ᐊᑕᓃᑦ ᓯᕗᓪᓖᑦ 1:53 - ᐊᒡᓔᑦ ᐃᑦᔪᕐᖕᓁᑦᑐᑦ

⁵³ ᐊᖓᔪᖅᑳᕐᔪᐊᖅ ᓲᓗᒨᓂ ᑎᓕᓯᕗᖅ, ᐊᑐᓁᐊ ᑐᓂᕐᕈᓯᕐᕕᖕᒥᑦ ᕾᖁᔭᐅᖁᓪᓗᒍ. ᐊᑐᓁᐊᓗ ᑕᕝᕗᓐᖓᕋᒥ ᐅᑯᕗᖅ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓵᖓᓄᑦ; ᐊᖓᔪᖅᑳᕐᔪᐊᓪᓗ ᐅᖃᐅᑎᕚ, “ᐊᖏᕐᕋᓕᕆᑦ.”

ᐊᑕᓃᑦ ᓯᕗᓪᓖᑦ 1:53 Iomraidhean Croise

ᓴᒧᐃᓕ ᐂᑉᐸᖏᑦ 1:2

ᐅᓪᓗᐃᑦ ᐱᖓᔪᖓᓐᓂ ᐅᕕᒃᑲᒧᑦ ᑎᑭᑕᐅᕗᖅ ᓴᐅᓕᐅᑉ ᑕᖕᒫᕐᓯᒪᕕᖓᓂᑦ ᐱᔪᒧᑦ. ᕿᒃᓵᖕᓂᓂ ᓴᖅᑭᔮᖁᓪᓗᒍ, ᐊᓐᓄᕌᓂ ᐊᓕᒃᑐᕐᓯᒪᓚᐅᕐᐰᑦ ᓂᐊᖁᓂᓗ ᐊᕐᔭᓕᓂᓕᕐᓯᒪᓪᓗᒍ. ᑖᓐᓇ ᑍᕕᑎᒧᐊᕋᒥ, ᐹᒻᒪᒃᑎᕐᐳᖅ ᒪᓂᖅᑲᒧᑦ ᐅᐱᒍᓱᖕᓂᕐᒧᑦ.

ᓴᒧᐃᓕ ᐂᑉᐸᖏᑦ 14:24

ᐊᖓᔪᖅᑳᕐᔪᐊᕐᓕ, ᐅᖃᓚᐅᕐᐳᖅ, “ᓇᖕᒥᓂᖅ ᐃᓪᓗᖃᕐᑐᒃᓴᐅᕗᖅ; ᓇᔪᕐᑕᓐᓄᐊᖃᑦᑕᕆᐊᖃᓐᖏᓚᖅ.” ᑍᒤᒻᒪᑦ ᐋᑉᓴᓚᒻ ᐊᖏᕐᕋᖃᓚᐅᕐᐳᖅ ᓇᖕᒥᓂᕐᒥᓂᒃ, ᐊᖓᔪᖅᑳᕐᔪᐊᓪᓗ ᓇᔪᕐᑕᖓᓄᐊᖃᑦᑕᕋᓂ.

ᓴᒧᐃᓕ ᐂᑉᐸᖏᑦ 14:28

ᐋᑉᓴᓚᒻ ᔨᕉᓴᓕᒦᓚᐅᕐᐳᖅ ᐊᕐᕌᒍᖕᓂᒃ ᒪᕐᕉᖕᓂᒃ, ᐊᖓᔪᖅᑳᕐᔪᐊᕐᒥᒃ ᑕᑯᓚᐅᕐᓯᒪᓇᓂ.

ᓴᒧᐃᓕ ᐂᑉᐸᖏᑦ 14:33

ᑕᕝᕙ ᔪᐊᐱ ᐊᖓᔪᖅᑳᕐᔪᐊᕐᒧᐊᕐᐳᖅ ᐅᖃᐅᑎᓪᓗᒍᓗ; ᐋᑉᓴᓚᐅᑉ ᐅᖃᐅᓯᕆᖁᔭᖓᓂᒃ. ᑕᕝᕙ ᐊᖓᔪᖅᑳᕐᔪᐊᖅ ᕾᖁᔨᓕᕐᐳᖅ ᐋᑉᓴᓚᒻᒥᒃ, ᑖᓐᓇ ᐊᖓᔪᖅᑳᕐᔪᐊᕐᒧᐊᕋᒥ ᓄᓇᒧᑦ ᐹᒻᒪᒃᐳᖅ ᐊᖓᔪᖅᑳᕐᔪᐊᑉ ᓯᕗᕌᓄᑦ; ᐊᖓᔪᖅᑳᕐᔪᐊᓪᓗ ᑐᓐᖓᓱᒃᑎᓪᓗᒍ ᐋᑉᓴᓚᒻ ᑯᓂᒃᐹ.

ᐊᑕᓃᑦ ᓯᕗᓪᓖᑦ 1:16

ᐹᓯᐸ ᐅᑯᕗᖅ ᐊᖓᔪᖅᑳᕐᔪᐊᑉ ᓵᖓᓄᑦ, ᐊᖓᔪᖅᑳᕐᔪᐊᓪᓗ ᐊᐱᕆᕚ, “ᓱᓇᒥᒃ ᐱᔪᒪᕖᑦ?”

ᐊᑕᓃᑦ ᓯᕗᓪᓖᑦ 1:31

ᑕᕝᕙ ᐹᓯᐸ ᐅᑯᓪᓗᓂ ᑮᓇᓂ ᒪᓂᖅᑲᒧᑦ ᐊᒃᑐᕐᓱᒍ, ᐅᐱᒍᓱᖕᓂᕐᒧᑦ ᐊᖓᔪᖅᑳᕐᔪᐊᕐᒥᒃ, ᐅᖃᓕᕐᐳᖅ, “ᐊᑕᓂᕋ ᐊᖓᔪᖅᑳᕐᔪᐊᖅ ᑍᕕᑎ ᐃᓅᓕ ᐃᓱᖃᖏᑦᑐᒧᑦ!”

ᐊᑕᓃᑦ ᓯᕗᓪᓖᑦ 1:52

ᓲᓗᒨᓂ ᐅᖃᕐᐳᖅ, “ᐅᕙᓐᓂᒃ ᐅᐱᒍᓱᑦᓯᐊᕐᐸᑦ, ᐊᒡᓛᑦ ᓂᐊᖁᐊᓃᑦᑐᖅ ᓄᔭᖅ ᐊᑕᐅᓯᖅ ᐊᒃᑐᕐᑕᐅᓂᐊᓐᖏᓚᖅ; ᑭᓯᐊᓂ ᑍᒤᓐᖏᑐᐊᕐᐸᑦ ᑐᖁᑕᐅᓂᐊᕐᐳᖅ.”

ᐊᑕᓃᑦ ᓯᕗᓪᓖᑦ 2:1

ᑍᕕᑎᐅᑉ ᑐᖁᕕᒃᓴᖓ ᖃᓂᑦᑑᓕᕐᒪᑦ, ᐃᕐᓂᓂ ᓲᓗᒨᓂ ᒪᓕᒐᒃᓴᖏᓐᓂᒃ ᐅᖃᐅᑎᕚ, ᐅᖃᐅᑎᓪᓗᒍ:

ᐊᑕᓃᑦ ᓯᕗᓪᓖᑦ 2:36

ᐊᖓᔪᖅᑳᕐᔪᐊᑉ ᓯᒥᐂ ᕾᖁᓪᓗᒍ, ᐅᖃᐅᑎᕚ, “ᐃᓕᖕᓂᒃ ᐃᒡᓗᓕᐅᓚᐅᕆᑦ ᐅᕙᓂ ᔨᕉᓴᓕᒥ, ᓇᔪᕐᓂᐊᕐᑕᕐᓂᒃ ᑕᕝᕙᓐᖓᑦ ᐃᒡᓗᒐᓴᖕᓂᑦ ᐊᐅᓪᓚᕐᑍᓕᓗᑎᑦ ᖃᖓᑐᐃᓐᓇᐅᒐᓗᐊᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:21

ᐃᕐᓃᒃ, ᐊᑕᓂᖅ ᓯᕘᕋᒋᒍᒃ ᐊᖓᔪᖅᑳᕐᔪᐊᕐᓗ; ᓇᓪᓕᖏᒃᓘᓐᓃᑦ ᑐᓵᓐᖏᓴᕐᓂᐊᕐᓇᖏᒃ;