ᐊᑕᓃᑦ ᓯᕗᓪᓖᑦ 2:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᓄᓇᒥᐅᑍᑦ ᐱᐅᓯᖏᑎᑐᑦ ᑐᖁᔭᕆᐊᑭᒡᓕᒐᒪ. ᓴᓐᖏᔫᓕᕆᑦ, ᐊᖑᑎᒻᒪᕆᐅᓂᕐᓂᒃ ᑕᑯᒃᓴᐅᑎᑦᓯᓗᑎᑦ.

ᐊᑕᓃᑦ ᓯᕗᓪᓖᑦ 2:2 Iomraidhean Croise

ᓴᒧᐃᓕ ᐂᑉᐸᖏᑦ 10:12

ᓲᖑᓂᖃᑦᓯᐊᕆᑦ ᓯᕘᕋᖏᓪᓗᑎᑦ, ᐅᓇᑕᓚᐅᕐᑕ ᐊᒃᓱᕈᕐᓗᑕ ᐃᓄᖁᑎᕗᑦ ᐱᓪᓗᒋᑦ, ᒎᑎᐅᓪᓗ ᐃᒡᓗᒐᓴᖁᑎᖏᑦ; ᐊᑕᓂᕐᓗ ᐱᔪᒪᔭᓂ ᒪᓕᒡᓗᒍ ᐱᓂᐊᓚᐅᕐᓕ.”

ᓴᒧᐃᓕ ᐂᑉᐸᖏᑦ 12:23

ᒫᓐᓇᓕ ᑐᖁᖕᒪᑦ; ᓱᖕᒪᓕ ᓂᕆᑦᑍᓕᔪᒃᓴᐅᕗᖔ? ᓄᑕᕋᑯᓗᒃ ᐃᓅᓕᕐᑎᒃᑲᓐᓂᕈᓐᓇᕐᐸᕌ? ᐅᓪᓗᐃᑦ ᐃᓚᖓᓂ ᓇᔪᕐᑕᖓᓄᐊᓛᕐᐳᖓ, ᑭᓯᐊᓂᓕ ᐅᕙᓐᓄᑦ ᐅᑎᕐᓂᐊᕈᓐᓃᕐᐳᖅ.”

ᐊᑕᓃᑦ ᓯᕗᓪᓖᑦ 3:7

ᒫᓐᓇᓕ, ᐊᑕᓃᖅ ᒎᑎᒐ, ᐱᔪᓐᓇᕐᑎᓯᒪᒐᕕᖓ ᐊᖓᔪᖅᑳᕐᔪᐊᖑᖁᓪᓗᖓ ᐊᑖᑕᒪ ᑍᕕᑎᐅᑉ ᐃᓂᖓᓂ, ᐃᓅᓱᒃᑑᓗᐊᕋᓗᐊᕐᑎᓪᓗᖓ; ᖃᐅᔨᒪᓇᖓᓗ ᐊᐅᓚᑦᓯᔭᕆᐊᒃᓴᖅ ᖃᓄᖅ ᐊᓂᒋᐊᒥᒃ ᖃᓄᕐᓗ ᐃᑎᕆᐊᒥᒃ.

ᑯᕉᓂᑲ ᓯᕗᓪᓖᑦ 22:13

ᑕᕝᕙ ᐱᕙᓪᓕᐊᓕᕈᒫᕐᐳᑎᑦ ᒪᓕᑦᓯᐊᕈᕕᑦ ᐊᑕᓂᐅᑉ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᒨᓯᓯᒧᑦ ᑐᓂᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ. ᓲᖑᑦᓯᐊᕆᑦ, ᓯᕘᕋᖏᓪᓗᑎᓪᓗ. ᑲᑉᐱᐊᓱᖏᓪᓗᑎᑦ; ᓴᐱᕐᑍᓕᒋᑦ.

ᑯᕉᓂᑲ ᓯᕗᓪᓖᑦ 22:16

ᒎᓗᓂᒃ ᓯᐅᓪᕕᕆᓂᒃ ᑲᓐᓄᔭᓂᒃ ᓴᕕᕋᔭᖕᓂᒡᓗ. ᒪᑭᓪᓗᑎᑦ ᐱᓇᓱᐊᓕᕆᑦ! ᐊᑕᓂᐅᑉ ᐃᓚᒋᓕᑎᑦ!”

ᑯᕉᓂᑲ ᓯᕗᓪᓖᑦ 28:10

ᐃᓱᒪᒃᓴᕐᓯᐅᓕᕆᑦ ᒫᓐᓇ, ᐊᑕᓂᐅᑉ ᓂᕈᐊᕐᓯᒪᖕᒪᑎᑦ ᐃᒡᓗᓕᐅᖁᓪᓗᑎᑦ ᐃᑦᔪᕐᓁᑦᑐᒥᒃ; ᓲᖑᔫᓗᑎᑦ, ᐱᓇᓱᐊᕐᓂᐊᕐᐸᑦ.”

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᔫᐱᐅᑉ ᐊᒡᓚᖏᑦ 16:22

ᐅᓄᖏᑦᑐᓂᒃ ᐊᕐᕌᒍᓂᒃ ᓱᓕ ᐃᓅᓂᐊᕐᐳᖓ, ᑭᖑᕐᖓᒍᓪᓕ ᐊᐅᓪᓚᕈᒫᕐᐳᖓ ᐅᑎᕐᓂᐊᕈᓐᓁᕐᓗᖓ.”

ᔫᐱᐅᑉ ᐊᒡᓚᖏᑦ 30:23

ᖃᐅᔨᒪᔪᖓ ᑐᖁᒧᑦ ᑎᑭᑎᓕᕋᕕᖓ, ᐃᓅᔪᓕᒫᓄᑦ ᑕᒪᓐᓇ ᑐᕌᕐᑕᐅᖕᒪᑦ.

ᐃᓐᖏᕈᑎᑦ 89:48

ᐃᓄᒃ ᖃᓄᐃᒐᔭᕐᐸ ᑐᖁᓂᐊᖏᑦᑑᓗᓂ ᐃᓅᒐᔭᕐᐸᑦ? ᑭᓇ ᑕᕐᓂᕐᒥᓂᒃ ᐱᐅᓕᓯᔪᓐᓇᕐᐹ ᑐᖁᖓᔪᑦ ᐃᓂᖓᓂᑦ? ᓰᓚ

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:13

ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ.

ᐃᐱᓯᒥᐅᓄᑦ 6:10

ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.

ᒨᓯᓯ ᑕᓪᓕᒪᖏᑦ 31:23

ᑕᕝᕙ ᐊᑕᓂᖅ ᔮᓱᐊᒧᑦ ᐅᖃᓕᕐᐳᖅ ᓈᓂᐅᑉ ᐃᕐᓂᖓᓄᑦ ᐅᖃᐅᑎᓪᓗᒍᓗ, “ᓴᓐᖏᔫᓕᕆᑦ ᓯᕘᕋᔪᐃᓪᓗᑎᓪᓗ; ᐃᓴᕆᐊᓕᒥᐅᑦ ᑕᓯᐅᕐᓂᐊᕋᕕᒋᑦ ᓄᓇᒧᑦ ᑖᒃᑯᓄᖓ ᐅᖃᕕᒡᓗᖓ ᐊᖏᕈᑎᒋᓯᒪᔭᓐᓄᑦ; ᐅᕙᖓ ᐱᖃᑎᒋᓂᐊᕐᐸᒋᑦ.”

ᑎᒧᑎᒧᑦ ᓯᕗᓪᓖᑦ 4:12

ᓇᕐᕈᒋᔭᐅᑦᑍᓕᒋᑦ ᐃᓅᒃᓱᒃᑑᓃᑦ ᐱᑦᔪᑎᒋᓗᒍ, ᐅᒃᐱᕐᑐᓄᓪᓕ ᒪᓕᒐᒃᓴᐅᓕᕆᑦ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ, ᓇᒡᓕᖕᓂᒃᑯᑦ, ᐅᒃᐱᕐᓂᒃᑯᓪᓗ, ᐃᓗᐊᕐᑐᓕᓂᒃᑯᓪᓗ.

ᑎᒧᑎᒧᑦ ᐂᑉᐸᖏᑦ 2:1

ᐃᑉᕕᓪᓕ ᐃᕐᓃᒃ ᓴᓐᖏᔫᓕᕆᑦ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᙭ᔅᑑᓯ ᔩᓱᓯᒦᑦᑐᒃᑯᑦ,

ᐄᑉᕈᐃᓄᑦ 9:27

ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ.

ᔮᓱᐊᑉ ᐊᒡᓚᖏᑦ 23:14

“ᑕᑯᒋᑦ, ᐅᓪᓗᒥ ᑐᖁᕕᒃᓴᕋ ᓇᓪᓕᐅᑎᓕᕐᐳᖅ, ᖃᐅᔨᒪᔪᐃᓐᓇᐅᕗᓯ ᐆᒻᒪᑎᑦᓯᒍᑦ ᑕᕐᓂᑦᓯᒍᓪᓗ, ᐊᑕᓂᐅᑉ ᒎᑎᑦᓯ ᑐᓂᓚᐅᕐᒪᓯ ᐱᐅᔪᓂᒃ ᐊᖏᕈᑎᒋᓚᐅᕐᑕᓕᒫᒥᓂᒃ ᐃᓕᑦᓯᓐᓄᑦ; ᐊᖏᕈᑎᒋᓚᐅᕐᑕᓕᒫᓂ ᐃᓕᑦᓯᓐᓄᑦ ᑲᔪᓯᑎᓚᐅᕐᒪᒋᑦ; ᐊᑕᐅᓯᕐᒥᒡᓘᓐᓃᑦ ᐊᑐᖏᑦᑑᑎᑦᓯᓚᐅᖏᓚᖅ.