ᔪᐊᓇᓯ ᓯᕗᓪᓖᑦ 4:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑕᑯᓯᒪᕗᒍᑦ ᓇᓗᓁᕐᓯᕗᒍᓪᓗ ᐊᑖᑕᐅᑉ ᐃᕐᓂᓂ ᑎᓕᓚᐅᕐᒪᒍ ᓯᓚᕐᔪᐊᕐᒥᐅᓄᑦ ᐱᐅᓕᔨᐅᖁᓪᓗᒍ.

ᔪᐊᓇᓯ ᓯᕗᓪᓖᑦ 4:14 Iomraidhean Croise

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 10:36

ᒎᑎᐅᑉ ᐃᑦᔪᕐᓁᑎᓚᐅᕐᑕᖓᓄᑦ ᑎᓕᓚᐅᕐᑕᖓᓄᓪᓗ ᓄᓇᕐᔪᐊᕐᒧᑦ ᐅᖃᕈᓐᓇᕐᐱᓰ ‘ᒎᑎᒥᒃ ᐅᖃᕐᓂᕐᓘᑎᖃᕐᐳᑎᑦ,’ ᐅᖃᓚᐅᕐᓂᕋ ᐱᓪᓗᒍ, ‘ᒎᑎᐅᑉ ᐃᕐᓂᕆᕚᖓ’?

ᔪᐊᓇᓯᐅᑉ ᐊᒡᓚᖏᑦ 12:47

ᐅᖃᐅᓯᓐᓂᒃ ᑐᓴᕐᑐᖅ ᒪᓕᒐᓂᓗ, ᐃᖅᑲᕐᑐᕐᓂᐊᓐᖏᓚᕋ; ᑎᑭᓚᐅᖏᓐᓇᒪ ᓯᓚᕐᔪᐊᕐᒥᐅᑦ ᐃᖅᑲᕐᑐᕆᐊᕐᑐᕐᓗᒋᑦ, ᓯᓚᕐᔪᐊᕐᒥᐅᓪᓕ ᐱᐅᓕᔭᕐᑐᕐᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 3:11

ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᖃᐅᔨᒪᔭᑦᑎᓐᓂᒃ ᐅᖃᓲᖑᕗᒍᑦ, ᑕᑯᓚᐅᕐᑕᑦᑎᓐᓂᒡᓗ ᐅᓂᒃᑳᕐᓗᑕ; ᐅᖃᐅᓯᕆᔭᑦᑎᓐᓂᒡᓕ ᐅᒃᐱᓐᖏᓚᓯ.

ᔪᐊᓇᓯᐅᑉ ᐊᒡᓚᖏᑦ 3:32

ᑕᑯᓚᐅᕐᑕᒥᓂᒃ ᑐᓴᓚᐅᕐᑕᒥᓂᒡᓗ ᐅᖃᐅᓯᖃᕐᐳᖅ, ᓇᓪᓕᐊᑦᑕᓘᓐᓃᓪᓕ ᑖᑦᓱᒪ ᐅᖃᐅᓯᕆᔭᖏᑦ ᐃᓚᓕᐅᓐᖏᓔᑦ.

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᔪᐊᓇᓯᐅᑉ ᐊᒡᓚᖏᑦ 4:42

ᐊᕐᓇᒧᑦ ᐅᖃᕐᐳᑦ, “ᒫᓐᓇ ᐅᒃᐱᓕᕐᐳᒍᑦ ᐅᖃᐅᓯᕐᑎᑦ ᐱᑦᔪᑎᒋᑐᐃᓐᓇᕐᓇᒋᑦ, ᐅᕙᒍᓪᓕ ᓇᖕᒥᓂᖅ ᑐᓴᕋᑦᑎᒍ, ᑐᑭᓯᓪᓗᑕᓗ ᐃᓛᒃ ᑖᓐᓇ ᓱᓕᔪᒥᒃ ᐱᐅᓕᔨᐅᖕᒪᑦ ᓯᓚᕐᔪᐊᕐᒥᐅᓄᑦ.”

ᔪᐊᓇᓯᐅᑉ ᐊᒡᓚᖏᑦ 5:39

ᐊᒡᓚᖕᓂᒃ ᕿᓂᕐᐳᓯ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᓂᐊᕋᓱᒋᓪᓗᓯ ᑖᒃᑯᓇᖓᑦ; ᑖᒃᑯᐊᓕ ᐅᕙᓐᓂᒃ ᓇᓗᓁᕐᓯᕗᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 18:5

ᓮᓚᓯᒃᑯᒃ ᑎᒧᑎᒃᑯᒃ ᒫᓯᑑᓂᐊᒥᑦ ᑎᑭᒻᒪᑎᒃ, ᐸᐅᓗᓯ ᐊᔪᕆᕐᑐᐃᖏᓐᓇᕐᓂᕐᓴᐅᓕᕐᐳᖅ ᑎᓕᔭᐅᑦᔪᑎᒥᓂᒃ, ᓇᓗᓁᔧᓪᓗᓂ ᔫᑎᓄᑦ ᔩᓱᓯᐅᑉ ᙭ᔅᑑᓯᐅᓂᖓᓂᒃ.

ᐲᑦᑐᕉᓯ ᓯᕗᓪᓖᑦ 5:12

ᓮᓚᓯᒥᒃ ᐃᑲᔪᕐᑎᖃᕐᓗᖓ, ᐅᑯᓂᖓ ᓁᑦᑐᓂᒃ ᑎᑎᕋᕐᕕᒋᕙᑦᓯ, ᑖᓐᓇ ᑍᔪᓐᓇᕐᐸᕋ ᓱᖁᓯᔪᐃᑦᑐᒥᒃ ᖃᑕᓐᖑᑎᒋᒐᒃᑯ, ᑲᔪᖏᕐᓴᕐᐸᑦᓯ ᓇᓗᓁᕐᓯᕕᒋᓪᓗᓯᓗ ᑕᒪᓐᓇ ᓱᓕᔪᒥᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ; ᑐᓐᖓᕕᒋᓯᐅᒃ ᐊᐅᓚᖏᓪᓗᓯ.

ᔪᐊᓇᓯ ᓯᕗᓪᓖᑦ 4:10

ᑕᒪᓐᓇ ᑕᕝᕙ ᓇᒡᓕᖕᓂᖅ, ᒎᑎ ᓇᒡᓕᒋᓯᒪᒐᑦᑎᒎᖏᑦᑐᖅ ᑖᑦᓱᒪᓕ ᓇᒡᓕᒋᖄᓚᐅᕐᒪᑎᒍᑦ ᐃᕐᓂᓂᓗ ᑎᓕᓚᐅᕐᒪᒍ ᐊᔪᕐᓂᕗᑦ ᑖᑦᓱᒨᓇ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᔪᐊᓇᓯ ᓯᕗᓪᓖᑦ 5:9

ᐃᓄᐃᑦ ᓇᓗᓁᕐᓯᓂᖏᓐᓂᒃ ᐅᒃᐱᕈᓱᒃᑯᑦᑕ, ᒎᑎᐅᑉ ᓇᓗᓁᕐᓯᓂᖓ ᐊᖏᓂᕐᓴᐅᕗᖅ; ᑕᒪᓐᓇᐅᕗᖅ ᑕᕝᕙ ᒎᑎᐅᑉ ᓇᓗᓁᕐᓯᓂᖓ ᐃᕐᓂᕐᒥᓂᒃ.