ᐊᑕᓃᑦ ᓯᕗᓪᓖᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓲᓗᒨᓂ ᑭᐅᕗᖅ “ᓇᒡᓕᒍᓱᖕᓂᕐᓂᒃ ᐊᖏᔪᒥᒃ ᓱᖁᓯᔪᐃᑦᑐᒥᒃ ᐱᔨᖕᓄᑦ ᐊᑖᑕᓐᓄᑦ ᑍᕕᑎᒧᑦ ᓴᖅᑭᑎᑦᓯᓯᒪᕗᑎᑦ, ᑖᓐᓇ ᐃᓅᓯᖃᓚᐅᕐᒪᑦ ᐃᓕᖕᓂᒃ ᒪᓕᑦᓯᐊᕐᓱᓂ, ᐃᓱᐊᕐᑐᓕᓂᕐᒥ, ᑲᔪᓯᑦᓯᐊᕐᓗᓂᓗ ᐆᒻᒪᑎᒥᒍᑦ ᐃᓕᖕᓄᑦ; ᓇᓗᓁᕐᓯᕕᒋᓯᒪᒐᕕᐅᒡᓗ ᐊᖏᔪᐊᓗᖕᒥᒃ ᓇᒡᓕᖕᓂᕐᓂᒃ ᓱᕐᕋᔪᐃᑦᑐᒥᒃ, ᐃᕐᓂᕐᑖᕐᑎᓪᓗᒍ ᐊᖓᔪᖅᑳᕐᔪᐊᖑᕕᖓᓂ ᐃᒃᓯᕙᓂᐊᕐᑐᒥᒃ ᐅᓪᓗᒥ ᐊᑐᓕᕐᑐᒥᒃ.

ᐊᑕᓃᑦ ᓯᕗᓪᓖᑦ 3:6 Iomraidhean Croise

ᒨᓯᓯ ᓯᕗᓪᓖᑦ 24:40

ᑖᑦᓱᒪ ᑭᐅᓚᐅᕐᐹᖓ, ‘ᐊᑕᓂᐅᑉ, ᑍᒪᓐᖓᑦ ᒪᓖᓐᓇᕐᑕᒪ, ᐂᖏᓕᖁᑎᓂ ᑎᓕᓂᐊᕐᐹ ᑕᓯᐅᕐᑕᐅᖁᓪᓗᑎᑦ ᐊᖅᑯᑎᖕᓂ; ᐃᕐᓂᕐᒪᓗ ᓄᓕᐊᒃᓴᖓᓂᒃ ᓇᓂᓯᔪᒫᕐᐳᑎᑦ ᓇᖕᒥᓂᖅ ᐃᓚᒋᔭᓐᓂᑦ, ᐊᑖᑕᒪᓗ ᐃᓚᒋᔭᖏᓐᓂᑦ.

ᓴᒧᐃᓕ ᐂᑉᐸᖏᑦ 22:21

ᐊᑕᓂᐅᑉ ᐊᑭᓕᓚᐅᕐᐹᖓ ᓱᓕᔪᒥᒃ ᐱᓇᓱᐊᕐᓂᕋ ᐱᓪᓗᒍ; ᓮᒻᒪᕐᑎᑉᐹᖓ ᐱᓂᐊᕐᓂᒃᑯᑦ ᐸᓯᔭᒃᓴᐅᖏᓐᓂᕋ ᐱᓪᓗᒍ.

ᓴᒧᐃᓕ ᐂᑉᐸᖏᑦ 22:25

ᑍᒤᒻᒪᑦ ᐊᑭᓕᕐᐹᖓ ᐱᑦᓯᐊᕐᓂᕋ ᒪᓕᒡᓗᒍ, ᖃᐅᔨᒪᒐᒥ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ.

ᓴᒧᐃᓕ ᐂᑉᐸᖏᑦ 7:5

“ᐱᔨᒐ ᑍᕕᑎ ᐅᐸᒡᓗᒍ ᐅᖃᐅᑎᔭᕐᑐᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ: ᐃᒡᓗᒥᒃ ᐃᓂᒃᓴᓐᓂᒃ ᓴᓇᔪᒪᕖᑦ?

ᐊᑕᓃᑦ ᓯᕗᓪᓖᑦ 1:48

ᐊᖓᔪᖅᑲᕐᔪᐊᕐᓗ ᐅᖃᕐᕆᓪᓗᓂ, ‘ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᐅᓪᓗᒥ ᕿᑐᕐᖓᒪ ᐃᓚᖓᓐᓂᒃ ᐃᖏᑎᑦᓯᖕᒪᑦ ᐃᒃᓯᕙᐅᑕᕐᔪᐊᓐᓂ, ᓇᖕᒥᓂᕐᓗ ᑕᑯᓪᓗᒍ.’”

ᐊᑕᓃᑦ ᓯᕗᓪᓖᑦ 15:5

ᑍᕕᑎ ᐊᑕᓂᐅᑉ ᓈᒻᒪᒋᔭᖓᓂᒃ ᐃᓅᓚᐅᕐᓂᖓᓄᑦ, ᕿᒤᓚᐅᕋᓂᓗ ᐊᑕᓂᐅᑉ ᐱᖁᔭᖏᓐᓂᒃ ᑕᒤᓐᓂᒃ ᐃᓅᓯᓕᒫᒥᓂ, ᑭᓯᐊᓂ ᐃᓱᐊᖏᑦᔪᑎᑐᐊᖃᓚᐅᕐᐳᖅ ᔪᕅᐊᒥᒃ ᕼᐃᑍᑎᒥᐅᑕᕐᒥᒃ.

ᐊᑕᓃᑦ ᓯᕗᓪᓖᑦ 2:4

ᐊᑕᓂᐅᑉ ᑕᕝᕙ ᑲᔪᓯᑎᓐᓂᐊᕐᐹ ᐅᖃᐅᓯᓂ ᐅᖃᐅᓯᕆᓚᐅᕐᑕᓂ ᐅᕙᓐᓄᑦ, ᐅᖃᓚᐅᕐᒪᑦ, ‘ᑭᖑᕚᑎᑦ ᐱᐅᓯᕐᒥᖕᓂᒃ ᑲᒪᑦᓯᐊᕐᐸᑕ, ᐅᕙᓐᓄᓪᓗ ᓱᖁᓯᔪᐃᑦᑐᒥᒃ ᐃᓅᓗᑎᒃ ᐆᒻᒪᑎᒥᖕᓄᑦ ᐃᓗᐃᑦᑐᒧᑦ ᑕᕐᓂᕐᒥᖕᓄᓪᓗ ᐃᓗᐃᑦᑐᒧᑦ, ᑕᕝᕙ ᐃᓕᖕᓂᒃ ᓇᓪᓕᐊᑦ ᑕᒪᐅᖎᓐᓈᕐᑎᑦᓯᓂᐊᓐᖏᓚᖅ ᑭᖑᕝᕕᐅᑎᓗᓂ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ.’

ᐊᑕᓃᑦ ᓯᕗᓪᓖᑦ 3:14

ᓈᓔᓐᓇᕈᕕᖓ ᐊᑐᕐᑕᐅᖁᔭᒃᑲᓗ ᐱᖁᔭᒃᑲᓗ ᒪᓕᒃᑯᕕᒋᑦ, ᐊᑖᑕᒃᑐᑦ ᑍᕕᑎᑐᑦ, ᑕᕝᕙ ᐅᓪᓗᑎᑦ ᐅᓄᕐᓯᒋᐊᕐᑎᓐᓂᐊᕐᐸᒃᑲ.”

ᐊᑕᓃᑦ ᓯᕗᓪᓖᑦ 9:4

ᓱᓕᑦᓯᐊᕐᓗᑎᑦ ᒪᓕᑦᓯᐊᕐᓗᑎᓪᓗ ᐅᕙᓐᓂᒃ ᐱᔨᑦᓯᕐᓂᐊᕈᕕᑦ ᐊᑖᑕᒃᑐᑦ ᑍᕕᑎᑐᑦ, ᐱᖁᔭᒃᑲᓗ ᓈᓚᒃᑯᕕᒋᑦ ᒪᓕᒃᑕᐅᖁᔭᒃᑲᓗ ᐃᓕᖕᓄᑦ ᒪᓕᑦᓯᐊᕈᕕᒋᑦ,

ᐊᑕᓃᑦ ᐂᑉᐸᖏᑦ 20:3

“ᐊᑕᓃᖅ ᐃᖅᑲᐅᒪᒋᑦ, ᓱᕐᕋᔪᐃᑦᑑᓪᓗᖓ ᐱᔨᑦᓯᓚᐅᕋᒃᑭᑦ ᐅᐱᒋᑦᓯᐊᕐᓗᑎᑦ, ᑍᒪᓐᖓᓕᒫᕐᓗ ᐱᔪᒪᔧᑦ ᒪᓕᑦᓯᐊᕋᓱᖏᓐᓇᓚᐅᕋᑯ.” ᑕᕝᕙ ᕼᐃᓯᑬᐊ ᐊᖏᔪᒥᒃ ᕿᐊᓕᕐᐳᖅ.

ᑯᕉᓂᑲ ᐂᑉᐸᖏᑦ 1:8

ᓲᓗᒨᓂᐅᓪᓗ ᒎᑎ ᐅᖃᐅᑎᕚ, “ᓈᒃᑭᒍᓱᕕᒡᔪᐊᕐᓯᒪᒐᕕᑦ ᓇᒡᓕᒍᓱᒃᓗᑎᓪᓗ ᐊᑖᑕᓐᓂᒃ ᑍᕕᑎᒥᒃ, ᐊᖓᔪᖅᑳᕐᔪᐊᓐᖑᕐᑎᓯᒪᕙᕐᒪᓗ ᑖᑦᓱᒥᖓ ᐃᓇᖐᑎᓪᓗᖓ.

ᐃᓐᖏᕈᑎᑦ 116:7

ᑕᕐᓃᒃ ᑕᕾᕐᓯᕐᕕᖕᓄᑦ ᐅᑎᕆᑦ; ᐊᑕᓂᐅᑉ ᐊᖏᔪᐊᓗᖕᒥᑦ ᐱᑦᓯᐊᕐᕕᒋᓯᒪᖕᒪᑎᑦ.

ᐃᓐᖏᕈᑎᑦ 119:17

ᐱᔩᑦ ᓇᔪᕐᓗᒍ ᐱᑦᓯᐊᕐᕕᒋᒍᒃ, ᐃᓅᖁᓪᓗᖓ, ᒪᓕᑦᓯᐊᖁᓪᓗᖓᓗ ᐅᖃᐅᓯᕐᓂᒃ.

ᐃᓐᖏᕈᑎᑦ 13:6

ᐊᑕᓂᖅ ᐃᓐᖏᕐᕕᒋᔪᒪᕙᕋ, ᐅᕙᓐᓄᑦ ᐱᑦᓯᐊᕐᓯᒪᖕᒪᑦ ᐊᖏᔪᒥᒃ.

ᐃᓐᖏᕈᑎᑦ 15:2

ᐃᓱᐊᕐᑐᒥᒃ ᐃᓅᔪᖅ, ᐱᓂᐊᕐᓂᖃᕐᑐᕐᓗ ᐃᓱᐊᕐᑐᒥᒃ, ᓱᓕᔪᓂᒡᓗ ᐅᖃᐅᓯᖃᕐᑐᖅ ᐆᒻᒪᑎᒥᓂᑦ;

ᒨᓯᓯ ᓯᑕᒪᖏᑦ 12:7

ᒨᓯᓯᒧᓪᓕ ᐱᔨᓐᓄᑦ ᑍᒤᓕᐅᕐᐸᓐᖏᓚᖓ; ᑖᓐᓇ ᓱᖁᓯᔪᐃᑦᑑᖕᒪᑦ ᐃᒡᓗᓐᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:11

ᐊᔪᕐᓴᕐᑎᑕᐅᓂᐊᓐᖏᓚᓯ ᑕᒤᑎᒍᑦ ᐊᓐᓂᕈᓱᒐᓯ ᑐᓂᓯᔪᓐᓇᖁᓪᓗᓯ, ᐅᕙᑦᑎᒍᓪᓗ ᒎᑎᒧᑦ ᖁᔭᓕᑦᔪᑕᐅᓂᐊᕐᐳᓯ ᐊᓐᓂᕈᓱᒐᓯ ᑐᓂᓯᓂᑦᓯᓐᓄᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:5

ᑍᒤᒻᒪᑦ ᐱᔭᕆᐊᖃᕋᓱᒋᓚᐅᕋᒃᑯ ᙭ᔅᑑᓯᒥᐅᑕᐅᖃᑎᕗᑦ ᐃᓕᑦᓯᓐᓄᐊᖁᓪᓗᒋᑦ ᓯᕗᓂᑦᑎᓐᓂ, ᐱᔭᕇᕐᓯᑦᓯᐊᖁᓪᓗᒋᑦ ᑐᓂᕐᕈᑎᓂᒃ ᐃᑲᔫᑎᒃᓴᓂᒃ ᑐᓂᓂᐊᕐᓂᕋᓚᐅᕐᑕᑦᓯᓐᓂᒃ, ᐊᑐᐃᓐᓇᐅᑦᓯᐊᕐᑐᒧᑦ ᑎᑭᖁᓪᓗᖓ ᑐᓂᓯᔭᕆᐊᖃᕐᓂᕐᒨᖏᑦᑐᖅ ᐃᑲᔪᕈᒪᓂᕐᒧᓪᓕ ᑐᓂᔭᑦᓯᓐᓄᑦ.