ᐊᑕᓃᑦ ᓯᕗᓪᓖᑦ 11:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓄᑐᖃᐅᓕᕐᓗᓂ ᓲᓗᒨᓂᐅᑉ ᐆᒻᒪᑎᖓ ᓄᓕᐊᖏᑕ ᓴᖑᑎᓚᐅᕐᐹᑦ ᒎᑎᓐᖑᐊᓄᑦ ᐱᓇᓱᐊᓕᕐᓗᓂ; ᐆᒻᒪᑎᒃᑯᑦ ᐊᒃᓱᕈᕈᓐᓃᓚᐅᕐᒪᑦ ᐊᑕᓂᕐᒧᑦ ᒎᑎᒥᓄᑦ, ᐊᑖᑕᒥ ᑍᕕᑎᐅᑉ ᑲᔪᓯᓂᕆᓚᐅᕐᑕᖓᑐᑦ.

ᐊᑕᓃᑦ ᓯᕗᓪᓖᑦ 11:4 Iomraidhean Croise

ᐊᑕᓃᑦ ᓯᕗᓪᓖᑦ 11:2

ᑖᒃᑯᐊ ᓄᓕᐊᕐᑖᕆᓚᐅᕐᑕᖏᑦ ᐃᓅᖃᑎᒌᒡᔪᐊᓂᑦ ᐃᓴᕆᐊᓕᒥᐅᖑᖏᑦᑐᓂᑦ ᐊᑕᓂᖅ ᐃᓴᕆᐊᓕᓄᑦ ᐅᖃᓚᐅᕋᓗᐊᕐᑎᓪᓗᒍ, “ᐃᓅᖃᑎᑐᖃᕆᓐᖏᑕᑦᓯᓐᓂᒃ ᓄᓕᐊᓂᒃᑐᒃᓴᐅᓐᖏᓚᓯ, ᑍᒃᑯᐊᓗ ᑍᒤᓕᐅᕐᑐᒃᓴᐅᖏᓐᓂᕗᑦ ᐃᓕᑦᓯᓐᓄᑦ, ᓇᓗᓇᖏᒻᒪᑦ ᐆᒻᒪᑎᑦᓯᓐᓂᒃ ᓴᖑᑎᑦᓯᒐᔭᕐᒪᑕ ᐅᒃᐱᓕᕐᑎᓪᓗᓯ ᒎᑎᒋᔭᒥᖕᓄᑦ”; ᓲᓗᒨᓂ ᑲᔪᓯᓚᐅᕐᐳᖅ ᐊᕐᓇᓄᑦ ᐅᖓᒋᓕᕐᑕᒥᓄᑦ.

ᐊᑕᓃᑦ ᓯᕗᓪᓖᑦ 11:33

ᕿᒤᓯᒪᓕᕐᒪᑦ ᐅᕙᓐᓂᒃ ᑐᒃᓯᐊᖃᑦᑕᓕᕐᓗᓂᓗ ᒎᑎᓐᖑᐊᓄᑦ ᐋᔅᑕᕉᑎᒧᑦ ᓮᑐᓂᒥᐅᑦ ᒎᑎᖓᓐᓄᑦ, ᑭᒧᓯᒧᓪᓗ, ᒧᐊᐱᒥᐅᑦ ᒎᑎᖓᓐᓄᑦ, ᒥᐅᓪᑲᒻᒧᓪᓗ ᐊᒧᓁᑎᑦ ᒎᑎᖓᓐᓄᑦ, ᐊᑐᕐᑕᐅᖁᔭᒃᑲ ᐊᑐᕈᓐᓃᕐᒪᒋᑦ ᐱᐅᔪᓂᒃ ᐱᓇᓱᐊᕈᓐᓃᕐᒪᑦ, ᐊᑖᑕᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 11:38

ᓈᓚᑦᓯᐊᕈᕕᖓ ᐱᖁᔨᑦᔪᑎᒋᔭᒃᑲᓗ ᒪᓕᒃᑯᕕᒋᑦ, ᐊᑐᕐᑕᐅᖁᔭᒃᑲᓗ ᒪᓕᒡᓗᒋᑦ ᐃᓅᓂᐊᕈᕕᑦ, ᓵᓐᓂᓗ ᓇᓛᒎᕐᑐᒥᒃ ᐱᓇᓱᐊᕐᓂᐊᕈᕕᑦ ᐊᑐᕐᑕᐅᖁᔭᒃᑲ ᐱᖁᔭᒃᑲᓗ ᒪᓕᖕᓂᐊᕈᕕᒋᑦ, ᐱᔨᑦᑐᑦ ᑍᕕᑎᑐᑦ, ᓇᔪᕐᓂᐊᕐᐸᒋᑦ, ᐊᖓᔪᖅᑳᕐᔪᐊᓐᖑᕐᑎᓐᓂᐊᕐᐸᒋᑦ ᐃᓴᕆᐊᓕᒧᑦ ᐊᑦᑕᕐᓇᖏᑦᑐᒥᒃ, ᑍᕕᑎᒥᒃ ᐃᑲᔪᓚᐅᕐᓂᕋ ᒪᓕᒡᓗᒍ, ᑍᒫᒃᑕᐅᖅ ᐃᓴᕆᐊᓕ ᐃᓕᖕᓄᑦ ᑐᓂᓂᐊᕐᐸᕋ.

ᐊᑕᓃᑦ ᓯᕗᓪᓖᑦ 11:42

ᓲᓗᒨᓂ ᔨᕉᓴᓕᒥ ᐊᖓᔪᖅᑳᕐᔪᐊᖑᓚᐅᕐᐳᖅ ᐃᓴᕆᐊᓕᓕᒫᓄᑦ ᐊᕐᕌᒍᑦ 40 ᓈᓪᓗᒋᑦ.

ᐊᑕᓃᑦ ᓯᕗᓪᓖᑦ 11:6

ᑍᒤᒻᒪᑦ ᓲᓗᒨᓂ ᐊᔪᕐᑐᓕᓚᐅᕐᐳᖅ ᐊᑕᓂᕐᒧᑦ, ᒪᓕᑦᓯᐊᕈᓐᓃᕐᓗᓂᓗ ᐊᑕᓂᕐᒥᒃ, ᐊᑖᑕᒥᓂᒃ ᑍᕕᑎᒥᒃ ᐃᒡᔭᕐᓯᔪᓐᓃᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 11:9

ᐊᑕᓂᕐᓗ ᓂᓐᖓᓚᐅᕐᐳᖅ ᓲᓗᒨᓂᒧᑦ, ᐆᒻᒪᑎᖓ ᐊᑕᓂᕐᒥᑦ ᓴᖑᓯᒪᓕᓚᐅᕐᒪᑦ ᐃᓴᕆᐊᓕᒥᐅᑦ ᒎᑎᖓᓐᓂᑦ, ᒪᕐᕈᐃᕐᓱᕐᓗᓂ ᓴᖅᑭᓯᒪᑎᓪᓗᒍ ᑖᑦᓱᒧᖓ,

ᐊᑕᓃᑦ ᓯᕗᓪᓖᑦ 14:21

ᕆᕼᐅᐳᐊᒻ ᓲᓗᒨᓂᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᐊᕐᕌᒍᖃᓕᕐᓗᓂ 41ᓂᒃ. ᐊᖓᔪᖅᑳᖑᓚᐅᕐᐳᖅ ᐊᕐᕌᒍᓂᒃ 17ᓂᒃ ᔨᕉᓴᓕᒥ, ᐃᒡᓗᒐᓴᖕᓂ ᐊᑕᓂᐅᑉ ᓂᕈᐊᓚᐅᕐᑕᖓᓂ ᐃᓴᕆᐊᓕᒥᐅᓂᑦ, ᑕᕝᕙᓂ ᑐᒃᓯᐊᕐᕕᐅᖃᑦᑕᕈᒪᓪᓗᓂ. ᕆᕼᐅᐳᐊᒻ ᐊᓈᓇᖓ ᐊᑎᖃᕐᐳᖅ ᓈᒪᒥᒃ ᐊᒧᓁᑎᒥᑦ ᐱᓯᒪᔪᖅ.

ᐊᑕᓃᑦ ᓯᕗᓪᓖᑦ 15:14

ᑭᓯᐊᓂᓕ ᒎᑎᓐᖑᐊᓄᑦ ᑐᒃᓯᐊᕐᕖᑦ ᑐᒃᓯᐊᕐᕕᐅᖃᑦᑕᕐᓂᕐᐹᑦ ᐲᔭᓚᐅᓐᖏᓔᑦ. ᑍᒤᒃᑲᓗᐊᕐᑎᓪᓗᒍᓕ ᐋᓴ ᐊᑕᓂᕐᒧᑦ ᑲᔪᓯᑦᓯᐊᕐᑐᒥᒃ ᐃᓅᓯᖃᓚᐅᕐᐳᖅ ᐃᓅᓯᓕᒫᒥᓂ.

ᐊᑕᓃᑦ ᓯᕗᓪᓖᑦ 15:3

ᐊᐰᔭ ᐊᑖᑕᖓᑕ ᐊᔪᕐᑐᓕᓂᕆᓚᐅᕐᑕᖓᓂᒃ ᒪᓕᓚᐅᕆᕗᖅ, ᐊᑕᓂᕐᒧᑦ ᒎᑎᒥᓄᑦ ᒪᓕᑦᓯᐊᕋᓂ, ᓯᕗᓪᓕᕐᒥᒃ ᐊᑖᑕᑦᓯᐊᓕᖅᑭᐅᑎᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᓂᖓᑐᑦ.

ᐊᑕᓃᑦ ᓯᕗᓪᓖᑦ 3:3

ᓲᓗᒨᓂ ᐊᑕᓂᕐᒥᒃ ᐱᓐᓈᕈᓱᒻᒪᕆᒃᑲᒥ, ᒪᓕᑦᓯᐊᕐᓗᓂᓗ ᐊᑖᑕᒥ ᑍᕕᑎᐅᑉ ᒪᓕᒃᑕᐅᖁᔭᖏᓐᓂᒃ, ᐃᒻᒥᓂᒡᓕ ᐆᒪᔪᓂᒃ ᑐᓂᕐᕈᑎᒃᓴᓂᒃ ᑐᓂᕐᕈᓯᕐᐸᓚᐅᕆᕗᖅ ᑐᓂᕐᕈᓯᕐᕕᖕᓄᑦ ᖃᖅᑲᒦᑦᑐᓄᑦ.

ᐊᑕᓃᑦ ᓯᕗᓪᓖᑦ 6:1

480 ᐊᕐᕌᒍᐃᑦ ᐊᓂᒍᕐᓯᒪᓕᕐᑎᓪᓗᒋᑦ ᐃᓴᕆᐊᓕᐅᑦ ᐃᓄᖏᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᖏᑕ, ᐊᕐᕌᒍᓂᒃ ᓯᑕᒪᓂᒃ ᓲᓗᒨᓂ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐃᓴᕆᐊᓕᒥ, ᑕᖅᑭᐅᑉ ᐂᑉᐸᖓᓂ ᔨᕝᒥ, ᐱᒋᐊᓚᐅᕐᐳᖅ ᓴᓇᓕᕐᓗᓂ ᐊᑕᓂᐅᑉ ᐃᒡᓗᖓᓂᒃ.

ᐊᑕᓃᑦ ᓯᕗᓪᓖᑦ 8:61

ᐃᓕᑦᓯ ᐃᓄᖁᑕᐅᔪᓯ ᑖᑦᓱᒧᖓ ᓱᓕᑦᓯᐊᕐᑐᒥᒃ ᐆᒻᒪᑎᑦᓯᒍᑦ ᑲᔪᓯᓂᖃᕆᑦᓯ ᐊᑕᓂᕐᒧᑦ ᒎᑎᑦᑎᓐᓄᑦ, ᓈᓚᒡᓗᒋᑦ ᐱᖁᔭᖏᑦ ᒪᓕᒃᑕᐅᖁᔭᖏᓪᓗ ᐊᑐᕐᓗᒋᑦ, ᓲᕐᓗ ᐅᓪᓗᒥ ᒪᓕᑦᓯᐊᕋᑦᓯᐅᒃ.”

ᐊᑕᓃᑦ ᓯᕗᓪᓖᑦ 9:10

ᓲᓗᒨᓂ ᑐᒃᓯᐊᕐᕕᒡᔪᐊᒥᒃ ᓴᓇᓚᐅᕐᒪᑦ ᐊᕐᕌᒍᓂᒃ 20ᓂᒃ ᐊᖓᔪᖅᑳᕐᔪᐊᖃᕐᕕᖕᒥᓂᒡᓗ,

ᐊᑕᓃᑦ ᓯᕗᓪᓖᑦ 9:4

ᓱᓕᑦᓯᐊᕐᓗᑎᑦ ᒪᓕᑦᓯᐊᕐᓗᑎᓪᓗ ᐅᕙᓐᓂᒃ ᐱᔨᑦᓯᕐᓂᐊᕈᕕᑦ ᐊᑖᑕᒃᑐᑦ ᑍᕕᑎᑐᑦ, ᐱᖁᔭᒃᑲᓗ ᓈᓚᒃᑯᕕᒋᑦ ᒪᓕᒃᑕᐅᖁᔭᒃᑲᓗ ᐃᓕᖕᓄᑦ ᒪᓕᑦᓯᐊᕈᕕᒋᑦ,

ᐊᑕᓃᑦ ᐂᑉᐸᖏᑦ 20:3

“ᐊᑕᓃᖅ ᐃᖅᑲᐅᒪᒋᑦ, ᓱᕐᕋᔪᐃᑦᑑᓪᓗᖓ ᐱᔨᑦᓯᓚᐅᕋᒃᑭᑦ ᐅᐱᒋᑦᓯᐊᕐᓗᑎᑦ, ᑍᒪᓐᖓᓕᒫᕐᓗ ᐱᔪᒪᔧᑦ ᒪᓕᑦᓯᐊᕋᓱᖏᓐᓇᓚᐅᕋᑯ.” ᑕᕝᕙ ᕼᐃᓯᑬᐊ ᐊᖏᔪᒥᒃ ᕿᐊᓕᕐᐳᖅ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 29:19

ᐃᕐᓂᕋᓗ ᓲᓗᒨᓂ ᑐᓂᓚᐅᕈᒃ ᐆᒻᒪᑎᒥᒃ ᑲᑦᓱᖎᕐᓯᒪᑦᓯᐊᕐᑐᒥᒃ ᐱᖁᔭᕐᓂᒃ ᒪᓕᒍᓐᓇᖁᓪᓗᒍ, ᐅᖃᐅᓯᕐᓂᒡᓗ, ᐊᑐᕐᑕᐅᖁᔭᓕᒫᓐᓂᒡᓗ ᐊᑐᑦᓯᐊᕈᓐᓇᖁᓪᓗᒍ ᑕᒤᓐᓂᒃ, ᑐᒃᓯᐊᕐᕕᒡᔪᐊᒥᒡᓗ ᓴᓇᔪᓐᓇᖁᓪᓗᒍ ᐊᑐᐃᓐᓇᕈᕐᓯᒪᔭᒃᑲ ᐱᓇᓱᐊᕈᑎᒋᓗᒋᑦ.”

ᑯᕉᓂᑲ ᐂᑉᐸᖏᑦ 17:3

ᐊᑕᓂᐅᑉ ᔨᕼᐆᓴᐸᑦ ᐃᓚᒋᕚ, ᐊᑖᑕᖓᑕ ᐱᒋᐊᓕᓵᕐᓂᖓᑐᑦ ᐃᓅᓚᐅᕐᒪᑦ, ᐰᓕᓂᒃ ᒎᑎᓐᖑᐊᓂᒃ ᑕᑎᖃᓚᐅᖏᒻᒪᑦ.

ᑯᕉᓂᑲ ᐂᑉᐸᖏᑦ 25:2

ᐊᑕᓂᐅᑉ ᑕᑯᓐᓇᕐᑕᖓᒍᑦ ᓈᒻᒪᒋᔭᖓᓂᒃ ᐱᓇᓱᐊᓚᐅᕐᐳᖅ, ᐆᒻᒪᑎᒥᒍᓪᓕ ᐸᓯᔭᒃᓴᐅᖏᑦᑑᓚᐅᓐᖏᓚᖅ.

ᑯᕉᓂᑲ ᐂᑉᐸᖏᑦ 34:2

ᐱᐅᔪᒥᒡᓗ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐱᓂᐊᕐᓂᖃᓚᐅᕐᐳᕐᓗ ᓯᕗᓕᖓᑕ ᑍᕕᑎᐅᑉ ᐱᓂᐊᕐᓂᕆᓚᐅᕐᑕᖏᑎᑐᑦ; ᓴᖑᓚᐅᓐᖏᓚᕐᓗ ᑕᓕᕐᐱᖕᒧᑦ ᓴᐅᒥᒧᓪᓘᓐᓃᑦ.

ᒨᓯᓯ ᐂᑉᐸᖏᑦ 20:3

“ᐊᓯᓐᓂᒃ ᒎᑎᖃᕐᑐᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 17:17

ᑖᓐᓇᓗ ᐅᓄᕐᑐᓂᒃ ᓄᓕᐊᖃᕐᑐᒃᓴᐅᓐᖏᓚᖅ, ᑍᒤᒐᔭᕈᓂ ᑕᒪᓐᓇ ᐊᑕᓂᕐᒥᒃ ᕿᒤᑦᔪᑎᒋᒐᔭᕐᒪᒍ; ᐃᒻᒥᓂᒡᓗ ᐊᔪᕐᓴᖏᑦᑐᐊᓘᑎᑦᑐᒃᓴᐅᓐᖏᓚᖅ ᓯᐅᓪᕕᕆᓂᒃ ᒎᓗᓂᒡᓗ.

ᒨᓯᓯ ᑕᓪᓕᒪᖏᑦ 7:4

ᕿᑐᕐᖓᑦᓯᓐᓂᒃ ᑕᓯᐅᕐᓯᒐᔭᕐᒪᑕ ᒎᑎᓐᖑᐊᓄᑦ ᑐᒃᓯᐊᖃᑦᑕᓕᕐᑎᑦᓯᓗᑎᒃ ᐊᑕᓂᕐᒥᒃ ᕿᒤᖔᕐᓗᑎᒃ, ᑍᒤᓕᑐᐊᕐᐸᑕ, ᐊᑕᓂᐅᑉ ᓂᓐᖓᐅᓯᖓᑕ ᑎᑭᕝᕕᒋᒐᔭᕐᐹᓯ ᑕᒪᑦᓯᓗ ᓄᖑᑕᐅᓗᓯ ᑕᕝᕔᓐᓇᖅ.