ᔪᐊᓇᓯ ᓯᕗᓪᓖᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑬᓂᑐᑦ ᑍᒤᑦᑐᒃᓴᐅᓐᖏᓚᓯ, ᑖᓐᓇ ᓵᑖᓇᓯᒥᑦ ᐱᒐᒥ ᓄᑲᓂ ᑐᖁᓚᐅᕐᐹ. ᓱᖕᒪᓪᓗ ᓄᑲᓂ ᑐᖁᓚᐅᕐᐸᐅᒃ? ᐱᓂᐊᕐᓂᖏᑦ ᐱᐅᖏᒻᒪᑕ ᓄᑲᖓᓗ ᐃᓗᐊᕐᑑᖕᒪᑦ.

ᔪᐊᓇᓯ ᓯᕗᓪᓖᑦ 3:12 Iomraidhean Croise

ᒨᓯᓯ ᓯᕗᓪᓖᑦ 4:25

ᐋᑕᒥᐅᑉ ᓄᓕᐊᓂ ᐱᖃᑎᒋᒃᑲᓐᓂᕐᒪᒍ, ᓄᓕᐊᖓ ᐃᕐᓂᕐᑖᓚᐅᕐᐳᖅ ᐋᑕᒥᐅᑉ ᐊᑎᖃᕐᑎᑉᐹ ᓰᑎᒥᒃ, ᐄᕕ ᐅᖃᓚᐅᕐᒪᑦ, “ᒎᑎᐅᑉ ᐃᕐᓂᕐᒥᒃ ᑐᓂᓯᕕᒋᕚᖓ ᐂᐱᓕ ᐃᓇᖏᕐᓗᒍ, ᑬᓂᐅᑉ ᑐᖁᓚᐅᕐᒪᒍ.”

ᓴᒧᐃᓕ ᐂᑉᐸᖏᑦ 13:22

ᐋᑉᓴᓚᐅᓪᓕ ᐋᒻᓇᓐ ᐆᒥᒋᒻᒪᕆᓕᓚᐅᕐᐹ ᓇᔭᖓᓂᒃ ᑕᒫᕆᒥᒃ ᖁᓄᔪᕐᓂᐊᓚᐅᕐᑎᓪᓗᒍ, ᐅᖃᖃᑎᒋᔪᓐᓁᓪᓕᓚᐅᕐᐹᓗ ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᐃᓐᖏᕈᑎᑦ 37:12

ᐱᐅᖏᑦᑐᓕᔪᑦ ᐃᓱᒪᒃᓴᕐᓯᐅᕐᐳᑦ ᐃᓱᐊᕐᑐᓕᔪᓂᒃ ᐊᑭᕋᕐᑐᕈᒪᓪᓗᑎᒃ, ᑭᒍᑎᑎᒃ ᑮᒻᒥᕔᑦ ᑖᒃᑯᓄᖓ.

ᐃᓐᖏᕈᑎᑦ 38:20

ᐱᐅᖏᑦᑐᒧᓪᓗ ᐊᑭᓂᐊᕐᐸᒃᑐᑦ ᐅᕙᓐᓂᒃ ᐱᐅᔪᒥᒃ ᐱᓇᓱᐊᕐᑎᓪᓗᖓ ᐅᖃᕐᓂᕐᓘᑎᒋᕚᖓ ᐱᐅᔪᓂᒃ ᐱᓇᓱᐊᕐᓂᕋ ᐱᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:4

ᓂᓐᖓᐅᒪᓂᖅ ᐱᐅᓐᖏᓚᖅ, ᓂᓐᖓᖕᓂᒡᓗ ᓵᓚᖃᕈᓐᓇᕐᐳᖅ; ᑭᓇᓕ ᓯᖕᓇᓂᐅᑉ ᓵᖓᓂ ᓇᖏᕈᓐᓇᕐᐹ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:10

ᐊᖑᑏᑦ ᑐᖁᑦᓯᔪᒪᔪᑦ ᐆᒥᓱᒃᐳᑦ ᐸᓯᔭᒃᓴᐅᖏᑦᑐᓂᒃ, ᐊᔪᕐᑐᓕᔪᑦ ᐃᓱᐊᕐᑑᑉ ᐃᓅᓯᖓᓂᒃ ᐃᓱᓕᑎᑦᓯᔪᒪᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:27

ᐃᓱᐃᑦᑐᓕᔪᖅ ᐱᐅᒋᔭᐅᓐᖏᓚᖅ ᐃᓱᐊᕐᑐᒧᑦ, ᐃᓱᐊᕐᑐᕐᓗ ᐱᐅᒋᔭᐅᓐᖏᓚᖅ ᐃᓱᐃᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 13:19

ᑖᒃᑯᐊ ᐅᖃᐅᓯᕐᓂᒃ ᑐᓴᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᑐᑭᓯᓇᑎᒡᓗ, ᐊᑦᔨᖃᕐᐳᑦ ᐱᕈᕐᑐᒃᓴᓂᒃ ᑍᒃᑯᓄᖓ ᐊᖅᑯᓯᓂᕐᒧᑦ ᑲᑕᒃᑐᓂᒃ, ᐱᐅᖏᑦᑐᖅ ᑎᑭᓐᓇᒥ ᐲᔧᕗᖅ ᑲᓐᖓᕐᓲᑎᒋᔭᐅᔪᓂᒃ ᑖᒃᑯᓄᖓ.

ᒫᑎᐅᓯᐅᑉ ᐊᒡᓚᖏᑦ 13:38

ᐱᕈᕐᓰᕕᒃ, ᑕᕝᕙ ᓯᓚᕐᔪᐊᖅ, ᐱᕈᕐᑐᒃᓮᑦ ᐱᐅᔪᑦ ᑕᕝᕙ ᐃᓄᐃᑦ ᐊᑕᓂᐅᕕᐅᑉ ᐱᖏᑦ; ᐱᕈᕐᓂᕐᓗᒃᑐᑦ ᑕᕝᕙ ᐃᓄᐃᑦ ᓵᑖᓇᓯᐅᑉ ᐱᖏᑦ;

ᒫᑎᐅᓯᐅᑉ ᐊᒡᓚᖏᑦ 23:35

ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᕐᒧᑦ ᑎᑭᑕᐅᔪᒫᕐᐳᓯ, ᐸᓯᔭᒃᓴᐅᖏᑦᑐᓂᒃ ᐃᓄᐊᖃᑦᑕᕐᓂᑦᓯᓐᓄᑦ ᓄᓇᕐᔪᐊᕐᒥ, ᐂᐱᓕᐅᑉ ᐸᓯᔭᒃᓴᐅᖏᑦᑑᑉ ᐃᓄᐊᕐᑕᐅᓂᖓᓂᑦ, ᓴᑲᕅᐊᐅᑉ ᐸᕋᑬᐊᐅᑉ ᐃᕐᓂᖓᑕ ᐃᓄᐊᕐᑕᐅᓂᖓ ᑎᑭᓪᓗᒍ, ᑖᓐᓇ ᐃᓄᐊᓚᐅᕐᑕᓯ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ.

ᒫᑎᐅᓯᐅᑉ ᐊᒡᓚᖏᑦ 27:23

ᐰᓛᑑᓯᓗ ᐅᖃᕐᐳᖅ, “ᓱᓇᒥᒃ ᑐᖁᑕᐅᑦᔪᑎᒃᓴᒥᒃ ᐱᓯᒪᖕᒫᑦ?” ᑕᕝᕙ ᕾᒐᓛᓕᕐᐳᑦ ᓂᐱᖅᑯᕐᑐᓪᓗᑎᒃ, “ᑭᑭᐊᒃᑐᕐᑕᐅᓕ!”

ᒫᑎᐅᓯᐅᑉ ᐊᒡᓚᖏᑦ 5:37

ᐃᒫᒡᓕ ᐅᖃᖃᑦᑕᓕᕆᑦᓯ, ᐊᖏᕈᑦᓯ ᐊᖏᕐᓗᓯ, ᐊᖏᖏᒃᑯᑦᓯ ᐊᖏᖏᓪᓗᓯ! ᑖᒃᑯᐊ ᐊᓯᐊᓂᒃ ᐅᖃᒃᑲᓐᓂᕋᓱᒃᑯᑦᓯ ᑕᒪᓐᓇ ᐱᐅᖏᑦᑐᐊᓗᖕᒥᑦ ᐱᕗᖅ.”

ᓘᑲᓯᐅᑉ ᐊᒡᓚᖏᑦ 11:51

ᐂᐱᓕᐅᑉ ᑐᖁᑕᐅᓂᖓᓂᑦ ᓴᑲᕅᐊᐅᑉ ᑐᖁᑕᐅᓂᖓ ᑎᑭᓪᓗᒍ, ᑖᓐᓇ ᑐᖁᑕᐅᓚᐅᕐᒪᑦ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ. ᐃᓛᒃ ᐅᖃᐅᑎᕙᑦᓯ, ᒫᓐᓇ ᐅᑯᐊ ᐃᓅᔪᑦ ᓱᒋᐊᕐᑕᐅᔪᒫᕐᐳᑦ ᑍᒃᑯᐊ ᑕᒪᕐᒥᑦᓯᐊᖅ ᓱᒋᐊᕐᑕᐅᑦᔪᑎᒋᓗᒋᑦ!

ᔪᐊᓇᓯᐅᑉ ᐊᒡᓚᖏᑦ 10:32

ᔩᓱᓯᐅᑉ ᐅᖃᐅᑎᕔᑦ, “ᐱᓂᐊᑦᓯᐊᕐᓂᕐᓂᒃ ᐊᒥᓱᓂᒃ ᐃᓕᑦᓯᓐᓄᑦ ᐱᓇᓱᐊᓚᐅᕐᐳᖓ ᐊᑖᑕᒥᑦ ᐱᔪᓂᒃ; ᐱᓂᐊᕐᓃᑦ ᑕᒪᒃᑯᐊ ᓇᓪᓕᐊᑦ ᐱᓪᓗᒋᑦ ᒥᓪᓗᕈᒪᕕᓯᓐᖔ?”

ᔪᐊᓇᓯᐅᑉ ᐊᒡᓚᖏᑦ 8:40

ᒫᓐᓇᓕ ᑐᖁᓐᓇᓱᐊᕐᐸᑦᓯᓐᖓ, ᓱᓕᔪᒥᒃ ᐅᖃᓪᓚᒃᑎᓪᓗᖓ ᒎᑎᒥᑦ ᑐᓴᓚᐅᕐᑕᓐᓂᒃ; ᐂᑉᕋᕼᐋᒻᓕ ᑍᒤᓕᐅᓚᐅᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 8:41

ᐊᑖᑕᑦᓯ ᐱᓂᐊᓚᐅᕐᑕᖏᓐᓂᒃ ᐱᓇᓱᐊᕐᐳᓯ.” ᑖᒃᑯᐊ ᐅᖃᐅᑎᕚᑦ, “ᐊᓯᓐᓂᐊᕐᓂᕐᒧᑦ ᕿᑐᕐᖓᕐᑖᖑᓯᒪᓐᖏᓚᒍᑦ; ᐊᑕᐅᓯᕐᒥᒃ ᐊᑖᑕᖃᕐᐳᒍᑦ ᒎᑎᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:52

ᓇᓚᐅᑦᑍᔪᑦ ᓇᓪᓕᐊᑦ ᓯᕗᓕᕕᓂᑦᓯᓐᓂᑦ ᐊᑭᕋᕐᑐᕐᑕᐅᓚᐅᓐᖏᓛᖅ? ᑐᖁᑕᐅᓚᐅᕐᐳᑦ ᑍᒃᑯᐊ ᓯᕗᓂᖓᓂ ᐅᖃᐅᓯᒃᓴᖅᑲᕐᑎᑕᐅᓚᐅᕐᑐᑦ ᑎᑭᑦᓱᒫᕐᑐᒥᒃ ᓇᓛᒎᕐᑐᒥᒃ ᒎᑎᐅᑉ ᐱᔨᖓᓂᒃ, ᑖᓐᓇ ᐱᔭᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:14

ᐅᒃᐱᕐᑑᖃᑎᕗᑦ, ᑍᒫᓪᓗᐊᖅ ᐱᓂᐊᕐᓂᖃᓚᐅᕋᑦᓯ ᐱᓂᐊᕐᓂᕆᔭᐅᓚᐅᕐᑐᑎᑐᑦ ᒎᑎᐅᑉ ᐃᓚᒌᒃᑐᖁᑎᖏᓐᓂ ᔫᑎᐊᒥ ᔩᓱᓯ ᙭ᔅᑑᓯᒦᑦᑐᓂ; ᐃᓕᑦᓯᑦᑕᐅᖅ ᑍᒫᓪᓗᐊᖅ ᐅᖁᒤᒃᓴᕐᑎᑕᐅᒐᑦᓯ ᐊᑭᕋᕐᑐᕐᑕᐅᓂᕐᒧᑦ ᐃᓅᖃᑎᑦᓯᓐᓄᑦ ᐅᖁᒤᒃᓴᕐᑎᑕᐅᓂᕆᓚᐅᕐᑕᖏᑎᑐᑦ ᔫᑎᐅᖃᑎᒥᖕᓂᑦ,

ᐄᑉᕈᐃᓄᑦ 11:4

ᐅᒃᐱᕐᓂᑯᑦ ᐂᐱᓕ ᒎᑎᒧᑦ ᑐᓂᕐᕈᓯᓚᐅᕐᐳᖅ ᑐᓂᕐᕈᓯᐅᑎᒃᓴᒥᒃ ᐱᐅᒋᔭᐅᓂᕐᓴᒥᒃ ᑬᓂᐅᑉ ᑐᓂᕐᕈᑎᖓᓂᑦ, ᐅᒃᐱᕐᓂᖓᓄᑦ ᐃᓗᐊᕐᑑᓂᕋᕐᑕᐅᕗᖅ, ᒎᑎᐅᓪᓗ ᓈᒻᒪᒋᓚᐅᕐᐹ ᐂᐱᓕᐅᑉ ᑐᓂᕐᕈᑎᖓ; ᐅᒃᐱᕋᒥᓗ ᓱᓕ ᐅᖃᓪᓚᒃᐳᖅ, ᑐᖁᖓᓕᕋᓗᐊᕐᓗᓂ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᐲᑦᑐᕉᓯ ᓯᕗᓪᓖᑦ 4:4

ᑍᒤᓕᐅᖃᑎᒋᕙᓚᐅᕐᑕᓯ ᑲᒪᓂᐊᕐᐳᑦ ᐱᓕᕆᐊᖏᓐᓂᒃ ᐱᓇᓱᐊᖃᑎᒋᔪᓐᓃᕋᑦᓯᐅᒃ ᐃᓅᓯᖃᕈᓐᓃᕋᑦᓯᓗ ᑐᑮᕈᑎᓯᒪᔪᑎᑐᑦ, ᑍᒤᒻᒪᑦ ᐅᖃᕐᓂᕐᓘᑎᖃᕋᓱᐊᓕᕐᐳᑦ ᐃᓕᑦᓯᓐᓂᒃ.

ᔪᐊᓇᓯ ᓯᕗᓪᓖᑦ 3:8

ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.

ᔫᑎᐅᑉ ᐊᒡᓚᖏᑦ 1:11

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᑖᒃᑯᐊ! ᑬᓂᐅᑉ ᐱᓂᐊᕐᓂᕆᓚᐅᕐᑕᖓᓂᒃ ᒪᓕᖕᒪᑕ, ᐸᓛᒥᐅᓪᓗ ᑕᒻᒪᕐᓂᕆᓚᐅᕐᑕᖏᑎᑐᑦ ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᐃᒻᒥᖕᓂᒃ ᐊᓐᓂᕆᔪᓐᓃᕐᓯᒪᕗᑦ, ᑰᕋᐅᓪᓗ ᐊᑭᓂᐊᕋᓱᖕᓂᖓᑐᑦ ᑖᑦᓱᑐᓇᖅ ᐊᓯᕈᕐᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:6

ᐊᕐᓇᕐᓗ ᑕᑯᕙᕋ ᐋᖓᔮᕐᑐᖅ ᐃᑦᔪᕐᓁᑦᑐᑦ ᐊᐅᖏᓐᓄᑦ ᔩᓱᓯᓗ ᐱᓪᓗᒍ ᑐᖁᑕᐅᓯᒪᔪᑦ ᐊᐅᖏᓐᓄᑦ. ᑖᓐᓇᓗ ᑕᑯᒐᒃᑯ ᐊᒃᓱᐊᓗᒃ ᑲᒪᓂᐊᕈᑎᒋᕙᕋ.