ᔪᐊᓇᓯ ᓯᕗᓪᓖᑦ 4:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓇᒡᓕᒋᔭᒃᑲ, ᓇᒡᓕᒃᑎᒌᓚᐅᕐᑕ; ᓇᒡᓕᖕᓂᖅ ᒎᑎᒥᑦ ᐱᖕᒪᑦ, ᓇᒡᓕᒍᓱᒃᑐᕐᓗ ᒎᑎᒥᑦ ᐃᕐᓂᐊᖑᓯᒪᕗᖅ ᒎᑎᒥᒡᓗ ᖃᐅᔨᒪᓪᓗᓂ.

ᔪᐊᓇᓯ ᓯᕗᓪᓖᑦ 4:7 Iomraidhean Croise

ᔪᐊᓇᓯᐅᑉ ᐊᒡᓚᖏᑦ 13:34

ᐱᖁᔭᒥᒃ ᓄᑖᒥᒃ ᑐᓂᓯᕕᒋᕙᑦᓯ, ᓇᒡᓕᒃᑎᒌᖁᓪᓗᓯ; ᓲᕐᓗ ᓇᒡᓕᒋᓚᐅᕋᑦᓯ, ᑍᒫᒃᑕᐅᖅ ᐃᓕᑦᓯᓐᓄᑦ ᓇᒡᓕᒃᑎᒌᒃᑐᒃᓴᐅᒋᕗᓯ.

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᒐᓔᑎᐊᒥᐅᓄᑦ 4:9

ᒫᓐᓇᓕ ᒎᑎᒥᒃ ᖃᐅᔨᒪᓕᕋᑦᓯ, ᐅᕝᕙᓗ ᒎᑎᒧᑦ ᖃᐅᔨᒪᔭᐅᓕᕋᑦᓯ, ᓱᖕᒪᑦ ᐅᑎᕐᓯᒪᓕᕐᐱᓰ ᐊᓂᕐᓂᕐᓄᑦ ᐱᔪᓐᓇᕐᓂᖃᖏᑦᑐᓄᑦ? ᓯᐊᓛᕆᔭᐅᒃᑲᓐᓂᕈᒪᓕᕆᕕᓰ ᑍᒃᑯᓄᖓ?

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᑎᒧᑎᒧᑦ ᐂᑉᐸᖏᑦ 1:7

ᒎᑎᐅᑉ ᑐᓂᓯᕕᒋᓯᒪᖏᒻᒪᑎᒍᑦ ᐊᓂᕐᓂᕐᒥᒃ ᓯᕘᕋᔪᒥᒃ ᐊᓂᕐᓂᕐᒥᒡᓕ ᐃᓗᒻᒥᕐᑎᑉᐹᑎᒍᑦ ᐱᔪᓐᓇᕐᓂᕐᒥᒃ ᓇᒡᓕᖕᓂᕐᒥᒡᓗ ᓇᖕᒥᓂᕐᓗ ᐱᓯᒪᑦᓯᐊᕈᒃᓇᕐᑎᑦᓯᔪᒥᒃ.

ᐲᑦᑐᕉᓯ ᓯᕗᓪᓖᑦ 1:22

ᒫᓐᓇᓕ ᓈᓚᖕᓂᑦᓯᒍᑦ ᓱᓕᔪᒧᑦ ᐆᒻᒪᑎᓯ ᓴᓗᒻᒪᕐᓯᒪᕙᓯ ᓇᒡᓕᖕᓂᕐᑖᕐᓗᓯᓗ ᓱᓕᔪᒥᒃ ᐅᒃᐱᖃᑎᑦᓯᓐᓄᑦ, ᓇᒡᓕᒃᑎᒌᒃᑐᒃᓴᐅᒐᑦᓯ ᐃᑎᔪᒥᒃ, ᐆᒻᒪᑎᒥᑦ ᐱᔪᒥᒃ.

ᔪᐊᓇᓯ ᓯᕗᓪᓖᑦ 2:10

ᓇᓪᓕᐊᑦ ᐃᓅᖃᑎᒥᓂᒃ ᓇᒡᓕᒍᓱᒃᑐᖅ ᑖᓐᓇ ᖃᐅᒪᔪᒦᑉᐳᖅ, ᑕᕝᕙᓂᓗ ᐃᓅᖃᑎᒥᓄᑦ ᐊᒡᕕᐊᕈᑎᒃᓴᐅᓇᓂ.

ᔪᐊᓇᓯ ᓯᕗᓪᓖᑦ 2:29

ᖃᐅᔨᒪᒍᑦᓯ ᑭᓇᒧᓪᓘᓐᓃᑦ ᐃᓗᐊᕐᑑᓂᖓᓂᒃ, ᑕᕝᕙ ᖃᐅᔨᒪᒋᕗᓯ ᑭᒃᑯᓕᒫᑦ ᐃᓗᐊᕐᑐᒥᒃ ᐱᓇᓱᐊᕐᑐᑦ ᑖᑦᓱᒪᖓᑦ ᐃᕐᓂᐊᖑᓯᒪᖕᒪᑕ.

ᔪᐊᓇᓯ ᓯᕗᓪᓖᑦ 2:3

ᐱᖁᔭᖏᑦ ᓈᓚᑯᑦᑎᒍ ᖃᐅᔨᒪᑦᔪᑎᒋᔪᓐᓇᕐᐸᕗᑦ ᑖᑦᓱᒥᖓ ᖃᐅᔨᒪᔭᖃᑦᓯᐊᕐᓂᑦᑎᓐᓂᒃ.

ᔪᐊᓇᓯ ᓯᕗᓪᓖᑦ 2:4

ᓇᓪᓕᐊᑦ ᑖᑦᓱᒥᖓ ᖃᐅᔨᒪᓂᕋᕐᐸᑦ, ᐱᖁᔭᖏᓐᓂᒡᓗ ᒪᓕᖏᓪᓗᓂ ᑖᓐᓇ ᓴᒡᓗᑐᔫᕗᖅ, ᓱᓕᔪᒧᓪᓗ ᓇᔪᕐᑕᐅᓇᓂ.

ᔪᐊᓇᓯ ᓯᕗᓪᓖᑦ 2:7

ᓇᒡᓕᒋᔭᒃᑲ, ᐱᖁᔭᖅ ᐃᓕᑦᓯᓐᓄᑦ ᑎᑎᕋᐅᓯᕆᔭᕋ ᓄᑖᖑᓐᖏᓚᖅ, ᐱᖁᔭᑐᖃᐅᕗᖅ ᐱᒋᐊᕐᓂᖓᓂᑦ ᐱᓯᒪᔭᓯ; ᐱᖁᔭᖅ ᑐᓴᕐᓯᒪᔭᑐᖃᕆᔭᓯ.

ᔪᐊᓇᓯ ᓯᕗᓪᓖᑦ 3:9

ᓇᓪᓕᐊᑦ ᒎᑎᒧᑦ ᕿᑐᕐᖓᐅᔪᖅ ᐊᔪᕐᑐᓖᓐᓇᕈᓐᓃᕐᐳᖅ, ᒎᑎᐅᑉ ᐱᕈᕐᓯᐊᖓ ᑖᑦᓱᒪ ᐃᓗᐊᓃᒻᒪᑦ; ᐊᔪᕐᑐᓖᓐᓇᕈᓐᓇᓐᖏᓚᖅ, ᒎᑎᒥᑦ ᐃᕐᓂᐊᖑᓯᒪᒐᒥ.

ᔪᐊᓇᓯ ᓯᕗᓪᓖᑦ 4:11

ᓇᒡᓕᒋᔭᒃᑲ, ᑍᒫᒃ ᒎᑎᐅᑉ ᓇᒡᓕᒋᑎᒋᒃᐹᑎᒍᑦ, ᐅᕙᒍᑦᑕᐅᖅ ᑕᕝᕙ ᓇᒡᓕᑎᒌᒃᑐᒃᓴᐅᕗᒍᑦ.

ᔪᐊᓇᓯ ᓯᕗᓪᓖᑦ 4:12

ᒎᑎᒥᒃ ᑕᑯᔪᖃᓚᐅᕐᓯᒪᓐᖏᓚᖅ; ᓇᒡᓕᒋᖃᑦᑕᐅᑎᒍᑦᑕᓕ, ᒎᑎᐅᑉ ᓇᔪᕐᐹᑎᒍᑦ ᓇᒡᓕᖕᓂᖓᓗ ᐃᓗᑦᑎᓐᓂ ᓈᒻᒪᒃᓯᕗᖅ.

ᔪᐊᓇᓯ ᓯᕗᓪᓖᑦ 4:16

ᒎᑎᐅᓪᓗ ᓇᒡᓕᖕᓂᖓ ᐅᕙᑦᑎᓐᓄᑦ ᓇᖕᒥᓂᖅ ᖃᐅᔨᒪᓪᓗᒍ ᐅᒃᐱᕆᕙᕗᑦ. ᒎᑎ ᓇᒡᓕᖕᓂᐅᖕᒪᑦ, ᓇᒡᓕᖕᓂᕐᒦᑦᑐᕐᓗ ᒎᑎᒦᑉᐳᖅ, ᒎᑎᓗ ᑖᑦᓱᒪᓃᓪᓗᓂ.

ᔪᐊᓇᓯ ᓯᕗᓪᓖᑦ 4:20

ᓇᓪᓕᐊᑦ, ᒎᑎᒥᒃ ᓇᒡᓕᒍᓱᖕᓂᕋᕐᐸᑦ, ᐅᒃᐱᕐᑑᖃᑎᒥᓂᒡᓗ ᐆᒥᓱᒡᓗᓂ, ᑖᓐᓇ ᓴᒡᓗᑐᔫᕗᖅ; ᖃᑕᓐᖑᑎᓂ ᑕᑯᔪᓐᓇᕐᑕᓂ ᓇᒡᓕᒋᔪᓐᓇᖏᒃᑯᓂᐅᒃ, ᒎᑎ ᑕᑯᓚᐅᕐᓯᒪᓐᖏᑕᓂ ᓇᒡᓕᒋᔪᓐᓇᓐᒋᓛ.

ᔪᐊᓇᓯ ᓯᕗᓪᓖᑦ 4:8

ᓇᒡᓕᒍᓱᖏᑦᑐᕐᓕ ᒎᑎᒥᒃ ᖃᐅᔨᒪᓐᖏᓚᖅ; ᒎᑎ ᓇᒡᓕᖕᓂᐅᖕᒪᑦ.

ᔪᐊᓇᓯ ᓯᕗᓪᓖᑦ 5:1

ᑕᒪᕐᒥᒃ ᐅᒃᐱᕐᑐᑦ ᔩᓱᓯ ᙭ᔅᑑᓯ ᒎᑎᒧᑦ ᐃᕐᓂᐊᖑᑎᑕᐅᓯᒪᕗᑦ, ᑕᒪᕐᒥᒡᓗ ᐊᑖᑕᒥᒃ ᓇᒡᓕᒍᓱᒃᑐᑦ ᑖᑦᓱᒪ ᕿᑐᕐᖓᖓᑦᑕᐅᖅ ᓇᒡᓕᒋᒋᕚ.

ᔪᐊᓇᓯᐅᑉ ᐂᑉᐸᖏᑦ 1:5

ᒫᓐᓇᓗ ᕿᓄᕕᒋᕙᒋᑦ, ᓇᒡᓕᖕᓇᕐᑐᑎᑦ ᐊᕐᓈᖅ: ᑕᒪᓐᓇ ᐱᖁᔭᖅ ᓄᑖᖑᓐᖏᓚᖅ ᑎᑎᕋᐅᓯᕆᔭᕋ ᐃᓕᖕᓄᑦ, ᐱᒋᐊᕐᓂᖓᓂᑦ ᐱᓯᒪᔭᕗᑦ, ᑍᒫᒃ ᓇᒡᓕᒃᑎᒌᒃᑐᒃᓴᐅᒐᑦᑕ.