ᐊᑕᓃᑦ ᓯᕗᓪᓖᑦ 19:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐂᕼᐊᐱᐅᑉ ᔨᔨᐱᐅᓪ ᐅᓂᒃᑲᐅᑎᕚ ᐃᓔᑦᔭᐅᑉ ᐱᓂᐊᕐᓂᕆᓚᐅᕐᑕᓕᒫᖓᓂᒃ, ᖃᓄᕐᓗ ᓴᕕᒡᔪᐊᒧᑦ ᑐᖁᕅᓂᕆᓚᐅᕐᑕᖓᓂᒃ ᐅᖃᕐᑎᓕᒫᖏᓐᓂᒃ.

ᐊᑕᓃᑦ ᓯᕗᓪᓖᑦ 19:1 Iomraidhean Croise

ᐊᑕᓃᑦ ᓯᕗᓪᓖᑦ 16:31

ᖃᓄᐃᖏᓐᓂᕐᓴᐅᔮᓚᐅᕐᐳᖅ ᐃᓅᓚᐅᕈᓂ, ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖓᑐᑦ, ᓄᓕᐊᓂᓚᐅᕐᒪᑦ ᔨᔨᐱᐅᓪᒥᒃ ᐊᖓᔪᖅᑳᕐᔪᐊᑉ ᐃᔅᐱᐊᓚᐅᑉ ᓮᑐᓂᒥᐅᑕᐅᑉ ᐸᓂᖓᓂᒃ, ᐰᓕᒥᒡᓗ ᒎᑎᓐᖑᐊᖃᓚᐅᕐᐳᖅ ᐱᓇᓱᐊᓚᐅᕐᒪᑦ ᐅᐱᒍᓱᖕᓂᕐᒧᓪᓗ ᑐᒃᓯᐊᕐᕕᒋᓪᓗᒍ.

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᐊᑕᓃᑦ ᓯᕗᓪᓖᑦ 21:25

(ᐂᕼᐊᑉᑐᑦ ᐱᔪᖃᓚᐅᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔪᑎᑐᑦ ᐊᔪᕐᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓄᓕᐊᒥᓄᑦ ᔨᔨᐱᐅᓪᒧᑦ ᑎᓕᐅᕐᑕᐅᓚᐅᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 36:26

ᐊᖓᔪᖅᑳᕐᔪᐊᕐᓕ ᐅᖃᖔᓚᐅᕐᐳᖅ, ᔨᕋᒥᐅᓪᓕ ᐃᕐᓂᓂ ᓯᕅᐊᓗ ᐊᔭᕆ-ᐃᐅᑉ ᐃᕐᓂᖓ ᓯᓕᒤᐊᓗ ᐊᐸᑎᐅᓕᐅᑉ ᐃᕐᓂᖓ ᑎᒍᓯᔭᕐᑐᖁᓪᓗᒋᑦ ᐸᕉᒃᒥᒃ ᐊᒡᓚᖕᓂᒃ ᑎᑎᕋᕐᑎᒥᒃ, ᔨᕆᒤᐊᒥᒡᓗ ᒎᑎᐅᑉ ᐅᖃᕐᑎᖓᓂᒃ, ᐊᑕᓂᐅᓪᓕ ᐃᔨᓚᐅᕐᐹᒃ.

ᐄᑉᕈᐃᓄᑦ 11:34

ᐃᑯᐊᓚᔪᕐᔪᐊᓂᒡᓗ ᖃᒥᑦᓯᓚᐅᕐᐳᑦ, ᓴᕕᒡᔪᐊᒥᑦ ᐊᓐᓇᓚᐅᕐᐳᑦ, ᓴᓐᖐᓐᓂᕐᒥᑦ ᐱᔪᓐᓇᕐᓂᕐᑖᓚᐅᕐᐳᑦ; ᐅᓇᑕᕐᓂᕐᒥ ᐊᔪᖏᑦᑐᕐᔪᐊᖑᓚᐅᕐᐳᑦ, ᓄᓇᑐᖃᖃᖏᑦᑐᑦ ᐅᓇᑕᕐᑐᒃᓴᖏᑦ ᕿᒫᑎᓪᓗᒋᑦ.