ᔪᐊᓇᓯ ᓯᕗᓪᓖᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑍᒫᒃ ᖃᐅᔨᒪᑦᔪᑎᖃᕈᓐᓇᕐᐳᒍᑦ ᓱᓕᔪᒥᐅᑕᐅᓂᑦᑎᓐᓂᒃ, ᐆᒻᒪᑎᑦᑎᓐᓂ ᓇᓗᖏᑦᓯᐊᕐᓗᑕ ᓵᖓᓂ.

ᔪᐊᓇᓯ ᓯᕗᓪᓖᑦ 3:19 Iomraidhean Croise

ᐃᓐᖏᕈᑎᑦ 119:56

ᑕᒪᓐᓇ ᖁᕕᐊᓇᕐᑐᕐᓯᐊᕆᓯᒪᕙᕋ, ᐱᓂᐊᕐᑕᐅᖁᔭᕐᓂᒃ ᓈᓚᖕᓂᖅ.

ᐂᓮᐊᓯᐅᑉ ᐊᒡᓚᖏᑦ 32:17

ᓇᓛᒎᕐᓂᐅᑉ ᐱᓇᓱᐊᕐᓂᖓ ᓮᓕᑦᓯᐊᕐᓂᐅᕗᖅ, ᓇᓛᒎᕐᓂᐅᓪᓗ ᐱᒋᐊᕐᑎᑉᐸ ᐃᓅᓯᖃᕐᓂᖅ ᖃᓄᐃᖏᑦᓯᐊᕐᓇᕐᑐᒥᒃ ᖁᓚᖏᓐᓂᕐᓗ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᐊᒡᓚᖏᑦ 13:35

ᐃᓕᑦᓯᓐᓄᑦ ᓇᒡᓕᒃᑎᒌᒍᑦᓯ, ᑕᒪᑐᒨᓇ ᐃᓄᓕᒫᑦ ᑐᑭᓯᔪᒫᕐᐳᑦ ᐅᕙᓐᓄᑦ ᐃᓕᓐᓂᐊᕐᑎᐅᓂᑦᓯᓐᓂᒃ.”

ᔪᐊᓇᓯᐅᑉ ᐊᒡᓚᖏᑦ 18:37

ᑕᕝᕙ ᐰᓛᑑᓯᐅᑉ ᐊᐱᕆᕚ, “ᑕᕝᕚ ᐊᖓᔪᖅᑳᕐᔪᐊᖑᕕᑦ?” ᔩᓱᓯᐅᑉ ᑭᐅᕚ, “ᐃᕝᕕᑦ ᐊᖓᔪᖅᑳᕐᔪᐊᖑᓂᕋᕐᐸᕐᒪ. ᑕᒪᓐᓇ ᐱᑦᔪᑎᒋᓪᓗᒍ ᐃᓅᓚᐅᕐᐳᖓ, ᓯᓚᕐᔪᐊᕐᒧᓪᓗ ᑎᑭᓪᓗᖓ, ᓱᓕᔪᒥᒃ ᓇᓗᓁᕐᓯᔭᕐᑐᕐᓗᖓ. ᓱᓕᔪᒦᑦᑐᓕᒫᑦ ᑐᓴᕐᐹᖓ.”

ᕉᒪᒥᐅᓄᑦ 4:21

ᓱᓕᔪᕐᓴᑦᓯᐊᓚᐅᕐᐳᖅ ᒎᑎ ᐊᖏᕈᑎᒋᓯᒪᔭᒥᓂᒃ ᑲᔪᓯᑦᓯᐊᕈᓐᓇᕐᓂᖓᓂᒃ.

ᕉᒪᒥᐅᓄᑦ 8:38

ᖁᓚᖏᑦᓯᐊᕋᒪ ᑖᑦᓱᒪ ᓇᒡᓕᒍᓱᖕᓂᖓᓂᑦ ᓱᓇᒧᓪᓘᓐᓃᑦ ᐊᕕᑎᑕᐅᔪᓐᓇᖏᓐᓇᑦᑕ, ᑐᖁᒨᓪᓘᓐᓃᑦ, ᐃᓅᓯᕐᒧᓪᓘᓐᓃᑦ, ᐂᖏᓕᓄᓪᓘᓐᓃᑦ, ᕿᓚᖕᒥᓘᓐᓃᑦ ᐊᖓᔪᖅᑳᖑᔪᓄᑦ, ᒫᓐᓇᓗ ᐊᑐᕐᑕᑦᑎᓐᓄᑦ, ᐊᑐᕈᒫᕐᑕᑦᑎᓐᓄᓪᓘᓐᓃᑦ, ᐱᔪᓐᓇᕐᓂᐅᔪᓄᓪᓗ,

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 11:13

ᑍᒃᑯᐊᓕᒫᑦ ᐅᒃᐱᕐᓂᒃᑰᕐᓗᑎᒃ ᑐᖁᓚᐅᕐᐳᑦ, ᐊᖏᕈᑕᐅᓯᒪᔪᒥᒃ ᐱᓚᐅᕋᑎᒃ, ᐅᖓᓯᒋᔮᓂᓪᓕ ᑭᓯᐊᓂ ᑕᑯᓐᓇᓚᐅᕐᐹᑦ ᖁᕕᐊᓲᑎᒋᓪᓗᒍᓗ, ᓇᓗᓁᕐᓯᓚᐅᕐᐳᓪᓗ ᑕᒫᓂᒥᐅᑕᐅᖏᓐᓂᕐᒥᖕᓂᒃ ᓄᓇᒋᓐᖏᑕᒥᓃᓐᓂᕐᒥᓂᒡᓗ ᑕᕝᕙᓂ ᓄᓇᕐᔪᐊᕐᒥ.

ᔪᐊᓇᓯ ᓯᕗᓪᓖᑦ 1:8

ᐊᔪᕐᓂᖃᖏᓐᓂᕋᕈᑦᑕᓕ, ᐅᕙᑦᑎᓐᓂᒃ ᓇᖕᒥᓂᖅ ᐅᐃᕕᕆᕗᒍᑦ, ᓱᓕᔪᕐᓗ ᐃᓗᑦᑎᓐᓃᓐᖏᓚᖅ.

ᔪᐊᓇᓯ ᓯᕗᓪᓖᑦ 2:21

ᑍᒤᒻᒪᑦ ᑎᑎᕋᕐᕕᒋᕙᑦᓯ, ᓱᓕᓂᕐᒥᒃ ᖃᐅᔨᒪᖏᓐᓂᓯ ᐱᑦᔪᑎᒋᓇᒍ, ᖃᐅᔨᒪᒐᑦᓯᐅᒡᓕ, ᖃᐅᔨᒪᓪᓗᓯᓗ ᓱᓕᓐᖏᑦᑐᖅ ᓱᓕᓂᕐᒥᑦ ᐱᓯᒪᖏᒻᒪᑦ.

ᔪᐊᓇᓯ ᓯᕗᓪᓖᑦ 3:14

ᖃᐅᔨᒪᕗᒍᑦ ᑐᖁᒥᑦ ᓄᒃᑎᕐᓯᒪᒐᑦᑕ ᐃᓅᓯᕐᒧᑦ, ᐅᒃᐱᕐᑑᖃᑎᕗᑦ ᓇᒡᓕᒋᒐᑦᑎᒋᒃ. ᓇᓪᓕᐊᑦ ᓇᒡᓕᒍᓱᖏᑦᑐᖅ ᑖᓐᓇ ᓱᓕ ᑐᖁᒦᑉᐳᖅ.

ᔪᐊᓇᓯ ᓯᕗᓪᓖᑦ 3:20

ᐆᒻᒪᑎᑦᑎᒍᑦ ᐸᓯᔭᐅᒍᑦᑕ, ᒎᑎ ᐊᖏᓂᕐᓴᐅᕗᖅ ᐆᒻᒪᑎᑦᑎᓐᓂᑦ, ᑕᒤᓐᓂᑎᐊᕐᓗ ᖃᐅᔨᒪᕗᖅ.

ᔪᐊᓇᓯ ᓯᕗᓪᓖᑦ 3:21

ᓇᒡᓕᒋᔭᒃᑲ, ᐆᒻᒪᑎᑦᑎᒍᑦ ᐃᖅᑲᕐᑐᕐᑕᐅᖏᒃᑯᑦᑕ, ᑕᕝᕙ ᖁᓚᖏᑦᔪᑎᒃᓴᖃᕐᐳᒍᑦ ᒎᑎᐅᑉ ᓵᖓᓂ.