ᔪᐊᓇᓯ ᓯᕗᓪᓖᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᔪᐊᓇᓯ ᓯᕗᓪᓖᑦ 3:2 Iomraidhean Croise

ᔫᐱᐅᑉ ᐊᒡᓚᖏᑦ 19:26

ᐅᕕᓂᒐᓗ ᐋᓐᓂᐊᓇᕐᑐᒧᑦ ᓄᖑᑕᐅᒐᓗᐊᕐᐸᑦ, ᓱᓕ ᑎᒥᓐᓃᓪᓗᖓ ᒎᑎ ᑕᑯᔪᒫᕐᐸᕋ,

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᐃᓐᖏᕈᑎᑦ 31:19

ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᐂᓮᐊᓯᐅᑉ ᐊᒡᓚᖏᑦ 56:5

ᑖᒃᑯᓄᖓ ᑐᓂᓯᔪᒫᕐᐳᖓ ᐃᒡᓗᒪ ᐃᓗᐊᓂ, ᐃᒡᓗᒪᓗ ᐊᑭᓐᓇᖓᓂ, ᐃᖅᑲᐅᒪᑦᔭᐅᔪᑎᒃᓴᖏᓐᓂᒃ ᐊᑎᓕᐅᕐᓗᒋᓪᓗ ᐃᕐᓂᐅᔪᑦ ᐸᓂᐅᔪᓪᓗ ᐊᑎᖏᑕ ᐱᐅᖅᑭᔭᖏᓐᓂᒃ; ᐊᑦᓯᕈᒫᕐᐸᒃᑲ ᐊᑎᕐᒥᒃ ᐃᓱᖃᖏᑦᑐᒧᑦ ᐲᕐᑕᐅᓂᐊᖏᑦᑐᒥᒃ.

ᒪᓚᑬᑉ ᐊᒡᓚᖏᑦ 3:2

“ᑭᐊ ᐊᑐᕈᓐᓇᕈᒫᕐᐸᐅᒃ ᐅᓪᓗᖅ ᑖᑦᓱᒪ ᑎᑭᕝᕕᒃᓴᖓ? ᑭᓇᓗ ᓇᖏᕈᓐᓇᕈᒫᕐᐸ ᓴᖅᑭᑉᐸᑦ? ᑖᓐᓇ ᐃᑯᒪᑐᑦ ᓴᕕᕋᔭᒃᓴᓂᒃ ᐊᐅᒃᑎᑦᓯᔪᑎᑎᑐᑦ ᑍᒤᑦᓱᒫᕐᒪᑦ ᐊᓐᓄᕌᓂᒡᓗ ᐅᐊᓴᐅᑎᑎᑐᑦ;

ᒫᑎᐅᓯᐅᑉ ᐊᒡᓚᖏᑦ 5:8

ᓮᒪᓇᕐᑐᒦᑉᐳᑦ ᐆᒻᒪᑎᒥᒍᑦ ᐸᓯᔭᐅᑦᔪᑎᒃᓴᖃᖏᑦᑐᑦ; ᒎᑎᒥᒃ ᑕᑯᔪᒫᕐᒪᑕ.

ᓘᑲᓯᐅᑉ ᐊᒡᓚᖏᑦ 17:30

ᑍᒤᑦᓱᒫᕆᕗᕐᑕᐅᖅ ᐅᓪᓗᒥ ᐃᓅᑉ ᐃᕐᓂᖓᑕ ᓴᖅᑭᕝᕕᐊᓂ.

ᓘᑲᓯᐅᑉ ᐊᒡᓚᖏᑦ 20:36

ᒎᑎᐅᑉ ᕿᑐᕐᖓᕆᖕᒪᒋᑦ, ᑐᖁᒥᑦ ᒪᑭᓯᒪᓂᕐᒥᖕᓄᑦ ᐂᖏᓖᑎᑐᑦ ᑍᒤᑦᓱᒫᕐᒪᑕ ᑐᖁᔪᓐᓇᕈᓐᓃᕐᓗᑎᒡᓗ.

ᔪᐊᓇᓯᐅᑉ ᐊᒡᓚᖏᑦ 1:12

ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᕐᓯᑎᑉᐰᑦ ᒎᑎᒧᑦ;

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᕉᒪᒥᐅᓄᑦ 8:16

ᐊᓂᕐᓂᖅ ᓇᖕᒥᓂᖅ ᐊᓂᕐᓂᑦᑎᓐᓄᑦ ᖃᐅᔨᑎᑦᓯᕗᖅ ᒎᑎᒧᑦ ᕿᑐᕐᖓᕆᔭᐅᓂᑦᑎᓐᓂᒃ.

ᕉᒪᒥᐅᓄᑦ 8:18

ᐃᓱᒪᒋᒐᒃᑯ ᐅᖁᒤᑦᑐᒦᓐᓃᑦ ᒫᓐᓇ ᐊᑐᕐᑕᐅᔪᑦ ᐊᑦᔨᐅᑎᑕᒃᓴᐅᖏᒻᒪᑕ ᐱᓐᓇᕐᓇᕐᑐᕐᔪᐊᒧᑦ ᓴᖅᑭᑎᑕᐅᔪᒫᕐᑐᒧᑦ ᐅᕙᑦᑎᓐᓄᑦ.

ᕉᒪᒥᐅᓄᑦ 8:19

ᐱᓐᖑᕐᑎᑕᐅᓯᒪᔪᓪᓕ ᐅᑕᖅᑭᕗᑦ ᕿᓚᓈᕐᓗᑎᒃ ᒎᑎᐅᑉ ᕿᑐᕐᖓᖏᑕ ᓇᓗᓁᕐᑕᐅᓂᒃᓴᖏᓐᓂᒃ;

ᕉᒪᒥᐅᓄᑦ 8:29

ᓯᕗᓂᖓᒍᑦ ᓂᕈᐊᕐᓯᒪᔭᓂ ᒎᑎᐅᑉ ᕾᖁᓯᒪᖕᒪᒋᑦᑕᐅᖅ ᐃᕐᓂᕐᒥᓄᑦ ᐊᑦᔨᒋᔭᐅᓕᖁᓪᓗᒋᑦ, ᑖᓐᓇ ᐊᖓᔪᒃᖠᕐᐹᖑᖁᓪᓗᒍ ᐅᒃᐱᕐᑑᖃᑎᒌᑦ ᐊᒥᓱᑦ ᐊᑯᕐᖓᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:12

ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:49

ᓲᕐᓗᑦᑕᐅᖅ ᐃᑦᔪᒥᑦ ᓴᓇᔭᐅᓯᒪᔪᖅ ᐊᑦᔨᒋᒐᑦᑎᒍ, ᑍᒫᒃᑕᐅᖅ ᕿᓚᖕᒥᑦ ᐱᓯᒪᔪᖅ ᐊᑦᔨᒋᔪᒫᕆᕙᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:9

ᐊᒡᓚᖕᓂ ᑎᑎᕋᕐᓯᒪᖕᒪᑦ: “ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᕐᑕᐅᓚᐅᖏᑦᑐᕐᓘᓐᓃᑦ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᒪᖔᑦ, ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᕐᐹ ᐱᓐᓇᕆᔨᒥᓄᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:17

ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,

ᒐᓔᑎᐊᒥᐅᓄᑦ 3:26

᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ

ᒐᓔᑎᐊᒥᐅᓄᑦ 4:6

ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ, ᐊᑖᑖᒃ!”

ᐱᓕᐱᒥᐅᓄᑦ 3:21

ᑖᑦᓱᒪ ᑎᒥᕗᑦ ᓴᓐᖐᑦᑐᖅ ᐊᓯᑦᔨᕈᒫᕐᐹ ᑎᒥᒥᓄᑦ ᐱᕕᐊᕐᓇᕐᑐᕐᔪᐊᒧᑦ ᐊᑦᔨᐅᓕᕐᑎᓪᓗᒍ, ᐱᔪᓐᓇᕐᓂᕐᒥᒡᓗ ᑖᑦᓱᒥᖓ ᐊᑐᕐᓗᓂ ᑕᒪᕐᒥᒃ ᐊᑕᓂᐅᕕᒋᓕᕈᒫᕐᐰᑦ.

ᑯᓘᓯᐊᒥᐅᓄᑦ 3:4

᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᐂᑉᐸᖏᑦ 1:4

ᑕᒪᒃᑯᑎᒎᓇᖅ ᑐᓂᓯᕕᒋᓯᒪᖕᒪᑎᒍᑦ ᐱᕕᐊᕐᓇᕐᓂᕐᒥᓂᒃ ᐊᖏᕈᑎᒋᓯᒪᔭᖓᑕᓗ ᐊᖏᔫᓂᖓᓂᒃ, ᑕᒪᒃᑯᐊ ᐊᖅᑯᑎᒋᓗᒋᑦ ᕿᒤᑎᑕᐅᒐᑦᓯ ᐱᐅᖏᑦᑐᐊᓗᖕᓂᒃ ᓯᓚᕐᔪᐊᕐᒦᑦᑐᓂᒃ ᐃᒃᓯᒎᕐᓂᒃᑯᑦ ᓴᖅᑭᑎᑕᐅᔪᓂᑦ, ᐃᓚᖏᐅᑎᑎᑕᐅᖁᓪᓗᓯᓗ ᒎᑎᐅᓂᖓᓂᒃ.

ᔪᐊᓇᓯ ᓯᕗᓪᓖᑦ 2:28

ᒫᓐᓇᓗ ᕿᑐᕐᖓᒃᑲ, ᑖᑦᓱᒪᓃᑦᓮᓐᓇᕆᑦᓯ, ᑖᓐᓇ ᓴᖅᑭᑉᐸᑦ ᓯᕘᕋᑦᔪᑎᒃᓴᖃᖁᓇᑕ ᑲᓐᖑᓲᑎᒃᓴᖃᖁᓇᑕᓗ ᑖᑦᓱᒪ ᑎᑭᕝᕕᐊᓂ.

ᔪᐊᓇᓯ ᓯᕗᓪᓖᑦ 2:7

ᓇᒡᓕᒋᔭᒃᑲ, ᐱᖁᔭᖅ ᐃᓕᑦᓯᓐᓄᑦ ᑎᑎᕋᐅᓯᕆᔭᕋ ᓄᑖᖑᓐᖏᓚᖅ, ᐱᖁᔭᑐᖃᐅᕗᖅ ᐱᒋᐊᕐᓂᖓᓂᑦ ᐱᓯᒪᔭᓯ; ᐱᖁᔭᖅ ᑐᓴᕐᓯᒪᔭᑐᖃᕆᔭᓯ.

ᔪᐊᓇᓯ ᓯᕗᓪᓖᑦ 3:1

ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.

ᔪᐊᓇᓯ ᓯᕗᓪᓖᑦ 3:21

ᓇᒡᓕᒋᔭᒃᑲ, ᐆᒻᒪᑎᑦᑎᒍᑦ ᐃᖅᑲᕐᑐᕐᑕᐅᖏᒃᑯᑦᑕ, ᑕᕝᕙ ᖁᓚᖏᑦᔪᑎᒃᓴᖃᕐᐳᒍᑦ ᒎᑎᐅᑉ ᓵᖓᓂ.

ᔪᐊᓇᓯ ᓯᕗᓪᓖᑦ 5:1

ᑕᒪᕐᒥᒃ ᐅᒃᐱᕐᑐᑦ ᔩᓱᓯ ᙭ᔅᑑᓯ ᒎᑎᒧᑦ ᐃᕐᓂᐊᖑᑎᑕᐅᓯᒪᕗᑦ, ᑕᒪᕐᒥᒡᓗ ᐊᑖᑕᒥᒃ ᓇᒡᓕᒍᓱᒃᑐᑦ ᑖᑦᓱᒪ ᕿᑐᕐᖓᖓᑦᑕᐅᖅ ᓇᒡᓕᒋᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:28

ᑐᓂᓯᕕᒋᓂᐊᕐᐸᕋᓗ ᐅᓪᓗᕆᐊᒥᒃ ᖃᐅᓕᕐᑐᕐᓯᐅᒻᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:4

ᑮᓇᖓᓗ ᑕᑯᔪᒫᕐᐹᑦ, ᐊᑎᖓᓗ ᖃᐅᖏᓐᓂ ᑎᑎᕋᕐᓯᒪᔪᒫᕐᐳᖅ.