ᔪᐊᓇᓯ ᓯᕗᓪᓖᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑍᒫᒃ ᓇᒡᓕᖕᓂᖅ ᖃᓄᐃᑦᑑᖕᒪᖔᑦ ᖃᐅᔨᑦᔪᑎᖃᕐᐳᒍᑦ: ᑖᓐᓇ ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᐅᕙᑦᑎᓐᓄᑦ. ᐅᕙᒍᑦᑕᐅᖅ ᑍᒫᑦᓮᓐᓇᖅ ᐃᓅᓯᑦᑎᓐᓂᒃ ᑐᓂᓯᔪᒃᓴᐅᒋᕗᒍᑦ ᐅᒃᐱᕐᑑᖃᑎᕗᑦ ᐱᑦᔪᑎᒋᓗᒋᑦ.

ᔪᐊᓇᓯ ᓯᕗᓪᓖᑦ 3:16 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᔪᐊᓇᓯᐅᑉ ᐊᒡᓚᖏᑦ 10:11

“ᐅᕙᖓ ᐰᕐᓯᔨᑦᓯᐊᖑᕗᖓ. ᐰᕐᓯᔨᑦᓯᐊᖅ ᐃᓅᓯᕐᒥᓂᒃ ᑐᓂᓯᕗᖅ ᓰᐲᑦ ᐱᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 10:15

ᓲᕐᓗ ᐊᑖᑕᐅᑉ ᐃᓕᑕᕆᖕᒪᖓ ᐅᕙᖓᓗ ᐊᑖᑕ ᐃᓕᑕᕆᒐᒃᑯ; ᐃᓅᓯᕋᓗ ᑐᓂᕙᕋ ᓰᐲᑦ ᐱᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 13:34

ᐱᖁᔭᒥᒃ ᓄᑖᒥᒃ ᑐᓂᓯᕕᒋᕙᑦᓯ, ᓇᒡᓕᒃᑎᒌᖁᓪᓗᓯ; ᓲᕐᓗ ᓇᒡᓕᒋᓚᐅᕋᑦᓯ, ᑍᒫᒃᑕᐅᖅ ᐃᓕᑦᓯᓐᓄᑦ ᓇᒡᓕᒃᑎᒌᒃᑐᒃᓴᐅᒋᕗᓯ.

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᕉᒪᒥᐅᓄᑦ 16:4

ᑖᒃᑯᐊᒃ ᐃᓅᓯᕐᒥᖕᓂ ᑲᑉᐱᐊᓇᕐᑐᒃᑰᓚᐅᕐᒪᑎᒃ ᐅᕙᖓ ᐱᑦᔪᑎᒋᓪᓗᖓ, ᐅᕙᖓᑑᖏᑦᑐᖅ ᐅᒃᐱᕐᑑᖃᑎᒌᓪᓗᑦᑕᐅᖅ ᔫᑎᐅᖏᑦᑐᑦ ᑖᒃᑯᖕᓂᖓ ᖁᔭᓕᖃᑎᒌᒃᐳᒍᑦ;

ᕉᒪᒥᐅᓄᑦ 5:8

ᒎᑎᐅᓪᓕ ᓇᒡᓕᖕᓂᓂ ᐅᕙᑦᑎᓐᓄᑦ ᓴᖅᑭᑎᓚᐅᕐᐹ ᓱᓕ ᐊᔪᕐᑐᓕᔨᐅᑎᓪᓗᑕ ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᐹᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:12

ᑕᕝᕙ ᑐᖁ ᐅᕙᑦᑎᓐᓂᒃ ᐱᓇᓱᐊᖏᓐᓇᕐᐳᖅ; ᐃᓅᓯᕐᓕ ᐃᓕᑦᓯᓐᓂ ᐱᓇᓱᐊᕐᑎᓪᓗᒍ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐃᐱᓯᒥᐅᓄᑦ 5:25

ᐃᓕᑦᓯ ᐊᖑᑎᐅᔪᓯ, ᓄᓕᐊᓯ ᓇᒡᓕᒋᓯᒋᒃ, ᙭ᔅᑑᓯᐅᑦᑕᐅᖅ ᐅᒃᐱᕐᑑᖃᑎᒌᑦ ᓇᒡᓕᒋᓚᐅᕐᒪᒋᑦ ᐃᒻᒥᓂᒡᓗ ᑐᓂᓪᓗᓂ ᑖᒃᑯᐊ ᐱᓪᓗᒋᑦ.

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᐱᓕᐱᒥᐅᓄᑦ 2:30

ᐃᓛᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᖏᒻᒪᑦ ᐊᒡᓛᑦ ᑐᖁᑲᓴᓚᐅᕐᐳᖅ; ᙭ᔅᑑᓯᐅᑉ ᐱᓂᐊᖁᔭᖏᑦ ᐱᑦᔪᑎᒋᓪᓗᒋᑦ, ᐃᓕᑦᓯᓐᓂᒃ ᐃᓇᖐᓗᓂ ᐅᕙᓐᓂᒃ ᐃᑲᔪᕈᒪᓪᓗᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:8

ᑍᒫᒃ ᐊᖏᑎᒋᔪᒥᒃ ᐃᓕᑦᓯᓐᓂᒃ ᓇᒡᓕᒍᓱᖕᓂᑦᑎᓐᓄᑦ, ᐱᓇᓱᐊᖃᑎᒋᔪᒪᓚᐅᕐᐸᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑐᐃᓐᓇᐅᖏᑦᑐᖅ ᒎᑎᒥᓐᖔᕐᑐᓂᒃ, ᐃᓅᓯᑦᑎᓐᓂᒡᓕᑦᑕᐅᖅ ᐊᒡᓛᑦ, ᐊᒃᓱᒻᒪᕆᐊᓗᒃ ᐅᕙᑦᑎᓐᓄᑦ ᓇᒡᓕᖕᓇᕐᑑᒐᑦᓯ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐲᑦᑐᕉᓯ ᓯᕗᓪᓖᑦ 1:18

ᖃᐅᔨᒪᑦᓯᐊᕋᑦᓯ ᐊᓯᕈᕐᑐᒃᓴᒧᑦ ᓯᐅᓪᕕᕆᒧᓪᓘᓐᓃᑦ ᒎᓗᒧᓪᓘᓐᓃᑦ ᐊᑭᓕᕐᑕᐅᓯᒪᖏᓐᓇᑦᓯ ᒪᑐᒪᓐᖓᑦ ᐃᓅᓯᕐᒥᑦ ᓱᒃᓴᐅᖏᑦᑐᒥᑦ ᓯᕗᓕᑦᓯᓐᓂᑦ ᐃᓅᓯᕐᑖᕆᓯᒪᔭᑦᓯᓐᓂᑦ ᕿᓚᕈᑦᔮᕐᑕᐅᓚᐅᕐᕋᓯ,

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;

ᔪᐊᓇᓯ ᓯᕗᓪᓖᑦ 2:6

ᓇᓪᓕᐊᑦ ᑖᑦᓱᒪᓃᓂᕋᕐᑐᖅ ᐃᓅᔪᒃᓴᐅᕗᖅ ᑖᑦᓱᒪ ᐃᓕᖅᑯᓯᕆᓚᐅᕐᑕᖓᑐᑦ.

ᔪᐊᓇᓯ ᓯᕗᓪᓖᑦ 2:9

ᓇᓪᓕᐊᑦ ᖃᐅᒪᔪᒦᓐᓂᕋᕐᓗᓂ ᐅᖃᕐᐸᑦ ᐃᓅᖃᑎᒥᓂᒡᓗ ᐆᒥᓱᒡᓗᓂ ᑖᓐᓇ ᓱᓕ ᑖᕐᑐᒦᖏᓐᓇᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.