫᖏᓐᓂᒃ,

ᐊᑕᓃᑦ ᓯᕗᓪᓖᑦ 5:13

ᐊᖓᔪᖅᑳᕐᔪᐊᖅ ᓲᓗᒨᓂ ᑎᓕᓯᕗᖅ 30,000ᓂᒃ ᐊᖑᑎᓂᒃ ᓴᓇᔪᒃᓴᓂᒃ, ᐊᑭᓕᕐᓱᕐᑕᐅᒐᑎᒃ ᐱᓇᓱᐊᕐᓂᐊᕐᑐᓂᒃ ᐃᓴᕆᐊᓕᑎᑦ ᓄᓇᓕᒫᖓᓂᑦ,

ᑯᕉᓂᑲ ᓯᕗᓪᓖᑦ 14:1

ᐊᖓᔪᖅᑳᕐᔪᐊᕐᓗ ᕼᐅᕋᒻ ᑍᕆᒥᐅᑕᖅ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᑍᕕᑎᒧᑦ, ᓇᐹᕐᑐᓂᒡᓗ ᓰᑕᕆᓂᒃ, ᐅᔭᕋᓕᕆᔨᓂᒡᓗ ᕿᔪᓕᕆᔨᓂᒡᓗ ᑍᕕᑎᒥᒃ ᐃᒡᓗᓕᐅᕐᑐᒃᓴᓂᒃ ᑎᓕᓯᒋᓪᓗᓂ.

ᑯᕉᓂᑲ ᐂᑉᐸᖏᑦ 17:11

ᐱᓕᔅᑍᓂᒥᐅᓪᓗ ᐂᑦᑐᐃᔭᕐᑐᕐᐳᑦ ᔨᕼᐆᓴᐸᑦᒧᑦ ᐊᑭᓕᐅᑎᒥᖕᓂᒃ ᓯᐅᓪᕕᕆᓂᒃ, ᐋᕋᑉᒥᐅᓪᓗ ᑐᓂᓯᒋᕗᑦ ᓰᐱᐅᑉ ᐊᖑᓴᓪᓗᖏᓐᓂᒃ 7,700ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7,700ᓂᒃ.

ᑯᕉᓂᑲ ᐂᑉᐸᖏᑦ 2:3

ᓲᓗᒨᓂᓗ ᑎᑎᕋᕐᐳᖅ ᕼᐅᕋᒻᒧᑦ ᑍᕆᐅᑉ ᐊᖓᔪᖅᑳᕐᔪᐊᓄᑦ, ᐅᖃᕐᓗᓂ: “ᐊᑖᑕᒐ ᑍᕕᑎ ᐱᓇᓱᐊᖃᑎᒋᓚᐅᕋᕕᐅᒃ ᕿᔪᖕᓂᒡᓗ ᓰᑕᕆᓂᒃ ᐃᒻᒥᓄᑦ ᐃᒡᓗᓕᐅᕈᑎᒃᓴᖏᓐᓂᒃ ᑐᓂᓚᐅᕋᕕᐅᒃ, ᑍᒫᒃᑕᐅᖅ ᐱᓇᓱᐊᕐᕕᒋᓐᖓ.

ᑯᕉᓂᑲ ᐂᑉᐸᖏᑦ 9:26

ᐊᐅᓚᑦᓯᓚᐅᕐᐳᖅ ᐊᖓᔪᖅᑳᕐᔪᐊᓕᒫᓂᒃ ᐃᕗᕅᑎᒥᑦ ᑰᖕᒥᑦ ᐱᒋᐊᕐᓗᒍ ᐱᓕᔅᑍᓂᒥᐅᑦ ᓄᓇᖓᓄᑦ ᑎᑭᓪᓗᒍ, ᐄᑦᔨᑉᑎᐅᓪᓗ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ.

ᐄᓱᕋᐅᑉ ᐊᒡᓚᖏᑦ 4:20

ᐊᔪᖏᑦᑐᒻᒪᕆᐊᓗᐃᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᖃᑦᑕᕐᓯᒪᖕᒪᑕ, ᐊᐅᓚᑦᓯᕙᓚᐅᕐᒪᑕᓗ ᓄᓇᓕᖕᓂ ᐊᕕᒃᑐᕐᓯᒪᔪᓂᒃ ᑖᕙᓂ ᑰᑉ ᐅᖓᑖᓂᒥᐅᓂᒃ, ᑖᒃᓰᔭᕐᓂᒃᑯᑦ ᑮᓇᐅᔭᓕᐅᕐᑐᓂᒃ.

ᐃᓐᖏᕈᑎᑦ 45:12

ᑍᕆᒥᐅᑦ ᐸᓂᖏᑦ ᑎᑭᓐᓂᐊᕐᐳᑦ ᑐᓂᕐᕈᑎᒥᒃ ᓇᒃᓴᕐᓗᑎᒃ; ᐃᓄᐃᑦ ᐊᔪᕐᓴᖏᑦᑐᑦ ᐃᓕᖕᓄᑦ ᐱᑦᓯᐊᕐᕕᐅᔪᒪᓂᐊᕐᐳᑦ.

ᐃᓐᖏᕈᑎᑦ 72:8

ᐊᖓᔪᖅᑲᐅᕕᖃᕈᒫᕐᐳᖅ ᐃᒪᕐᐱᖕᒥᑦ ᐃᒪᕐᐱᖕᒧᑦ ᑎᑭᓪᓗᒍ, ᑰᖕᒥᓪᓗ ᐃᕗᕅᑎᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᐃᓐᖏᕈᑎᑦ 80:12

ᓱᖕᒪᓪᓕ ᐊᕙᓗᕐᔪᐊᖏᑦ ᓯᖁᑦᑎᓚᐅᕐᐱᒌᑦ, ᓴᓂᖅᑯᑦᑐᓄᑦ ᑕᒤᓐᓄᑦ ᐱᕈᕐᑐᖏᑦ ᓄᓱᒃᑕᐅᔪᓐᓇᖁᓪᓗᒌᑦ?

ᒨᓯᓯ ᐂᑉᐸᖏᑦ 34:24

ᐃᓅᖃᑎᒌᒡᔪᐊᑦ ᓯᕗᓂᑦᓯᓐᓂ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᒋᔭᓯ ᑭᒡᓕᖓ ᐊᖏᓂᕐᓴᐅᔪᓐᓇᖁᓪᓗᒍ, ᓇᓪᓕᐊᓐᓄᓪᓘᓐᓃᑦ ᐃᓅᖃᑎᒌᒡᔪᐊᓄᑦ ᐅᓇᖕᒥᔭᐅᓂᐊᓐᖏᓚᓯ ᓄᓇᒋᔭᓯ ᐱᓪᓗᒍ ᐊᕐᕌᒍᒥ ᐱᖓᓱᕕᒡᓗᓯ ᐊᑕᓂᕐᒧᑦ ᒎᑎᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ, ᑐᒃᓯᐊᕆᐊᖃᑦᑕᕐᓂᑦᓯᓐᓂᒃ ᑲᒪᑦᓯᐊᑐᐊᕈᑦᓯ.

ᐂᓮᐊᓯᐅᑉ ᐊᒡᓚᖏᑦ 23:1

ᐅᑯᐊ ᐅᖃᐅᓰᑦ ᐃᓂᕐᑎᕆᔪᑦ ᑍᕆᒥᐅᓂᒃ ᐱᑦᔪᑎᖃᕐᐳᑦ, ᕿᒃᓵᖕᓂᕐᒧᑦ ᓂᓪᓕᐊᒋᑦᓯ, ᐅᒥᐊᕐᑐᕐᑎᐅᔪᓯ ᑖᕐᓯᓯᒥᐅᑦ ᑕᕆᐅᕐᔪᐊᕐᒥ! ᑐᓚᒃᑕᕐᕕᒋᕙᒃᑕᓯ ᑍᕆᒥᐅᑦ ᐊᓯᕈᕐᓯᒪᖕᒪᑕ: ᐃᒡᓗᖏᑦ ᐅᒥᐊᕐᔪᐊᓄᓪᓗ ᐅᓯᓕᕐᓱᕐᕕᖏᑦ ᓯᖁᑦᑎᕐᓯᒪᓕᕐᐳᑦ, ᐅᒥᐊᕐᔪᐊᓯ ᓮᐸᕋᓯᒥᑦ ᐅᑎᕐᐸᓪᓕᐊᓕᕐᑎᓪᓗᒋᑦ ᑐᓴᓚᐅᕐᐳᓯ.

ᐃᓯᑭᐊᓕᐅᑉ ᐊᒡᓚᖏᑦ 19:11

ᓇᑲᖓᑕ ᓯᓕᖕᓂᕐᐹᖓ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᑖᕆᕚ; ᖁᒻᒧᑦ ᑕᑭᒡᓕᕗᖅ ᐊᕙᓚᖓᔪᐃᑦ ᑲᑎᓐᖓᓂᖏᓐᓂ; ᐳᕐᑐᓂᖓ ᑕᑯᔭᐅᕗᖅ ᐊᕙᓚᖓᔪᖏᑦ ᓯᓕᒃᑑᑕᐅᓪᓗᑎᒃ.

ᐂᒨᓯᐅᑉ ᐊᒡᓚᖏᑦ 1:9

ᐊᑕᓂᖅ ᐅᖃᕐᐳᖅ, “ᐱᖓᓱᓄᑦ ᑍᕆᐅᑉ ᐊᔪᕐᑐᓕᓂᖏᓐᓄᑦ, ᓯᑕᒪᖓᓪᓗᑦ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᑎᒍᔭᐅᓯᒪᔪᓕᒫᓂᒃ ᐄᑐᒥᒧᐊᕐᑎᑦᓯᓚᐅᕐᒪᑕ, ᐃᖅᑲᐅᒪᓚᐅᖏᒻᒪᑕ ᐊᖏᖃᑎᒌᖕᓂᕆᓚᐅᕐᑕᒥᖕᓂᒃ ᐃᓚᒌᑦᓯᐊᕈᒪᓂᕐᒥᒃ.

ᒨᓯᓯ ᓯᑕᒪᖏᑦ 24:7

ᑖᓐᓇ ᐃᒥᕐᒥᒃ ᖃᑦᑕᖁᑎᒥᓃᑦᑐᓂᒃ ᑯᕕᓯᔪᒫᕐᐳᖅ, ᐱᕈᕐᓯᐊᒃᓴᖁᑎᖏᑦ ᐃᒪᕐᓂ ᓇᓂᑐᐃᓐᓈᕈᒫᕐᐳᑦ, ᐊᖓᔪᖅᑳᕐᔪᐊᖁᑎᖓ ᐋᒑᒡᒥᑦ ᖁᑦᓯᖕᓂᕐᓴᐅᔪᒫᕐᐳᖅ, ᐊᖓᔪᖅᑳᕐᔪᐊᖑᕕᖓ ᖁᑦᓯᒃᑐᒦᑦᓱᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 7:5

ᐃᓅᖃᑎᕗᑦ ᐱᓐᓇᕆᖕᒪᒋᑦ, ᐅᒃᐱᕐᓂᕐᒧᓪᓗ ᑲᑎᒪᕕᒃᓴᑦᑎᓐᓂᒃ ᓴᓇᔭᐅᑎᑦᓯᓯᒪᕗᖅ.”

ᒨᓯᓯ ᑕᓪᓕᒪᖏᑦ 20:11

ᐅᓇᑕᕈᒪᖏᓪᓗᑎᒃ ᑭᐅᒃᐸᑕ ᐊᕙᓗᕐᔪᐊᖓᑕᓗ ᐅᒃᑯᐊᖓᓂᒃ ᒪᑐᐃᕐᓯᓗᑎᒃ ᓴᐱᓕᕐᐸᑕ, ᑕᕝᕙ ᐃᓄᓕᒫᖏᑦ ᓯᐊᓛᕐᑖᕆᔭᒃᓴᕆᕙᓯ ᐊᒃᓱᕈᕐᓇᕐᑐᓂᒡᓗ ᓴᓇᑎᑕᒃᓴᕆᕙᓯ.

ᓴᒧᐃᓕ ᓯᕗᓪᓖᑦ 10:27

ᐃᓚᖏᓪᓕ ᐊᑭᕋᕐᑐᕐᑐᑦ ᐅᖃᕐᐳᑦ, “ᖃᓅᖅ ᑖᑦᓱᒧᖓ ᐱᐅᓕᔭᐅᔪᓐᓇᕋᑦᑕ?” ᑕᕝᕙ ᑖᑦᓱᒥᖓ ᓇᕐᕈᓕᕐᐳᑦ, ᐂᑦᑐᕐᓇᒍᓗ ᐱᑖᒃᓴᖏᓐᓂᒃ. ᓴᐅᓕᓕ ᓮᒪᓂᖃᑦᓯᐊᓚᕐᐳᖅ.