ᐊᑕᓃᑦ ᓯᕗᓪᓖᑦ 3:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑍᒤᒻᒪᑦ ᐱᔩᑦ ᑐᓂᓯᕕᒋᓚᐅᕈᒃ ᐃᓱᒪᒃᑯᑦ ᑐᑭᓯᔪᓐᓇᕐᓂᕐᒥᒃ ᐊᐅᓚᑦᓯᔪᓐᓇᖁᓪᓗᖓ ᐃᓄᖁᑎᖕᓂᒃ, ᖃᐅᔨᒪᔪᓐᓇᖁᓪᓗᖓ ᐱᐅᔪᒥᒃ ᐱᐅᖏᑦᑐᒥᒡᓗ; ᑭᓇᓖ ᐊᐅᓚᑦᓯᔪᓐᓇᕐᐸ ᐃᓄᖁᑎᖕᓂᒃ ᑍᒫᒃ ᐅᓄᕐᑐᕐᔪᐊᖑᔪᓂᒃ?”

ᐊᑕᓃᑦ ᓯᕗᓪᓖᑦ 3:9 Iomraidhean Croise

ᓴᒧᐃᓕ ᐂᑉᐸᖏᑦ 14:17

ᐃᓱᒪᓚᐅᕋᒪ, ᐊᖏᕈᑎᒋᔭᖓ ᐊᑕᓂᕐᒪ ᐊᖓᔪᖅᑳᕐᔪᐊᒪ ᐅᕙᓐᓂᒃ ᓴᐳᑦᔨᔪᓐᓇᕐᒪᑦ, ᐊᑕᓂᕋ ᐊᖓᔪᖅᑳᕐᔪᐊᕋ ᒎᑎᐅᑉ ᐂᖏᓕᖁᑎᒋᔮᕐᒪᒍ ᖃᐅᔨᔪᓐᓇᕐᑐᖅ ᐱᐅᔪᒥᒃ ᐱᐅᖏᑦᑐᒥᒡᓗ. ᐊᑕᓂᐅᑉ ᒎᑎᕕᑦ ᐃᓚᒋᓕᑎᑦ!”

ᐊᑕᓃᑦ ᓯᕗᓪᓖᑦ 10:24

ᓯᓚᕐᔪᐊᕐᒥᐅᓕᒫᓂᑦ ᑕᑯᔭᕐᑐᕈᒪᔭᐅᓚᐅᕐᐳᑦ ᓲᓗᒨᓂᐅᑉ ᓯᓚᑐᓂᖓᓂᒃ ᑐᓴᕈᒪᓪᓗᑎᒃ, ᒎᑎᐅᑉ ᑐᓂᔭᖏᓐᓂᒃ ᑖᑦᓱᒪ ᐃᓱᒪᖓᓄᑦ.

ᐊᑕᓃᑦ ᓯᕗᓪᓖᑦ 3:10

ᐊᑕᓂᖅ ᖁᕕᐊᓱᓚᐅᕐᐳᖅ ᓲᓗᒨᓂ ᑕᒪᑐᒥᖓ ᕿᓄᐊᕆᔭᑲᕐᒪᑦ,

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᑯᕉᓂᑲ ᓯᕗᓪᓖᑦ 22:12

ᐊᑕᓂᐅᓪᓕ ᑭᓯᒥ ᑐᓂᓯᕕᒋᓕᑎᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ, ᐊᖓᔪᖅᑳᓐᖑᕐᑎᑉᐸᑎᑦ ᐃᓴᕆᐊᓕᒥᐅᓄᑦ ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᒪᓕᒍᓐᓇᖁᓪᓗᑎᑦ.

ᑯᕉᓂᑲ ᓯᕗᓪᓖᑦ 29:19

ᐃᕐᓂᕋᓗ ᓲᓗᒨᓂ ᑐᓂᓚᐅᕈᒃ ᐆᒻᒪᑎᒥᒃ ᑲᑦᓱᖎᕐᓯᒪᑦᓯᐊᕐᑐᒥᒃ ᐱᖁᔭᕐᓂᒃ ᒪᓕᒍᓐᓇᖁᓪᓗᒍ, ᐅᖃᐅᓯᕐᓂᒡᓗ, ᐊᑐᕐᑕᐅᖁᔭᓕᒫᓐᓂᒡᓗ ᐊᑐᑦᓯᐊᕈᓐᓇᖁᓪᓗᒍ ᑕᒤᓐᓂᒃ, ᑐᒃᓯᐊᕐᕕᒡᔪᐊᒥᒡᓗ ᓴᓇᔪᓐᓇᖁᓪᓗᒍ ᐊᑐᐃᓐᓇᕈᕐᓯᒪᔭᒃᑲ ᐱᓇᓱᐊᕈᑎᒋᓗᒋᑦ.”

ᑯᕉᓂᑲ ᐂᑉᐸᖏᑦ 1:10

ᒫᓐᓇᓕ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᑐᓂᓯᕕᒋᓚᐅᓐᖓ ᐃᓄᐃᑦ ᓵᖓᓄᐊᖃᑦᑕᖁᓪᓗᖓ, ᑭᐊᓕ ᐊᐅᓚᑦᓯᐊᕈᓐᓇᕐᐰᑦ ᐃᓄᖁᑎᑎᑦ, ᐃᓄᒋᐊᒃᑐᕐᔪᐊᖑᖕᒪᑕ?”

ᐃᓐᖏᕈᑎᑦ 119:144

ᐃᓕᓮᑦᔪᑎᑎᑦ ᐃᓱᐊᕐᓂᐅᕗᑦ ᐃᓱᖃᖏᑦᑐᒧᑦ; ᑖᒃᑯᓂᖓ ᑐᑭᓯᑎᓚᐅᓐᖓ, ᑕᕝᕙ ᐃᓅᓂᐊᕐᐳᖓ.

ᐃᓐᖏᕈᑎᑦ 119:34

ᑐᑭᓯᔪᓐᓇᕐᑎᓚᐅᓐᖓ, ᐱᖁᔭᕐᓂᒃ ᒪᓕᒍᓐᓇᕐᓯᖁᓪᓗᖓ; ᑕᕝᕙ ᐊᑐᓕᕐᓂᐊᕐᐸᒃᑲ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:73

ᐊᒡᒐᒃᐱᑦ ᓴᓇᓚᐅᕐᐹᖓ ᐋᖅᑭᒃᓱᕐᓗᖓᓗ; ᑐᑭᓯᑎᓚᐅᓐᖓ ᐱᖁᔭᕐᓂᒃ ᐃᓕᑦᓯᔪᓐᓇᖁᓪᓗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:8

ᓯᓚᑐᓂᕐᒥᓄᑦ ᓯᕗᓂᒃᓴᕐᓯᐅᑦᓯᐊᕐᑑᑉ ᐊᖅᑯᑎᒋᔭᓂ ᐅᑦᔨᕐᑐᑦᓯᐊᕐᓗᒍ ᐃᓅᕗᖅ, ᓯᓔᑦᑐᓪᓕ ᐱᓂᐊᕐᓂᖃᕐᐳᑦ ᑕᒻᒪᕐᑎᑦᓯᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:16

ᓯᓚᑐᓂᕐᑖᕐᓂᑦ ᐱᐅᓂᕐᓴᐅᕗᖅ ᒎᓗᒥᒃ ᐱᑖᕐᓂᕐᒥᑦ, ᑐᑭᓯᔪᓐᓇᕐᓯᓂᖅ ᓂᕈᐊᕆᔭᒃᓴᐅᓂᕐᓴᐅᕗᖅ ᓯᐅᓪᕕᕆᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:12

ᓯᐅᑎ ᑐᓵᔪᖅ ᐃᔨᓗ ᑕᐅᑐᒃᑐᖅ, ᐊᑕᓂᐅᑉ ᑕᒪᕐᒥᒃ ᓴᓇᓯᒪᕚᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:11

ᓯᓚᑐᓂᖅ ᐱᐅᕗᖅ ᐱᖁᑎᓂᒃ ᕿᒤᕕᐅᔪᑎᑐᑦ, ᐱᕚᓪᓕᕈᑕᐅᓪᓗᓂᓗ ᓯᕿᓂᕐᒥᒃ ᑕᑯᔪᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:19

ᓯᓚᑐᓂᐅᑉ ᓯᓚᑐᔪᖅ ᓴᓐᖏᔫᑎᑉᐹ, ᓴᓐᖏᓂᕐᓴᐅᓗᓂ ᐊᖓᔪᖅᑳᓂᑦ ᖁᓕᓂᑦ ᐃᒡᓗᒐᓴᒡᔪᐊᓂᒃ ᐊᐅᓚᑦᓯᔨᓂᑦ.

ᔨᕆᒤᐊᐅᑉ ᐊᒡᓚᖏᑦ 1:6

ᑕᕝᕙ ᑭᐅᕙᕋ, “ᑕᑯᒋᑦ ᐊᑕᓃᖅ ᒎᑏ! ᖃᓄᖅ ᐅᖃᓪᓚᒋᐊᒃᓴᖅ ᓇᓗᔪᖓ, ᐅᕕᒃᑲᐅᓗᐊᕋᒪ.”

ᔨᕆᒤᐊᐅᑉ ᐊᒡᓚᖏᑦ 45:5

ᐱᔪᓐᓇᕐᑐᕐᔪᐊᖑᓕᕈᑎᒃᓴᓂᒃ ᕿᓂᕈᕕᑦ, ᕿᓂᕈᓐᓃᕆᑦ ᐊᓯᕈᕐᑕᐅᓇᕐᑐᒥᒃ ᐃᓄᓕᒫᓄᑦ ᑎᑭᑎᑦᓯᓂᐊᕋᒪ, ᐊᑕᓂᖅ ᐅᖃᕐᐳᖅ, ᐃᕝᕕᓪᓕ ᐃᓅᓯᕐᒥᒃ ᑐᓂᓂᐊᕐᐸᒋᑦ ᓇᒧᑐᐃᓐᓇᖅ ᐂᓂᐊᕈᕕᑦ ᐃᓅᑎᑦᓱᒫᕐᐸᒋᑦ.”

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᒫᑎᐅᓯᐅᑉ ᐊᒡᓚᖏᑦ 3:14

ᔪᐊᓇᓯᐅᓪᓕ ᓄᖅᑲᕐᑎᒐᓱᐊᕐᓗᒍ ᐅᖃᐅᑎᕚ, “ᐅᕙᖓ ᐹᑉᑎᑕᐅᔭᕆᐊᖃᕋᓗᐊᕐᐳᖓ ᐃᓕᖕᓄᑦ, ᐃᕝᕕᓪᓕ ᐅᕙᓐᓄᑦ ᕾᖔᕐᐳᑎᑦ!”

ᔪᐊᓇᓯᐅᑉ ᐊᒡᓚᖏᑦ 5:30

“ᐅᕙᓐᓃᓐᓇᖅ ᐱᔪᓐᓇᕐᓂᓐᓄᑦ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᓐᖏᓚᖓ; ᒎᑎᒥᑦ ᑐᓴᕐᑕᒃᑲ ᒪᓕᒃᓗᒋᑦ ᐃᖅᑲᕐᑐᐃᕗᖓ; ᑍᒤᒻᒪᑦ ᐃᖅᑲᕐᑐᐃᓂᕋ ᐊᑦᔨᒌᒃᑎᑦᓯᕗᖅ, ᓇᖕᒥᓂᖅ ᐱᔪᒪᔭᓐᓂᒃ ᐱᓇᓱᐊᖏᓐᓇᒪ ᑎᓕᔨᒪᓕ ᐱᔪᒪᔭᖓᓂᒃ ᐱᓇᓱᐊᕐᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:16

ᐊᓯᐅᔪᒫᕐᑐᓄᑦ ᒪᒪᖏᑦᑐᑎᑐᑦ ᑐᖁᓐᓇᕐᑐᑎᑐᑦ ᑍᒤᑉᐳᒍᑦ; ᐱᐅᓕᔭᐅᓯᒪᔪᓄᑦ ᑎᐱᑦᓯᐊᕆᒃᑐᑎᑐᑦ ᐃᓅᓯᕐᑖᕐᑎᑦᓯᔪᑎᑐᑦ ᑍᒤᑉᐳᒍᑦ. ᑭᓇᓕ ᑍᒪ ᑍᒤᑦᑐᒥᒃ ᐱᓇᓱᐊᕐᓂᕐᒥᒃ ᐱᔪᓐᓇᕐᐹ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:5

ᐅᕙᑦᑎᓐᓂᒡᓕ ᓱᓇᒥᒡᓘᓐᓃᑦ ᐱᔪᓐᓇᕐᓂᕋᕐᓗᑕ ᖃᓄᐃᑦᑐᑐᐃᓐᓇᕐᓂᒃ ᑍᒤᓕᑦᔪᑎᖃᓐᖏᓚᒍᑦ; ᐱᔪᓐᓇᕐᑎᑕᐅᓂᕗᓪᓕ ᒎᑎᒥᑦ ᐱᕗᖅ;

ᐃᐱᓯᒥᐅᓄᑦ 5:17

ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.

ᐱᓕᐱᒥᐅᓄᑦ 1:10

ᖃᐅᔨᑦᓯᐊᕈᓐᓇᖁᓪᓗᓯ ᓱᓇ ᐱᐅᓂᕐᐹᖑᖕᒪᖔᑦ, ᑕᕝᕙ ᐸᓯᔭᒃᓴᐅᓂᐊᓐᖏᓚᓯ ᓴᓗᒤᑦᑐᓂᑦ ᐸᓯᔭᒃᓴᐅᓂᕐᒥᓪᓗ ᙭ᔅᑑᓯᐅᑉ ᐅᓪᓗᖓᑕ ᓇᓪᓕᐅᓐᓂᒃᓴᖓᓂ.

ᐄᑉᕈᐃᓄᑦ 5:14

ᐱᕈᕇᕐᓯᒪᓕᕐᑑᓪᓕ ᓂᕿᓪᓚᕇᑦ ᓂᕿᒋᔭᒃᓴᕆᕔᑦ, ᐱᓇᓱᐊᕐᓂᕆᓯᒪᔭᓂ ᖃᐅᔨᔪᓐᓇᕐᓯᑦᔪᑎᒋᓗᓂᒋᑦ ᐱᐅᔪᒥᒃ ᐱᐅᖏᑦᑐᒥᒡᓗ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.