ᔪᐊᓇᓯ ᓯᕗᓪᓖᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓇᓪᓕᐊᑦ ᑖᑦᓱᒪᓃᑦᑐᖅ ᐊᔪᕐᑐᓖᓐᓇᕈᓐᓇᖏᓚᖅ; ᐊᔪᕐᑐᓕᓂᕐᒦᖏᓇᕐᑐᕐᓕ ᑕᑦᓱᒥᖓ ᑕᑯᓚᐅᕐᓯᒪᒃᖏᓚᖅ ᖃᐅᔨᒪᓇᒍᓗ.

ᔪᐊᓇᓯ ᓯᕗᓪᓖᑦ 3:6 Iomraidhean Croise

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᔪᐊᓇᓯ ᓯᕗᓪᓖᑦ 2:28

ᒫᓐᓇᓗ ᕿᑐᕐᖓᒃᑲ, ᑖᑦᓱᒪᓃᑦᓮᓐᓇᕆᑦᓯ, ᑖᓐᓇ ᓴᖅᑭᑉᐸᑦ ᓯᕘᕋᑦᔪᑎᒃᓴᖃᖁᓇᑕ ᑲᓐᖑᓲᑎᒃᓴᖃᖁᓇᑕᓗ ᑖᑦᓱᒪ ᑎᑭᕝᕕᐊᓂ.

ᔪᐊᓇᓯ ᓯᕗᓪᓖᑦ 2:3

ᐱᖁᔭᖏᑦ ᓈᓚᑯᑦᑎᒍ ᖃᐅᔨᒪᑦᔪᑎᒋᔪᓐᓇᕐᐸᕗᑦ ᑖᑦᓱᒥᖓ ᖃᐅᔨᒪᔭᖃᑦᓯᐊᕐᓂᑦᑎᓐᓂᒃ.

ᔪᐊᓇᓯ ᓯᕗᓪᓖᑦ 2:4

ᓇᓪᓕᐊᑦ ᑖᑦᓱᒥᖓ ᖃᐅᔨᒪᓂᕋᕐᐸᑦ, ᐱᖁᔭᖏᓐᓂᒡᓗ ᒪᓕᖏᓪᓗᓂ ᑖᓐᓇ ᓴᒡᓗᑐᔫᕗᖅ, ᓱᓕᔪᒧᓪᓗ ᓇᔪᕐᑕᐅᓇᓂ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᔪᐊᓇᓯ ᓯᕗᓪᓖᑦ 3:9

ᓇᓪᓕᐊᑦ ᒎᑎᒧᑦ ᕿᑐᕐᖓᐅᔪᖅ ᐊᔪᕐᑐᓖᓐᓇᕈᓐᓃᕐᐳᖅ, ᒎᑎᐅᑉ ᐱᕈᕐᓯᐊᖓ ᑖᑦᓱᒪ ᐃᓗᐊᓃᒻᒪᑦ; ᐊᔪᕐᑐᓖᓐᓇᕈᓐᓇᓐᖏᓚᖅ, ᒎᑎᒥᑦ ᐃᕐᓂᐊᖑᓯᒪᒐᒥ.

ᔪᐊᓇᓯ ᓯᕗᓪᓖᑦ 4:8

ᓇᒡᓕᒍᓱᖏᑦᑐᕐᓕ ᒎᑎᒥᒃ ᖃᐅᔨᒪᓐᖏᓚᖅ; ᒎᑎ ᓇᒡᓕᖕᓂᐅᖕᒪᑦ.

ᔪᐊᓇᓯ ᓯᕗᓪᓖᑦ 5:18

ᖃᐅᔨᒪᕗᒍᑦ ᑕᒪᕐᒥᒃ ᒎᑎᒥᑦ ᐃᕐᓂᐊᖑᔪᑦ ᐊᔪᕐᑐᓖᓐᓇᕈᓐᓇᖏᒻᒪᑕ, ᒎᑎᐅᑉ ᐃᕐᓂᖓᑕ ᓴᐳᑎᓯᒪᖕᒪᒋᑦ, ᓵᑖᓇᓯᐅᓪᓗ ᐊᒃᑐᕐᓂᐊᓐᖏᓛ.

ᔪᐊᓇᓯᐅᑉ ᐱᖓᔪᖏᑦ 1:11

ᓇᒡᓕᖕᓇᕐᑐᑎᑦ, ᐱᐅᖏᑦᑐᑦ ᒪᓕᖕᓂᐊᕐᓇᒋᑦ ᐱᐅᔪᓪᓕ ᒪᓕᖔᒃᑭᑦ. ᐱᐅᔪᒥᒃ ᐱᓇᓱᐊᕐᑐᖅ ᒎᑎᒥᑦ ᐱᕗᖅ; ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᒎᑎᒥᒃ ᑕᑯᓯᒪᓐᖏᓚᖅ.