ᐊᑕᓃᑦ ᓯᕗᓪᓖᑦ 20:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐱᓐ-ᕼᐊᑖᑦ ᐅᓇᑕᕐᑎᖁᑎᓕᒫᒥᓂᒃ ᑲᑎᕐᓱᐃᕗᖅ, ᐊᖓᔪᖅᑳᕐᔪᐊᓪᓗ 32 ᐃᓚᒋᕔᑦ, ᕿᒻᒥᕐᔪᐊᖏᓪᓗ ᐅᓇᑕᐅᑎᖏᓪᓗ ᐊᒃᓴᓗᐊᓖᑦ; ᒪᔪᐊᕋᒥᓗ ᐅᓇᑕᕆᐊᕐᐳᖅ ᓴᒥᐊᕆᐊᓗ ᓵᓚᒋᓪᓗᒍ.

ᐊᑕᓃᑦ ᓯᕗᓪᓖᑦ 20:1 Iomraidhean Croise

ᐊᑕᓃᑦ ᓯᕗᓪᓖᑦ 15:18

ᐋᓴᐅᑉ ᓯᐅᓪᕕᕇᑦ ᒎᓗᐃᓪᓗ ᑎᒍᓪᓗᒋᑦ ᐊᑕᓂᐅᑉ ᐃᒡᓗᖓᓂᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᑦ, ᐱᔨᒥᓄᑦ ᑐᓂᕔᑦ; ᐊᖓᔪᖅᑳᕐᔪᐊᓪᓗ ᐂᓴᐅᑉ ᐊᐅᓪᓚᕐᑎᑉᐰᑦ ᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐱᓐ-ᕼᐊᑖᑦᒧᑦ ᑕᐳᕆᒫᓐ ᐃᕐᓂᖓᓄᑦ, ᕼᐃᔨᐊᓐ ᐃᕐᖑᑕᖓᓄᑦ, ᑕᒫᓯᑰᓯᒥ ᓄᓇᖃᕐᑐᒧᑦ, ᐅᖃᐅᑎᓪᓗᒍᓗ,

ᐊᑕᓃᑦ ᓯᕗᓪᓖᑦ 15:20

ᐊᖓᔪᖅᑳᕐᔪᐊᖅ ᐱᓐ-ᕼᐊᑖᑦ ᐊᖏᕐᐳᖅ ᐋᓴᐅᑉ ᐱᔪᒪᔭᖓᓂᒃ, ᐅᓇᑕᕐᑐᒃᓴᖁᑎᓂᓗ ᑎᓕᕔᑦ ᐅᓇᑕᕆᐊᖁᓪᓗᒋᑦ ᐃᓴᕆᐊᓕᒥᐅᑦ ᐃᒡᓗᒐᓴᖏᓐᓄᑦ, ᓵᓚᒋᕔᓪᓗ ᐃᔮᓐ, ᑖᓐ, ᐊᐱᐅᓪ-ᐱᑦ-ᒫᑲ, ᓯᓂᕆᑎᐅᓪᓗ ᑕᓯᖓᑕ ᖃᓂᒋᔭᖓᓃᑦᑐᑦ, ᓈᑉᑕᓕᐅᓪᓗ ᓄᓇᓕᒫᖓ.

ᐊᑕᓃᑦ ᓯᕗᓪᓖᑦ 16:24

ᓴᒥᐊᕆᐊᒥᐅᑦ ᖃᖅᑲᖓᓂᒃ ᓂᐅᕕᕐᐳᖅ ᓯᒥᕆᒥᑦ ᓯᐅᓪᕕᕆᓄᑦ ᑖᓚᓐᑏᖕᓄᑦ ᒪᕐᕉᖕᓄᑦ, ᖃᖅᑲᐅᓪᓗ ᖄᖓ ᓴᐴᓗᑕᓕᐅᕐᐹ, ᐃᒡᓗᒐᓮᓪᓗ ᑍᕔᑦ ᓴᓇᔭᓂ, ᓴᒥᐊᕆᐊᒥᒃ, ᑍᒫᒃ ᐊᑎᖃᕐᑎᑉᐹ ᓯᒧᕐ ᐱᓪᓗᒍ, ᓇᖕᒥᓂᖃᓚᐅᕐᒪᑦ ᖃᖅᑲᒥᒃ.

ᐊᑕᓃᑦ ᓯᕗᓪᓖᑦ 20:16

ᐊᐅᓪᓚᕐᐳᓪᓗ ᐅᓪᓗᖅ ᕿᑎᕋᓕᕐᑎᓪᓗᒍ, ᑍᒤᓕᐅᕐᑎᓪᓗᒋᑦ ᐱᓐ-ᕼᐊᑖᑎᒃᑯᑦ ᐊᖓᔪᖅᑳᕐᔪᐊᓪᓗ 32ᖑᔪᑦ ᐃᒥᖃᑎᒌᒃᐳᑦ ᐋᖓᔮᓕᕐᓗᑎᒃ ᓇᔪᕐᑕᒥᓂ ᐊᖓᔪᖅᑲᐅᕕᖕᒥᓂ.

ᐊᑕᓃᑦ ᓯᕗᓪᓖᑦ 20:2

ᐅᖃᕆᐊᕐᑐᕐᑎᑦᓯᕗᓪᓗ ᐃᒡᓗᒐᓴᖕᓄᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ ᐂᕼᐊᑉᒧᑦ, ᐅᖃᐅᑎᓪᓗᒍ, “ᐱᓐ-ᕼᐊᑖᑎ ᐃᒫᒃ ᐅᖃᕐᒪᑦ:

ᐊᑕᓃᑦ ᓯᕗᓪᓖᑦ 20:24

ᐃᒤᓕᐅᓚᐅᕆᑦ, ᐊᖓᔪᖅᑳᕐᔪᐊᑦ ᓄᖅᑲᕐᑎᓚᐅᒃᑭᑦ ᐃᓂᒋᔭᖏᓐᓂᑦ, ᑭᖑᕝᕕᖔᕐᓗᒋᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᓂᒃ,

ᐊᑕᓃᑦ ᓯᕗᓪᓖᑦ 22:31

ᓯᕆᐊᒥᐅᓪᓕ ᐊᖓᔪᖅᑳᕐᔪᐊᖓ ᐱᖁᔨᓚᐅᕐᐳᖅ ᐊᖓᔪᖅᑲᐅᔪᓂᒃ 32ᓂᒃ ᐅᓇᑕᐅᑎᓕᖕᓂᒃ ᐊᒃᓴᓗᐊᓕᖕᓂᒃ, ᐅᖃᐅᑎᓪᓗᒋᑦ, “ᑐᖁᑦᓯᓇᓱᒃᑍᓕᒋᑦᓯ ᒥᑭᔪᓂᒃ ᐊᖏᔪᓂᒡᓗ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓂᒃ ᑭᓯᐊᓂ ᐱᓇᓱᖕᓂᐊᕐᐳᓯ.”

ᐊᑕᓃᑦ ᐂᑉᐸᖏᑦ 6:8

ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐅᓇᑕᕐᓂᕐᔪᐊᖃᕐᑎᓪᓗᒍ ᐃᓴᕆᐊᓕᒥᐅᓂᒃ, ᐅᓇᑕᕐᑎᖁᑎᒥᓄᑦ ᐊᖓᔪᖅᑳᑦ ᐃᓱᒪᓯᐅᖃᑎᒋᓚᐅᕐᓗᓂᒋᑦ ᐃᓂᒋᔪᒪᔭᒥᖕᓄᑦ ᑕᖕᒫᕐᑎᕐᐳᑦ.

ᐊᑕᓃᑦ ᐂᑉᐸᖏᑦ 8:5

ᒋᕼᐊᔨᐅᑉ ᐊᖓᔪᖅᑳᕐᔪᐊᖅ ᐅᓂᒃᑲᐅᑎᕚ, ᐃᓔᓴᐅᑉ ᑐᖁᖓᔪᓂᒃ ᐅᒻᒫᕐᑎᑦᓯᖃᑦᑕᕐᓯᒪᓂᖓᓂᒃ ᑖᑦᓱᒪᓗ ᐊᕐᓇᐅᑉ ᓄᓇᖁᑎᒥᓂᒃ ᐃᒡᓗᒥᓂᒡᓗ ᐅᑎᕐᑎᑦᓯᕕᐅᔪᒪᓪᓗᓂ ᐊᖓᔪᖅᑳᕐᔪᐊᕐᒧᐊᕐᑑᑉ ᐃᕐᓂᖓᓂᒃ ᐆᒻᒪᕐᑎᑦᓯᓚᐅᕐᓯᒪᓂᖓᓂᒃ. ᒋᕼᐊᔨᐅᑉ ᐅᖃᐅᑎᕚ, “ᑖᓐᓇ ᑕᕝᕙ ᐊᕐᓇᖅ ᐊᑕᓃᖅ ᐊᖓᔪᖅᑳᕐᔪᐊᖅ, ᐅᓇ ᑕᕝᕙ ᐃᕐᓂᖓ ᐃᓔᓴᐅᑉ ᐆᒻᒪᕐᑎᓚᐅᕐᓯᒪᔭᖓ.”

ᐄᓱᕋᐅᑉ ᐊᒡᓚᖏᑦ 7:12

“ᐊᖓᔪᖅᑳᕐᔪᐊᒥᑦ ᐋᕐᑕᔮᒃᓯᒥᑦ ᐊᖓᔪᖅᑳᕐᔪᐊᒥᑦ ᐊᖓᔪᖅᑳᕐᔪᐊᓄᑦ, ᑐᓂᕐᕈᓯᕐᑎᑦᓯᔨᒧᑦ ᐄᓱᕋᒧᑦ, ᒎᑎᐅᑉ ᕿᓚᖕᒦᑦᑑᑉ ᐱᖁᔭᖏᓐᓂᒃ ᐃᓕᓯᒪᔪᒧᑦ. ᓮᒪᓂᒻᒪᕆᐅᑉ ᐃᓚᒋᓕᓯ.

ᒨᓯᓯ ᐂᑉᐸᖏᑦ 14:7

ᐊᐅᓪᓚᕐᐳᓪᓗ ᕿᒧᒃᓯᐅᑎᓕᒫᓂ ᐊᑐᕐᓗᓂᒋᑦ ᕿᒧᒃᓯᐅᑎᓪᓗ 600 ᕿᒧᒃᓯᐅᑎᑦᓯᐊᕙᐅᓂᕐᐹᑦ ᐄᑦᔨᑉᑎᒥ ᐱᖃᓯᐅᑎᓪᓗᓂᒋᑦ ᐊᖓᔪᖅᑳᖁᑎᖏᓐᓄᑦ ᐊᐅᓚᑕᐅᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 10:8

ᐃᒫᒃ ᐅᖃᓚᐅᕐᐳᖅ, “ᐊᖓᔪᖅᑳᖁᑎᓕᒫᒃᑲ ᐊᖓᔪᖅᑳᕐᔪᐊᖑᓐᖏᓛᑦ?

ᐂᓮᐊᓯᐅᑉ ᐊᒡᓚᖏᑦ 37:24

ᐱᔨᑎᑦ ᑎᓕᓚᐅᕋᕕᒋᑦ ᒥᑕᐅᑎᖃᕐᑎᓚᐅᕐᐸᑎᑦ ᐊᑕᓂᕐᒥᒃ, ᐅᖃᓚᐅᕐᐳᑎᓪᓗ, ᕿᒻᒥᕐᔪᐊᑦ ᐊᒃᓴᓗᐊᓕᖏᓐᓄᑦ ᖃᖅᑬᑦ ᖄᖏᓐᓄᑦ ᒪᔪᓚᐅᕐᐳᖓ, ᓕᐸᓇᓂᐅᑉ ᐳᕐᑐᓂᖏᑎᑐᑦ, ᓇᐹᕐᑐᖏᑕ ᑕᑭᓂᖏᓐᓂᒃ ᓰᑕᕆᓂᒃ ᓇᑲᑎᕆᓚᐅᕐᐳᖓ, ᓇᐹᕐᑐᕆᖕᓂᕐᐹᓂᒃ ᑎᑭᐅᑎᓯᒪᕗᖓ, ᖁᓪᓕᕐᐹᓄᑦ ᓇᐹᕐᑐᑦ ᖁᑦᓯᖕᓂᕐᐹᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 49:27

ᑕᒫᓯᑰᓯᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᑦᓱᒫᕐᐸᕋ, ᐱᓐ-ᕼᐊᑖᓪᓗ ᐃᒡᓗᕐᔪᐊᖓ ᐃᑯᐊᓚᔪᒧᑦ ᓄᖑᑕᐅᔪᒫᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 26:7

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᑍᕆ ᑎᑭᕝᕕᐅᑎᑦᓱᒫᕐᐸᕋ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒧᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᕐᔪᐊᖑᔪᒧᑦ ᐊᖓᔪᖅᑳᕐᔪᐊᓄᑦ, ᐅᓇᑕᕐᑎᖁᑎᖃᕐᓗᓂ ᐅᓄᕐᑐᕐᔪᐊᓂᒃ ᕿᒻᒥᕐᔪᐊᖃᕐᑐᓂᒃ, ᕿᒧᒃᓯᐅᑎᓂᒡᓗ ᐊᒃᓴᓗᐊᓕᖕᓂᒃ, ᕿᒻᒥᕐᔪᐊᒃᑰᕐᑐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 2:37

ᐃᕝᕕᑦ ᐊᖓᔪᖅᑳᕐᔪᐊᖅ, ᐊᖓᔪᖅᑳᕐᔪᐊᖑᕗᑎᑦ ᐊᖓᔪᖅᑳᕐᔪᐊᓕᒫᓄᑦ, ᒎᑎᐅᑉ ᕿᓚᖕᒦᑦᑑᑉ ᑐᓂᓯᕕᒋᖕᒪᑎᑦ ᐊᖓᔪᖅᑲᐅᕕᖕᒥᒃ, ᐱᔪᓐᓇᕐᓂᕐᒥᒡᓗ ᐊᔪᖏᓐᓂᕐᒥᒡᓗ ᐅᐱᒋᔭᐅᓂᕐᒥᒡᓗ.

ᒨᓯᓯ ᐱᖓᔪᖏᑦ 26:25

ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᐂᒨᓯᐅᑉ ᐊᒡᓚᖏᑦ 1:4

ᐃᑯᐊᓪᓚᒃᑎᓐᓂᐊᕐᐸᕋ ᕼᐊᔧᐅᓕᐅᑉ ᐃᒡᓗᖓ, ᐊᖓᔪᖅᑳᕐᔪᐊᑉ ᐱᓐ-ᕼᐊᑖᑎᐅᑉ ᕿᒫᕕᖓ ᑕᒪᑐᒧᖓ ᓄᖑᑕᐅᓂᐊᕐᐳᖅ.

ᒨᓯᓯ ᑕᓪᓕᒪᖏᑦ 20:1

“ᐅᓇᑕᕆᐊᕐᓂᐊᓕᕈᑦᓯ ᐊᑭᕋᑦᓯᓐᓄᑦ, ᑕᑯᓕᕈᑦᓯᐅᒡᓗ ᕿᒧᒃᓯᐅᑎᖃᕐᑐᑦ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᓗᑎᒡᓗ ᐅᓇᑕᕐᑐᒃᓴᖃᕐᓗᑎᒡᓗ ᐃᓕᑦᓯᓐᓂᑦ ᐅᓄᕐᓂᕐᓴᓂᒃ, ᓯᕘᕋᒋᔭᒃᓴᕆᓐᖏᓚᓯ; ᐊᑕᓂᐅᑉ ᒎᑎᑦᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑑᑉ ᐄᑦᔨᑉᑎᒥᑦ, ᑖᑦᓱᒪ ᐃᓚᒋᓂᐊᕐᒪᓯ.

ᒨᓯᓯ ᑕᓪᓕᒪᖏᑦ 28:52

ᓄᓇᓕᓕᒫᑦᓯᐊᑦ ᐊᑕᓂᐅᑉ ᒎᑎᑦᓯ ᑐᓂᓯᒪᔭᓕᒫᖏᑦ ᐅᓇᑕᕆᐊᕈᒫᕐᐰᑦ, ᐊᕙᓗᕐᔪᐊᖅ ᐳᕐᑐᔪᖅ, ᐊᑦᑕᕐᓇᖏᑦᑐᕐᓗ ᓱᕋᒃᑕᐅᔪᓐᓇᕋᓱᒋᓐᖏᑕᓯ ᐅᕐᕈᔪᒫᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 1:7

ᐊᑐᓁ-ᐱᔨᒃᓗ ᐅᖃᕐᐳᖅ, “ᐊᖓᔪᖅᑳᕐᔪᐊᑦ 70 ᑯᓪᓗᖏᑦ ᐳᑐᒍᖏᓪᓗ ᓇᑲᓯᒪᔪᑦ ᐳᑯᖃᑦᑕᓚᐅᕐᐳᑦ ᑲᑕᒐᕐᓂᕐᓗᑯᓂᒃ ᓂᕆᕕᖕᒪ ᐊᑖᓂᑦ ᓂᕆᓂᕐᓗᑯᓂᒃ. ᑍᒤᒻᒪᑦ ᒎᑎᐅᑉ ᐱᓂᐊᕐᓂᕕᓂᓐᓄᑦ ᑍᒃᑯᓄᖓ ᐊᑭᓂᐊᕐᕕᒋᕚᖓ.” ᑕᕝᕙ ᔨᕉᓴᓕᒧᐊᕈᑎᕚᑦ, ᑕᕝᕙᓂᓗ ᑐᖁᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 4:3

ᐃᓴᕆᐊᓕᐅᑦ ᐃᓄᖏᑦ ᐃᓗᖏᕐᓱᓕᓚᐅᕐᐳᑦ ᓂᓪᓕᐊᓪᓗᑎᒃ ᐊᑕᓂᕐᒧᑦ ᐃᑲᔪᕐᑕᐅᔪᒪᓪᓗᑎᒃ; ᔮᐱᓐ ᐱᖃᓚᐅᕐᒪᑦ 900ᓂᒃ ᓴᕕᕋᔭᖕᓂᒃ ᕿᒧᒃᓯᐅᑎᓄᑦ ᐅᓂᐊᕐᑕᐅᓲᓂᒃ ᐊᒃᓴᓗᐊᓕᖕᓂᒃ, ᑲᑉᐱᐊᓱᒃᑎᑦᓯᓪᓗᓂᓗ ᐃᓴᕆᐊᓕᒥᐅᑦ ᐃᓄᖏᓐᓂᒃ ᐊᕐᕌᒍᓂᒃ 20ᓂᒃ ᓂᑲᒋᓇᒋᑦ.

ᓴᒧᐃᓕ ᓯᕗᓪᓖᑦ 13:5

ᐱᓕᔅᑍᓂᒥᐅᓪᓗ ᑲᑎᕗᑦ ᐃᓴᕆᐊᓕᒥᐅᓂᒃ ᐅᓇᑕᕆᐊᕈᒪᓪᓗᑎᒃ, 30,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, 6,000ᓂᒡᓗ ᕿᒻᒥᕐᔪᐊᒦᑦᑐᓂᒃ, ᐅᓇᑕᕐᑐᒃᓮᓪᓗ ᐅᓄᕐᑐᕐᔪᐊᑦ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ ᒥᒃᒫᔅᒧᐊᕐᐳᑦ, ᐱᑦᐂᕕᓐ ᓴᓂᐊᓃᑦᑐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᑍᑯᖓᓗ ᑕᖕᒫᕐᐳᑦ.