ᐊᑕᓃᑦ ᓯᕗᓪᓖᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᒫᓐᓇᑲᐅᑎᒋ ᐂᓕᕆᑦ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᐅᖃᐅᑎᓗᒍ, ‘ᐅᖃᓚᐅᕐᓯᒪᓐᖏᓚᑏᑦ, ᐊᖓᔪᖅᑳᕐᔪᐊᕋ, ᐅᕙᓐᓄᑦ ᐅᖃᕕᒡᓗᑎᑦ ᐊᖏᓚᐅᕐᓯᒪᖓᕕᑦ ᐱᔨᖕᓄᑦ, ᐅᖃᕐᓗᑎᑦ “ᐃᕐᓃᑦ ᓲᓗᒨᓂ ᐅᕙᓐᓂᒃ ᑭᖑᕝᕕᐅᑎᓛᕐᑐᖅ ᐃᓇᖐᕐᓗᖓ? ᐃᒃᓯᕙᐅᑕᕐᔪᐊᓐᓂᓗ ᐃᒃᓯᕙᓕᕐᓗᓂ”? ᓱᖕᒪᓪᓕ ᐊᑐᓁᔭ ᐊᖓᔪᖅᑳᕐᔪᐊᓐᖑᓕᕐᐸ?’

ᐊᑕᓃᑦ ᓯᕗᓪᓖᑦ 1:13 Iomraidhean Croise

ᐊᑕᓃᑦ ᓯᕗᓪᓖᑦ 1:11

ᓁᑕᓂ ᐹᓯᐸᒧᑦ ᐅᖃᕐᐳᖅ ᓲᓗᒨᓂᐅᑉ ᐊᓈᓇᖓᓄᑦ, “ᑐᓴᓚᐅᓐᖏᓚᑏᑦ ᐊᑐᓁᔭᒥᒃ ᕼᐊᒋᑎᐅᑉ ᐃᕐᓂᖓᓂᒃ ᑖᓐᓇ ᐊᖓᔪᖅᑳᕐᔪᐊᓐᖑᕐᒪᑦ? ᐊᖓᔪᖅᑳᕐᔪᐊᕗᓪᓗ ᑍᕕᑎ ᑕᒪᑐᒥᖓ ᖃᐅᔨᒪᓐᖏᓛᖅ?

ᐊᑕᓃᑦ ᓯᕗᓪᓖᑦ 1:14

ᑕᕝᕙ ᐅᖃᓪᓚᒃᑎᓪᓗᑎᑦ ᓱᓕ ᐊᖓᔪᖅᑳᕐᔪᐊᕐᒧᑦ, ᑕᕝᕗᖓ ᐃᑎᕐᓂᐊᕐᐳᖓ ᐅᓂᒃᑲᐅᓯᕆᔭᑎᑦ ᓇᓗᓁᒃᑲᓐᓂᕐᓗᒋᑦ.”

ᐊᑕᓃᑦ ᓯᕗᓪᓖᑦ 1:17

ᑖᓐᓇ ᑭᐅᕗᖅ, “ᐊᖓᔪᖅᑳᕐᔪᐊᖅ ᐅᖃᕕᒃᑎᓚᐅᕐᓯᒪᒐᕕᓐᖓ ᐊᖏᒻᒪᕆᒃᓗᖓ ᐊᑕᓂᐅᑉ ᒎᑎᕕᑦ ᐊᑎᖓ ᑍᓪᓗᒍ, ‘ᐃᕐᓃᑦ ᓲᓗᒨᓂ ᐊᖓᔪᖅᑳᕐᔪᐊᓐᖑᓛᕐᐳᖅ ᑭᖑᕝᕕᕐᓗᖓ, ᐃᒃᓯᕙᓕᕐᓗᓂᓗ ᐃᒃᓯᕙᐊᑕᕐᔪᐊᓐᓂ.’

ᐊᑕᓃᑦ ᓯᕗᓪᓖᑦ 1:24

ᐅᖃᕐᓗᓂᓗ, “ᐊᑕᓂᕋ ᐊᖓᔪᖅᑳᕐᔪᐊᕋ, ᐅᖃᕐᓯᒪᓕᕐᐲᑦ, ‘ᐊᑐᓁᔭ ᐅᕙᓐᓂᒃ ᐃᓇᖏᕐᓯᔪᒫᕐᐳᖅ, ᐃᒃᓯᕙᐅᑕᕐᔪᐊᓐᓂᓗ ᐃᒃᓯᕙᓕᕐᓗᓂ’?

ᐊᑕᓃᑦ ᓯᕗᓪᓖᑦ 1:30

ᐃᓕᖕᓄᑦ ᐅᖃᕕᓚᐅᕋᒪ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᒍᑦ, ᐅᖃᕐᓗᖓ, ‘ᐃᓛᒃ ᓲᓗᒨᓂ ᐃᕐᓃᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᕗᖅ ᑭᖑᕝᕕᕐᓗᖓ, ᑖᓐᓇᓗ ᐃᒃᓯᕙᔪᒃᓴᐅᕗᖅ ᐃᒃᓯᕙᐅᑕᕐᔪᐊᓐᓂ ᐃᓇᖏᕐᓗᖓ,’ ᐃᓛᒃ ᑍᒫᒡᓗ ᐱᓂᐊᕐᑐᒃᓴᐅᕗᖓ ᐅᓪᓗᒥ.”

ᐊᑕᓃᑦ ᓯᕗᓪᓖᑦ 1:35

ᐅᑎᓕᕈᑦᓯ ᒪᓕᒡᓗᓯᐅᒃ ᐃᒃᓯᕙᐅᑕᕐᔪᐊᓐᓄᑦ ᐃᖏᑎᑕᒃᓴᕆᕙᓯ; ᑖᓐᓇ ᐊᖓᔪᖅᑳᕐᔪᐊᓐᖑᕐᓂᐊᕐᒪᑦ ᐃᓇᖏᕐᓗᖓ; ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒧᑦ ᔫᑕᒧᓪᓗ.”

ᐊᑕᓃᑦ ᓯᕗᓪᓖᑦ 1:48

ᐊᖓᔪᖅᑲᕐᔪᐊᕐᓗ ᐅᖃᕐᕆᓪᓗᓂ, ‘ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᑎᑦ ᒎᑎᖓᑦ, ᐅᓪᓗᒥ ᕿᑐᕐᖓᒪ ᐃᓚᖓᓐᓂᒃ ᐃᖏᑎᑦᓯᖕᒪᑦ ᐃᒃᓯᕙᐅᑕᕐᔪᐊᓐᓂ, ᓇᖕᒥᓂᕐᓗ ᑕᑯᓪᓗᒍ.’”

ᐊᑕᓃᑦ ᓯᕗᓪᓖᑦ 2:12

ᓲᓗᒨᓂᐅᑉ ᐊᑖᑕᓂ ᑍᕕᑎ ᐃᓇᖏᕐᐹ ᐊᖓᔪᖅᑳᕐᔪᐊᓐᖑᕐᓗᓂ, ᐊᖓᔪᖅᑳᕐᔪᐊᖑᓂᖓᑕᓗ ᐱᔪᓐᓇᕐᓂᖓ ᑲᔪᓯᑦᓯᐊᓕᕐᓗᓂ.

ᑯᕉᓂᑲ ᓯᕗᓪᓖᑦ 28:5

ᐃᕐᓂᓕᒫᓐᓂᓪᓗ (ᐊᑕᓂᐅᑉ ᐃᕐᓂᕐᑖᕐᑎᓚᐅᕐᒪᖓ ᐅᓄᕐᑐᓂᒃ) ᓂᕈᐊᓚᐅᕐᐹ ᐃᕐᓂᕋ ᓲᓗᒨᓂ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᖁᓪᓗᒍ ᐊᑕᓂᐅᑉ ᐊᖓᔪᖅᑲᐅᕕᖓᓂ ᐃᓴᕆᐊᓕᒥᐅᓂ.

ᑯᕉᓂᑲ ᓯᕗᓪᓖᑦ 29:23

ᑕᕝᕙ ᓲᓗᒨᓂ ᐃᖏᑉᐳᖅ ᐊᑕᓂᐅᑉ ᐃᒃᓯᕙᐅᑕᕐᔪᐊᖓᓄᑦ ᐊᖓᔪᖅᑳᕐᔪᐊᓐᖑᕐᓗᓂ ᐊᑖᑕᓂ ᑍᕕᑎ ᐃᓇᖏᕐᓗᒍ; ᐱᔪᓐᓇᕐᓯᕙᓪᓕᐊᕗᕐᓗ, ᐃᓴᕆᐊᓕᒥᐅᓕᒫᓪᓗ ᓈᓚᒃᐹᑦ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 33:21

ᑍᒫᒃᑕᐅᖅ ᐱᔨᓐᓄᑦ ᑍᕕᑎᒧᑦ ᐊᖏᖃᑎᒌᒍᑎᒐ ᓕᕔᑎᓪᓗ ᑐᓂᕐᕈᓯᕐᑎᑦᓯᔨᐅᓂᖏᓐᓄᑦ ᓯᖁᒥᒃᑲᔭᕐᐳᖅ, ᑍᕕᑎᐅᑉ ᑭᖑᕚᖏᓐᓂᑦ ᐱᔪᒃᓴᖃᕈᓐᓃᕋᔭᕐᐳᖅ ᐃᒃᓯᕙᐅᑕᕐᔪᐊᕐᒥ ᐊᖓᔪᖅᑳᕐᔪᐊᖑᔪᒃᓴᓂᒃ.

ᒨᓯᓯ ᑕᓪᓕᒪᖏᑦ 17:18

ᑖᓐᓇ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂ ᐃᒃᓯᕙᓕᕈᓂ ᐊᖓᔪᖅᑲᐅᕕᖕᒥᓂ, ᓇᖕᒥᓂᖅ ᑎᑎᕋᕆᐊᖃᕐᐳᖅ ᐱᖁᔭᓂᒃ ᑖᒃᑯᓂᖓ ᒪᒃᐱᕐᑐᕋᕐᑎᒍᑦ ᐊᑦᔨᓕᐅᕐᓗᒋᑦ ᐱᒋᓂᐊᕐᑕᒥᓂᒃ, ᓕᕔᑎᒃᑯᑦ ᑐᓂᕐᕈᓯᕐᑎᑦᓯᔩᑦ ᐱᓯᒪᔭᖏᑕ ᐊᑦᔨᓪᓚᕆᖏᓐᓂᒃ;