ᔪᐊᓇᓯ ᓯᕗᓪᓖᑦ 4:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᕿᑐᕐᖔᑯᓗᒃᑲ, ᒎᑎᒧᑦ ᐱᒋᔭᐅᕗᓯ, ᑖᒃᑯᓂᖓᓗ ᓵᓚᖃᕐᐳᓯ; ᑖᓐᓇ ᐃᓗᑦᓯᓐᓃᑦᑐᖅ ᐱᔪᓐᓇᕐᓂᕐᓴᐅᖕᒪᑦ ᓯᓚᕐᔪᐊᕐᒥᑦᑐᒥᑦ.

ᔪᐊᓇᓯ ᓯᕗᓪᓖᑦ 4:4 Iomraidhean Croise

ᔪᐊᓇᓯᐅᑉ ᐊᒡᓚᖏᑦ 12:31

ᒫᓐᓇ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᕐᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᕐᐳᖅ;

ᔪᐊᓇᓯᐅᑉ ᐊᒡᓚᖏᑦ 14:30

ᐊᑯᓂ ᐅᖃᓪᓚᕕᒋᓂᐊᕈᓐᓃᕐᐸᑦᓯ, ᓯᓚᕐᔫᑉ ᑕᒪᑐᒪ ᐊᐅᓚᑦᓯᔨᖓ ᕾᓕᕐᒪᑦ. ᐅᕙᓐᓄᓪᓗ ᐱᔪᓐᓇᕐᓂᖃᕋᓂ;

ᔪᐊᓇᓯᐅᑉ ᐊᒡᓚᖏᑦ 16:11

ᐃᖅᑲᕐᑐᐃᓂᖅ ᐱᑦᔪᑎᒋᓪᓗᒍ, ᓯᓚᕐᔪᐊᑉ ᒪᑐᒪ ᐊᐅᓚᑦᓯᔨᖓ ᐃᖅᑲᕐᑐᕐᑕᐅᖕᒪᑦ.

ᔪᐊᓇᓯᐅᑉ ᐊᒡᓚᖏᑦ 17:23

ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᕐᑐᑦ.

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᕉᒪᒥᐅᓄᑦ 8:37

ᑕᒪᒃᑯᐊᓕ ᐊᑐᕐᑍᓐᓇᕆᒐᓗᐊᕐᓗᒋᑦ ᓵᓚᖃᕐᑎᑕᐅᓪᓚᕆᒃᐳᒍᑦ ᑖᑦᓱᒨᓇ ᓇᒡᓕᒋᔨᑦᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:12

ᐊᓂᕐᓂᕐᒥᒃ ᓯᓚᕐᔪᐊᕐᒥᑦ ᐱᔪᒥᒃ ᑐᓂᓯᕕᐅᓯᒪᓐᖏᓚᒍᑦ, ᒎᑎᒥᓪᓕ ᐱᔪᒥᒃ ᐊᓂᕐᓂᕐᒥᒃ ᑐᓂᓯᕕᐅᕗᒍᑦ, ᖃᐅᔨᔪᓐᓇᖁᓪᓗᑕ ᒎᑎᒥᑦ ᑐᓂᕐᕈᓯᐊᑦᑎᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:13

ᓂᕿ ᐊᕿᐊᕈᕐᒧᑦ ᑐᕌᖓᖕᒪᑦ, ᐊᕿᐊᕈᕐᓗ ᓂᕿᒧᑦ ᑐᕌᖓᒋᓪᓗᓂ, ᒎᑎᐅᓪᓗ ᑕᒪᒃᑯᐊ ᑕᒪᕐᒥᒃ ᐊᑐᕈᓐᓃᕐᑎᑦᓱᒫᕐᐰᑦ. ᑎᒥ ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᑐᕌᖓᖏᒻᒪᑦ, ᐊᑕᓂᕐᒧᓪᓕ ᐱᔨᑦᓯᕐᑐᒃᓴᓕᐊᕆᓯᒪᕗᖅ, ᐊᑕᓂᕐᓗ ᑎᒥᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᐃᐱᓯᒥᐅᓄᑦ 3:17

ᑐᒃᓯᐊᕐᐳᖓᓗ ᐅᒃᐱᕐᓂᑯᑦ ᙭ᔅᑑᓯ ᐃᓂᖃᖁᓪᓗᒍ ᐆᒻᒪᑎᑦᓯᓐᓂ; ᑖᑦᓱᒪᓂ ᐊᒫᖃᓕᖁᓪᓗᓯ ᑐᓐᖓᕕᖃᓕᖁᓪᓗᓯᓗ ᓇᒡᓕᖕᓂᕐᒥ,

ᐃᐱᓯᒥᐅᓄᑦ 6:10

ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.

ᔪᐊᓇᓯ ᓯᕗᓪᓖᑦ 2:1

ᕿᑐᕐᖔᑯᓗᒃᑲ, ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐊᔪᕐᑐᓕᖁᓇᓯ; ᐊᔪᕐᑐᓕᔪᖃᕐᐸᓪᓕ, ᑐᒃᓯᐅᑦᔨᔨᖃᕐᐳᒍᑦ ᐊᑖᑕᒥ, ᑕᕝᕙ ᔩᓱᓯ ᙭ᔅᑑᓯᒥᒃ ᐱᐅᔪᑐᐊᖑᔪᒥᒃ;

ᔪᐊᓇᓯ ᓯᕗᓪᓖᑦ 2:13

ᐊᑖᑕᐅᔪᓯ, ᑎᑎᕋᕐᕕᒋᕙᑦᓯ, ᑖᓐᓇ ᖃᐅᔨᒪᒐᑦᓯᐅᒃ ᐱᒋᐊᕐᓂᖓᓂᑦ ᐱᑕᕾᓐᓇᓚᐅᕐᑐᖅ. ᐃᓅᓱᒃᑑᔪᓯ ᑎᑎᕋᕐᕕᒋᕙᑦᓯ, ᑖᓐᓇ ᓵᓚᒋᓯᒪᒐᑦᓯᐅᒃ ᐱᐅᖏᑦᑐᐊᓗᒃ. ᕿᑐᕐᖓᒃᑲ ᑎᑎᕋᕐᕕᒋᕙᑦᓯ, ᐊᑖᑕ ᖃᐅᔨᒪᒐᑦᓯᐅᒃ.

ᔪᐊᓇᓯ ᓯᕗᓪᓖᑦ 3:20

ᐆᒻᒪᑎᑦᑎᒍᑦ ᐸᓯᔭᐅᒍᑦᑕ, ᒎᑎ ᐊᖏᓂᕐᓴᐅᕗᖅ ᐆᒻᒪᑎᑦᑎᓐᓂᑦ, ᑕᒤᓐᓂᑎᐊᕐᓗ ᖃᐅᔨᒪᕗᖅ.

ᔪᐊᓇᓯ ᓯᕗᓪᓖᑦ 3:24

ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.

ᔪᐊᓇᓯ ᓯᕗᓪᓖᑦ 4:13

ᑕᒪᑐᒥᖓ ᖃᐅᔨᑦᔪᑎᖃᕐᐳᒍᑦ ᑖᑦᓱᒪᓃᓐᓇᑦᑕ ᑖᓐᓇᓗ ᐃᓗᑦᑎᓐᓃᒻᒪᑦ, ᓇᖕᒥᓂᖅ ᐊᓂᕐᓂᕐᒥᓂᒃ ᑐᓂᓯᕕᒋᓚᐅᕐᒫᑎᒍᑦ.

ᔪᐊᓇᓯ ᓯᕗᓪᓖᑦ 4:16

ᒎᑎᐅᓪᓗ ᓇᒡᓕᖕᓂᖓ ᐅᕙᑦᑎᓐᓄᑦ ᓇᖕᒥᓂᖅ ᖃᐅᔨᒪᓪᓗᒍ ᐅᒃᐱᕆᕙᕗᑦ. ᒎᑎ ᓇᒡᓕᖕᓂᐅᖕᒪᑦ, ᓇᒡᓕᖕᓂᕐᒦᑦᑐᕐᓗ ᒎᑎᒦᑉᐳᖅ, ᒎᑎᓗ ᑖᑦᓱᒪᓃᓪᓗᓂ.

ᔪᐊᓇᓯ ᓯᕗᓪᓖᑦ 4:6

ᐅᕙᒍᓪᓕ ᒎᑎᐅᑉ ᐱᒋᕚᑎᒍᑦ. ᒎᑎᒥᒃ ᖃᐅᔨᒪᔪᓄᑦ ᓈᓚᒃᑕᐅᕗᒍᑦ, ᒎᑎᒥᓪᓗ ᐱᖏᑦᑑᑉ ᓈᓚᓐᖏᓛᑎᒍᑦ. ᑕᒪᑐᒧᖓ ᖃᐅᔨᒪᔪᓐᓇᕐᐳᒍᑦ ᐊᓂᕐᓃᑦ ᓱᓕᔪᑦ ᐊᓂᕐᓃᓪᓗ ᑕᒻᒪᕐᑎᑦᓯᔪᑦ ᓇᓪᓕᐊᖑᖕᒪᖔᑕ.

ᔪᐊᓇᓯ ᓯᕗᓪᓖᑦ 5:19

ᖃᐅᔨᒪᕗᒍᑦ ᒎᑎᒥᐅᑕᐅᒐᑦᑕ, ᓯᓚᕐᔪᐊᒥᐅᓪᓗ ᑕᒪᕐᒥᒃ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐊᐅᓚᑕᐅᕗᑦ.

ᔪᐊᓇᓯ ᓯᕗᓪᓖᑦ 5:4

ᑕᒪᕐᒥᒃ ᒎᑎᒥᑦ ᐃᕐᓂᐊᖑᔪᑦ ᓯᓚᕐᔪᐊᕐᒥᒃ ᓵᓚᖃᕐᐳᑦ; ᐅᒃᐱᕐᓂᕗᓪᓗ ᓯᓚᕐᔪᐊᕐᒥᒃ ᓵᓚᖃᕈᑎᒋᕙᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:11

ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.